Na Leqa Mai Ijipita. (The Problems In Egypt)

Thought: The Plagues Hit Others But Kept YHWH’s People Safe

...................... 

Serving For Yom Shlishi, Sh’vat 7, 5772

MAI NA TORAA (FROM THE TORAH)

Oti qai kaya tale o Yahuwe (YHWH) vei Moshe, Lako vei Fero, lai kaya vua, O Yahuwe (YHWH) na nodra Kalou (Mighty One) na Hiberiu e kaya, Laivi ira na noqu tamata me ra lako, me rawa ni ra mai qaravi au. 2 Baleta kevaka o bese ni laivi ira me ra lako (me yacova mai qo o se vesuki ira matua tiko), 3 Qarauna, o Yahuwe (YHWH) e na samuti ira na nomu manumanu era tu oqo e na veivanua talasiga, na ose, na asa, na kameli, na okisi, kei na sipi; e na yaco e dua na leqa (plague) waromisa. 4 O Yahuwe (YHWH) e na vakaduiduitaka na nodra manumanu na Isira'yili kei na nodra manumanu na kai Ijipita; me kakua kina ni dua na manumanu e taukena na luve i Isira'yili me mate, me kakua sara ga ni duabulu. 5 O Yahuwe (YHWH) a qai lokuca na gauna, e na nona kaya, Nimataka o Yahuwe (YHWH) sa na cakava kina na ka oqo e loma ni vanua. 6 O Yahuwe (YHWH) a qai cakava na ka oqo e na siga tarava, na nodra manumanu na kai Ijipita era a mate; ia e sega ni duabulu na nodra manumanu na luve i  Isira'yili e a mate. 7 A talatala o Fero, qori a qai kila kina o koya ni sega sara ga ni dua na nodra manumanu na luve i Isira'yili a mate. Na vuniyalo i Fero a qai vakaukauataki, qai sega tale kina ni laivi ira na tamata me ra lako.

8 ¶ Kaya o Yahuwe (YHWH) vei Moshe kei Aharoni, Taura e rua na iluku sisinai na dravusa mai na lovo ni veivakawaicalataki,  qai laivi Moshe me ceburaka vaka i loma ni macawa ni rai tu o Fero. 9 Qori era na tau vaka kuvu matailalai e na loma ni vanua taucoko o Ijipita, ia ke tau vua e dua na tamata se manumanu e loma i Ijipita, e na vuvuce cake vaka bo, qai vuki sara me vidikoso mosimosi. 10 Rau a mani lukuta mai na dravusa mai na lovo ni veivakawaicalataki, rau  qai mai duri tu e na mata i Fero; oti qai  ceburaka o Moshe vaka i loma ni macawa ni rai tu o Fero; qo era qai vuki  me ra bo, ka vuki sara me vidikoso mosimosi vei na tamata kei na manumanu. 11 O ira na daucakamana era sa sega ni tucake rawa e mata i Moshe, baleta sa tauvi ira tu na bo; baleta na bo era a tete yani e na kedra maliwa na dau cakamana ka vaka kina e loma i Ijipita taucoko. 12 O Yahuwe (YHWH) a qai baci vakaukauataka na vuniyalo i Fero, a qai sega kina ni vakarorogo vei rau; me vaka a sa tukuna oti vei Moshe o Yahuwe (YHWH).

Na iLakolako (Sh’mot) 9:1-12

NA IVAQA NI BULA (FOOD FOR THE SOUL)

E dua na tamata lialia se tamata ivakarau ca, e na dau veibeci ka sega na nona itovo.13 O koya e na dau vakamatadua, e na dau sikinala e na yavana ka soli ivakatakilakila e na iqaqalo ni ligana; 14 O koya e dau lawaki ca sara ga mai vuniyalona, ka dau vakatubu ca e veigauna; o koya e dau vakatubu veisei.15 E kena ibalebale oya ni na tubu mai vakasauri na nona leqa; e na vakasauri talega na nona na vorolaki qai sega na kena iwali.

Vosa Vakaibalebale (Mishlei) 6:12-15

LOMANI YAHUWE NA NOMU KALOU (LOVE YHWH YOUR MIGHTY ONE)

Na tamata vakacava beka e rerevaki Yahuwe (YHWH)? Vua e na vakatavulica vua o koya na gaunisala e digitaka o koya. 13 Na nona bula (soul) e na vakaitikotiko e na loloma, o ira na luvena e na kedra ivotavota me ra taukeni vuravura.14 O Yahuwe (YHWH) e dau tu ga e na nona vakasama, o ira era dau sokalou vua, ka na vakaraitaka vei ira na nona veiyalayalati

15 ¶ Na yaloka ni mataqu e vakanamata tikoga vei Yahuwe (YHWH); baleta o koya e na sereka na yavaqu mai na tudai lawalawa. 16 Vuki mai vei au ka lomani au mai; baleta niu gonetagane duadua ka vakaloloma. 17 Na lomaleqaleqa ni vuniyaloqu sa vakalevutaki tiko; Oilei moni kauta laivi mai na noqu leqaleqa 18 Dikeva na noqu rarawa kei na noqu yaluma; vosota na noqu ivalavala ca taucoko. 19 Vakadeuci ira na kequ meca, baleta era le levu; era cati au e na veisevaki tawadodonu. 20 Ni maroroya na noqu bula (soul), vueti au; baleta au nuitaki kemuni. 21 O ira na tawacala kei ira na dodonu era vakamuri i au baleta niu dau vakanuinui vei kemuni. 22 O Yahuwe (YHWH) sa vakabulai i Isira’yili mai vei ira kece era dau vakararawataki koya.

