Na iTavi Ni Matasawa E Soli (The Role of Beaches Stated)

Thought: Shore Line Will Not Be Breached, To Proves YHWH’s Authority

........................... 

Serving For Yom HaShishi, Sivan 22, 5773

 MAI NA NEVI’IMI AKARONIMI FROM THE NEVI’IM ACHARONIM)

Na nodra taga ni gasau [ni dakaititi] e vaka na ibulubulu e dola tu, o ira era bati qaqa kecekece ni ivalu. 17 Era na kania vakadua na vuata ni nomuni tatamusuki kei na kemuni madrai, era na kani i ira talega na luvemuni tagane kei na luvemuni yalewa, era na kania vakaoti na nomuni qelenisipi kei na qelenibulumakau, era na kania vakaoti na vuata mai na nomuni loga ni vaini kei nomuni veivuni lolo; e na seleiwau, era na samuta sobu na nomuni veikorolevu vakabai, oni dau nuitaka. 18 Ia e na veisiga mada ga oya, e kaya o Yahuwe (YHWH), au na sega ni vakarusai kemuni sara vakadua.19 E na qai yaco ni ra taroga na nomuni tamata, Na cava na vuna e cakava tiko kina vei keda na veika oqo o Yahuwe (YHWH) na noda Kalou (Mighty One)?  O iko mo na qai sauma vei ira na isau ni taro oqo, Me vaka ga ni oni vakanadakui au, moni sokalou vei ira na kalou (elohim) tawamacala e na loma ni nomuni vanua, o kemuni talega, me kena idole, oni na veiqaravi vei ira na kaitani, e na loma ni vanua e sega ni nomuni. 20 Kacivaka oqo e loma ni matavuvale i Ya'akove, vakarogoya talega vei ira mai Ya'huda; kaya: 21 Rogoca sara oqo, kemuni na tamata sesewa, sega ni yalomatua, o kemuni oni vakamata ia oni sega ni rai, oni vakadaliga ia oni sega ni rogo. 22 Oni sega beka ni rerevaki au,  e taroga o Yahuwe (YHWH)? Oni na sega beka ni vakarokoroko (tremble) e mataqu? Au a bulia na matasawa me yalana na waitui; na noqu lewa tawamudu, oqori e na sega ni takali rawa. Na kena veibiau era na veicokayaki, ia e na sega ni dua na betena, e dina ga ni ra na vavakurukuru, era na sega ga ni takosova rawa. 23 Ia o ira na tamata oqo, kune vei ira e dua na vuniyalo vakabebe ka babamatua; era a vakabebe ka ra sa lako laivi.  24 Era sega ni kaya vei ira vakataki ira, Laiva me da rerevaki Yahuwe (YHWH) na noda Kalou (Mighty One) o koya e dau solia mai na uca taumada kei na uca taumuri, o koya e biuta tu vakatikitikiki veikeda na macawa ni tatamusuki. 25 Na nomuni daucaka cala, sa vukica vakatoboicu na lawa e vauca na vuravura, na nomuni ivalavala ca sa tarova tiko na kena yaco mai vei kemuni na vinaka. 26 Baleta e na kedra maliwa na noqu tamata era tu na tamata ca, o ira, me vaka na dau tudai, era lawa koto, me ra biri dai,  me ra na tudaitaki ira kina na tamata era kaivata ga. 27 Na nodra veivale e oso kina na  lawaki ca, me vaka e dua na nodra loma ni bai na manumanu vakatabana. Era tubu me ra vutuniyau ka rogo, 28 Era yagovinaka cake ka levulevu, era matai sara e na cakacaka vakalawaki ca, ia era sega ni bau tutaka na nodra kisi na luveniyali, qori qai yaco kina vakavinaka na nodra inaki, era sega talega ni vakatulewa me ra vinaka na dravudravua. 29 E sega beka ni dodonu meu veitotogitaki e na vukuni ka oqo, e taroga o Yahuwe (YHWH)? E sega beka ni dodonu meu veisausaumi lesu vei ira na mataqali matanitu vakaoqo? 30 E dua na ka veivakidacalataki ka velavela sa yaco e na loma ni vanua (oqo);  31 O ira na paroflta era sa parofisaitaka na ka lasutaki, o ira na kohanimi era sa muri i ira ga na parofita, ia o ira na noqu tamata era vinakata na kena ituvaki oqori. Ia na cava sara mada oni na qai cakava e na itinitini ni veika kece oqo?

Yiremeyahu (Jeremaia) 5:16-31

NA IVAQA NI BULA (FOOD FOR THE SOUL)

Ni cakava e dua na tui na ivalavala tawaklikili, qori e itovo vakasisila; baleta na itutu vakatui e vakayavutaki e na yalododonu 13 ¶ Na tui e dodonu me marautaka na tebenigusu yalododonu, ka dodonu me  taleitaki koya e kaya na vosa e donu.

