Na iLoloma Vakayalo.(Spiritual Gifts)

Serving For The 30th November, 2008

Ia e na veika me baleta na loloma vakayalo, kemuni na veitacini, au via vakalesuya na nomuni vakasama moni nanuma, 02 ni oni a dau tawalotu tu e na dua na gauna, oni qai vakayarayarataki kece vakadua vei ira na matakau galu. 03 Ia qo, au vinakata moni kila vinaka tiko, ni na sega ni rawa vua e dua e vosa tiko e na Yalo ni Kalou (Elohim) me kacivi Jisu (Yahshua) ni kalouca; ka sega ni dua e rawa ni kaya ni Turaga (Sovereign) o Jisu, vakavo e na kaukaua ni Yalo Tabu. 04 E levu toka na veimataqali loloma, ia e dua ga na Yalo. 05 Era duidui na veimataqali veiqaravi, ia e dua tikoga na Turaga (Sovereign). 06 E levu na veimataqali kaukaua ia na Kalou (Elohim) e duabau e cakacakataka tiko na veika kece e loma ni tamata. 07 Ia na basika ni Yalo Tabu, e soli vei ira na tamata kece, me yaga vei ira kece na kena vinaka; 08 baleta vua e dua e solia na Yalo Tabu na vosa ni vuku, ia vua e dua tale, na Yalo Tabu vata ga e solia vua na vosa ni kilaka, 09 vua e dua tale na vakabauta, mai vua na Yalo Tabu vata ga, vua e dua tale na iloloma ni veivakabulai e na Yalo Tabu vata ga; 10 vua e dua tale, na cakacakataki ni mana, vua e dua tale na parofisai, vua e dua tale na kena kilai na veimataqali yalo, vua e dua tale na kilai ni dui vosavosa, vua e dua tale na kena vakadewataki na dui vosavosa. 11 E dua ga na Yalo e cakacakataka na veika kece oqo me veiwaseyaka tiko vei ira yadudua, me vaka ni Nona lewa.
12 ¶ Me vaka ni dua ga na yago, ia e levu na veitikina, na veitiki ni yago e duabau oya, e dina ga ni ra le levu, era dua tikoga na yago, oqori e tautauvata kei na Mesaia. 13 Baleta e na dua ga na Yalo, eda a papitaisotaki kece kina i na dua na yago se da Jiu, se da Arameani, se da bobula, se da tugalala, eda a caka kece meda gunu mai na dua na Yalo.
1 Korinica 12:1-13.




Also Read If Possible (Wilika Talega Ke Rawa)
Exodus 31:1-6; 35:30-36:2; Romans12:1-8; 1 Corinthians 13-14;

Ephesians 4:1-16; Hebrew 2:1-4; 1 Peter 4:7-11.

E Duavata E Na Vuku Ni Mesaia Na Jiu Kei Na Kaitani. (The Jews and the Gentiles unite in the Messiah)

Serving For The 29th November, 2008

Qo na vuna o au, o Paula, au sa kaivesu tu kina nei Jisu (Yahshua) na Mesaia, e vukumuni na kai Veimatanitu tani. 02 Oni sa bau rogoca oti beka na ilesilesi ni veiqaravi ni Nona loloma na Kalou (Elohim) a soli vei au e na vukumuni? 03 Na ka tawamacala oqo a vakatakilai vei au, me vaka au a vola vakalekaleka yani vei kemuni, 04 me rawa ni oni wilika moni qai kila na veika au sa kila toka me baleta na veika tawamacala ni Mesaia, 05 na veika a sega ni bau vakarai­taki vei ira na luve ni tamata e na veitaba­gauna tale eso me vaka sa vakaraitaki tiko qo vei ira na apositolo kei na parofita tabu, mai vua na Yalo: 06 ni o ira na kai Veimatanitu tani, era na vakaivotavota vakaitaukei e na Yagona, kei na yalayala a soli mai e na vuku ni Mesaia, e na itukutuku vinaka. 07 E na itukutuku vinaka oya, au sa kena italai, e isolisoli ni loloma ni Kalou (Elohim) e a soli vei au, e na cakacaka yaco ni Nona kaukaua. 08 Vei au, o au, au lolovira duadua vei ira na digitaki, na iloloma qo sa mai soli vei au, meu vunautaka e na kedra maliwa na kai Veimatanitu tani, na itukutuku me baleta na Nona iyau kunekune dredre na Mesaia, 09 meu rawa ni vakatakila vei ira na tamata kece me ra raica se cava na veiqaravi ni veika vuni, e a dau vunitaki tu Vua na Kalou (Elohim), o Koya e a bulia na veika kecekece; 10 ka kena inaki, me vakaraitaki cake mai na isoqosoqo, na vuku cecekia ni Kalou (Elohim) vei ira na agilosi kei ira na ira na kaukaua e na itikotiko eso vakalomalagi, 11 oya na vuku e a vakarautaka o Koya e na veitabagauna sa sivi, qai mai cakava vei Jisu (Yahshua) na Mesaia na Noda Turaga (Master); 12 o Koya e kune Vua na noda galala ni veitaratara e na tudei ni nona vakabauta.
Efeso 3:2-12.





Also Read If Possible (Wilika Talega Ke Rawa)
Isaiah 49:1-6; Act 15; Galatian 3:25-29; Ephesian 2:11-22.

Laiva na Veika Kece Vakaicegu mera Vakavinavinakataka na Kalou (Let everything with breath Praise Yah)

Serving for the 28th November, 2008

Aleluya. Vakavinavinakataka na TURAGA (El) e na loma ni nona valetabu: vakavinavinakataki Koya e na loma ni Nona lomalagi vakaitamera. 02 Vakavinavinakataki Koya e na vuku ni nona cakacaka kaukaua; vakavinavinakataki Koya ni sa levu dina ga. 03 Vakavinavinakataki Koya e na kena uvu na Davui (trumpet); vakavinavinakataki Koya e na soliteri kei na api. 04 Vakavinavinakataki Koya e na tibereli kei na veimeketi; vakavinavinakataki Koya e na ivakatagi vakawa kei na bitunivakatagi. 04 Vakavinavinakataki Koya e na sibali rogo bi: 05 Vakavinavinakataki Koya e na sibali e tatamelamela. 06 Laiva na veika kecekece vakaicegu me vakavinavinakataka na TURAGA (Yah)
Aleluya.

Same 150: 1-6

Kakua ni yaco mo mateni e na waini, baleta e kune kina na itovo lialia; ia moni vakasinaiti ga e na Yalo, 19 ka me dau wewe ni nomuni vosa e vuniyalomuni na same, na sere ni lotu, kei na sere vakayalo, ka dau laga sere mai vuniyalomuni Vua na Turaga (Sovereign), 20 dau vakavinavinaka e veiveigauna kece e na vukudra na tamata Vua na Kalou (Elohim) na Tamada, e na yaca ni Turaga o Jisu (Master Yahshua) na Mesaia.
Efeso 5:18-20.

Also Read If Possible (Wilika Talega Ke Rawa)
Isaiah 49:1-6; Act 15; Galatian 3:25-29; Ephesian 2:11-22

Vakavinavinakataki na Kalou Mai Lomalagi. (Thanksgiving to Yahweh in Heaven)

I dedicate this to the American people and all others, who will be celebrating

Thanksgiving Day today.

Serving For The 27th November, 2008

E na gauna vata oqori, Au sa tiko tale e na yalo; au qai raica e dua na idabedabe vakatui ni toka mai lomalagi, qai Dua e dabe toka e na idabedabe-vakatui oqo. 03 O koya e dabe toka kina, e tautauvata kei na vatu Jasipa kei na Satiusa; qai rama vakavolivolita tu na idabedabe-vakatui e dua na drodrolagi e vaka na emarali. 04 Wavokita na idabedabe vakatui, e ruasagavulukava na idabedabe; ia e na idabedabe oqo au raica ni ra dabe toka kina e ruasagavulukava na qase, era vakaisulu tu e na kote vulavula, ka ra tokara kece tu e uludra na isalavakatui koula. 05 Ia mai na idabedabe-vakatui, e lidi tiko mai kina na yaseyase, e lutu tiko mai kina na kurukuru, vata kei na veirorogo; ia e vitu na icina bukawaqa era caudre tiko e na mata ni idabedabe-vakatui; oqori na Yalo ni Kalou (Elohim) e vitu. 06 E na mata ni idabedabe-vakatui e toka e dua na wasawasa iloilo me vaka na kirisitali; ia e na kedra maliwa na idabedabe-vakatui kei na veiyasana, eratou toka e va na ibulibuli bula, e robota tu na yalokanimata, mai matadra ka vaka kina mai dakudra. 07 Na imatai ni ibulibuli bula e vaka na laione, na ikarua ni ibulibuli bula e vaka na luveni bulumakau, na ikatolu ni ibulibuli bula e tiko na matana me vaka na tamata, kei na ikava ni ibulibuli bula e vaka na ikeli e vuka tiko. 08 Na ibulibuli bula le va oqo, e ratou tau ya ono na tabadratou ni vuka, ka roboti ratou tu e loma e vuqa vakavuqa na yalokanimata. E ratou sega ni cegu, e na siga kei na bogi, e na nodratou kaya tiko; “E cecere, e cecere, e cecere, na Turaga (Yahweh), na Kalou Kaukaua (El Shaddai), o Koya a bula mai liu, e bula tiko edai ka vakarau me lako mai.”
Vakatakila 4:2-8.