Same (Tehellim) 25:12-22

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
031 Blog No. 1491	January 31, 2012.
Reading	Hebrew Date
Na iLakolako (Sh’mot) 25-26	Sh’vat 7, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bureitaka vei ira o Fero (Pharoah Refused To Let Go)

Thought: YHWH Orchestrated The Exodus As He Wished

 ......................

Serving For Yom Sheini, Sh’vat 6, 5772

MAI NA TORAA (FROM THE TORAH)

Kaya o Yahuwe (YHWH) vei Moshe, Raica, Au sa qisi i iko oti mo kalou (mighty one) vei Fero, ia o Aharoni na tuakamu e na nomu parofita.  2 Mo na tukuna na veika kece au vakarota tiko vei iko, ia o Aharoni na tuakamu  me na qai vosa vei Fero, me sereki ira na luve i Isira'yili me ra biuta na nona vanua. 3 Ia o au, au na vakaqataka na vuniyalo i Fero, oti au na qai vakalevutaka na noqu ivakatakilakila kei na noqu cakacaka mana e loma i Ijipita. 4 O Fero e na sega ni vakarorogo vei kemudrau, meu rawa kina ni totogitaki Ijipita, meu qai kauti ira tani mai, na noqu matasotia kei ira na noqu tamata na luve i Isira'yili, mai na vanua vaka Ijipita e na veivakatulewataki vakaitamera. 5 O ira na kai Ijipita era na qai kila ni o au o Yahuwe (YHWH), niu sa dodoka yani na ligaqu meu saqati Ijipita, au qai kauti ira tani mai na luve i Isira'yili mai na kedra maliwa. 6 O Moshe vata kei Aharoni, rau a qai vakayacora na veika a vakarota o Yahuwe (YHWH); qori rau a vakayacora kece. 7 O Moshe a sa yabaki walusagavulu ia o Aharoni a sa yabaki walusagavulu ka tolu e na gauna rau a lai vosa kina vei Fero.

8 ¶ Vosa o Yahuwe vei rau o Moshe kei Aharoni ni kaya, 9 Kevaka e mani kaya vei kemudrau o Fero, Drau vakatakila mai e dua na ivakatakilakila; o iko mo qai kaya vei  Aharoni, Taura na nomu ititoko, ka viritaka e na mata i Fero, e na qai vuki me dua na gata. 10 Rau a mani lako vei Fero o Moshe kei Aharoni, rau qai cakava me vaka a  vakarota vei rau o Yahuwe (YHWH); a viritaka na nona ititoko e na mata i Fero, o Aharoni, kei na matadra na nona tamata, qai vuki me dua na gata.11 A qai kacivi ira na tamata vuku kei ira era dau cakaisausau o Fero, era qai cakava na ka vata oya e na nodra cakacaka mana.12 Era dui viritaka, na tamata yadua, na nona ititoko, era qai vuki kece me ra gata;  ia na ititoko i Aharoni a qai tiloma ira vakadua na nodra ititoko. 13 Ia na vuniyalo i Fero a qai vakaukauataki, oti qai sega kina ni via laivi ira me ra lako, me vaka a vakarota oti o Yahuwe(YHWH).

Na Lako Yani (Sh’mot) 7:1-13

NA IVAQA NI BULA (FOOD FOR THE SOUL)

Vakamurimuria na qasikaloaloa, vakasamataka na nona ivalavala, mo rawata na vuku; 7 E dina ga ni sega na nona gauna ni tatamusuki ka sega talega ni dua e vakasalataki koya, 8 Ia e vakarautaka na kena madrai e na vula i katakata, ka kumuna na kena kakana e na vula i matua. 9 E na vakaevei na dede ni nomu moce tiko, o iko o dau vucesa? E na gauna cava o na qai matacake kina mai na nomu moce? 10 Ia na moce vakalekaleka se na vakawelewele vakalekaleka se na roqoti ni liga e na saresare; 11 E keri, na dravudravua sa na toso mai vei iko kei na lomaleqaleqa sa na rawati iko; cakava ga mo tamata dau rawaka;

Vosa Vakaibalebale (Mishlei) 6:6-11

LOMANI YAHUWE NA NOMU KALOU (LOVE YHWH YOUR MIGHTY ONE)

Maivei Davide. Kivei kemuni, Yahuwe (YHWH), au laveta cake yani na noqu bula (soul)  2 Noqu Kalou (Mighty One) au nuitaki kemuni; laiva meu kakua ni madua, kakua talega ni vakatara na kequ meca me rawai au. 3 Io, laiva me kakua ni dua e dau vakanuinui vei kemuni, me madua; laivi ira ga era vakasisila me ra madualaka na nodra qaciqacia. 4 Vakaraitaka vei au na Nomuni itovo i Yahuwe (YHWH), vakatavulica vei au na nomuni gaunisala; 5 Liutaki au e na nomuni dina ka  vakatavulici au; baleta o Kemuni oni noqu Kalou (Mighty One) ka noqu iVakabula;  vei kemuni au wawa tiko e na siga taucoko. 6 Nanuma i Yahuwe (YHWH), na malumu ni nomuni dau veivosoti kei na nomuni dau yaloyalovinaka; baleta era a se tu sara mai na ivakatekivu kei vuravura. 7 Kakua ni nanuma na noqu lialia mai na noqu gauna ni itabagone, ia e na vakaitamera ga ni nomuni yalololoma malumu kei na yalovinaka, nanumi au e na vuku ga ni nomuni vinaka i Yahuwe (YHWH);

8 ¶ E vinaka ka dau dodonu o Yahuwe (YHWH); qori e na vakasalataki ira kina era dau valavala ca e na sala me ra muria. 9 E na tuberi ira na yalomalumu e na nodra lewa, ka na vakatavulica vua na dravudravua na sala me muria.10 Na vei sala kece nei Yahuwe (YHWH) na loloma kei na dina vei ira era bula muria na nona veiyalayalati kei na ivakadinadina. 11 E na vuku ni yacamuni, i Yahuwe (YHWH), vosota na noqu caka ca, baleta sa rui vakaitamera.