Mishlei (Vosa Vakaibalebale) 16:12-13

LOMANI YAHUWE NA NOMU KALOU (LOVE YHWH YOUR MIGHTY ONE

(Gimel) Cakava vakavinaka vei ira na nomuni dauniveiqaravi, qori au na qai bula [kina] ka bula muria na nomuni vosa.18 ¶ Dolava na yaloka ni mataqu, meu rawa ni raica na  veika talei e na nomuni Toraa. 19 ¶ E dina ga niu mai tu yasa tu ga e vuravura, kakua ni vunitaka mai vei au na nomuni ivakaro. 20 ¶ E veiveigauna au dau kovuti e na [noqu] gadreva na nomuni lewa. 21 ¶ Oni vunauci ira na dokadoka, o ira na vatonaki, o ira era dau lako sese mai na nomuni ivakaro. 22 ¶ Kauta ni laiva mai [me yaco] vei au, na veivakalialiai kei na veibeci; baleta au sa bula muria tiko na nomuni ivakavuvuli. 23 ¶ Ni ra dabe sobu mada ga na ravouvou me ra bukiveretaki au: na nomuni dauniveiqaravi e na vakananuya [tiko] ga na nomuni ilesilesi. 24 ¶ Na nomuni ivakavuvuli e ka talei vei au; o ira, era noqu daunisoli ivakasala. 25 ¶ (Dalet) Au davo sobu meu vakadodo e na dela ni kuvu ni soso; vakavoutaki au, me vaka na nomuni vosa. 26 ¶ Au sa tusanaka oti vei kemuni na noqu ivalavala, oni qai tama mai vei au: vakavulica vei au na nomuni lawa. 27 Cakava meu kilakasamataka na iwalewale ni nomuni ivakavuvuli, au na qai vakananuya na nomuni vei cakacaka talei. 28 ¶ Au sa waicala tani tiko yani, e na nuiqawaqawa kei na rarawa;  vakavoutaka na noqu kaukaua, me yaco kina na nomuni vosa. 29 Biuta vakatikitiki vakayawa sara mai vei au, na ivalavala ni veidabui,  ka tovaki au e na nomuni Toraa. 30 ¶ Au sa digitaka na itovo ni veinuitaki; au sa vakatikora na nomuni ilesilesi  [e mataqu]; 31 Au kabita matua tiko na nomuni ivakavuvuli: i Yahuwe (YHWH) kakua ni laivi au meu vakamadualaki.32 Au sa cici muria tiko na sala ni nomuni ivakaro, baleta oni sa vakarabalevutaka na noqu kilaka.

Tehillim (Same) 119:17-32

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 252 in 5773 (Total 1978)	May 31, 2013
Reading	Hebrew Date
Sh’mu’yl Alef (1 Samuel) 30-31	M #3:Sivan 22, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Dina E Vinakati (Truth Is Required)

Thought: There Is Dire Lack Of Truth In The World Today, But Deceit Pervasive

..................... 

Serving For Yom Chamishi, Sivan 21, 5773

 MAI NA NEVI’IMI AKARONIMI FROM THE NEVI’IM ACHARONIM)

. Veitosoyaki mada e na veisaqata ni koro o Yerushalayimi, vakararai wavoki, vakadidike ka vakatataro e na kena veivanua galala, kevaka o kunea e dua ga (ke kune kina e dua!) e dau cakacakataka ka dau vaqara na dina; o au, au na vosoti (pardon) koya. 2 Ia e dina ga ni ra na kaya, Me vaka ni bula tiko o Yahuwe (YHWH); na kena dina taucoko ni o ira era na bubului lasu. 3 I Yahuwe (YHWH), na matamuni e vaqara ga na dina. Oni samuti ira, ia a sega ni vakamawe vei ira, oni (a voleka sara) ni vakarusai ira, ia era a sega ni via vakadodonutaki. Era vakaqataka na matadra me kaukaua cake mai na vatu; era qai sega ga ni via veivutuni. 4 Na noqu vakasama qo; o ira beka qo o ira era dravudravua, ka lialia, era sega tiko ni kila na ivalavala i Yahuwe (YHWH) se na lewa ni nodra Kalou (Mighty One). 5 Au na lako vei ira na tamata kilai, meu lai vosa vei ira; baleta o ira era kila na ivalavala i Yahuwe (YHWH) kei na lewa ni nodra Kalou (Mighty One).  Ia o ira mada ga qo era sa musuka laivi vakadua na ivua, ka drutia laivi na ivau. 6 Qo na vuna a vakamatei ira kina na laione ni veikau, na vuna e na rawa ni vakacacani ira kina e dua na wolifa ni vanua dravuisiga, na vuna e wanonova tiko kina na nodra veikorolelevu na leopadi, o ira kece era biubiu, era na basuraki vakamatailalai, baleta na nodra cakacala sa rui levu, na nodra liumuri e tubu tiko ga. 7 Na cava na vuna meu vosoti kemuni kina? O ira na nomuni tamata era sa vakanadakui au, era qai bubului tiko vei ira era sega ni Kalou (Mighty One).  Niu vakani ira vaka vinaka me ra mamau, era qai vakayacora na veidauci, e na nodra vakaosoto yani na vale ni saqamua-saumi 8 Era sa yaco me ra vaka na ose dau vakani vakavinaka, na ose tagane garogaro, o ira yadua era tagimuria tiko na watinayalewa na wekadra vakaitikotiko. 9 E sega beka ni dodonu ga meu veitotogitaki e na vuku ni ka oqo, e taroga o Yahuwe (YHWH)? E sega beka ni dodonu meu sausaumilesu vei ira, e na dua na mataqali matanitu vakaoqo? 10 Curuma cake mada na iyatu [ni veivaini] qai vakacacani ira,  [ia kakua ga na vakacacani ira sara vakadua]; tataya laivi na veitabana, baleta qori era sega ni nei Yahuwe (YHWH). 11 Baleta na matavuvale i Yisira'yili kei na matavuvale i Ya'huda, era sa veicakitaki vakaoti, e kaya o Yahuwe (YHWH). 12 Era sa cakitaki Yahuwe (YHWH), era  qai kaya, O koya e na sega ni cakava e dua na ka, na leqa levu e na sega ni samuti keda, o keda eda na sega ni raica na seleiwau se na lauqa.  13 O ira na parofita era cagi wale,  e sega ni tiko vei ira na vosa; na veika era [parofisaitaka] tiko ni na yaco, e na yaco ga vei ira. 14 O koya oya e kaya kina o Yahuwe na Kalou ni lewevuqa (YHWH Mighty One Tzva'ot),  Baleta na nomuni ivosavosa vakaoqo na tamata oqo, au na cakava na vosa me bukawaqa mai loma ni gusumu [i Yiremeyahu], kei ira na tamata oqo me ra buka, me rawa ni yameci ira.15 Au na kauta yani vei kemuni, e na loma ni matavuvale i Yisira'yili e dua na matanitu mai na vanua yawa, e kaya o Yahuwe (YHWH), e dua na matanitu gugumatua, e dua na matanitu mai na gauna makawa, e dua na matanitu oni sega ni kila na nodra matuavosa, oni na sega kina ni kila na veika era na vakacavuta