E ratou sega ni cegu, e na siga kei na bogi, e na nodratou kaya tiko; “E cecere, e cecere, e cecere, na Turaga (Yahweh), na Kalou Kaukaua (El Shaddai), o Koya a bula mai liu, e bula tiko edai ka vakarau me lako mai.” 09 Ni ratou solia na ibulibuli bula oya, na lagilagi, na vakarokoroko kei na vakavinavinaka vei Koya e dabe toka e na idabedabe-vakatui, o Koya e bula tawamudu ka sega ni mudu; 10 o ratou na qase le ruasagavulukava, eratou na lutu sobu i rukuna o koya e dabe toka e na idabedabe vakatui me ratou vakarokoroko Vua e bula tawamudu ka sega ni mudu, me ratou vakacabora na nodratou dui isalavakatui e na mata ni idabedabe-vakatui ratou qai kaya; 11 “E kilikili dina ga, kemuni na Turaga (Sovereign), na neimami Kalou (Elohim) Moni ciqoma na lagilagi, na vakarokoroko kei na kaukaua; baleta Oni a bulia na veika kece, e na Nomuni lewa era tu kina, era a buli talega kina.
Vakatakila 4: 8b-11.

Also Read If Possible (Wilika Talega Ke Rawa)
Exodus 24:1-11; Isaiah 6; Psalm 103:20-22; Psalm 148; Mark 10:17-18

Ciqoma na iLoloma Soliwale Ni Kalou E Na Vakavinavinaka. (Receive the Gifts of Yahweh With Thanksgiving)

Serving For The 26th November, 2008

Na Yalo sa kaya oti vakamatata, ni na yaco e na dua na gauna mai muri, ni so era na lutu laivi mai na vaka­bauta, me ra vakamuria na yalo dauveivakacalai kei na nodra ivakavuvuli na jimoni, 02 e na kedra irairai lasutaki e na veivakacalai ni ra cavuta na vosa lasutaki, ka kakaseisei tu na nodra lewa e loma, 03 ni ra vakatabuya na vakawati, ka vakarota me kakua ni laukana na kakana a bulia na Kalou (Elohim) me vakayaga­taki e na vakavinavinaka, vei ira era vakabauta ka kila na dina. 04 Baleta na ka kece e bulia na Kalou (Yahweh) e vinaka, ka sega ni dua na ka e na besetaki ke ciqomi e na vakavinavinaka, 05 baleta era sa vakatabui oti e na vosa ni Kalou (Yahweh), kei na masumasu.
06 ¶ Kevaka o vakatavulica na veika oqo vei ira na mataveitacini, o sa na wili mo italatala vinaka nei Jisu (Yahshua) na Mesaia; tuberi ira cake e na vosa ni vakabauta kei na ivakavuvuli vivinaka o a vakatavulici kina. 07 Biliga tani na nodra itukuni lialia na buinigone, ka vakaukauataki iko cake e na itovo vakalou (Kr: eusebeian: qaravi ni siga ni vakacecegu). 08 Na vakaukaua yago e yaga ga vakalekaleka; ia na itovo vakalou (Kr: eusebeia: qaravi ni siga ni vakacecegu) e yaga e na veitabana kece, ka ni kune votu kina na bula yalataki e na gauna oqo, kei na kena e na basika mai muri. 09 Qo e dua na vosa dina, e dodonu me ciqomi. 10 Qo na vuna, eda mai cakacaka ka vosota tu kina na veivakalialiai, baleta eda vakabauta na Kalou bula (living Yahweh), o Koya e iVakabula (Saviour) vei ira na tamata kecekece, vakabibi vei ira era vakabauta. 11 Na veika oqo mo vakarota ka vakatavulica
1 Timoci 4:1-11.





Also Read If Possible (Wilika Talega Ke Rawa)
1 Chronicles 16:4-14; Romans 8:18-28; 14;
1 Corinthians 10

Vakavinavinakataka Na Kalou, Na Nona Loloma E Tawayalani. (Give Thanks To Yahweh, For His Mercy Endures For Ever.)

Serving For the 25th November, 2008

Vakavinavinaka Vua na TURAGA (Yahweh), baleta ni yalovinaka o Koya: ka tawa yalani na Nona loloma. 02 Vakavinavinaka Vua na nodra Kalou (Elohim) na veikalou (elohims); ka ni tawa yalani na Nona loloma 03 Vakavinavinaka vua na nodra Turaga (Sovereign) na veituraga (rulers); ka ni tawa yalani na Nona loloma.
Same 136:1-3.

E veigauna kece, keirau dau vakavinavinaka Vua na Kalou (Elohim), na tama i Jisu (Yahshua) na Mesaia; keirau dau masulaki kemuni e veigauna kece, 04 mai na gauna keirau rogoca kina na nomuni vakabauti Jisu (Yahshua) na Mesaia kei na nomuni yalololoma vei ira na digitaki; 05 e na vuku ni inuinui sa maroroi tu mai lomalagi me na nomuni, me vaka oni sa rogoca oti mai liu e na vosa dina ni itukutuku vinaka, 06 e a vunautaki vei kemuni, me vaka a vunautaki i vuravura raraba, ka sa vuavuai vinaka tiko e na kemuni maliwa, mai na siga oni a rogoca ka kila kina na kena dina na yalololoma ni Kalou (Elohim),
Kolosa 1: 3-6.

Au dau vakavinavinakataka na noqu Kalou (Elohim) e veigauna kece, kau dau nanumi iko e na noqu masu, 05 mai na gauna au a rogoca kina na nomu vakabauta kei na nomu lomana na Turaga o Jisu (Master Yahshua) vata kei ira kece na digitaki, 06 me rawa ni vakavatukana na nomu vakabauta e na kena cakacakataki, me qai kilai raraba na veika vinaka e tiko vei iko e na vuku i Jisu (Yahshua) na Mesaia. 07 Sa mai vuable na neimami reki kei na vakacegu e na vukuni nomu loloma, kei na vuniyalodra na digitaki sa vakavoutaki.
Filimoni 1:4-7.

Also Read If Possible (Wilika Talega Ke Rawa)
1 Chronicles 16:34-36; 2 Chronicles 5-7;
Psalms 118:1-4; 136:4-26; 2 Corinthians 9:10-15.

Vakavinavinakataka Na Kalou (Give Thanks to Yahweh).

Serving For The 24th November, 2008

E Dua Na Same: Me Ka Ni Veivakavinavinakataki
Kaila e na mamarau Vua na TURAGA (Yahweh), i vuravura raraba. 02 Qarava na TURAGA (Yahweh) e na yalomamarau; toro mai Vua e na lagalaga sere. 03 Kila ni Kalou (Elohim) o koya na TURAGA (Yahweh); ni o koya a buli i keda, o keda eda sega ni buli I keda: o keda eda nona tamata, na sipi ni nona ba ni veiqaravi. 04 Curu i na nona matamata e na vakamolimoli, kei na nona lomanibai e na vakavina­vinaka: vakamolimoli vua, ka vakacaucautaka na yacana. 05 Baleta e yalovinaka na TURAGA (Yahweh); ka tawamudu na nona yalololoma; Na Nona yalodina e na yacova na itabatamata kecega.
Same 100:1-5

Kakua ni yaco mo mateni e na waini, baleta e kune kina na itovo lialia; ia moni vakasinaiti ga e na Yalo, 19 ka me dau wewe ni nomuni vosa e vuniyalomuni na same, na sere ni lotu, kei na sere vakayalo, ka dau laga sere mai vuniyalomuni Vua na Turaga (Sovereign), 20 dau vakavinavinaka e veiveigauna kece e na vukudra na tamata Vua na Kalou (Elohim) na Tamada, e na yaca ni Turaga o Jisu (Master Yahshua) na Mesaia.
Efeso 5:18-20









Read Also If Possible (Wilika Talega Ke Rawa)
2 Chronicles 6:41; Psalms 65; 84; 96; 3 John 11.

Vakavinavinakataka Na Veika E Solia Tiko Na Kalou. (Give Thanks For Things That Yahweh Gives)

Serving For The 23rd November, 2008

Vakavinavinakataka na TURAGA (Yahweh), baleta ni yalovinaka o koya: ka sega ni yalani na nona loloma me tawamudu 02 Laiva me ra kaya vakakina, o ira era sa vaka­bulai oti maivua na TURAGA (Yahweh), o ira e vakabulai ira o koya mai na liga ni meca; 03 O ira era e a soqoni ira vata mai na veivanua, mai na Vuaicake, kei na Vuaira, mai na Tokalau, kei na Ceva talega. 04 Era a lako sese voli e na lekutu kei na veivanua dravuisiga; era a sega ni kunea e dua na sala ki korolevu me ra lai tauyavu kina. 05 Era a viakana ka viagunu, ka sa takali tiko yani vakamalua na nodra bula. 06 Era qai tagi yani Vua na TURAGA (Yahweh), e na dela ni nodra leqa, a qai vakabulai ira o Koya mai na nodra rarawa. 07 E a liutaki ira e na sala dodonu i na dua na korolevu, e na vanua era rawa ni tauyavu kina. 08 Laivi ira me ra vakavinavinaka Vua na TURAGA (Yahweh) baleta na Nona loloma tawacala rawa kei na nona cakacaka mana e na vukudra na tamata! 09 Ka ni vakacegui ira era karamaca ka vakasinaiti ira era viakana e na veika vivinaka.
Same 107: 1-9

Laivi ira me ra vakavinavinakataka na TURAGA (Yahweh) e na vuku ni nona loloma, kei na nona cakacaka mana e vukudra na tamata! 22 Laiva me ra vakacabora na imadrali ni vakamolimoli, ka tusanaka na nona cakacaka e na sere ni marau.
Same 107:21-22








Also Read If Possible (Wilika Talega Ke Rawa )
2 Chronicles 20:14-26; Psalms 104; 118; 145;
Matthew 6:25-34

E Na Veika Kece Dau Vakavinavinaka (In Everything Always Give Thanks).