Same (Tehellim) 25:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
030 Blog No. 1490	January 30, 2012.
Reading	Hebrew Date
Na iLakolako (Sh’mot) 22-24	Sh’vat 6, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sereki Mai Na Veivakabobulataki (Release From Slavery)

Thought: YHWH Keeps His Promises Whenever He Promises To Anyone.

.......................... 

Serving For Yom Rishon Sh’vat 5, 5772

MAI NA TORAA (FROM THE TORAH)

Qori qai kaya kina o Yahuwe (YHWH) vei Moshe, Oqo, o sa na qai raica na ka au na cakava  vei Fero; baleta e na liga (hand) kaukaua ga o koya e na qai laivi ira me ra lako, kei na gauniliga (arm) qaqa e na qai cemuri ira kina mai na nona vanua. 2 Na Kalou (Mighty One) a qai vosa vei Moshe, qai kaya vua, O au o Yahuwe (YHWH); 3 O koya e a rairai vei Avarahama, vei Yi'sake vata kei Ya'akove e na yaca, Kalou Kaukauwa (Yl Shaddai);  ia na yacaqu o Yahuwe (YHWH) au se sega ni vakatakila vei iratou. 4 Au a vakataudeitaka talega na noqu veidinadinati vata kei iratou, niu na solia vei iratou na vanua i Kena'ani, na vanua ni nodratou tu yasa, ni ratou a mai vakaitikotiko kina. 5 Au sa rogoca talega na nodra vutugu na luve i Isira'yili, o ira era sa vesu tu oqo vei ira na kai Ijipita; au qai nanuma tale na noqu veidinadinati. 6 O koya oqo mo kaya kina vei ira na luve i Isira'yili, O au o Yahuwe (YHWH) na nomuni Kalou (Mighty One), O au, au na kauti kemuni laivi mai na nodra veivakabobulataki na kai Ijipita, Au na vueti kemuni e na dua na liga kaukaua ka vaka kina e na dua na gauniliga qaqa kei na veivatulewataki vakaitamera. 7 Au na tauri kemuni vei au moni dua na matatamata, au na qai nomuni Kalou (Mighty One); oni na qai kila ni o au,  o Yahuwe (YHWH) na nomuni Kalou (Mighty One), o koya e a kauti kemuni laivi mai na ruku ni veivakabobulataki mai vei ira na kai Ijipita. 8 Au na qai kauti kemuni i na vanua, au a bubuluitaka niu na solia vei Avarahama, Yi'sake vata kei Ya'akove; au na solia vei kemuni moni taukena vakaivotavota; O au o Yahuwe (YHWH). 9 O Moshe a qai lai vakasavuya oqo vei ira na luve i Isira'yili; ia era qai sega ni via rogoci koya, baleta na ilevu ni nodra bula rarawa, baleta talega na nodra tu vakabobula.

Na iLakolako (Sh’mot) 6:1-9

NA IVAQA NI BULA (FOOD FOR THE SOUL)

I Luvequ tagane kevaka o sa yaco mo ivakarawa ni nona veiyalayalati e dua na nomu itau se kevaka o sa vauci iko tu e na vuku ni dua na veiyalayalati vua e dua na kaitani. 2 Qori o sa coriti iko kina vakataki iko e na vosa ni gusumu, o sa vesuki iko vakataki iko e na vosa ni tebenigusumu. 3 Cakava qo e na gauna qo, luvequ tagane, Sereki iko vakataki iko, baleta e na vuku ni nomu itau, o sa lutu i ligadra na kemu meca; lako sara, lai vakauqeta na nomu itau, baleta o sa ivakarawa tu ni nona veiyalayalati, me walia na nona veiyalayalati; 4 Kakua ni solia me moce na matamu, se me sosovu na bekabeka ni matamu: 5 Sereki iko vakataki iko me vaka na qasela (gazelle) mai na kena tudai, se na manumanu vakatabana dauvuka mai ligana na daubiri dai.

Vosa Vakaibalebale (Mishlei) 6:1-5

LOMANI YAHUWE NA NOMU KALOU (LOVE YHWH YOUR MIGHTY ONE)

E vola o Davide.  E dua na Same. O vuravura taucoko e nei Yahuwe (YHWH) na vuravura kei ira kece era vakaitikotiko kina. 2 Baleta o koya e a vakotora na kena yavu e na loma ni wasaliwa, qai vakataudeitaka e na wai drodro. 3 O cei e na cabeta cake na ulunivanua nei Yahuwe (YHWH)? O cei e na lai tu e na nona tikina tabu? 4 O koya e savasava na ligana ka savasava vakaoti na vuniyalona; o koya e sebera ni bau bubului lasu e  na nona bula se taura vakalawaki ca e dua na Veiyalayalati 5 O koya oqori e na ciqoma na veivakalougatataki mai vei Yahuwe (YHWH) kei na yalododonu mai vei Yahuwe (YHWH) na noda ivakabula. 6 Qo o ira mai na itabatamata era vaqara na matamuni, ka tusanaka na iserau ni matamuni, kemuni na Kalou (Mighty One) i Ya’akove.