Yiremeyahu (Jeremaia) 5:1-15

NA IVAQA NI BULA (FOOD FOR THE SOUL)

Ni toka e na tebenigusuna e dua na tui na veivakauqeti Vakalou; na gusuna e na sega ni cala ni vakatulewa. 11 ¶ Na tautauvata kei na ivakarau ni vakatulewa dodonu e vu vakatabakidua mai na lewa i Yahuwe (YHWH); na bibi taucoko e na dua na taga, era nona  cakacaka.

Mishlei (Vosa Vakaibalebale) 16:10-11

LOMANI YAHUWE NA NOMU KALOU (LOVE YHWH YOUR MIGHTY ONE

(Afef) E wacava na nodra mamarau, [o ira] e sega ni beitaki rawa na nodra itovo ni bula, [oya] o koya e bula muria na ivakaro i Yahuwe (YHWH). 2 E wacava na nodra mamarau o ira era bula muria na nona lewa, era qai vaqarai koya e vuniyalodra taucoko. 3 [O ira] era sega ni cakava e dua na ka cala, ia era bula muria ga na nona ivalavala. 4 Oni sa vakotora sobu na nomuni ivakaro, me keimami bula muria vakayalomatua. 5 Me bau tudei mada ga na noqu itovo e na noqu  vakamuria tiko na nomuni ivakaro. 6 Qori au na qai sega kina ni vakamaduataki, baleta niu sa na tekia toka na noqu rai e na nomuni  ivakaro kece sara. 7 ¶ Au vakavinavinakataki kemuni, e na dina ni vuniyaloqu, niu sa vulica oti na nomuni lewa dodonu. 8 Au na vakayacora na nomuni lesilesi: [ni] kakua ni vakanadakui au vakadua.

9 ¶ (Bet) E na rawa vakacava vua e dua na cauravou me maroroya na nona ivalavala me savasava tikoga? E na nona taqomaka tikoga [na nona ivalavala] me muria na nomuni vosa. 10 ¶ Au na vaqarai kemuni tikoga e na vuniyaloqu taucoko; [au na] sega ni vakadonuya meu lako sese mai na nomuni ivakaro. 11 ¶ Au vakamareqeta na nomuni vosa  e vuniyaloqu, me kakua kina niu valavala ca saqati kemuni. 12 ¶ [Moni] vakavinavinakataki i Yahuwe (YHWH)! Vakatavulica vei au na nomuni lesilesi. 13 ¶ Au tusanaka e gusuqu, na ilesilesi taucoko oni sa vakamacalataka. 14 Au dau vakamarautaki e na ivalavala ni nomuni ivakavuvuli, vakalevu cake sara mai na veimataqali iyau cava ga e tu. 15 Au na dau vakananuya na nomuni ivakaro, ka tekia toka na yaloka ni mataqu  e na nomuni ivalavala.16 Au na kunea na noqu reki e na nomuni lawa. Au na sega ni guilecava na nomuni vosa.

Tehillim (Same) 119:1-16

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 251 in 5773 (Total 1977)	May 30, 2013
Reading	Hebrew Date
Sh’mu’yl Alef (1 Samuel) 27-29	M #3:Sivan 21, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

A Rui Levu Na Vakabebe (There Was Too Much Rebelliousness)

Thought: An Army Is Sent To Remove Rebelliousness From YHWH’s People

......................... 

