Mate O Yerovo’ama (Yerov’am Dies)

Thought: Always Learn From The Known Mistakes That Others Make

................... 

Serving For Yom HaShishi, Cheshvan 3, 5773

MAI NA NEVI’IMI RISHONIMI (FROM THE NEVI’IM RESHONIM)

O koya e mate vei ira na Yarovo'ama e loma ni korolevu, na koli era na kania na yagona, ia o koya e mate mai loma ni vanua o ira na manumanu vakatabana ni macawalala, era na kania; baleta o Yahuwe (YHWH) sa lewa. 12 Cavutu sara, lako i nomu vale; e na gauna e butuka kina na korolevu na yavamu, na gone sa na mate. 13 O Yisira'yili taucoko e na lolositaki koya era na qai buluti koya, baleta o koya duadua mai vei Yarovo'ama, e na yaco i na ibulubulu, baleta o koya e kune vua eso na vinaka e na mata i  Yahuwe (YHWH), na nodra Kalou (Mighty One) na Yisira'yili, e na loma ni vale i Yarovo'ama. 14 Kena ikuri, o Yahuwe (YHWH) e na vakatubura e na vukuna o koya vakataki koya e dua na tui e Yisira'yili, o koya e na qai  muduka laivi na vale i Yarovo'ama e na siga oya. 15 Me tekivu mai na gauna oya, o Yahuwe (YHWH) e na mokuti Yisira'yili me vaka e dua na gasau e kurea na cagi, o koya e na qai cavuivuvutaki Yisira'yili mai na vanua vinaka oqo, e a solia o koya vei ira na tamadra, e na qai ceburaki ira e na veivanua era no sivia na uciwai, baleta era a bulia e na vukudra o ira vakataki ira na kalou matakau (idols) me ra vakacudrui Yahuwe (YHWH) kina. 16 O koya e na soli i Yisira'yili laivi, baleta na ivalavala ca i Yarovo'ama, baleta o koya a valavala ca, qai vakavuna me valavala ca o Yisira'yili. 17 Sa qai cavutu na wati i Yarovo'ama, qai biubiu, me lako mai i Tirisaa; e na gauna vata ga e butuka yani kina na ilago ni katuba, (e na gauna tale ga oya e a) mate kina na gone lailai; 18 O Yisira'yili taucoko, a lolositaki koya, oti era qai buluti koya, me vaka na vosa i Yahuwe (YHWH), e a cavuta o koya, e na gusu ni nona dauniveiqaravi o Akaiyaa na parofita mai Shailo. 19 Na vo ni cakacaka i Yarovo'ama, me baleta na ivalu a valuta, kei na nona veiliutaki vakatui, raica e na nodra ivola ni veigauna na tui Yisira'yili. 20 Na dede ni gauna a veiliutaki tu kina vakatui e Yisira'yili o Yarovo'ama e ruasagavulukarua na yabaki; oti sa qai mocelutu o Yarovo'ama vata kei ira na nona qase; o Neidava na luvenatagane a qai sosomitaki koya me veiliutaki vakatui.

M’lakhim Alef (1 Tui) 14:11-20

NA IVAQA NI BULA (FOOD FOR THE SOUL)

Me vaka na cagi mai na vuaicake e dau kauta mai na uca, e vaka kina na mata cudrucudru kei na yame daukakase. 24 ¶ E vinaka cake mo vakaitikotiko e na dua na soqula e na tutu ni delavuvu, mai na tiko kei na dua na yalewa vakawati dau vakatubu veiba se e na vale era tatawasewase (tu) na lewena.

Mishlei (Vosa Vakaibalebale) 25:23-24

LOMANI YAHUWE NA NOMU KALOU (LOVE YHWH YOUR MIGHTY ONE

E dua na vucu ni veivakatavulici nei ‘Eitana kei Ezeraki. 2(1) Au na seretaka na yalololoma i Yahuwe (YHWH) me sega ni mudu: e na gusuqu au na vakarogoya na nomuni yalodina i na veitabatamata kece sara. 3(2) Au sa kaya oti, Na vuravura e na tarai cake e na loloma; na nomuni yalololoma oni na vakataudeitaka mai na vei lomalagi. 4(3) Au sa cakava e dua na veiyalayalayati kei ira na noqu digitaki, Au sa bubului vei Dawide na noqu dauniveiqaravi, 5(4) Na luvemu au na vakataudeitaka, me sega ni mudu rawa na nomu kawa, ka tara cake na nomu idabedabe vakatui e na veitabatamata kece sara.

6(5) ¶ Na vei lomalagi e na vakalagilagia na nomuni cakacaka mana, i Yahuwe (YHWH), na nomuni yalodina talega e na nodra isoqosoqo na digitaki. 7(6) O cei mai lomalagi e rawa ni tautauvata kei Yahuwe (YHWH)?  O cei vei ira na mala’akimi e rawa ni vakatauvatani kei Yahuwe (YHWH)? 8(7) Na Kalou (Mighty One) e rerevaki vakaoti e na nodra isoqosoqo na digitaki; e vakaitamera ka dokai vei ira kece era tiko vakavolivoliti koya. 9(8) O Yahuwe (YHWH) na Kalou ni lewevuqa (Mighty One Tzva’ot), o cei e kaukaua vakataki kemuni? Na nomuni yalodina era tu vakavolivoliti kemuni.10(9) Oni lewa na ivukivuki ni wasawasa; oni vakamaravutaka na kena veibiau. 11(10) Oni vakayalomalumutaki ira na qaciqacia me vakataki ira era sa vakamatei; oni a cemuri ira na kemuni meca e na gauniligamuni kaukaua.12(11) Na veilomalagi era nomuni, na vuravura talega e nomuni; ia na vuravura kei na ka kecega era tiko kina, oni a tauyavutaka.13(12) Na vualiku kei na ceva, oni a bulia, o Tavo kei Heremoni e na mamarau e na vukuni yacamuni. 14(13) E nomuni na gauniliga (arm) e nomuni na lewa (might); na ligamuni (hands) e kaukaua, na ligamuni imatau e na vakacerecerei

Tehellim (Same) 89:1(0)-14(13)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 292 o/o 1752	October 19, 2012
Reading	Hebrew Date
Mishlei (Vosa Vakaibalebale) 23-24	M #8: Cheshvan 3, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.