Serving for the 22nd November, 2008

Vakavinavinakataka na TURAGA (Yahweh), kaciva na Yacana; Tusanaka na veika sa cakava e na maliwa ni veimatatamata 09 Lagasere Vua, seretaka na Same ni veivakacaucautaki, O iko mo tukuna wavoki na nona cakacaka mana kece sara.
1 Veigauna 16: 8-9

Ni lako mai, meda mai lagasere ni marau Vua na TURAGA (Yahweh); meda mai kaila e na domo ni marau Vua na Uluvatu ni bula. 02 Laiva meda mai lako Vua e na vakavina­vinaka, ka vakacaucautaka e na ivakatagi kei na seresere. 03 Baleta na TURAGA (Yahweh) o Koya na Kalou (El) levu, na Tui cecere vei ira na kalou (elohim) kecekece. 04 E toka e ligana na vanua titobu kei vuravura ka taukena na delavuvu ni veiulunivanua 05 Na wasawasa e Nona, baleta ni a bulia o koya: Na ligana a bulia na vanua mamaca. 06 Lako mai, mai cuva e na sokalou: laiva meda tekiduru e na mata ni TURAGA (Yahweh), o koya e a buli i keda; 07 baleta ni noda Kalou (Elohim) o koya, o keda eda tamata ni nona ba ni veiqaravi, eda qelenisipi ni Nona veikaroni.....
Same 95:1-7(a);

Dau mamarau e veigauna kece. 17 Dau masumasu tabucegu. 18 E na veika kece, dau vakavinavinaka; baleta oqori na gagadre ni Kalou (Yahweh) e na vuku i Jisu (Yahshua) na Mesaia, me baleti kemuni.
1 Cesalonaika 5:16-18

Also Read If Possible (Wilika Talega Ke Rawa)
Nehemiah 12:27-43; Psalms 77; 135:1-7; 148;
Luke 22:14-19

O Paula Kei Panapasa E Na Kedra Maliwa na Kaitani (Paul and Barnabbas among the Gentiles)

Serving for the 21st November, 2008

E tiko mai Lisitira, e dua na lokiloki e a sucu lokiloki mai ketei tinana ka sebera vakadua ni taubale. 09 E a rogoci Paula ni vosa o koya; ia ni raici koya o Paula qai kilakasamataka ni tiko vua na vakabauta me vakabulai, 10 a mani kaya e na domo levu o koya, “Au kaya vei iko, e na yaca ni noda Turaga (Master) o Jisu (Yahshua) na Mesaia tucake vakadodonu e yavamu!” E lade cake sara o koya qai taubale.
Cakacaka 14: 8-10

Ia era qai lako yani i keya o ira na Jiu mai Aikoniema kei Anitioki-i-Pisidia; era qai mai vakayarayarataki ira rawa na tamata me ra saqati rau, era qai virilaki Paula e na vatu, ka yarataki koya laivi i na taudaku ni korolevu baleta era nanuma ni sa mate o koya. 20 Ia, ni ra sa toso wavokiti koya na tisaipeli, a qai tucake tale o koya ka curu lesu i loma ni korolevu. E na siga tarava, rau qai biubiu vata kei Panapasa, me rau lako i Derebe. 21 Ia ni rau sa vunautaka oti na ituku­tuku vinaka e na korolevu oya, ka rau sa rawata e levu tale na tisaipeli, rau qai lesu i Lisitira, i Aikoniema kei Anitioki-i-Pisidia, 22 me rau lai vakayaloqaqataki ira na tisaipeli, ka vakauqeti ira me ra tudei tikoga e na vakabauta, e na nodrau kaya, “E na veivakatovolei ga e na qai rawa kina vei keda meda curu i na matanitu ni Kalou (Elohim).” 23 Ia ni rau sa lesi i ira na qasenilotu e na veisoqosoqo kece, ka rau masumasu ka lolo vata kei ira, rau sa qai vakatabui ira Vua na Turaga (Master), o koya era vakabauta.
Cakacaka 14:19-23

Mai keya rau qai soko i Anitioki-i­-Siria, na vanua rau a vakatabui kina e na loloma ni Kalou (Elohim), e na vukuni cakacaka rau se qai vakaotia ga mai. 27 Ni rau sa soqoni ira vata na lewenilotu, rau qai soli itukutuku me baleta na veika sa vakayagataki rau kina na Kalou (Elohim), bau kina na Nona sa dolava na katuba ni vakabauta vei ira na kai Veimatanitu tani. 28 E keya rau a tiko tale vakabalavu vata kei ira na tisaipeli.
Cakacaka 14: 26-28

Also Read If Possible (Wilika Talega Ke Rawa)
Exodus 17:1-4; Numbers 14:1-10; Romans 1:1-17;
1 Samuel 30:6; John 8:31-59; Ephessians 2:11-22; Act 7:52-60; 14:1-7.

Na iMatai Ni Nona iLakolako Vaka iTalatala (Saul’s First Evangelical Trip)

Serving of the 20th November, 2008

E na isoqosoqo mai Anitioki e na gauna oya era a lewena tiko e vica na parofita kei na ivaka­vuvuli: o Panapasa kei Simioni dau vakatokai o Niqa, o Lusio mai na korolevu o Sairini, o Manaela na luvena e dua na tamata e a susugi Eroti na Rokotui vata kei Saula. 02 Ia ni ra lolo ka masu tiko vua na Turaga (Elohim), a qai vakarogoya mai na Yalo Tabu vei ira, “Lesi i rau mai vei Au, o Panapasa kei Saula e na vuku ni cakacaka Au sa kacivi rau kina.” 03 Ni sa oti na lolo vata kei na masumasu, rau qai tabaki e na ligadra, oti era qai talaci rau yani.
04 ¶ O rau qo e na veitalai ni Yalo Tabu, rau a qai lako kina i Selusia, ia mai keya rau qai lai soko i Saipurusi. 05 Ia ni rau yaco i na korolevu o Salamisa, rau qai lai vunautaka na vosa ni Kalou (Elohim) e na nodra valenisoro na Jiu; ia o Joni e a veiqaravi vei ira. 06 Ia ni ratou sa wavokita vakadua na yanuyanu taucoko me yaco i Pafosi, eratou qai donuya e dua na Jiu dau cakaisausau ka parofita lasu, na yacana o Para Suma; 07 Ia rau veitau dredre kei na dua na turaga vuku, na Talai-veivuke o Seuta Pauliasi, o koya e a kacivi rau o Panapasa kei Saula, qai kerea me rogoca vei rau na vosa ni Kalou (Elohim). 08 Ia o Para Suma, na dau ni cakaisausau, (na ibalebale ni yacana o Elima) a qai segata me tarovi rau, e na nona segata me vukica laivi na Talai-veivuke mai na vaka­bauta. 09 Ia o Saula, e kilai talega e na yaca Paula, ni sa vakasinaiti e na Yalo Tabu, a qai raici koya, 10 qai kaya, “E dua na tamata sa sinai tu e na veimataqali ilawaki kei na veivakaisini, e luve ni tevoro ka meca ni veika kece e dodonu, o na sega beka ni tarova na nomu vakavevea tiko na sala dodonu ni Turaga (Yahweh)? 11 “Ia qo, na liga ni Turaga (Yahweh) sa na saqati iko; o sa na mataboko, mo kakua ni raica na matanisiga e na dua na gauna.” E na gauna vata oya e a kovuti koya kina e dua na kabu loaloa; sa mani veilakoyaki o koya me vaqara e dua me dau tuberi koya e ligana. 12 Ia na talai veivuke, ni raica na ka a yaco, e a kurabui qai vakabauta na ivakavuvuli ni Turaga (Master).
Cakacaka 13:1-12






Also Read If Possible (Wilika Talega Ke Rawa)
Numbers 27:22-23; Deuteronomy 34:9; Matthew 19:13-15;

Luke 4:40; Acts 6:1-6; Acts 8:5-25; 1 Timothy 4:11-14.

Tekivu Me Vunautaki Jisu o Saula. (Saul Begins To Teach About Yahshua)

Serving for the 19t November, 2008

E a tiko mai Tamasiko, e dua na tisaipeli na yacana o Ananaiasa; na Turaga (Master) a qai vosa vua e na dua na raivotu, “Ananaiasa”. Kaya o koya, “Raica o au saka qo, noqu Turaga (Master)”.
11 Kaya vua na noda turaga, “Tu, lako i na gaunisala e vakatokai o Dodonu, qai lai taro e na vale nei Jiutasa, mo raica e dua na turaga ni Tasusu, na yacana o Saula. O na raici koya ni masu tiko.
12 “Ia sa na raica oti o koya e na dua na raivotu, ni dua na tamata na yacana o Ananaiasa, ni lako yani, lai tabaka na ligana vua, me rawa ni rai rawa tale o koya.” 13 Sauma o Ananaiasa, “Noqu Turaga (Master) au sa rogoca oti mai vei ira e le vuqa na kena itukutuku na tamata oqori, e na ilevu ni dau vakacacani ira na Nomuni digitaki mai Jerusalemi.14 Ia raica eke talega sa tiko qori vua na veivakadonui maivei ira na bete levu, me mai vesuki ira, era kaciva na Yacamuni.” 15 Ia qai kaya vua na Turaga (Master), “Lako! O koya sa Noqu tamata digitaki, lesi me na vakateteya na Yacaqu e na kedra maliwa na kai Vei­matanitu tani, vei ira na tui, vata kei ira na lalai ni Isireli,
Cakacaka 9:10-15

Sa mani lako vua o Ananaiasa, e na vale oya, tabaki koya e na ligana, qai kaya, “Saula, taciqu, na Turaga (Master) o Jisu (Yahshua) o Koya e a rairai vei iko e gaunisala ni o lako tiko mai, e talai au mai, me rawa ni o rai tale, mo qai vakasinaiti e na Yalo Tabu.” 18 E na gauna vata oqori, e a lutu kina mai matana e dua na ka, vaka na varini ika, sa qai rai rawa tale; sa qai matacake o koya me papitaiso. 19 Ia ni sa kana oti o koya, sa qai vakaukauataki ia qai tiko tale me vica vata na siga vata kei ira na tisaipeli mai Tamasiko. 20 Me tekivu mai na gauna oya, sa vunau o koya e na nodra valenisoro na Jiu, me baleti Jisu (Yahshua) ni o Koya na Luve ni Kalou (Son of Elohim).
Cakacaka 9:17-20








Also Read If Possible (Wilika Talega Ke Rawa)
Genesis 20; Numbers 12; 1 Corinthians 15:1-11; Galatians 1:11-24.