Serving For Yom R’vi’ii, Sivan 20, 5773

 MAI NA NEVI’IMI AKARONIMI FROM THE NEVI’IM ACHARONIM)

Baleta e dua na domo sa kacivaka tiko mai na itukutuku mai Dani, e vakarogoya tiko mai na leqa levu e na veidelana mai Ifirayimi. 16 Tukutukutaka vei ira na veimatanitu; vakarogoya me baleti Yerushalayimi,  (Na meca) era sa lako tiko mai na dua na vanua yawa, era bolebole tiko mai ka vakacibi i valu tiko mai, ni ra na mai saqata na veikorolelevu ni Ya'huda. 17 Me vakataki ira na yadra e na were, era tu wavokita, baleta o ira era a vakabebe vei au, e kaya o Yahuwe (YHWH). 18 Na nomuni ivalavala kei na nomuni cakacaka sa kauta mai vei kemuni vakataki kemuni na veika oqo. Oqo na nomuni ivalavala tawakilikili, io e rui gaga vakaoti! Era sa yacova sara yani na vuniyalomuni.19 Na noqu iwawa! Na noqu iwawa! Au sa veimoqeyaki tiko e na vutugu; Na utoqu! Sa vavadugudugu vakalialia, au sa sega ni toka rawa vakamalua, baleta au sa rogoca ni uvu na davui (shofar); baleta sa kacivi na (itekivu ni) ivalu. 20 Na itukutuku e baleta na veitarataravi ni leqa lelevu! Na vanua taucoko sa vakacacani! Na noqu veivalelaca era sa vakarusai, na noqu ilatilati e na dua ga na tikinigauna lekaleka. 21 E na vakacava soti na dede ni gauna au na raica tiko kina na ivakatakilakila, ka rogoca ni uvu tiko na davui (shofar)? 22 Qori e baleta ga ni ra lialia na noqu tamata, era sa sega ni kilai au; o ira era sa yalowai me vakataki ira na lalai, e sega vei ira na yalomatua, [ia] era matai sara ni ra  caka ca, ia era sega ni kila na iwalewale ni caka vinaka. 23 Au raica na vuravura, e carukaica tu ka laladidi tu;  na lomalagi e sega tu  na kena rarama. 24 Au raica na veiulunivanua, era qai sasakurekure, na veidelana kece era veitosoyaki i muri, i liu. 25 Au rai, qai sega tu kina na tamata, o ira na manumanu vakatabana kece ni macawalala era sa veidroyaki. 26 Au raica, na veivanua bulabula era sa dravuisiga, na veikorolelevu kece ni vanua era sa kama vakadua i na dela ni qele, e na mata i Yahuwe (YHWH), mai na nona cudru cacaudreudre. 27 Baleta oqo na veika e kaya o Yahuwe (YHWH), Na vanua taucoko e na laladidi, (e dina ga niu na sega ni vakarusa sara vakaoti). 28 E na vuku ni ka oqo, na vanua e na vakaloloku kei na lomalagi e cake sa na vakacerebuto; baleta au sa kaya, Au sa lewa, au na sega ni veisautaka na noqu vakasama, au na sega ni vuki lesu meu tu vakasuka. 29 E na rorogo ni dauvodo ose kei na dau vanataki dakaititi, na korolevu taucoko e na dro; eso era comolaki ira tu yani i loma ni veikau, eso era na kabata cake na veibara ni vatu; na veikorolelevu era sa na biu laladidi tu, sa sega ni dua me vakaitikotiko kina. 30 Ia o iko, o sa na tini mo vakacacani, na cava na kena ibalebale mo  vakaisulutaki iko mai kina e na isulu kulakula, o qai uku mai o iko vakataki iko e na veivatu talei kei na koula, o qai vakalevutaka na yaloka ni matamu e na iqumu ni mata? E maumau wale na nomu vakarairai vinakataka na kemu irairai; o ira na nomu dodomo era sa sevaki iko, era sa qara tiko mai [me ra vakamatea] na nomu bula. 31 Baleta au sa rogoca e dua na rorogo e vaka e dua na yalewa e taratara tiko, e na vutu vakaitamera e vakasucuma tiko na nona ulumatua. Qori na domo ni luveyalewa i  Zaiyoni; sa kere cagi tiko ni dedeka [ka dulaka cake tu] na ligana qai kaya tiko, Au sa leqa vakalevu! Na veika kece e lomaqu era sa rarawa tu e matadra na dauveivakamatei!

Yiremeyahu (Jeremaia) 4:15-31

NA IVAQA NI BULA (FOOD FOR THE SOUL)

E vinaka cake ni lailai wale ia e na yalododonu, mai na tatamusuki vakaitamera e caka vakatawadodonu. 9 ¶ E dua na tamata e na navuca na nona gaunisala, ia o Yahuwe (YHWH) e na dusimaka [vua] na nona itosotoso.

