Thought: Given
Three-Way Choices To Trust, Who Would You Trust?
………………………
Serving For Yom
HaShishi, Nisan 4, 5773
MAI NA
NEVI’IMI AKARONIMI (FROM THE NEVI’IM ACHARONIM)
A
qai yaco e na ikatinikava ni yabaki ni nona veiliutaki o Hizikiyahu na tui, ni a lako cake mai o
Sanikeriva na tui Ashuru me mai kabaa na veikoro vakabai kece i Ya'huda me qai
rawai ira. 2 Mai Lakishi, na tui Ashuru
e a talai Ravi-Shakee vei Hizikiyahu mai
Yerushalayimi vata kei na dua na mataivalu levu. Era a lai wawa no mai
na salisali [ni wai] ni Drano e Cake, e toka e na gaunisala i na nodra vanua na
Dausava iSulu. 3 Oti qai lako mai vua o Yilaiyakimi na luvetagane i Hilikiyahu,
o koya e dau veiqaravi liu tiko e valelevu, o Shevana na vunivola levu, o
Yo'aka na luvetagane i Asafa na Minisita ni veika me baleta na Veivanua Tani,
eratou a qai lako me ratou lai tavaki koya. 4 Vosa vei iratou o Ravi-Shakee:
Tukuna vei Hizikiyahu: Oqo na ka e kaya
mai na tui levu, na tui Ashuru; Na cava sara mada e ivakadei tiko vei kemuni? 5
Au taroga mada, Na vosa wale beka e rawa ni solia vei kemuni na iwalewale kei
na kaukaua moni rawata kina e dua na ivalu? E tava toka vei cei na nomuni
inuinui, e rawa kina qo vei kemuni moni vakabebe tiko vei au vaka oqo? 6 Raica!
Na vakanuinui vei Ijipita e tautauvata [ni oni] vakayagataka tiko e dua na tolonikau
kasei me nomuni ititoko, baleta kevaka o ravita, e na coba ka suaka na
ligamuni. E vakatu oqori o Fero na tui Ijipita, vei ira era nanuma me ra
vakanuinui yani vua. 7 Ia kevaka oni kaya vei au, Keimami vakanuinui vei Yahuwe
(YHWH) na nomuni Kalou (Mighty One); ia e sega beka ni o koya oqori a mai kauta
laivi o Hizikiyahu, na nona veitikina cecere kei nona icabocabo ni isoro, qai
kaya vei ira na Ya'huda kei ira mai Yerushalayimi, O kemuni moni mai vakacabo
isoro ga e na mata ni cabocabo ni soro oqo? 8 Sa vinaka, vakaduria e dua na
veidinadinati vata kei na noqu turaga na tui Ashuru: au na qai solia vei kemuni
e ruanaudolu na ose, kevaka oni rawa ni vagalalataka na dauvodoose me ra na
vodoka; 9 E rawa vakacava vei kemuni moni qai vakanadakuya e dua mada ga na
nona turaganivalu lailai na noqu turaga, moni qai lai vakararavi sara vei
Ijipita me solia mai vei kemuni na qiqi ni ivalu kei ira me ra na vodoka? 10
Oni nanuma beka niu lako tiko mai na vanua oqo, meu mai vakarusa ke a sega na
nona veivakadonui o Yahuwe (YHWH)? O Yahuwe (YHWH) sara ga e kaya mai vei au,
Lako cake mo lai kabaa na vanua oqo, mo vakarusa.
NA IVAQA NI BULA (FOOD FOR THE SOUL)
O
koya e beca na wekana vakaitikotiko e lailai vua na yalomatua; ia na tamata vakasama matau e na tiko
vagagalu voli ga.13 E dua na itukutuku ni kakase ni kau yavoki e na vakatakila
na veika vuni; ia na tamata nuitaki e na taqomaka na veika e nuitaki vua.
LOMANI YAHUWE NA NOMU KALOU (LOVE YHWH YOUR MIGHTY ONE
E
na vukuna na
iliuliu. E na ilagalaga ni “Kakua ni Vakarusa”. Maivei Dawide, Na nona
vakabauta vuni (Mikhtam). 2(1) Kemuni [na dauvakavulewa], na nomuni galu
tiko e vakaraitaka vakaidina tiko beka na lewadodnu? 3(2) [E sega!] E
vuniyalomuni oni navuca tiko na caka ca, na ligamuni e dau vakayacora na
ivalavala kaukaua e na loma ni vanua. 4(3) Mai na katonigone, o ira na ca era sa tu [tani mai na yalomatua]; era dau lasulasu era se lako sese [me ra muria]
na sala cala mai na gauna sara ga era se qai sucu mai kina. 5(4) Na nodra gaga
e tautauvata kei na weligaga ni gata
(serpent); era vaka na gata (adder) e sogota na daligana; 6(5) Me kakua kina ni
rogoca na domona o koya e veivakamanoataki, veitalia sara ga na totoka ni
[ivakatagi] e vakatagitaka tiko.
7(6)
¶ Kemuni na Kalou (Mighty One), voroka na batidra e loma ni gusudra! Vaqera na
bati sika ni laione, i Yahuwe (YHWH). 8(7) Laiva me ra yali vakasauri, me vaka
na wai e drodro laivi. Me qai vakamucui na nodra gasau ni dakaititi, e na gauna
era loveca kina na nodra dakaititi me ra vanataka. 9(8) Me vaka mada ga na
bosucu e dau waicala ni toso tiko, se na gone sucudole e sega ni raica na
matanisiga. 10(9) Ni se bera ni vakila na kuro ni vaqasaqa na katakata mai
na kauvakavotona era kama tiko, me qai
uvuci ira laiva mada ga, na kena era se drokadroka kei na kena era sa caudre
tu. 11(10) Na yalododonu e na marau ni raica ni caka na veisausaumi, era na
savuya na yavadra e na nodra dra na daucaka ca; 12(11) O ira na tamata era na
qai kaya, Io o ira na yalododonu era na vakaicovi; [sa na qai matata] ni oti
kece oqo, ni dua tiko na Kalou (Mighty One), o koya e na vakatulewataki vuravura.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 174 in 5773 (Total 1903)
|
March 15, 2013
|
|
Reading
|
Hebrew Date
|
|
M #1: Nisan 4, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