Sota Kei Jisu O Saula. (Yahshua Meets Saul)

Serving for the 18th November, 2008

O Saula e a marautaka ni a bau dua na nona itavi e na labati nei Sitiveni. E na gauna vata oqori e a tubu kaukaua tiko kina na vakacacani ni isoqosoqo mai Jerusalemi; era mani veidroyaki kina i na veiyasa i Jiutia kei Samaria, eratou sa qai vo tu ga o ratou na apositolo. 02 O ira era yalodina, era a qai kauti Sitiveni me ra lai buluti koya, era qai lolositaki koya vakabibi. 03 Ia o Saula, e a toso tiko ga na nona vakacacana tiko vakaca na isoqo­soqo ni Kalou (Elohim), e na nona curu vale tiko, qai yarataki ira laivi mai na turaga kei na marama qai vakavuna na nodra bala i valeniveivesu.
04 ¶ Ia o ira era veidroyaki tiko, era a lako i na veivanua kece ka vakateteya yani kina na vosa ni Kalou (Elohim).
Cakacaka 8:1-4

Ia o Saula, a se curumi koya tu ga na leva kei na yalo ni laba e na vukudra na tisaipeli ni Turaga (Master), 02 qai lai kerea maivua na bete levu liu, me solia vua na ivolatara eso me kauta tiko i na veivalenisoro mai Tamasiko, baleta ke mani kunea e dua ni muria tiko na sala oqo, tagane se yalewa, ni vakamuria tiko na vakabauta oqo, me rawa vua me kauti ira mai vakavesu i Jerusalemi. 03 Ia ni sa lako tiko sa yaco volekati Tamasiko sara yani; qai vakasauri ni rama wavolivoliti koya e dua na rarama kaukaua mai lomalagi. 04 A qai caroba i na qele o koya, qai rogoca e dua na domo ni kaya tiko vua, “Saula, Saula, na cava o vaka­cacani Au tiko kina?” O vakadredretaka tiko ga vei iko ni o via caqeta tiko na iwaro vakavotona. 05 Sauma o Saula ni kaya, “O cei beka o kemuni, Turaga (Master)?” Kaya mai na noda Turaga (Master), “O Au o Jisu (Yahshua) mai Nasareci, o Koya o vakacacana tiko. 06 “Tu, mo curu i loma ni korolevu; e keya e na qai tukuni vei iko na ka e dodonu mo cakava.” 07 O ira na tagane era sala vata tiko kei koya, era sa sega ni vosa rawa baleta era rogoca tiko e dua na domo ia era sega ga ni raica e dua na tamata. 08 Sa qai tucake mai na qele o Saula, ia a sega ni raica e dua na ka, e dina ga ni tadola tu na matana; era mani tuberi koya e ligadra ka kauti koya i loma i Tamasiko. 09 E a sega ni rai rawa o koya me tolu na siga, ia e na gauna vata oqori e a sega tale tu ga kina ni kana se gunu.
Cakacaka 9:1-9

Also Read If Possible (Wilika Talega Ke Rawa)
Daniel 8:26-27; Act 22:1-21; Act 26:1-29;
Luke 1:18-20.

Vakamatei O Sitiveni Baleta Na Nona Vakatutusa (Stephen Was Murdered Because Of His Testimony).

Serving For The 17th November, 2008.

Sa qai tete na vosa ni Kalou (Elohim); na kedra iwiliwili na tavuki mai Jerusalemi a qai tubu vakalevu cake ga; e levu vei ira era vakabauta vaka Jiu era qai tavuki talega.
08 ¶ O Sitiveni a levu vua na loloma kei na kaukaua qai cakava e levu na cakacaka mana kei na ivakatakila­kila e na kedra maliwa na tamata. 09 Era qai lako mai eso mai na iwasewase ni lotu e vakatokai na Lotu ni Tamata Tugalala, (qo o ira mai Sairini, mai Alekisadaria, mai Silisia vata kei ira mai Esia Lada), era qai mai vakatubu veiba kei Sitiveni. 10 Ia era a sega ni rawata na vuku kei na Yalo, e a vosa tiko kina o koya. 11 Era mani tala mai eso na tamata me ra mai kaya “Keimami a rogoci koya ni vosa vakacacataki Mosese vata kei na Kalou (Elohim).” 12 Era qai vakatubu ca vei ira na tamata, na qase ni lotu, kei ira na vunivola; era mani lakovi koya, vesuki koya, era qai kauti koya vei ira na lewe ni matabose.
Cakacaka 6:7-12

Ia o koya, baleta ni sa vakasinaiti tu e na Yalo Tabu, e a mata cake i lomalagi qai raica na lagilagi ni Kalou (Yahweh) vata kei Jisu (Yahshua) ni duri tu e na liga imatau ni Kalou (Elohim); 56 qai kaya, “Raica! Au raica tu yani qo ni sa dola tu mai na lomalagi vata kei na Luve ni Tamata ni duri tu e na liga imatau ni Kalou (Elohim).” 57 Era qai kaikaila e na domo levu, era sogota na qara ni daligadra, era qai cicivi koya e na yalodua, 58 era qai vesuki koya ka kauti koya koya i na taudaku ni korolevu, era qai tekivu vakavirilaki koya e na vatu. O ira na ivakadinadina era a qai luvata na nodra isulu me ra binia no e na yava ni dua na cauravou, na yacana o Saula. 59 Era a virilaki Sitiveni tiko e na gauna e masu tiko kina ka kaya tiko, “Turaga Jisu, (Sovereign Yahshua) ni ciqoma na yaloqu.” 60 Ia ni sa tekiduru sobu, a qai vosa tagitagi e na domo levu, “Turaga (Yahweh), kakua ni beitaki na ivalavala ca oqo, vei ira!” Ni kaya oti ga oqori, a qai caroba i ra ka mate yani.
Cakacaka 7:55-60

Also Read If Possible (Wilika Talega Ke Rawa)
Deuteronomy 24:10-16; Mark 13:9-13; John 16:1-4; Acts 7:1-54; 8:1-4.

Vakamuria Mada Ni Liu Na Kalou (Follow As Yahweh Leads)

A Dedication

Today at the Sydney Football Ground, the Fiji Rugby League Team will be playing Australia in the Semi -final of the Rugby League World Cup. This is my dedication to the team, for it is the first Fiji team to specifically call on and praise the name of Yahweh (Halleluyah and Jehovah). And therefore I would like to dedicate this to the team and call on the blessings of Yahweh to be upon each member of the team as they gamely take the field today against Australia, in a match which is of the David and Goliath proportion. This is my prayer:

"Yahweh bless you and keep you; 25 Yahweh make His face shine upon you and give you life; 26 Yahweh lift up His countenance upon you and give you peace" (Numbers 6:24-26)

Serving for the 16th November, 2008

Ia ni ra sa rogoca na nodrau vosa o Saimoni Pita kei Joni ni rau vosa sara vakadoudou, ka kilakasamataka ni rau a sega ni vuli vinaka ka rau tamata dau tu ga vakavanua, era a qoroqoro vakalevu; ia era qai kilakasamataka talega ni rau a dau ilala vata tu kei Jisu (Yahshua). 14 Ia ni ra raica ni duri tu e yasadrau na tamata lokiloki a vakabulai, era sa sega ga ni kaya rawa e dua na vosa ca baleti rau.
15 ¶ Ia ni ra sa vakarota me ratou vagalala mai na valenibose me ra veivosaki mada vakataki ira; 16 era qai kaya “Na cava mada me caka vei rau na tamata qo? Raica e dua na cakacaka mana vakasakiti sa yaco, ka sa kilai levu tu qo vei ira era vakaitikotiko e Jerusalemi, qori eda na sega ni cakitaka rawa. 17 “Ia, ke vinakati me kakua ni tete na irogo oqo e na kedra maliwa na tamata, laiva me da vakarerei rau vakaukaua, me rau kakua tale ni vosa vua e dua me tekivu qo, e na Yaca oqo.” 18 Era qai kacivi rau ka vakaroti rau me rau kakua ni vosa tale vakadua se veivakatavulici e na yaca i Jisu (Yahshua). 19 Ia rau qai sauma e na dua na taro vakababa o Saimoni Pita kei Joni, “E dodonu beka e na mata ni Kalou (Elohim), ke keirau vakarogoci kemuni cake mai vua na Kalou (Elohim), qori moni vakasamataka taumada. 20 “Baleta keirau na sega ni tarova rawa na neirau vakateteya na veika keirau sa raica ka rogoca.” 21 Ia, ni ra sa vakarerei rau tale, era qai sereki rau baleta era a sega ni kunea e dua na sala me ra totogitaki rau kina; qori baleti ira na tamata; baleta na tamata kece era sa vakalagilagitaka tiko na Kalou (Elohim) e na ka a yaco. 22 Baleta na tamata a yaco vua na cakacaka mana ni veivakabulai, sa sivia na vasagavulu na yabaki na nona bula.
23 ¶ Ni rau sa sere mai, rau a lako sara vei ira na nodrau itokani, rau qai lai tukuna vei ira na veika kece era a tukuna vei rau o ira na bete levu kei ira na qase ni lotu.
Cakacaka 4:13-23






Also Read If Possible (Wilika Talega Ke Rawa)
Jeremiah 20:9; Matthew 5:10-12; Acts 5:17-42

Vakabula Na Lokiloki O Pita. (Peter Heals the Cripple)