Mishlei (Vosa Vakaibalebale) 16:8-9

LOMANI YAHUWE NA NOMU KALOU (LOVE YHWH YOUR MIGHTY ONE

Na liga i matau i Yahuwe (YHWH) sa laveti cake tu e na qaqa! Na liga i matau i Yahuwe (YHWH) e veisamu vakaukaua. 17 Au na sega ni mate; e sega, au na bula ga, meu tusanaka na cakacaka lelevu i Yahuwe (YHWH).18 O Ya (Yah) e a vakadodonutaki au vakawaromisa: ia a sega ga ni soli i au laivi i na mate.

19 ¶ Dolava vei au na matamata ni yalododonu; au na curu kina, au na qai  vakavinavinakataki Ya (Yah): 20 Oqo na matamata i Yahuwe (YHWH); o ira na yalododonu e rawa ni ra curu kina. 21 Au vakavinavinakataki kemuni tiko baleta oni a tama mai vei au, oni a qai  yaco moni noqu ivakabula. 22 Na vatu sara ga era a cata o ira na matai, sa  yaco me ivakadei ni tutu ni vale. 23 Oqo e lako sobu mai vei Yahuwe (YHWH); ia qori e matalau e matada. 24 Oqo na siga a bulia o Yahuwe (YHWH); e dua na siga meda reki ka mamarau kina. 25 Yalovinaka, i Yahuwe (YHWH), Vakabulai keimami! Yalovinaka, i Yahuwe  (YHWH)! Vueti keimami. 26 E kalougata o koya e lako mai e na yaca i Yahuwe (YHWH). Keimami vakavinavinaka vei kemuni e na loma ni vale i Yahuwe (YHWH). 27 O Yahuwe (YHWH) na Kalou (Mighty One), o koya e solia vei keda na rarama. Mai duavata e na solevu ni isevu e na tabanikau, me yaco vakadua sara i na ileu ni cabocabo ni soro. 28 O kemuni oni noqu Kalou (Mighty One), au vakavinavinaka vei kemuni; O kemuni na noqu Kalou (Mighty One), au na vakacerecerei kemuni. 29 Solia na vakavinavinaka vei Yahuwe (YHWH); baleta o koya e vinaka; na nona yalololoma e tudei tu tawamudu.

Tehillim (Same) 118:15-29

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 250 in 5773 (Total 1976)	May 29, 2013
Reading	Hebrew Date
Sh’mu’yl Alef (1 Samuel) 24-25	M #3:Sivan 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lesu Yisira’yili (Return Yisra’yl).

Thought: Your Salvation, Which Is In YHWH, Is Way Better Than His Wrath!

 ....................

Serving For Yom Shlishi, Sivan 19, 5773

 MAI NA NEVI’IMI AKARONIMI FROM THE NEVI’IM ACHARONIM)

I Yisira'yili, kevaka moni lesu mai, e kaya o Yahuwe (YHWH), ia lesu sara mai vei au; kevaka mo biuta laivi na nomu itovo vakasisila e mataqu moni kakua ni lako sese tale mai vei au, 2 Kevaka talega moni bubuluitaka, Me vaka ni bula tiko o Yahuwe (YHWH), e na dina, na lewadodonu kei na yalododonu; ia o ira na veivanua era na vakalougatataki ira vakataki ira maivua; ia vua talega era na qai lagilagi.

3 ¶ Baleta qo na ka a kaya o Yahuwe (YHWH) vei ira na tamata ni Ya'huda, kei Yerusalayimi, Vurulaka na nomuni vanua era se bera ni siviyarataki, kakua ni kabukaburaki e na maliwa ni veikau wavakavotona. 4 Kemuni na tamata ni Ya'huda kei na itaukei kei Yerusalayimi, tevei kemuni vakataki kemuni e na vuku i Yahuwe (YHWH), kauta tani na vusoni vuniyalomuni! Ke sega, na noqu leva cecekia e na warowaro yani vaka na bukawaqa, e katakata vakaoti ni waqa tiko qai sega ni dua me bokoca, baleta na kena rui ca vakaoti na veika oni vakacakava tiko.

5 ¶ Kacivaka mai Ya'huda, vakarogoya mai Yerushalayimi me tukuni, Uvuca na davui (shofar) e loma ni vanua! Sosoqoni! Laiva meda curuma na veikoro vakabai. 6 Vakarewataka na ivakatakilakila mai Zaiyoni; Dro yawa [moni kakua ni bera] i na ivunivuni. Baleta au na kauta mai na rusa mai na vualiku, io na rusa waromisa. 7 E dua na laione sa vura tiko mai na nona qara, e dua na dau vakarusai matanitu sa tekivu me toso mai; sa biuta mai na nona vanua me mai vakacacana na nomuni vanua, me mai vakalala na nomuni veikorolevu me vakatawani ira vou. 8 O koya oya moni pulouni kemuni kina e na isulutaga, moni tagilagalaga ka qoqolou; baleta na leva waromisa i Yahuwe (YHWH) e se bera ni vukuci tani mai vei keda.