7 ¶ Laveta cake na ulumuni, o kemuni na matamata; moni talave cake, i mata ni katuba tawamudu; me rawa ni curu yani na tui dokai. 8 O cei beka na tui dokai oqo? O Yahuwe (YHWH), kaukaua ka qaqa, o Yahuwe (YHWH) e vakaitamera e na ivalu. 9 Laveta cake na ulumuni, o kemuni na matamata ni koro; ni talave cake i katuba tawamudu, me curu mai na tui dokai.10 O cei beka na Tui dokai? O Yahuwe ni lewe vuqa (YHWH Tzva’ot); o koya na Tui dokai tawamudu.

Same (Tehellim) 24:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
029 Blog No. 1489	January 29, 2012.
Reading	Hebrew Date
Na iLakolako (Sh’mot) 19-21	Sh’vat 5, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Via Dro O Moshe (Moshe Wanted To Sidestep)

Thought: Yahweh Created Everything Including The Blind, The Dumb And The Lame!

 ...........................

Serving For Shabbat Sh’vat 4, 5772

MAI NA TORAA (FROM THE TORAH)

Kaya tale o Moshe vei Yahuwe (YHWH), Au kerei kemuni noqu Kalou (Mighty One), o au, au sega ni rawata na vosa; mai liu sara, ka vaka talega kina mai na gauna oni sa vosa oti kina vua na nomuni dauniveqaravi; o au, au dau tata kau dau berabera e na vosa. 11 Kaya vua o Yahuwe (YHWH), O cei a bulia na gusu ni tamata? O cei e buli i ira na galu kei na didivara se na matarai kei na mataboko? E sega beka ni o au, o Yahuwe (YHWH). 12 O koya oqo, mo lako kina, baleta au na tiko vata kei na gusumu, kau na vakavulici iko e na veika mo kaya. 13 Vosa tale vua, o Moshe ni kaya, Ni yalovinaka sara i Yahuwe (YHWH), tala, au kerekere, tala e dua tale oni digitaka. 14 O Yahuwe (YHWH) sa tekivu me tubu na nona cudruvi Moshe, qai kaya, Raica, e sega beka ni tuakamu o Aharoni na Li'vi'imi? Au kila ni o koya e dau vosavosa vinaka; vakaraica tiko, o koya e na lako mai me mai tavaki iko, ia ni sa raici iko, e na tubu na nona marautaki iko e vuniyalona. 15 O iko mo na vosa vua, mo biuta na veika au tukuna vei iko e gusuna; o au, au na tiko vata kei na gusumu, ka vakakina e gusuna o koya, au na  vakavulica vei kemudrau na veika mo drau cakava. 16 O koya e na nomu matanivanua vei ira na tamata, e na vukumu, o koya e na dua na dau vakadewa vosa, ia vua, o iko o na vaka e dua na Kalou (Mighty One). 17 O iko mo na kauta tiko na ititoko qo, mo na dau vakayacora kina na vei ivakatakilakila.

18 ¶ Oti sa qai lesu tale o Moshe, me lako vei Yitiro na vugona, oti qai kaya vua, Laivi au meu lesu tale vei ira na wekaqu era tiko mai Ijipita, meu lai raica se ra se bula tiko. Kaya o Yitiro vei Moshe, Lako e na vakacegu. 19 Kaya o Yahuwe (YHWH) vei Moshe mai Midiyani, Lako, lesu i Ijipita; baleta o ira kece era a vaqara tiko na nomu bula era sa mate oti 20 O Moshe a qai vakavodoki watina kei rau na luvena e na dua na asa, sa qai biubiu e na nona ilakolako lesu i  Ijipita; ia a kauta tiko na ititoko ni Kalou (Might One) e ligana. 21 Kaya o Yahuwe (YHWH) vei Moshe; E na gauna o sa lesu tale kina i Ijipita, raica mo kitaka na cakacaka mana kecekece e na mata i Fero, me vaka au a cakava e na ligamu; ia o au ga au na vakaukauataka na vuniyalona, e na qai sega kina ni sereki ira na tamata, o koya, me ra lako.

Na Lako Yani (Sh’mot) 4:10-21

NA IVAQA NI BULA (FOOD FOR THE SOUL)

Na tamata ca e na coko ga e na nona ivalavala tawakilikili, ka na vesu o koya e na ivau ni nona ivalavala ca: 23 E na mate dina ga o koya, ke sega ni vakavulici; e na vakaitamera ni nona lialia, o koya e na lako sese dina ga.

Vosa Vakaibalebale (Mishlei) 5:22-23

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na Same I Dawide. O Yahuwe (YHWH) na noqu ivakatawa; e na sega na ka me na sega vei au. 2 E cakava o koya meu cegu e na veivanua veico drokadroka; e tuberi au e na bati ni wai maravu. 3 O koya e vakavoutaka na noqu bula. E tuberi au e na sala ni yalododonu e na vukuni yacana. 4 Io, e dina, keu taubale kosova na buca ni yaloyalo ni mate, Au na sega ni nuiqawaqaqawataka na ca, baleta o kemuni oni tiko vata kei au; na nomuni moto kei na nomuni itoko era na vakacegui au. 5 Oni vakarautaka e dua na teveli e mataqu, e na kedra maliwa na kequ meca; oni lumuta na uluqu e na ilumu,  na noqu bilo sa vuabale. 6 Sa dina ga ni na muri i au na nomuni yalovinaka kei na nomuni yalololoma e veisiga kece ni noqu bula;  au sa na lai vakaitikotiko voli ga e na vale nei Yahuwe (YHWH) me tawamudu.

