Ni Vakanadakui O Yahuwe (Turning Away from YHWH)

Thought: There Is A Price To Pay When We Turn Away From YHWH

................... 

Serving Yom Shlishi, Shevat 25, 5773

MAI NA NEVI’IMI AKARONIMI (FROM THE NEVI’IM ACHARONIM)

Ni sa yaco mai na siga oya, na nona veikorolelevu kaukaua era a vakanadakuya na tani, e na gauna era sa toso mai kina na Yisira'yili, era na vaka na veivunikau kei na veikau lelevu era sa guilecavi tu; era sa na yaco me ra laladidi. 10 Baleta oni a vakanadakuya na Kalou (Mighty One) a vueti kemuni, ka sega ni bau nanuma na uluvatu ni nomuni kaukaua; oni qai tea na iteitei e na kena ivalavala era dau cakava o ira era dausokaloutaki matakau, ka tea na imusumusu ni vaini e na vukudra na kalou (elohim) vulagi.11 E dina ni oni na cakava me tubu sara e na siga ga oni tea kina, me sa se sara na nomuni itei e na matakalailai ni siga tarava, ia na were sa na yali vakadua e na siga e yaco mai kina na mate, na siga ni vutu e sega na kena iwali.12 Oilei, na domo ni qoqolou baleta na domobula mai vei ira na tamata e vuqa, era vavadugudugu me vaka na vadugu ni wasawasa kei na toso vaqunaquna ni veimatanitu e vuqa era toso tiko vakatotolo, era qai mamaue me vaka e coka tiko na wai levu kaukaua! 13 Io na veimatanitu era kudru me vaka na wasawasa vakaitamera, ia o koya e na qai vunauci ira, era na qai veidroyaki sara vakayawa; me ra vukataki me vaka na qanisila (chaff) e na cagi e liwa tiko mai na ulunivanua, se vaka na kuvu ni qele era cacaginagina tubu tiko ni vakarau yaco e dua na covulaca. 14 Ni se qai lutu tiko na yakavi, oni na raica na veika vakadomobula; ia ni se bera ni kida na mataka, era sa na tini kece tale. Oqo na kedra ivotavota o ira era a vakacacani keda, na nodra ilesilesi o ira era butakoci keda.

Yeshayahu (Aisea) 17:9-14

NA IVAQA NI BULA (FOOD FOR THE SOUL)

Baleta au rai toka mai na katubaleka ni noqu vale, meu vakararai wavoki tiko i tuba, mai na kena lawalawa, 7 E na gauna au raica kina e na kedra maliwa na cauravou mai keya, e na kedra maliwa o ira era sega ni vakasama vakataki ira, e dua na cauravou gone e se lailai sara vua na vakasama. 8 E takosova na gaunisala voleka e na tutu ni nona vale, 9 Na yakavi siga sa qai vuki me yakavi bogi, oti sa qai butobuto sara yani, vakacerebuto ka loaloa; 10 Sa qai toso volekati koya mai e dua na yalewa, vakaisulu tu vaka saqamua ka yalo babamatua.11 O koya e dau talatalaidredre, e dau veivakayarayarataki; na mataqali yalewa e sega ni rawa ni tu dei vakadua e vale na yavana; 12 O koya e na dau vakasasa voli ga e tautuba, e veigaunisala, e dau sikova na veisaqata ni gaunisala, qai wawa tu e na veitutu ni gaunisala. 13 E toboki koya, qai reguci koya qai kaya vua e na matana doudou,  14 E na siga oqo au sa cabora oti kina na isoro ni tiko veilomani, kau sa vakayacora na noqu bubului nikua. 15 O koya oya au lako mai kina meu mai tavaki iko, meu mai vaqarai iko, ia qo au sa kunei iko. 16 Au sa tevuka tu na e na noqu idavodavo, na lacadrau e cula mai na lineni matailalai duirokaroka ni Ijipita.  17 Au sa vakaboivinakataka tu na noqu loga e na dreganimuru, e na alovira kei na sinamoni. 18 Lako mai, laiva me daru mai veiyacovi tiko me yacova na mataka; laiva me daru mai marautaka na nodrau veiyacovi. 19 O watiqutagane e sega ni tiko qo e vale, o koya e se lako vakayawa  tu e na dua na ilakolako; 20 O koya a kauta e dua na taga ilavo levu, ka na dede sara e na qai lesu tale mai i vale, me yacova ni sa cila levu tu na vula. 21 E na ilevu ni nona vosa kamikamica e a rawai koya, e a rawai koya e na nona vosa ni veicavilaki. 22 A muri i koya sara ga me vaka e dua na okisi e kau tiko me lai moku mate, ka vaka e dua na lialia e kau tiko me lai vesu e na iqamu kau; 23 Se vaka e dua na manumanu vakatabana e vuka tiko vaqunaquna me lai coko e na dua na tudai, ka sega ni kilakasamataka sara ni sa na leqa na nona bula, me yacova ni sa cokai oti na yatena e na gasau ni dakaititi.

Mishlei (Vosa Vakaibalebale) 7:6-23

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Dawide. Kauta mai vei Yahuwe (YHWH) na veika e dodonu me nona, o kemuni oni dau sokalou; solia vei Yahuwe (YHWH) na veika e dodonu me nona e na vakarokoroko kei na qaqa; 2 Solia vei Yahuwe (YHWH) na vakarokoroko e veiraurau kei na yacana; sokalou vei Yahuwe (YHWH) e na kena ivalavala tabu. 3 Na domo i Yahuwe (YHWH) e voqa tiko mai dela ni wai; na Kalou (Mighty One) ni vakarokoroko, e vadugu mai me vaka na kurukuru; o Yahuwe (YHWH) e toka e na dela ni wai e coka tiko; 4 Na domo i Yahuwe (YHWH) e kaukaua, na domo i Yahuwe (YHWH) e sinai vutuvutu e na lagilagi vakaturaga. 5 Na domo i Yahuwe (YHWH) e musuka na sitari: io, o Yahuwe (YHWH) e sea na sitari ni Li'vanon; 6 Ka cakava vei ira mai Li'vanon me ra ladelade vaka na luve ni bulumakau; kei Siriyoni, me vaka na luve ni okisi (ox) kila. 7 Na domo i Yahuwe (YHWH) e remoremo tiko [vaka] na yame ni bukawaqa. 8 Na domo i Yahuwe (YHWH) e kurea na veivanualiwa; O Yahuwe (YHWH) e kurea na vanua dravuisiga mai Kadesha. 9 Na domo i Yahuwe (YHWH) e vakavuna me ra vakasucu na dia me ra qai e cavuivuvutaka na veikauloa me laladidi tu, e na gauna vata oya e na loma ni nona nona valenisoro, o ira kece era kailavaka tiko, Na Dokai! 10 O Yahuwe (YHWH) e dabe vakatui toka e na dela ni waluvu; io, o Yahuwe (YHWH) e dabe vakatui toka me tui ka sega ni mudu. 11 Me solia mada ga o Yahuwe (YHWH) na kaukaua vei ira na nona tamata! Me vakalougatataki ira mada ga na nona tamata e na sautu (shalom).

Tehillim (Same) 29:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 142 in 5773 (Total 1878)	February 5, 2013
Reading	Hebrew Date
B’resheet ( Na iVakatekivu) 33-34	M #11: Sh’vat 25, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.