9 E na gauna e yaco mai kina na siga oya, e kaya o Yahuwe (YHWH), na vuniyaloni tui sa na waicala, ka vaka kina o ira na ravouvou, na kohanimi era na kurabui kei na parofita era na kidroa. 10 Oti au qai kaya, Isa, i Yahuwe (YHWH) na Kalou (Mighty One)! E dina beka ga ni oni a vakacalai ira vakalevu na tamata oqo vata kei Yerushalayimi e na nomuni  kaya, E na yaco mai vei kemuni na vakacegu, e na gauna vata sa dodoki tu mai kina na seleiwau donuya na neimami itilotilo.  11 E na gauna oya e na kainaki me baleti ira na tamata oqo vata kei ira mai Yerushalayimi, E dua na cagi katakata vakaoti mai na veidelana dravisiga sa liwavi ira tiko mai na noqu tamata. E sega ni mai veiirivi se me mai veivakasavasavataki, 12 Na noqu cagi oqo sa rui kaukaua  me cakava oqori. Qo au sa na tauca na itotogi vei ira. 13 Qori sa lako tiko mai o koya; me vaka na o, na nona qiqi ni ivalu me vaka na covulaca, na nona ose era totolo cake mai na ikeli! Na leqa e na yaco vei keda o keda eda sa na vakarusai! 14 Savuya laivi na ca mai vuniyalomu, i Yerushalayimi, me rawa ni o vueti. E na vakacava na kena dede na nomu katona voli o iko vakataki iko, na nomu vakasama dukadukali?

Yiremeyahu (Jeremaia) 4:1-14

NA IVAQA NI BULA (FOOD FOR THE SOUL)

Na yalololoma kei na dina, e na savata na ivalvala ca; ia o ira na tamata era na saumaki laivi mai na ivalavala ca baleta na nodra rerevaki Yahuwe (YHWH). 7 ¶ Ni taleitaka na nona ivalavala e dua na tamata o Yahuwe (YHWH), o ira mada ga na kena meca era na tu veisaututaki vata kei koya.

Mishlei (Vosa Vakaibalebale) 16:6-7

LOMANI YAHUWE NA NOMU KALOU (LOVE YHWH YOUR MIGHTY ONE

Solia na vakavinavinaka vei Yahuwe (YHWH); baleta o koya e vinaka, baleta na nona yalololoma e na tudei tu me tawamudu 2 Ia qo, laivi Yisira'yili me kaya, Na nona yalololoma e na tudei me tawamudu. 3 Laivi ira na matavuvale i Aharoni me ra kaya, Na nona yalololoma e na tudei tu me tawamudu, 4 Laivi ira era rerevaki Yahuwe (YHWH) me ra kaya, Na nona yalololoma e na tudei tu me tawamudu. 5 Mai na noqu sogolati tu e na leqaleqa, au qai kacivi Ya (Yah); a qai tama mai o koya, qai solia mai vei au me levu na noqu galala. 6 Ni to mai na noqu yasana o Yahuwe (YHWH) au sega ni taqayataka e dua na ka, na cava e rawa ni cakava vei au na tamata? 7 O Yahuwe (YHWH), ni to mai i yasaqu vaka noqu dauniveivukei, au raici ira rawa kina na kequ meca e na qaqa. 8 E vinaka cake sara meda qara na noda taqomaki vei Yahuwe (YHWH), mai na noda vakabauti ira na tamata. 9 E vinaka cake meda biuta na noda inuinui vei Yahuwe (YHWH), mai na noda biuta na noda vakabauta vei ira na iliuliu [dauvakavulewa]. 10 Na veivanua taucoko era mai tu vakavolivoliti au: ia e na yaca i Yahuwe (YHWH) au qai muduki ira laivi. 11 Era tu vakavolivoliti au mai na veiyasana taucoko; ia e na yaca i Yahuwe (YHWH) au muduki ira laivi. 12 Era mai tu vakavolivoliti au me vaka  na qelenipi; ia era a boko laivi sara  [vakatotolo] me vaka ni kama na veikau wa vakavotona; baleta e na yaca i Yahuwe (YHWH) au muduki ira laivi. 13 Oni a biligi au vakaukaua mo cakava meu lutu, ia o Yahuwe (YHWH) a qai vukei au. 14 O Ya (Yah) na noqu kaukaua ka noqu sere, ka sa yaco me noqu ivakabula.

Tehillim (Same) 116:11-19

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 249 in 5773 (Total 1975)	May 28, 2013
Reading	Hebrew Date
Sh’mu’yl Alef (1 Samuel) 23-24	M #3:Sivan 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yisira’yili Kei Ya’huda Rau Na Cokovata Tale (Yisra’yl And Y’hudah Will Be Re-United)

Thought: Yisra’yl &Y’hudah Should Return To YHWH, The Solution

 .........................

