Thought: To Obey Is Better Then Sacrifice, Even If Obeying Seems Humanly Foolish
Serving For The 8th April, 2010
Sauma o Samuela ni kaya, O Jiova (Yahweh) e sega ni taleitaka na isoro kama kei na imadrali, me tautauvata kei na Nona vinakata vua e dua me talairawarawa i na nona vosa? Raica, na talairawarawa e vinaka vakaoti cake mai na isoro; kei na vakatudaliga mai na uro ni sipi tagane. 23 Na cakaisausau e tautauvata kei na talatalaidredre; na cakaisausau e dua na cala vakadomobula. Baleta ni o vakanadakuya na vosa i Jiova (Yahweh), o koya talega sa sega ni vinakati iko mo tui tale tiko.
24 ¶ Kaya sara o Saula vei Samuela, Au sa valavala ca; au sa voroka na ivakaro nei Jiova vata kei na nomu vosa, baleta au rerevaki ira na tamata au qai muria na nodra vosa. 25 Au kerea kina qo, vosota na noqu ivalavala ca, ka lesu vata kei au, meu rawa ni lai sokalou vei Jiova (Yahweh). 26 Kaya o Samuela vei Saula, Au na sega ni lesu i vale vata kei iko; baleta o iko o sa vakanadakuya na vosa i Jiova (Yahweh), ia o Jiova (Yahweh) talega sa sega ni vinakati iko mo tui tale tiko vei ira na Isireli. 27 Ni sa vuki o Samuela me sa vakarau lako, a qai taura o Saula na buini nona isulu, qai kadresu. 28 Kaya sara vua o Samuela, O Jiova (Yahweh) sa dresuka na matanitu o Isireli mai vei iko e na siga edai, ka sa solia vua e dua na wekamu, e vinaka cake mai vei iko.
Baleta na noqu vakasama e sega ni tautauvata kei na nomuni vakasama, na noqu ivakarau talega e sega ni tautauvata kei na nomuni ivakarau, e kaya o Jiova (Yahweh). 09 Ia me vaka na cecere cake na lomalagi mai vuravura, e vakakina na cere ni noqu ivakarau mai na nomuni ivakarau, kei na noqu vakasama mai na nomuni vakasama.