Same (Tehellim) 23:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
028 Blog No. 1488	January 28, 2012.
Reading	Hebrew Date
Na iLakolako (Sh’mot) 16-18	Sh’vat 4, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sota Kei Yahuwe O Moshe (Moshe Met YHWH)

Thought: YHWH Had A Salvation Plan For The Aggrieved Children Of Isra’yl

 .......................

Serving For Yom Shishi Sh’vat 3, 5772

MAI NA TORAA (FROM THE TORAH)

Kaya o Moshe vua na Kalou, O cei mada o au, meu lako vei Fero, oti meu qai lai kauti ira tani mai na luve i Isira'yili mai Ijipita?  12 Kaya na Kalou (Mighty One) vua, Au na tiko vata kei iko; ia qo na kena i vakatakIlakila vei iko, ni o au, au talai iko tiko; ni o sa kauti ira tani mai na tamata mai Ijipita, moni na mai sokalou vua na Kalou (Mighty One) e na ulunivanua oqo.13 Kaya o Moshe vua na Kalou, Raica, niu sa lako vei ira na luve i  Isira'yili, meu kaya vei ira, Na nodra Kalou (Mighty One) na nomuni qase e talai i au tiko mai vei kemuni; ia era na qai taroga lesu mai vei au, O  cei na yacana? Na cava beka meu na sauma vei ira? 14 Kaya na Kalou (Mighty One) vei Moshe, O au o Eye Ashe Eye (Ehyeh Asher Ehyeh), oti qai kaya, Oqo na veika mo na kaya vei ira na luve i Isira’yili, O Eye (Ehyer) e a talai au mai vei kemuni. 15 Oti qai kaya tale na Kalou (Mighty One) vei Moshe, Oqo na veika mo na kaya talega vei ira na luve i Isireli; O Yahuwe (YHWH) na Kalou (Mighty One) i Avarahama, na Kalou (Mighty One) i Yi’sake kei na Kalou (Mighty One) i Ya’akove e a talai au mai vei kemuni; oqo na yacaqu me tawamudu, oqo talega me kequ ivakananumi tiko vei ira na vei tabatamata kece sara.

16 ¶ Lako, lai vakasoqoni ira vata na matua ni Isira'yili, mo kaya vei ira, O Yahuwe (YHWH) na Kalou (Mighty One) ni tamamuni, na Kalou (Mighty One) i Avarahama, i Yi'sake, vata kei Ya'akove, a rairai mai vei au qai kaya, Au a nanumi kemuni vakaidina, kau sa raica na veika e caka tiko vei kemuni mai Ijipita. 17 Au qai kaya kina, O au, au na kauti kemuni tani mai na nodra veivakararawataki na kai Ijipita, i na nodra vanua na Kena'ani, na Hiti, na Emori, na Pi'rizi, na Hivi, kei na Yu'vusii, i na dua na vanua e dave kina na sucu kei na hani. 18 O ira, era na rogoca na domomu; o iko vata kei ira na matua ni Isira'yili, moni na qai lako vua na tui Ijipita, moni lai kaya vua, O Yahuwe (YHWH) na nodra Kalou (Mighty One) na Hiberiu sa rairai mai vei keimami; ia qo o kemuni moni vakadonuya vei keimami me keimami lako, e na dua na ilakolako me tolu na siga, i loma ni vanua, me keimami lai vakacaboisoro kina vei Yahuwe (YHWH) na neimami Kalou (Mighty One).19 Au sa kila oti tu ni na sega ni laivi kemuni moni lako e na ilakolako na tui Ijipita, vakavo ga ke vakasaurarataki vua. 20 Au na dodoka yani na ligaqu, meu totogitaki ira na kai Ijipita, e na veika veivakidacalataki kece au na cakava e na kedra maliwa; ni oti oya o Fero sa na qai laiva moni lako.

Na Lako Yani (Sh’mot) 4:11-20

NA IVAQA NI BULA (FOOD FOR THE SOUL)

Gunu wai ga mai na nomu toevu o iko vakataki iko, na wai drodro mai na nomu ivurevure ni wai. 16 Laiva na nomu ivurevure ni wai me vuabale ka drodro i na nomuni gaunisala, laiva me veidrodroyaki  yani vakayawa sara. 17 Laiva me nomu taudua ga, laiva me kakua ni drau vota vata kei na vulagi. 18 Laiva na nomu ivurevure me kalougata; vakamareqeta na watimu mai na gauna ni nomu cauravou. 19 Laivi koya me vaka e dua na dia-damu yalewa domoni se vaka na dia-rou yalewa talei ni veiulunivanua; vulica vinaka na nona ivukivuki, dau gadreva na nona dodomo. 20 Luvequtagane, kakua ni lai domona e dua na yalewa tawamacala se mokota na yagona e dua na yalewa saqamua. 21 Baleta na ivakarau ni tagane era sa matalia tu e na mata i Yahuwe (YHWH), na nona gaunisala kece e laurai votu tu e matana.

Vosa Vakaibalebale (Mishlei) 5:15-21

LOMANI YAHUWE NA NOMU KALOU (LOVE YHWH YOUR MIGHTY ONE)

Ia, i Yahuwe (YHWH) moni kakua ni yawaki au, noqu Kalou (Mighty One); noqu Kalou, moni mai bula vata kei au moni vukei au: 21(20) Vueta na noqu bula mai na seleiwau, na noqu duabau, mai ligadra na vakadomobula. 22(21) Vueti au mai na gusu ni laione: Vueta na noqu yalomalumu mai vei ira na qaciqacia.