Serving for the 15th November, 2008

A qai yaco ni rau lako vata tiko o Saimoni Pita vata kei Joni i valenisoro e na gauna ni masumasu e na ikaciwa ni aua (va na kaloko), 02 raica e dua na tagane, a se lokiloki sara mai ketei tinana, era a colata tiko yani eso na tagane me vaka era dau cakava vakawasoma, me ra lai vakotori koya e na matamata ni valenisoro, e vakatokai o Totoka, me rawa ni lai vakatakekere kina vei ira era curu tiko i valenisoro. 03 Ni raici rau o Saimoni Pita kei Joni, ni rau vakarau curu tiko i valenisoro, a qai kere iloloma ni veivuke yani vei rau. 04 Rau raici koya o Saimoni Pita kei Joni, rau qai kaya, “Raici keirau mai.” 05 Sa galele sara vei rau o koya baleta na nona nui ni na ciqoma e dua na ka mai vei rau. 06 Kaya vua o Saimoni Pita, “Na koula kei na siliva e sega vei au, ia na ka e tu vei au, au na solia vei iko: E na yaca ni noda Turaga o Jisu (Master Yahshua) na Mesaia mai Nasareci, tucake, lako!” 07 E tuberi koya cake e ligana imatau, me laveti koya cake; e na gauna vata oqori, a qai vakaukauataki na sui ni yavana kei na nona qurulasawa. 08 O koya, a qai lade cake, me tu ka taubale, qai curu vata kei rau i loma ni valenisoro, ia ni lako tiko e a ladelade tikoga ka vakavinavinakataka tiko na Kalou (Elohim). 09 O ira kece na tamata era a raici koya ni taubale tiko, ka vaka­vinavinakataka tiko na Kalou (Elohim). 10 Oti era qai kilakasamataka ni o koya ga na tamata dravudravua a dau dabe toka e na matamata Totoka ni valenisoro, me dau kere veivuke tiko kina; era a luvuci e na qoroqoro kei na lomatarotaro se cava beka a yaco vua.
Cakacaka 3:1-10.

Ia, ni rau se kaya tiko na vosa oqo vei ira na tamata, era sa saqati rau mai o ira na Bete, na Satiusi kei na tuirara ni valenisoro, 02 era a yalokatakatataka ni rau vakatavulici ira tiko na tamata ka vunautaka ni a kune votu vei Jisu (Yahshua) na veivakaturi mai na mate. 03 Era mani vesuki rau, me rau lai vesu tiko me yacova na siga tarava, baleta sa yakavi oti na vanua. 04 Ia, e levu ga vei ira era rogoca na itukutuku era a vakabauta, qai toso cake kina na kedra iwiliwili na tagane me rauta na limanaudolu.
Cakacaka 4:1-4.

Also Read If Possible Wilika Talega Ke Rawa
Jeremiah 37:15; Jeremiah 38:6; Matthew 15:29-31; Matthew 21:1-16
John 5; 14:12-14.

Na iMatai ni Vakavuvuli Nei Pita. (Peter’s first Teachings)

Serving For The 14th November, 2004

Ia o Saimoni Pita, ni tu cake mai vata kei iratou na tisaipeli le tinikadua, a qai laveta cake na domona qai kaya vei ira, “Kemuni na turaga bale ni Jiutia kei kemuni kece oni vakaitikotiko e Jerusalemi, laiva me kilai oqo vei kemuni, moni rogoca vinaka sara na noqu vosa. 15 “O ira qo era sega ni mateni, me vaka na nomuni nanuma, baleta e se qai ikatolu tiko ni aua (walu na kaloko) e na mataka ni siga oqo. 16 Ia qo na ka a kaya na Parofita o Joeli; 17 ‘E na qai yaco e na ivakataotioti ni gauna, e kaya na Kalou (Elohim), Niu na sovara na yaloqu, vei ira kece era vakalewe; o ira na luvemuni tagane kei ira na luve­muni yalewa era na parofisai, o ira na nomuni cauravou era na raica na raivotu kei ira na nomuni turaga qase era na tatadrataki tadra. 18 Vei ira na Noqu dauniveiqaravi tagane, kei ira na Noqu dauniveiqaravi yalewa Au na sovara na yaloqu e na veisiga oya; era na qai parofisai.
Cakacaka 2:14-18

E na qai yaco ni o koya ga e kaciva na yaca ni TURAGA (Yahweh) e na vueti me bula.’ 22 “Kemuni na tagane ni Isireli, rogoca na vosa oqo; o Jisu (Yahshua) mai Nasareci, na tamata ni Kalou (Elohim), a mai basika e na kemuni maliwa e na cakacaka mana kei na ivakatakilakila kei na cakacaka veivakurabuitaki e a vakayacora e na Vukuna na Kalou (Elohim), e na kemuni maliwa, me vaka oni dui kila vinaka tu, 23 “o Koya, e a soli mai me vaka na inakinaki dei a se navuca makawa tu mai na Kalou (Elohim), oni a cakitaka i ligadra na tamata talaidredre, oni qai rubeca ka vakamatei koya; 24 “ia na Kalou (Elohim) a qai vakaturi i Koya, ni sa sereka na ivau mosimosi ni mate, baleta ni na sega vakadua ni rawa me na vesu mai Sheola o Koya.
Cakacaka 2: 21-24.

Kaya vei ira o Pita, “Moni veivutuni ka papitaisotaki kece e na yaca i Jisu (Yahshua) na Mesaia, e na vukuni veibokoci ni ivalavala ca; oni na qai ciqoma na iloloma soliwale ni Yalo Tabu.
Cakacaka 2: 38.

Also Read If Possible (Wilika Talega Ke Rawa)
Ezekiel 36:16-28; Ezekiel 39: 21-29; Joel 2:28-32;
Romans 10:1-13.

Na iLoloma Soliwale: Na Yalo Tabu. (The Gift: The Holy Spirit)

Serving for the 13th November, 2008

Ni sa yaco taucoko mai na Solevu ni Macawa (Weeks or Shavu’ot), ni ratou se soqo yalovata kece toka, 02 a qai vakasauri na kena rorogo mai Lomalagi e dua bati ni cagi kaukaua, qai vakasinaita vakadua na loma ni vale eratou a dabe tiko kina. 03 Oti qai laurai vei iratou na yameyame, me vaka na bukawaqa veisebayaki, ni mai no yadudua toka e dui uludratou. 04 Eratou qai dui vakasinaiti e na Yalo Tabu, ka ratou dui tekivu vosa e na veimataqali dui vosavosa, me vaka e solia vei iratou na Yalo na kena kaukaua me ratou vosa kina.
05 ¶ E na gauna oqori, era a vakaitikotiko tu kina mai Jerusalemi o ira na Jiu era turaga lotu kaukaua, mai na veimatanitu kece e kune e ruku ni lomalagi. 06 Ia ni sa yaco na rorogo, na tamata kece era a qai sosoqoni, era qai kidroa, baleta o ira na tamata yaduadua era rogoca, ni ra vosa e na nodra dui vosa. 07 Oti era qai kurabui ka qoroqoro, ka veitarotarogi ni ra kaya, “Raica, e sega beka ni ra kai Kaleli kece o ira era vosa tiko qo? 08 “E rawa vakacava meda rogoci ira e na noda dui vosa eda a dui sucu kaya mai? 09 “Mai Patiani kei Mitisi kei Elamaiti, o ira era tiko mai Mesapotemia, mai Jiutia kei Kavadosia, mai Ponito vata kei Esia Lada, 10 vata kei ira mai Viriqia, Vainavilia, Ijipita kei na yasayasa vaka Lipia qali vaka Sairini, kei ira era lako mai Roma, o ira era Jiu kei ira era lotu vaka Jiu 11 o ira mai Kiriti kei ira mai Arapea, eda rogoci ira ni ra vakayatuyatutaka tiko e na noda vosa, na cakacaka veivakauqeti ni Kalou (Elohim).” 12 Era mani kurabui kece tu ka kidroa, era qai veitarotarogi vakataki ira, “Na cava beka na ibalebale ni veika oqo?” 13 Eso era veiwali ga ni ra kaya “Qori era sa vakasinaiti tu e na waini vou.”
Cakacaka 2:1-13.






Also Read If Possible (Wilika Talega Ke Rawa)
Vunau ni Soro 23:4-16; Matthew 3:1-12; John 14:15-26;

John 15: 26-27; John 16:12-15.

Lesu Vua Na Kalou Na Tamada O Jisu (Yahshua Returns to our Father).

Serving for the 12th November, 2008

E na imatai ni ivola au a vola, i Teofalusi, au a tuvana tu kina na veika a mai tekivu me cakava ka vakatavulica o Jisu (Yahshua), 02 me yacova na siga a mai kau cake kina, ni oti na Nona soli ivakaro e na Yalo Tabu, vei iratou na apositolo a digitaki iratou, 03 oya o iratou a vakaraitaki Koya vei iratou ni bula tiko, ni oti na nona vakararawataki, ka ni a rairai tiko e na ivukivuki veivakurabuitaki, vei iratou e na loma ni vasagavulu na siga, qai vakamacala tiko vei iratou na veika me baleta na Matanitu ni Kalou (Elohim). 04 Ia ni kana madrai tiko vata kei iratou, a qai vakaroti ratou me ratou kakua ni biuti Jerusalemi, ia me ratou waraka tiko na Nona yalayala na Tamada, me vaka, a kaya o Koya, “Oni sa rogoca oti mai vei Au; 05 A kaya o Koya, o Joni a veipapitaisotaki e na wai; ia o kemudou dou na papitaisotaki e na Yalo Tabu, e na loma ni vica tale na siga mai oqo.”
06 ¶ Ia ni ratou soqo vata tiko, ratou a qai tarogi Koya “Turaga (Master), Oni na vakaduria tale beka, e na gauna oqo, na matanitu o Isireli?” 07 E kaya vei ratou o Koya “E sega ni nomudou itavi mo dou kila na gauna se na iwase ni gauna, sa biuta vakatabakidua tu na Tamada i na Nona lewa o Koya vakataki Koya. 08 “Ia ni sa sobuti kemudou na Yalo Tabu, dou na qai ciqoma na kaukaua; dou na qai Noqu ivaka­dinadina e Jerusalemi, e Jiutia raraba vata kei Samaria, me yaco sara i na mua yawa duadua kei vuravura.” 09 Ni sa cavuta oti na vosa oqori, a qai cabe cake, ni ratou rai kece tu, ni sa ciqomi Koya e dua na o, ka yali sara yani mai matadratou. 10 Ia ni ratou se wanono cake tu i lomalagi, ni lako cake tiko o Koya, raica ni rau mai duri tu e yasadratou e rua na tagane sulu vulavula, 11 rau qai kaya, “Kemuni na kai Kaleli, na cava beka oni mai duri tu kina moni wanono cake tu i lomalagi? O Jisu (Yahshua) vata ga e kau cake tiko qori i Lomalagi mai vei kemuni, e na lako tale mai, e na kena ivalavala ga oni raici Koya ni lako tiko kina i lomalagi.
Cakacaka 1:1-11






Also Read If Possible (Wilika Talega Ke Rawa)
1 Chronicles 16:8; 23-31; Psalms 67; 72; Isaiah 45:22-23; 49:6;

Luke 24:50-53.