Serving For Yom Sheini, Sivan 18, 5773

 MAI NA NEVI’IMI AKARONIMI FROM THE NEVI’IM ACHARONIM)

O iko mo kilakasamataka ga e vuniyalomu ni o cala; ni o dau cakava na basulawa, mo saqati Yahuwe (YHWH)  kina, na nomu Kalou (Mighty One), e na nomu dau vakayacora na ivalavala vakasisila vata kei ira na kai tani e na ruku ni veivunikau drokadroka, o qai sega ni dau galeleta mo rogoca na domoqu, e kaya o Yahuwe (YHWH).  14 Lesu mai kemuni na gonelalai dau liumuri, e kaya o Yahuwe (YHWH); baleta o au, au nomuni turaga, au na  kauta e dua vei kemuni mai na dua na korolevu, kei na rua mai na dua na matavuvale, meu kauti kemuni i Zaiyoni. 15 Au na lesia vei kemuni na ivakatawa, era dau bula muria na vuniyaloqu, o ira era na qai vakani kemuni, e na kilaka (knowledge) kei na yalomatua. 16 E na qai yaco, e kaya o Yahuwe (YHWH) e na veisiga oya, ni sa tubu na kemuni iwiliwili e na loma ni vanua, o ira na tamata era sa na sega ni veivosakitaka tale na kato ni veiyalayalati nei Yahuwe (YHWH); era sa na sega ni vakasamataka, era na sega ni calata (miss) tale tiko, era na sega tale ga ni taya e dua tale. 17 Ni sa yaco mai na gauna oya,  era sa na vakatokai Yerushalayimi na idabedabe vakatui i Yahuwe (YHWH). Na veimatanitu era na soqoni yani e na yaca i Yahuwe (YHWH) mai Yerushalayimi. Sa na oti vakadua na nodra bula tale tiko e na babamatua ni vuniyalodra ca. 18 E na gauna oya na matavuvale i   Ya'huda sa na bula vata tale tiko kei na matavuvale i Yisira'yili; rau sa na soqo vata mai, mai na veivanua e na vualiku, i na vanua au a solia vei ira na nomuni itubutubu me ra taukena vakaivotavota.19 Au vakasamataka niu vinakata meu biuti kemuni e na kedra maliwa na luvetagane (e tiko na nodra dodonu me ra itaukei vakaivotavota), ka solia vei kemuni na vanua bulabula, oya na kena e vinaka duadua mai na nodra ivotavota o ira na veimatanitu. Au qai nuitaka ni oni na kacivi au, I tamaqu, qai sega vakadua ni tinia na nomuni bula muri i au. 20 Ia me vaka e dua na yalewa dau liumuri, e lawakitaki watinatagane tiko, o kemuni na lewe ni matavuvale i  Yisira'yili, oni sa liumuritaki au, e kaya o Yahuwe (YHWH). 21 E dua na domo e rogo tiko mai na veidelana, na matavuvale i Yisira'yili e tagi tiko, ka kere loloma tiko, baleta era sa vakatanitaka na nodra sala, ka ra sa guilecavi Yahuwe (YHWH) na nodra Kalou (Mighty One). 22 Lesu mai, kemuni na gonelalai dau liumuri, au na qai walia na nomuni dau liumuri; Oqo o keimami, keimami sa lako tiko yani vei kemuni, baleta o kemuni o Yahuwe (YHWH) na neimami Kalou (Mighty One). 23 Sa vakadinadinataki ga ni ka ni veivakacalai (delusion) na veidelana, ka vakakina na ivalavala vakasisila (orgies) e na veiulunivanua. E kadina ni nodra vueti  na Yisira'yili e toka ga e na liga i Yahuwe (YHWH) na noda Kalou (Mighty One). 24 Ia mai na gauna sara ni neimami itabagone, na ka vakamadua oqo [oya na sokaloutaki matakau], e sa tiloma na vua ni nodra cakacaka o ira na neimami itubutubu; na nodra qelenisipi kei na qelenibulumakau, na luvedra tagane kei na luvedra yalewa. 25 Laiva meda koto sobu e na noda  madua, laiva na noda rogorogo ca me kovuti keda, baleta eda sa valavala ca saqati Yahuwe (YHWH) na noda Kalou (Mighty One), ruarua o keda kei ira na noda itubutubu, mai na gauna ni noda itabagone, me yacova mai na siga edai; eda sega ni bau galele [meda rogoca] na domo i Yahuwe (YHWH) na noda Kalou (Mighty One).

Yiremeyahu (Jeremaia) 3:13-25

NA IVAQA NI BULA (FOOD FOR THE SOUL)

O Yahuwe (YHWH) e bulia na veika kece me rawata na kena inaki, bau kina o ira era ivakarau vakasisila me baleta na siga ni leqa. 5 ¶ O Yahuwe (YHWH) e sega ni taleitaki ira kece e dau qaciqacia na vuniyalodra; me kilai vinaka tiko ni ra na sega ni drotaka na kedra itotogi.

