Thought: Clamour And Frenzy Hinder Rather Then Foster Spiritual Growth
.......................................................................
Serving For
A qai yaco e na loma ni vanadrau tinikawalu na yabaki mai na gauna era a biuta mai kina na vanua o Ijipita, e na ikava ni yabaki ni veiliutaki vakatui nei Solomoni e Isireli, e na vula o Siva, oya na ikarua ni vula, ni a tekivuna kina o koya na vale i Jiova (Yahweh). 02 Na vale a tara o Solomoni me nei Jiova (Yahweh), a onosagavulu na kiupiti na kena balavu, rusagavulu na kiupiti na kena raba ka tolusagavulu na kiupiti na kena cere. 03 Na varada e na mata ni katubalevu ni valenisoro e ruasagavulu na kiupiti na kena balavu, me tautauvata kei na raba ni vale; ka tini na kiupiti na kena raba. 04 A qai cakava o koya me qiqo toka ga na katuba leka ni vale. 05 E na lalaga ni vale e a tara wavokita o koya na loqi, ruarua na tikina tabu, vata kei na loqi tabu dredre: qai tara wavoki talega na loqi e veiyasana: 06 Na loqi lolovira duadua e lima na kiupiti na kena raba, na kena e loma e ono na kiupiti na kena raba; na kena ikatolu e vitu na kiupiti na kena raba: ia e na lalaga e taudaku ni vale a qai tara wavoki toka e dua na iyatu na itavatava vatu qiqo me na taura vata tu na lalaga taucoko.
Qori qai kaya kina o Jiova (Yahweh) o Koya na Yalosavasava duabulu e Isireli: Ni oni sa veivutuni moni vakacegu ga, oni na qai vakabulai; na nomuni tu maloku tu moni vakanuinui ga, qori na nomuni kaukaua; ia oni qai sega ni via vakarorogo.