Bula Tiko Vei Karisito Jisu. (Live In Yahshua)

Serving for the 11th November, 2008

Qarauna me kakua ni dua na tamata e lawakitaki kemuni e na vakasama vakavuku se e na ivakavuvuli vakatamata e yavutaki e na vakasama vakavuravura, ka sega ni veiyaloni kei na Mesaia. 09 Baleta Vua, e sinai vutuvutu na veika taucoko e va Kalou (Supreme Being); 10 ia o kemuni oni na vakataucokotaki mai Vua, baleta o Koya e imadamada ni vakavulewa vaka-agilosi kei na kaukaua. 11 Vua talega oni a teve kina e na kena ivalavala e sega ni cakacaka ni liga, oya e na nomuni luvata laivi vakadua na yagomuni e na vuku ni ivalavala ni lewemuni, e na veiteve e caka e na vukuni Mesaia; 12 oni a bulu talega vata kei Koya e na veipapitaisotaki, oti moni qai vaka­turi vata kei Koya, baleta ni oni vakabauta na kaukaua ni Kalou (Elohim), o Koya e a vakaturi Koya mai na mate.
13 ¶ Ia o kemuni, o kemuni oni a mate tu e na nomuni ivalavala ca kei na nomuni a sega tu ni teve vakayago, e sa solia o Koya moni bula vata kei Koya, ka sa bokoca vakadua na nomuni ivalavala ca taucoko, 14 e na nona veivakaroti, e sa bokoca laivi kina vakadua na ivolatukutuku ni noda ivalavala ca, a dau vakataotaki keda tu; qai kauta vakatikitiki mai na noda sala, e na Nona vakota i na kauveilatai. 15 E na nona biuta laivi na yagona vakaiyalayala, e a vakatakila cake kina na kaukaua ni ca, ia e na yagona, a qai vakavuna me vakamaduataki sara.
16 ¶ O koya qori, laiva me kakua ni dua na tamata e vakavu veisei e na kemuni maliwa e na veika me baleta na kemuni kakana se memuni gunu se na wasewasei ni solevu se na vula vou se na siga ni vakacecegu. 17 Na veika oqo era iyaloyalo ni veika e se tu mai liu, ia na kedra inakinaki ga me kune votu na Mesaia.
Kolosa 2: 8-17.









Also Read If Possible (Wilika Talega Ke Rawa)
Isaiah 1:11-14; Acts 2:22-36; Romans 6:1-11; 1 Corinthians 15:12-58.

Vakaturi Mai Na Mate O Jisu. (Yahshua Resurrected From Death)

Serving For The 10th November, 2008

Ia e na imatai (ni siga) ni macawa, e a lako mai kina i na ibulubulu o Meri (Miriam) Makitala, e na mataka lailai ni se butobuto, qai raica na vatu ni sa kau laivi tu mai na ibulubulu. 02 A qai cici lesu o koya vei Saimoni Pita vata kei na tisaipeli kadua e dau lomana o Jisu (Yahshua), qai kaya vei rau, “Era sa kauta laivi na Turaga (Master) mai na ibulubulu; qo tou sa na sega ni kila na vanua era sa lai vakotori Koya kina.” 03 Sa mani curu i tuba o Saimoni, vata kei na tisaipeli kadua, rau qai lako i na ibulubulu. 04 Rau a cici vata toka ga, ia na tisaipeli kadua a qai totolo cake vei Pita na nona cici, qai mani liu kina i na ibulubulu. 05 Ia o koya, ni roso sobu me iro i loma, a qai raica ga na tikitiki ni isulu lineni ni ra sa davo tu vaka; ia a sega ga ni curu i loma. 06 Ni yaco muri i koya yani o Saimoni, a lai curu sara i loma ni ibulubulu; qai raica o koya na tikitiki ni isulu lineni ni ra sa davo tu vaka, 07 vata kei na itavoi a ubi tu kina na Uluna, ni sega ni toka vata kei na tikitiki ni lineni, ia sa lobi vata tu ka no tani toka. 08 Sa qai curu talega na tisaipeli kadua, o koya e a liu yani i na ibulubulu; qai raica talega o koya ka vakadinata. 09 E na gauna qo, rau a sebera tiko kina ni kila na ka e volai tu e na ivola tabu, ni dodonu me na vakaturi mai na mate:
Joni 20:1-9.

Ia, e na yakavi tikoga ni siga oya, e na imatai ni macawa ni ratou se sogobutu tiko na tisaipeli e na vanua ratou a soqo tiko kina, e na ilevu ni nodratou ravataki ira na Jiu; a qai curu yani o Jisu (Yahshua) me lai duri tu e na kedratou maliwa, qai kaya vei iratou “na vakacegu me tiko kei kemudou.” 20 E kaya qori qai vakaraitaka vei iratou na Ligana vata kei na Serena. E a tuburi ratou na tisaipeli na marau ni ratou sa raica na Turaga (Master).
Joni 20:19-20.







Also Read If Possible (Wilika Talega Ke Rawa)
Psalms 16:9-11; Isaiah 53:9-12; Matthew 28; Mark 16;

Luke 24; John20-21.

Rube E Na Kauveilatai O Jisu. (Yahshua Crucified on a Stake)

Serving for the 9th November, 2008.

Ni ra sa yaco i na vanua e vakatokai na Sui Ni Qavokavoka, e keya era qai rubeci Koya kina, vata kei rau na tamata cala, me dua e na imatau, ka dua e na imawi. 34 Sa qai kaya o Jisu (Yahshua), “I Tamaqu, vosoti ira, baleta era sega ni kila na ka era cakava tiko.” Era qai vota na Nona isulu ka vakawiri­madigitaka. 35 Na tamata era a duri tu ga ka wanono. O ira na iliuliu ni valenisoro era a vaka­lialiai koya tiko yani ni ra kaya, “E a vakabulai ira na tani; laiva me vakabulai Koya mada ke Mesaia. o Koya na digitaki ni Kalou (Elohim).”
Luke 23:33-35.

E dua vei rau na tamata cala ratou a rube vata tu a qai vosa vakacacataki Koya ni kaya, “Kevaka o iko na Mesaia, ia vakabulai iko vata kei keirau talega!” 40 Ia o koya kadua, a qai sauma me vosataki koya ni kaya, “O sega beka ni bau rerevaka na Kalou (Elohim), mo raica ni sa mai tautauvata tu kei Koya na kemu itotogi? 41 “Vei kedaru, sa dodonu ga, baleta daru ciqoma tiko na itotogi ni veika daru a dau cakava; ia o Koya qo e a sega ni cakava e dua na cala!” 42 Sa qai kaya o koya vei Jisu (Yahshua), “Nanumi au, noqu Turaga (Master), ni Oni sa lako i na Nomuni matanitu.” 43 Kaya o Jisu (Yahshua) vua, “Na ka dina Au kaya vei iko nikua, o iko o na lai tiko vata kei Au mai Parataisi.” 44 ¶ A se qai rauta toka na ikaono ni aua (tinikarua na kaloko), ni sa butobuto vakadua o vuravura taucoko, me yacova sara na ikaciwa ni aua (tolu na kaloko). 45 Na matanisiga e a vakabutobutotaki; na ilati ni katuba ni valenisoro e a kasei rua e lomadonu. 46 Sa qai kaila e na domo levu o Jisu (Yahshua) ni kaya “I Tamaqu, i Ligamuni Au sa solia yani na Yaloqu!’ Ni kaya oti oqo, sa qai oti. 47 Na turaganiyadrau ni raica na ka a yaco, a qai vakalagilagitaka na Kalou (Elohim) o koya ni kaya, “E dina ga, o koya oqo e a tamata yalododonu!”
Luke 23:39-47

Also Read if Possible (Wilika Talega Ke Rawa)
Psalms 22; Matthew 27; Marka15; Luke 23;
John 18:28-19:42.

Totogimate O Jisu (Yahshua Sentence to Death.)

