Thought: YHWH Did
Not Allow People To Rest, From External & Internal Enemies
.........................
Serving For Yom
HaShishi, [Sixth Month] Elul 3, 5773
MAI NA NEVI’IMI
AKARONIMI (FROM THE NEVI’IM ACHRONIM)
E
na ikavitu ni vula, o Yisima'yili na luvetagane i Ne'taniyahu na
luvetagane i Yilaishama, e dua e kawa
vakatui ka dua vei ira na nodra iliuliu na vakailesilesi vua na tui, a qai lako
mai, vata kei na tini na tagane, vei
Qa'dalayahu e Mizipaa. E na gauna era kana vata tiko kina e keya mai
Mizipaa, 2 O Yisima'yili kei na tini na tagane era qai tu, ka buturaki
Qa'dalayahu na luvetagane i Akikami na luvetagane i Shafani ka mokuti koya e
na iseleiwau, era qai labati koya kina e
a lesi mai vua na tui Bavela me kovana e na vanua [o Ye'huda]. 3 O Yisima'yili
a labati ira kece talega na Ye'hudimi era tiko vata kei Qa'dalayahu mai
Mizipaa, vata kei ira kece talega na sotia ni Kasidimi era kune mai keya 4 E na
siga tarava, ni sebera ni kilai na nona sa labati o Qa'dalayahu, 5 E
walusagavulu na tagane mai She'kehema,
mai Shailo kei Shomorono, era a yaco
mai, ka sa toro laivi kece tu mai na kumudra, e kakabasubasu tu na nodra isulu,
ka mamavoavoa tu na yagodra; era a kauta voli yani vata kei ira na isoro
laukana kei na [dra ni] fereqisede me ra lai cabora e na vale i Yahuwe (YHWH).
6 O Yisima'yili na luvetagane i Ne'taniyahu a biuti Mizipaa mai me lai tavaki ira, qai tagi lagalaga voli yani e
gaunisala; ia ni sota ga kei ira, a qai kaya vei ira, Lako mai vei Qa'dalayahu
na luvetagane i Akikami. 7 Ia e na gauna
ga era curu yani kina i loma ni korolevu, o Yisima'yili na luvetagane i
Ne'taniyahu kei ira na tamata era nona ilala, era qai vakamatei ira, oti era
qai kolotaki ira tu i loma ni dua na ikeli ni wai. 8 Ia e le tini vei ira era kaya vei
Yisima'yili, Kakua ni vakamatei keitou; baleta keitou maroroya tu e na neitou
lololo mai na were, na witi, na bali na waiwai kei na hani. A mani vakabulai
iratou ka sega ni vakamatei iratou vata
kei ira na nodratou icaba. 9 Ia na qara, a vakayagataka o Yisima'yili me kolo kina na yagodra mate na
tagane e a labati ira vata kei Qa’dalayahu; qori na qara vata ga a kelia o Yasa
na tui Ye'huda e na nona a domobulataki Ba'asha na tui Yisira'yili; na ikeli ni wai sara ga qori, a vakasinaita o
Yisima'yili na luvetagane i
Ne'taniyahu, vei ira era sa vakamatei.
NA IVAQA NI BULA (FOOD FOR THE SOUL)
Na
vuniyalo ni tui e na liga i Yahuwe (YHWH), e tautauvata kei na dua na wai
drodro; e na vagolea o koya, e na vanua ga e gadreva me vagolea kina. 2 ¶ Na
nona ivalavala kece e dua tamata, e donu vinaka e na nona rai ga o koya
vakataki koya; ia o Yahuwe (YHWH) e vakadeuca na vuniyalo.
LOMANI YAHUWE NA NOMU KALOU (LOVE YHWH YOUR MIGHTY ONE
Maivei Dawide. O Yahuwe (YHWH) na
noqu rarama kei na noqu ivakabula; o cei tale meu na rerevaka? O Yahuwe (YHWH)
na kaukaua ni noqu bula; vei cei tale meu na rerevaka? 2 Ni ra a lako mai na daucaka ca me ra mai
tiloma na leweniyagoqu, o ira na kequ meca kei ira era dau cati au, era na
tacaqe kece ka bale. 3 Kevaka e dua na mataivalu era mai tuvaivalutaki au,
kevaka e kacabote mai na ivalu me saqati au, ekeri mada ga au na vakabauta
tikoga. 4 E dua na ka au sa kerea oti vei Yahuwe (YHWH); na ka ga oqo au na
vaqara; meu na lai bula e na vale i Yahuwe (YHWH) e na veisiga kece ni noqu
bula, meu raica na totoka i Yahuwe (YHWH), meu qai sikova na nona valenisoro. 5
Baleta o koya e na vunitaki au e na ruku ni nona veitaqomaki e na siga ni
leqaleqa, e na vunitaki au e na ilobi ni nona valelaca, o koya e na vakatikori
au e na dela ni uluvatu. 6 Oti e na qai laveti cake na uluqu e deladra na kequ
meca era tu wavolivoliti au; au na qai cabora e loma ni nona valelaca na isoro
vata kei na kaikaila ni mamarau; au na lagasere, [meu lagata] na sere ni
vakamuduo vei Yahuwe (YHWH).
7
¶ Rogoca, i Yahuwe (YHWH), na domoqu niu tagitagi; vakaraitaka vei au ni o
tokoni au, ka tama mai vei au. 8 Na vuniyaloqu e kaya me baleti kemuni, Vaqara
na mataqu. Na matamuni i Yahuwe (YHWH) au na vaqara. 9 Kakua ni vunitaka na
matamuni mai vei au, kakua ni cemuria laivi na nomuni dauniveiqaravi e na leva.
O kemuni oni dau vukei au; kakua ni vakanadakui au; kakua ni biuti au kemuni na
Kalou (Mighty One) na noqu ivakabula.10 E dina ga ni rau sa biuti au o tamaqu
vata kei tinaqu, o Yahuwe (YHWH) e na susugi au. 11 Vakatavulica vei au na
nomuni sala i Yahuwe (YHWH), tuberi au e na sala dodonu, baleti ira na kequ
meca, 12 Kakua ni soli i au laivi meu vakaveitaliataki e ligadra na kequ meca;
baleta era sa mata cake me ra saqati au o ira na ivakadinadina lasulasu vata
kei ira era nakita tiko mai e na nodra icegu na ivalavala kaukaua.13 Ia kevaka
au a sega ni vakabauta, niu na raica na yalovinaka i Yahuwe (YHWH) e na nodra
vanua na bula, 14 Biuta na nomu inuinui vei Yahuwe (YHWH), kaukaua tiko; qai
laiva na vuniyalomu me yaloqaqa! Io,
biuta na nomu inuinui vei Yahuwe (YHWH).
Read The Tanakh in a Year (Wilika Na iVola Tabu E Na Dua na Yabaki).
|
|
Siga (Day)/Blog
|
Tikinisiga (Date)
|
Blog No.321 in 5773 (Total 2048)
|
August 9, 2013
|
Reading
|
Hebrew Date
|
M #6: Elul 3, 5773
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