23(22) ¶ Meu rawa ni vakatusa na yacamuni vei ira na wekaqu: e na kedra maliwa na isoqosoqo, au na vakavinavinaka vei kemuni. 24(23) O kemuni oni vakarokorokotaki Yahuwe (YHWH) vakavinavinaka vua; o kemuni kece na kawa i Ya’akove, dokai koya; rerevaki koya, o kemuni kece oni kawa mai vei i Isire’yili. 25(24) Baleta o koya e sega ni beca se cata na rarawa ni tamata dravudravua; ka sega talega ni vukica tani na matana mai vua; ia e na rogoca mai na nona tagi. 26(25) Au na vakamolimoli ga vei kemuni e na isoqosoqo levu; au na vakayacora na noqu bubului e matadra era dau sokalou vua. 27(26) Na dravudravua era na kana ka mamau; era na vaqoroqoroi Yahuwe (YHWH) o ira era vaqarai koya; na vuniyalodra e na bula me tawamudu. 28(27) Na veiyasa i vuravura era na nanuma era qai vuki vei Yahuwe (YHWH); o ira kece na veikawatamata e na vei matanitu era na sokalou e matana. 29(28) Baleta na veimatanitu e nei Yahuwe (YHWH); O koya na daunivakavulewa e na veiveimatanitu; 30(29) Baleta o ira kece era walokai e vuravura era na kana ka sokalou e mata i Yahuwe (YHWH); o ira kece era sa bulu tu, era na tekiduru e matana; na noqu bula (soul) e bula tiko e na vukuna. 31(30) E dua na gone e na qaravi koya; o ira era kawa mai vua era na tusanaki Yahuwe (YHWH). 32(31) Era na lako mai era qai mai vakatusa na nona yalododonu, vei ira e dua na kawatamata, era se bera tiko ni sucu mai, ka kacivaka vei ira na veika a cakava o Yahuwe (YHWH).

Same (Tehellim) 22:20(19)-32(31)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
027 Blog No. 1487	January 27, 2012.
Reading	Hebrew Date
Na iLakolako (Sh’mot) 13-15	Sh’vat 3, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veisau Na Vakasama Mai Ijipita (Change Of Mind In Egypt)

Thought: Babies Boys Survived Disaster, Because Midwives Fear YHWH

 ....................

Serving For Yom Chamishi Sh’vat 2, 5772

MAI NA TORAA (FROM THE TORAH)

Oti a qai tubu mai e dua na tui vou e Ijipita, e sega sara ga ni kila e dua na ka me baleti Yosefa. 9 E kaya o koya vei ira na nona tamata, O ira na tamata na luve i Isira'yili, era sa le levu cake vei keda, ka ra kaukaua cake talega vei keda. 10 Mai, laiva meda cakacaka vakavuku sara vata kei ira, ni se bera ni ra tubu levu tale; baleta kevaka eda mani lako i na ivalu, o ira era rawa ni to mai kei ira na keda meca, me ra valuti keda tale, era qai cemuri keda tani mai na vanua. 11 Qori era a qai lesia kina me ra mai lewai ira, o ira era dau wasecakacakaka dau veivakasararataki, me ra colata na  itavi bibi. Era a tara kina me nei Fero e rua na korolevu vakavale ni iyau, oya mai Pitomi vata kei Ra'amisese. 12 Na ilevu ga ni nodra vakasaurarataki ira, na ilevu talega ni kena tubu na kedra iwiliwili, kei na nodra kaukaua cake tikoga. O ira na kai Ijipita era a qai rarawa ga kina vakalevu baleti ira na luve i Isira'yili. 13 Qori sa qai tubu cake tale kina na nodra vakasaurarataki ira na Isira'yili O ira na kai Ijipita. 14 Era a cakava me dre dre na nodra bula e na cakacaka kaukaua, e na  cakacakataki ni mota, na vatubuli kei na veimataqali cakacaka e loma ni vanua; na itavi kece e vakacolati vei ira me ra veiqaravi kina a caka me bibi vakaoti.

15 ¶ Na tui Ijipita a qai vosa vei ira na nodra dau ni vakasucugone na Hiberiu: a yacana e dua vei ira o Pu'a, ka yacana e dua tale vei ira o Shifira. 16 Kaya vei rau o koya, Ni drau sa cakava na nomudrau itavi vaka dau ni vakasucugone vei ira na Hiberiu, drau dikeva ni ra sa tekiduru me ra vakasucu; ke gonetagane, ia mo drau vakamatea;  ia ke goneyalewa, ia laivi koya me bula.  17 Ia o ira na dau ni vakasucugone era rerevaki Yahuwe (YHWH) era qai sega ni muria na nona ivakaro vei ira na tui Ijipita; era vakalaivi ira ga na gonetagene me ra bula.

Na iLakolako (Sh’mot) 1:8-17

NA IVAQA NI BULA (FOOD FOR THE SOUL)

Rogoci au sara, o kemuni ragone, ka kakua ni biubiu mai na vosa ni gusuqu. 8 Kauta laivi na nomu sala me yawakalia mai vua, kakua ni lako volekata na katuba ni nona vale; 9 De lakolako o na qai solia na nomu kaukaua vei ira na tani, kei na nomu veiyabaki vei ira era itovo kaukaua; 10 De lakolako era qai vakaiyautaki o ira na vulagi e na nomu iyau kei na nomu cakacaka sa na tiko e nodra vale na vulagi; 11 O na qai veivutunitaka e na gauna o sa qase kina, ni sa tilomi na lewe ni yagomu, 12 O qai kaya, Na cava li au a cata kina na veivakatavulici, ka sevaka na veivakadodonutaki na vuniyaloqu; 13 Na cava beka ga au a sega kina ni talairawarawa i na domo ni noqu daunivuli meu vakala na daliqu vei ira era dau veituberi vei au? 14 Au a voleka sara ni vakaitavi e na veimataqali ca kece e na kedra maliwa na lewe ni ivavakoso kei na isoqosoqo.