Serving for the 8th November, 2008

O Saimoni a vakamuri i Koya toka ga vakayawa mai muri, me yaco sara i na lomanibai na bete levu-liu; qai lai dabe toka vata kei ira na dauniveiqaravi, me vakatakatai koya tiko e na mata ni bukawaqa. 55 O ira na bete levu, kei ira na lewe ni matabose era a vaqara tiko eso na ivakadinadina me beitaki kina o Jisu (Yahshua), me rawa ni ra totogimatetaki Koya kina, ia era qai sega ni kunea e dua. 56 E dina ni levu era a mai beitaki koya tiko, na nodra ivakadinadina a tawayaga. 57 Eso na tagane, qo era ivakadinadina lasulasu, era qai tucake me ra beitaki Koya ni ra kaya 58 “Keimami a rogoci Koya ni kaya, ‘Au na basuraka na valenisoro oqo e bulia na liga, ia e na loma ni tolu na siga Au na tara e dua tale e sega ni bulia na liga!”’ 59 Na ivakadinadina mada ga oqo e tawayaga talega. 60 Sa qai tucake na bete levu-liu e na kedra maliwa, qai tarogi Jisu (Yahshua) ni kaya, “E vakaevei, o na sega beka ni sauma rawa? Na cava mada era beitaki iko tiko kina o ira na tamata qo?” 61 Ia o Jisu (Yahshua) a tu vakanomodi tu ga, ka sega ni kaya e dua na ka. E baci tarogi Koya tale na bete levu-liu “O iko beka na Mesaia, na Luvena o Koya e dau Rokovi?” 62 Sauma o Jisu (Yahshua), “O Au ga; ia qo oni sa vakarau raica na Luve ni Tamata ni dabe toka e na ligana imatau o Koya na Kaukaua, kei na nona lako mai e na dela ni o ni lomalagi.” 63 E qai basuraka na nona isulu na bete levu-liu qai kaya, “Na ivakadinadina cava tale eda vinakata? 64 “Oni sa rogoca na veivakacacani mai gusuna sara ga o Koya; Na cava oni sa lewa?” Era qai lewa kece ni cala o Koya, ka dodonu me totogimate. 65 Eso vei ira na tamata era qai tekivu kasivita na matana, era ubia na Matana, ka mokuta na uluna, me ra qai kaya Vua, “Parofisai”; o ira na sotia era qai sabalaka na kesuna.
Marika 14: 55-65





Also Read If Possible (Wilika Talega Ke Rawa)
Exodus 20:16; Daniel 7:13-14; Mathew 26:59-67; Luke 23:63-71;

John 18:19-24.

Cakitaki O Jisu E Na Dua Na iRegu (Yahshua Betrayed With A Kiss).

Serving For the 7th November, 2008

Ia ni se vosa tikoga o Koya, raica, era sa tu e dua na ibinibini tamata levu; o koya e vakatokai o Jiuta, e dua vei iratou na le tinikarua e a liutaki ira tiko mai; e toso volekati Jisu (Yahshua) sara o koya qai reguci Koya. Qo na ivakatakilakila a solia vei ira, “O koya au reguca, qori o Koya. 48 Kaya vua o Jisu (Yahshua), “Jiuta, o mai solia laivi na Luve ni Tamata e na dua na iregu?”
Luke 22:47-48

Era sa qai vesuki Koya, era qai kauti Koya i nona vale na bete levu-liu. O Saimoni e a vakamumuri tikoga mai muri. 55 Era a vakatubura e dua na bukawaqa e na lomadonu ni rara ni matanivale, era qai dabe wavokita toka; o Saimoni a lai dabe toka e na kedra maliwa. 56 Ia e dua na goneyalewa, ni raici koya ni dabe toka e yasa ni bukawaqa, e a dikevi koya qai kaya, “Na tamata qo a dau tiko talega kei Koya.” 57 Ia qai cakitaka o koya ni kaya, “Yalewa, Au sega ni kilai Koya.” 58 Ni oti tale vakalailai, e a raici koya yani e dua tale qai kaya vua, “O iko o dua talega vei ira!” Ia qai kaya o Pita, “Tagane, au sega ni dua vei ira.” 59 Ni sa sivi oti e dua na aua, e dua tale a qai ba mai ni kaya, “E dina ga, o koya qo e dua talega vei ira, baleta o koya e kai Kaleli!” 60 Ia qai kaya o Pita, “Tagane, au sega ni kila na ka o kaya tiko!” E na gauna vata oqori, ni se vosa tiko o koya, ni a tagi na tamatama ni toa. 61 Vuki sara na Turaga (Master) me raici Pita. Ia o Pita sa qai nanuma na vosa ni noda Turaga (Master) ni a kaya vua o Koya, “Ni sebera ni tagi na tama ni toa, o sa na cakitaki Au vakatolu.” 62 E curu ga i tuba o Saimoni, qai lai rubica na tagi ni vutugu.
Luke 22:54-62







Also Read If Possible (Wilika Talega Ke Rawa)
Psalms 42; Matthew 26:47-56, 69-75; Mark 14:43-53, 66-72;

John 18:2-12, 25-27.

Na iCaba Tawa Vakabauta (The Friends Who Did Not Believe)

Congratulations to Barak Obama, Joe Biden and the U.S. Democratic Party for winning the US Presidential Election

Serving for the 6th November, 2008

Kaya vei iratou o Jisu (Yahshua) “O kemudou kece dou na cakitaki au e na bogi nikua; ka ni volai tu, ‘Au na mokuta na i vakatawa ni sipi, era na qai veidroyaki na nona sipi.’ 28 “Ia Niu sa vakaturi oti, Au na liu vei kemudou i Kaleli ”. 29 Kaya Vua o Pita, “Kevaka me ra drovaki Kemuni kece o ira qo, o au ga, au na sega ni dro.’ 30 Kaya vua o Jisu (Yahshua), “Na ka dina Au kaya vei iko, nikua e na bogi ga oqo, ni sebera ni tagi vakarua na tamanitoa, o sa na cakitaki Au oti vakatolu.” 31 Ia qai kaya eso tale na ka o koya, “Kevaka mada ga meu vaka­matei vata kei Kemuni, au na sega ga ni cakitaki Kemuni, o Kemuni na noqu Turaga (Master).” O ratou kece na tisaipeli a tautauvata, na vosa eratou dui kaya. 32 Oti eratou qai yaco i na vanua e vakatokai o Kecisimani; sa qai kaya o Koya vei iratou na Nona tisaipeli, “Dou toka eke Meu lai masu!” 33 E qai kauti ratou o Pita, o Jemesa vata kei Joni, oti sa qai tekivu me tuburi Koya na lomabibi kei na yaluma. 34 E kaya sara vei iratou o Koya, “Na vuniyaloqu sa lomabibi dina vakalevu e na yaluma, kau sa rawa ni mate kina. Waraki au, dou kua ni moce.” 35 Sa qai toso vakalailai i liu o Koya, lutu sobu i dela ni qele, qai masulaka kevaka e rawa, me kau laivi mai Vua na tikinigauna sa roro tiko mai. 36 A kaya o Koya, “Aba, Ave I Tamada na Tamaqu, oni rawa ni cakava na veika kece; cakava me kau laivi mai vei au na bilo oqo; ia me kua ni yaco na noqu gagadre, me yaco ga na Nomuni.” 37 Ni lako mai o Koya, qai raici iratou ni ratou sa dui moce no, qai kaya vei Pita, “Saimoni, o sa moce talega? O sega ni rawa ni yadra tiko me dua na aua? 38 “Yadra, masulaka mo kakua ni temaki. Na yalo e dina ni vinakata ka sa vakarau, ia na yago ga sa gogo.”
Marika 14:27-38




Also Read If Possible (Wilika Talega Ke Rawa)
Zechariah13:7; Mark 14:26-42; Luke 22:31-46; John 13:36-38

Na iVakayakavi Ni Turaga (The Last Supper)

Dedicated to the People of the United States of American who

have been voting for a New President

Serving for the 5th November, 2008

E dua vei iratou na le tinikarua, oya o Jiuta mai Isikarioti, a qai lako vei ira na bete levu, 15 qai kaya, “Na cava oni na solia vei au meu rawa ni soli i Koya kina vei kemuni?” Era qai yalataka vua e tolusaga­vulu na tikitikini siliva. 16 Me tekivu mai keya, sa vaqaqara sala tiko o koya, me soli i Koya laivi kina. 17 Ia e na imatai ni siga ni Solevu ni Madrai Sega ni Vakaleveni, e ratou a lako mai vei Jisu (Yahshua) na tisaipeli, eratou qai kaya Vua “Evei beka Oni vinakata me keitou lai vakarautaka­, Moni na lai kania kina na Lakosivia.” 18 Kaya o koya, “Lako i na korolevu, vua e dua na tagane, qai kaya vua, ‘Na neitou Turaga (Master) e kaya, “Na noqu gauna sa roro mai, Au na vakananuma na Lakosivia kei ratou na Noqu tisaipeli, e nomu vale”’” 19 Rau mani vakayacora na tisaipeli na ka e vakarota vei rau o Jisu (Yahshua), rau qai vakarautaka na Lakosivia. 20 Ni sa yakavi, sa dabe sobu o Koya kei iratou na le tinikarua. 21 Ia ni ratou sa kana tiko sa qai kaya, “Na ka dina Au kaya vei kemudou, e dua ga vei kemudou e na soli i Au laivi.” 22 Eratou a rarawataka vakalevu qori, ka ratou mani tekivu tarogi Koya yadu­dua, “Noqu Turaga (Master), e vakaevei, o au beka?” 23 Sauma o Koya ni kaya, “O koya e a tonia vata kei Au na ligana e loma ni dari e na soli i Au laivi. 24 “Na Luve ni Tamata, e na lako ga, me vaka e volai tu me baleti Koya, ia na leqa levu e na colata na tamata, e na solia laivi na Luve ni Tamata. A vinaka cake vua na tamata oqori, me a kua ga ni sucu.” 25 Ia o Jiuta na daunica, o koya e na qai soli i Koya laivi, a qai sauma ni kaya “Turaga (Master), De o au beka?” tukuna vua o Jisu (Yahshua), “O iko o kaya mai.”
Maciu 26:14-25

Also Read If Possible (Wilika Talega Ke Rawa)
Psalm 41:9; Proverbs 11:13; Mark 14:10-25; Luke 22:3-23; John 13-17.