Vosa Vakaibalebale (Mishlei) 5:7-14

LOMANI YAHUWE NA NOMU KALOU (LOVE YHWH YOUR MIGHTY ONE)

ME baleta na iliuliu. E na ilagalaga ni “Cadra Na Matanisiga” Na Same i Dawide, 2(1) Noqu kaukaua (Yl), noqu kaukaua (Yl) na cava oni laivi au kina meu bula tiko? Oni qai vakaberaberataka na noqu vueti, ni oni tu yawa mai vei au, ka tu yawa mai na noqu vosa ni vutugu? 3(2) Noqu Kalou (Mighty One) au kacivi kemuni e na loma ni siga, ia oni sega ni vosa mai vei au; e na loma ni bogi, ia oni sega ni mai tiko vata kei au. 4(3) Baleta o kemuni oni yalosavasava, ia o Isire’yili e vakaitikotiko e na ruku ni nomuni veivakacaucautaki. 5(4) O ira na tama i keimami era a vakararavi vei kemuni; era vakararavi yani, oni qai vakabulai ira. 6(5) Era tagici kemuni, era qai vueti: era vakararavi vei kemuni, era qai sega ni veilecayaki. 7(6) Ia o au, au dua na ulo, au sega ni tamata; au dau vakasisilataki mai vei ira na tamata ka dau sevaki vei ira na kawatamata. 8(7) O ira kece era sa raici au oti, era dau dredrevaki au ka vakalialiai au, era vanavana mai tebenigusudra ka kurea na uludra ni ra kaya; 9(8) O koya a dau vakararavi vei Yahuwe (YHWH); laivi Yahuwe (YHWH) me vueti koya; laivi koya me vueti koya ke taleitaki mai vua. 10(9) Baleta o kemuni oni noqu iraviravi, mai na gauna sara au se qai curu tani kina mai na katonigone, ka noqu inuinui mai na gauna au se dau bula tu kina e na sucu i tinaqu: 11(10) Au a biu e na nomuni veiqaravi mai na katonigone, o kemuni oni noqu Kalou (Mighty One) mai na kete i tinaqu.

12(11) ¶ Ni kakua ni tu yawa mai vei au; ia na leqa sa voleka, baleta e na sega ni dua me veivuke. 13(12) E levu na bulumakau tagane era tu wavokiti au; na bulumakau tagane kaukaua ni Bashani era mai vakasagai au. 14(13) Na gusudra e vakasequruquru bati mai vei au, me vaka e dua na laione dauveidresulaki ka daukudru. 15(14) Au sa sovaraki yani me vaka na wai, na noqu sui taucoko e na lutu laivi mai na kedra dui isema; na vuniyaloqu sa waicala me vaka na kadrala, na noqu iwawa era sa waicala e ketequ. 16(15) Na noqu kaukaua sa mamaca me vaka e dua na ivorovoro ni kuro; na yamequ sa kabita na gadroqu; oni sa kolotaki au i na  kuvunisoso ni mate. 17(16) O ira na koli era sa tu vakavolivoliti au; e dua na ilala ni tamata lomaca era sa viribaiti au me vaka na laione,  na ligaqu kei na yavaqu.

18(17) Na suiqu era sa momosi ni ra sa vutu; era qai rai mai mera wanonovi au. 19(18) Era veivotayaka na noqu isulu e kedra maliwa, ka ra vakawirimadigitaka na noqu kote tiyara.

Same (Tehellim)22:1(0)-19(18)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
026 Blog No. 1486	January 26, 2012.
Reading	Hebrew Date
Na iLakolako (Sh’mot) 11-12	Sh’vat 2, 5772
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ya’akove Na Qase Yalodina (Ya’akove A Faithful Patriarch)

Thought: To Understand Today, Understand Where We Came From Originally

........................ 

Serving For Yom Ri’vi’i - Sh’vat 1, 5772

MAI NA TORAA (FROM THE TORAH)

Sa qai lutu o Yosefa e na mata i tamana, qai tagicaki koya ka regulaki koya. 2 Oti qai vakaroti ira na nona tamata era vuniwai o Yosefa, me ra vakavucaberataki (embalm) tamana; era qai vakavucaberataki Isira'yili, na vuniwai. 3 E a vakayacori tiko vua oqori me  vasagavulu na siga, me vaka na kena ivakarau vei ira era dau veivakavucaberataki; ia era a lolositaki koya tiko na kai Ijipita, me vitusagavulu na siga. 4 Ni sa sivi na veisiga ni nona somate, sa qai vosa o Yosefa vei ira na lewe ni matavuvale nei Fero, ka kaya, Kevaka au sa bau kunea na yalololoma e matamudou, ia dou bau vosa mada vei Fero, mo dou kaya, 5 O tamaqu a cakava meu bubuluitaka vua ni kaya, Raica, au sa voleka ni mate; e na noqu ibulubulu au a volia o au vakataki au meu na bulu kina mai na vanua nei Kena'ani, e keya mo na lai buluti au kina. O koya oya au kerea kina moni laivi au meu lai buluti tamaqu, oti au qai lesu tale mai. 6 Kaya o Fero, Lako sara mo lai  buluti tamamu me vaka a cakava o koya mo vakabubuluitaka.

7 ¶ Sa mani lako cake o Yosefa me lai buluti tamana; era qai lako vata kei koya o ira kece na dauniveiqaravi nei Fero, o ira na matua ni nona matavuvale kei ira na veituraga bale ni vanua o Ijipita, 8 O ira kece na lewe ni matavuvale nei Yosefa, na tacina vata kei ira na lewe ni matavuvale nei tamana. O ira ga na nodra lalai kei na nodra qelenisipi kei na nodra qelenibulumakau, era a vo tu mai e na vanua o Qouseni. 9 Era a lako vata cake kei koya na kareti kei ira era dau vodo ose; qo sa bau dua na ilakolako vakaitamera. 10 Ni ra sa yacova na buturara ni samusamu nei Atadi, qo e  toka sivita na Yaradani; e keya e tubu tale na tagitagi ni luluvu vakaitamera ka mosimosi; sa qai lewa o Yosefa me ra somate tiko baleti tamana me vitu tale na siga. 11 Ia ni ra sa raica o ira na lewenivanua, oya, o ira na Kena'ani, na somate e na buturara ni samusamu nei Atadi, era qai kaya, Qo sa dua dina na somate vakaciriloloma vei ira na kai Ijipita; qori a qai vakatokai kina me yacana o Avela-Mitisirayimi; qori e toka e na i tai kadua ni Yaradani.  12 Eratou qai vakayacora vei Ya'akove o ratou na luvenatagane, me vaka ga a vakarota vei iratou o koya:  13 Oya ni ratou a colati koya i na vanua i Kena'ani, eratou qai lai buluti koya e na qaravatu tabarua, e tiko e na vanua volekati Mamire, e a volia o Avarahama mai vei Hevaroni na Hiti.  14 Sa qai lesu i Ijipita o Yosefa, o koya, kei ira na tacina, kei ira kece era a lako vata cake kei koya me ra lai buluti tamana, ni yaco oti na veibulu vei tamana.

Na iVakatekivu (B’resheet) 50:1-14

NA IVAQA NI BULA (FOOD FOR THE SOUL)

LUVEQUTAGANE, qarava na noqu vuku ka vakala na daligamu i na noqu yalomatua: 2 Me rawa ni o bulamuria na ivakasala, ka me toka ga e tebenigusumu na kilaka. 3 Baleta na tenenigusuna na yalewa tawakilai e titiri tiko mai kina na hani kei na nona vosa era dravidravia cake mai na ilumu. 4 Ia na itinitini ni nona bula e gaga me vaka na duva, ka gagata me vaka na seleiwau batirua. 5 Na yavana e vakavuna na tagane me ra siro sobu i na mate; na nona ikalawa e kauti koya sobu tiko i She’ola. 6 E sega ni butuku tu na vanua ni kabula, na nona sala e veivakacalai  ka sega mada ga ni kilai.

Vosa Vakaibalebale (Mishlei) 5:1-6

LOMANI YAHUWE NA NOMU KALOU (LOVE YHWH YOUR MIGHTY ONE)

ME baleta na iliuliu. E dua na Same i Dawide. 2(1) Na tui e na marau vakalevu e na nomuni kaukaua, i Yahuwe (YHWH) e na nomuni veivakabulai e na ka  vakaitamera na nona marautaka! 3(2) Oni sa solia vua na gagadre ni yalona, ka sega ni bureitaka na kerekere mai  tebenigusuna. Selaa 4(3) Baleta oni a se vakalougatataki koya sara mai liu, e na veivakalougatataki ni veika vivinaka; oni qai daramaka na isala ni tui vakamareqeti, e uluna. 5(4) E kerea mai vei kemuni na bula, oni solia vua, na ibalavu mada ga ni siga me tawamudu ka sega ni mudu. 6(5) Na nona dokai e vakaitamera e na nomuni veivueti; na dokai kei na lagilagi oni sa vakatikora vua.7(6) Baleta oni sa vakalougatataki koya vakalevu sara me tawamudu; oni qai  vakamarautaki koya e na reki e  matamuni.

8(7) ¶ Baleta na tui e vakararavi vei Yahuwe (YHWH); e na yalololoma ni Kalou (Mighty One) e na sega kina na yavalati o koya. 9(8) Na ligamuni e na rawai ira kece kina na kemuni meca, na ligamuni imatau e na rawai ira era cati kemuni. 10(9) Oni na cakavi ira me ra vaka na lovo katakata waromisa e na gauna ni nomuni cudru; O Yahuwe (YHWH) e na tilomi ira e na nona leva katakata, na yamenibuka waqa e na tilomi ira vakadua. 11(10) Na vuadra oni vakawabokotaka mai vuravura, na luvedra mai na kedra maliwa na luve ni tamata. 12(11) Baleta era navuca me ra veretaki kemuni, era qai vakavurea e dua na inaki dukadukali, ia era a sega ga ni vakayacora rawa. 13(12) Baleta oni a biuta e dua na we ni mavoa vei ira; oni  vakavakarau moni saqati ira e matadra. 14(13) Moni vakacerecere i Yahuwe (YHWH) e na nomuni kaukaua o kemuni vakataki kemuni; keimami na qai seretaka ka vakavinavinakataka na nomuni kaukaua.

Same (Tehellim) 21:1(0)-14(13)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
025 Blog No. 1485	January 25, 2012.
Reading	Hebrew Date
Na iLakolako (Sh’mot) 9-10	Sh’vat 1, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.