Na Vosa Vakatautauvata Me Baleta Na Veivaini. (The Parable of the Vineyard)

The Serving for the 4th November, 2008

Oti qai tekivu me tukuna vei ira na tamata, na vosa vakatautauvata oqo: “E dua na tamata e a tea e dua na loganivaini, lisitaka vei ira na na tamata cakacaka, qai lako e na dua na ilakolako, me dua na gauna balavu. 10 “Ia e na gauna ni tata­musuki, a qai tala e dua na nona dauniveiqaravi vei ira na tamata cakacaka me ra solia mai vua na vuata mai na loganivaini. Ia o ira na tamata cakacaka era qai mokulaki koya, oti era qai vakatalai koya me lesu lala. 11 “Oti a baci tala e dua tale na nona daunivei­qaravi; ia era qai mokulaki koya talega, vakamadualaki koya, era qai vakatalai koya me lesu lala. 12 “E baci tala yani e dua tale me kena ikatolu; ia era vakamavoataki koya, oti era qai talaci koya laivi. 13 “Sa qai kaya na itaukei ni vei­vaini, ‘Na cava beka meu cakava? Au na tala na luvequtagane daulomani. De dua era na raici koya era qai madua.’ 14 “Ia ni ra raici koya o ira na tamata cakacaka, era qai veinaki vakataki ira, ni ra kaya, ‘O koya qo na itaukei vakaiwasewase. Mai, meda vakamatei koya, me rawa ni noda na nona iwasewase vakaitaukei.’ 15 “Era qai kauti koya laivi mai na loganivaini ka vakamatei koya. Na cava beka sa na cakava na itaukei ni loganivaini vei ira qo? 16 “E na lako mai o koya, vakamatei ira na tamata cakacaka qai solia na vei logavaini vei ira tale eso”. Ia ni ra rogoca oti qori, era qai kaya vata kece, “Qo e na sega vakadua ni yaco!” 17 Sa qai raici ira tu o Koya, qai kaya, “Ia na cava ga oqo e volai tu: ‘Na vatu era a besetaka na dautara vale, a qai yaco me ulu ni ivakadei e na tutu ni vale’? 18 “O koya e lutu i na dela ni vatu oqori, e na kavoro, ia o koya e lutuki koya na vatu oqori e na kavurumemea.” 19 O ira na bete levu kei ira na vunivola, era a vinakata sara ga me ra tarai koya e na gauna vata qori, ia era a rerevaki ira na tamata; era a kila vinaka ni a kaya na vosa vakatautauvata oqo o koya, me baleti ira.
Luke 20:9-19




Also Read If Possible (Wilika Talega Ke Rawa)
Psalms 118; Matthew 21:33-46; Mark 12:1-12

Curu Vakatui O Jisu. (Yahshua’s Royal Entrance)

Serving for the 3rd November, 2008

Ni sa yaco yani i Pecivaiqi kei Pecani, e na yasa ni ulunivanua e vakatokai Na Vanua ni Veiolive, a qai tala o Koya e rua vei iratou na Nona tisaipeli, 30 ni kaya vei rau, “Lako i na koro e tu donui kedatou tu mai oya; ia ni drau curu yani, drau na raica e dua na luveni asa ni vesu tu kina, e sebera ni dua na tamata sa bau vodoka; drau sereka, drau tuiya mai i ke. 31 “Ia ke dua e tarogi kemudrau, ‘Na cava drau sereka tiko kina?’ drau qai kaya ga vaka oqo, ‘Na Turaga (Sovereign) e e vinakata’.” 32 O rau na talai, rau a qai raica na ka kece, me vaka a tukuni vei rau. 33 E na gauna rau sereka tiko kina na luveni asa, a qai tarogi rau o kena itaukei, “Na cava drau sereka tiko kina na luveni asa?” 34 Rau kaya, “Na neirau Turaga (Sovereign) e vinakata.” 35 Rau qai kauta vei Jisu (Yahshua); rau kolo na nodrau isulu e na dakuni luveni asa, rau qai vakavodoki Jisu (Yahshua) kina. 36 Ia ni sa toso tiko yani o Koya, era qai tevuka tiko na nodra isulu e dela ni gaunisala. 37 E na gauna eratou sa volekata kina na baba ni Vanua ni Veiolive, o ira kece na ibinibini tisaipeli era qai kaikaila tiko e na mamarau kei na vakavinavinaka Vua na Kalou (Elohim), e na domo levu, e na vuku ni cakacaka lelevu era sa raica, 38 ni ra kaya, “‘Me kalougata na Tui e lako mai e na yaca ni TURAGA (Yahweh)’ Na sautu me yaco mai lomalagi ka me lagilagi e na cecere cecekia.” 39 Eso na Farisi era tiko e na kedra maliwa na le vuqa era qai kaya Vua, “Vakavuvuli vosataki ira na Nomu tisai­peli.” 40 Ia qai sauma o Koya ni kaya vei ira “Au kaya vei kemuni, kevaka me ra vagalui o ira qo, na veivatu era na kaila cake.”
Luke 19:29-40




Also Read If Possible (Wilika Talega Ke Rawa)
Psalm 118; Matthew 21:1-9; Mark 11:1-10

Lumuti O Jisu Ni Voleka Na Nona Veibulu. (Yahshua Anointed Prior To His Death)

Serving for the 2nd November, 2008

Ni vo sara e ono na siga me yaco na Lakosivia, a qai lako o Jisu (Yahshua) i Pecani, i na korolevu nei Lasa (Lazar) na turaga a vakatura o Koya mai na mate. 02 Era a qai vakayacora Vua e dua na kana magiti e keya; a vakarau kakana o Maca, ia o Lasa a bau dua vei ira na kana tiko vata kei Koya. 03 O Meri (Miriam), e a taura mai e dua na kuro sa tawa tiko mai loma na waiwai narita makare sau levu, qai mai lumuta kina na yava i Jisu (Yahshua), oti qai qua e na drauniuluna; e a kuvuraki tu e lomanivale taucoko na iboi totoka ni waiwai. 04 O Jiuta mai Isikarioti, e dua vei iratou na nona tisaipeli, a sa vakarau tiko me na soli i Koya laivi, a qai kaya, 05 “Na cava a sega ni volitaki kina na waiwai boi totoka qo, e na isau e tolu na drau na peni, me qai soli vei ira na dravu­dravua?” 06 Qori a kaya o koya, sega baleta ni galeleti ira na dravudravua, ia baleta ga ni tamata butabutako, ka dau tiko vua na kato ni ilavo; ka dau kauta na cava ga e biu kina. 07 Kaya vua o Jisu (Yahshua), “Laivi koya tu ga; e a maroroya tiko mai oqori o koya, me baleta na Noqu veibulu. 08 “O ira na dravudravua era na dau tiko vata voli ga kei kemuni e veigauna, ia o Au, oni na sega ni tiko vata kei Au e veigauna.” 09 E levu vei ira na Jiu era rogoca ni sa tiko e keya o Koya, era qai lako yani, sega walega e na vuku i Jisu (Yahshua), ia me rawa talega ni ra raici Lasa, o koya e a vakatura o Koya mai na mate. 10 O ira na bete levu era sa nanuma tiko me na vakamatei talega o Lasa, 11 baleta e na vukuna sara ga, e levu na Jiu era sa toso tiko yani kina me ra vakabauti Jisu (Yahshua).
Joni 12:1-11








Also Read If Possible (Wilika Talega Ke Rawa)
Psalms 16:9-11; Matthew 26:6-13; Mark 14:3-9; Luke 7:36-50; John 11

Sikova E Dua Na Tamata iValavala Ca O Jisu (Yahweh Visits a Sinner).

Serving for the 1st November, 2008

Ia ni sa curu yani i Jeriko o Jisu (Yahshua), me takosova na lomanikoro. 02 E dua na tamata a tiko mai keya, na yacana o Sakai, e vutuniyau ka iliuliu vei ira na dau kumuni ivakacavacava; 03 A segata tiko o koya me raica se o cei o Jisu (Yahshua), ia qai sega ni rawa baleta na osodrigi ni tamata, baleta o Sakai a bulicaki lailai toka ga. 04 Sa mani cici o koya, me liu vei Jisu (Yahshua), qai lai kaba toka mai e na dua na vunilolo e sega na drauna, me rawa ni raici Koya, ka ni na taubale sivia na vanua oya o Koya. 05 Ia o Jisu (Yahshua), ni yaco yani e na vanua oya qai rai cake, raici koya, qai kaya vua, “Sakai, vakatotolo siro sobu mai, baleta nikua e vinakati meu na lai tiko e nomu vale.” 06 E totolo sara na nona siro mai i ra o koya, qai kidavaki Koya e na yalomarau. 07 Ia ni ra raica kece qori, era qai vosa kudru­kudru ni ra kaya, “Sa curu o koya me lai tiko e na nona vale e dua na tamata ivalavala ca.” 08 Tu sara o Sakai qai kaya vei Jisu (Yahshua), “Raica, noqu Turaga (Master), na veimama ni noqu iyau au na solia vei ira na dravudravua; kau na sausaumi lesu vei ira kece na tamata au a taura mai vei ira vakalawaki ca na nodra iyau.” 09 Kaya vua o Jisu (Yahshua), “Nikua na bula sa lako mai i na vale oqo, baleta o koya talega e dua na luvei Eparayama; 10 baleta na Luve ni Tamata a lako mai me mai vaqarai ira ka vueti ira era se yali tu.”
Luke 19:1-10

Ia me vaka ni kena ituvatuva, na tamata e na mate taumada vakadua, oti e na qai muri mai na siga ni lewa, 28 na Mesaia talega, e a vakacabori cake vakadua ga me colata na ivalavala ca ni lewe vuqa; me qai rawa kina e na ikarua ni Nona lako mai, me lako mai, sega e na vuku ni noda ivalavala ca, ia me mai veivakabulai ga vei ira era vakasaqarai koya tiko.
Iperiu 9:27-28






Read Also If Possible (Wilika Talega Ke Rawa)
Ezekiel 34:7-16; Mark 2:14-17; Luke 7:36-47

NB: Sakai na ivakavakadewa ni yaca vakaIperiu. E na vosa vaKirisi e vakayagataki na yaca Sakaraia.