Mishlei (Vosa Vakaibalebale) 16:4-5

LOMANI YAHUWE NA NOMU KALOU (LOVE YHWH YOUR MIGHTY ONE

Au a vakabauta tiko ga, e na gauna mada ga au kaya kina, Au sa lomaloma ca (miserable) dina vakaoti, 11 E na gauna mada ga, ni noqu nuiqawaqawa, au qai tusanaka, Na kece sara vakatamata era veivakacalai. 12 Au na sausaumi beka vakacava vei Yahuwe (YHWH) me idole ni veika yaga mai vua e dau vakarautaki mai e na vukuqu? 13 Au na laveta cake na bilo ni veivakabulai, au na qai kaciva na yaca i Yahuwe (YHWH). 14 Au na vakayacora na noqu bubului vei Yahuwe (YHWH), e na kedra maliwa na nona tamata kecekece. 15 Mai na rai i Yahuwe (YHWH) na nodra mate o ira era yalodina tiko vua e bibi  vakaoti na kena isau. 16 Isa i Yahuwe (YHWH), o au, au nomuni bobula; o au na nomuni bobula, na luvenatagane na nomuni vada bobula: oni sa sereka na kequ ivesu.17 Au na cabora e dua na isoro ni vakavinavinaka vei kemuni, au na qai kaciva na yaca i Yahuwe (YHWH). 18 Au na vakayacora qo na noqu bubului vei Yahuwe (YHWH) e na kedra maliwa na nona tamata kecekece, 19 E na lomanibai ni vale i Yahuwe (YHWH), e keya e na loma ni vuniyalomuni, o Yerushalayimi. Haleluya!

Tehillim (Same) 116:11-19

Vakavinavinakataki Yahuwe (YHWH), kemuni kece na veimatanitu! Sokalou vua, kemuni kece na veimatatamata. 2 Baleta na yalololoma sa kovuti keda kece tu vakadua, ia na dina i Yahuwe (YHWH) e na tudei tiko me tawamudu. Haleluya!

Tehillim (Same) 117:1-2

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 248 in 5773 (Total 1974)	May 27, 2013
Reading	Hebrew Date
Sh’mu’yl Alef (1 Samuel) 21-22	M #3:Sivan 18, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cala O Ya’huda Kei Yisira’yili (Yisra’yl and Y’hudah Wrong)

Thought: Change Over To YHWH, He Will Forget Your Wrong Doing

....................... 

Serving For Yom Rishon, Sivan 17, 5773

 MAI NA NEVI’IMI AKARONIMI FROM THE NEVI’IM ACHARONIM)

Kaya [o Yahuwe (YHWH)], Ke dua na tagane e sere mai vei watina yalewa, a mani biuti koya, qai lai vakamautaka e dua tale na tagane, ia ke qai vakamautaki koya tale o koya na imatai [ni tagane]; na vanua oya sa na vakadukadukalitaki vakadua. Ia o iko o saqamuataki iko tiko vei ira e vuqa na nomu dodomo, ia o qai via lesu [tale] mai vei au; e taroga o Yahuwe (YHWH)? 2 Tacake na matamu i na veidelana era sa laladidi tu, vakaraica mada; na vanua cava tale, o se sega ni bau veiyacovi kina? O dabe toka e na bati ni sala, [mo] waraki ira toka kina, me vaka e dua e tu yasa e na vanua dravuisiga. O sa vakadukadukalitaka na vanua e na nomu dausaqamua kei na ivalavala vakasisila. 3 E na vuku ni ka oqo, na uca mamada sa bureitaki vei kemuni; sa sega ni bau tau mada ga na uca (e muri) e na vula itubutubu; ia o se vakaraitaka tiko ga na mata babamatua ni yalewa saqamua, o qai sega sara ga ni via madua. 4 O sega beka ni se qai tagici au tiko ga oqo, I tamaqu, o kemuni na noqu itau mai na gauna sara au se gone kina?  (Ni o nanuma tiko), O koya e na sega ni katona tiko na nona levaci au me tawa mudu, se na rawa beka? O koya e na sega ni tosoya tiko me yacova na ivakataotioti? Qori na ka o kaya tiko, ia o cakava tiko ga na ivalavala vakasisila; o iko o cakava sara tiko ga na ka ga e lomamu mo cakava. 6 E na gauna i Yoshaiyahu na tui, o Yahuwe (YHWH) a tarogi au, O sa raica tiko beka na veika e cakava tiko o Yisira'yili na dauliumuri? O koya e cabe cake i na veidelana laladidi kei na ruku ni veivunikau drokadroka kece sara, qai lai saqamuataki koya tiko vakataki koya e keya. 7 Au qai kaya, Ni sa vakayacora oti na veika kece oqo, o koya e na qai lesu mai vei au; ia o koya a sega ni lesu mai. E na gauna vata oqo, o Ya'huda na tacina lawaki ca, sa dau raica tu yani. 8 Au raica tu yani, ni dina ga ni a veidauci dina o Yisira'yili na dauliumuri, au qai vakatalai koya laivi kina e na noqu solia vua e dua na ivolasui ni veibiu, o Ya'huda na tacina daulawaki ca, a sega ni bau tosoi me rerevaki au, ka ni o koya talega a qai lako talega  me lai saqamuataki koya vakataki koya. 9 Na kena rawarawa vei Yisira'yili me saqamutaki (prostitute) koya vakataki koya e a vakadukadukalitaka na vanua, baleta o koya a veidauci vata kei na  vatu kei na tolotolonikau. 10 Ia ena dela ni veika kece oqo, na tacina daulawaki ca, o Ya'huda, e sega  ni bau lesu  mai vei au e na yalona taucoko, o koya e vakalecalecava tiko ga, e kaya o Yahuwe (YHWH). 11 Oti qai kaya vei au o Yahuwe (YHWH) O Yisira'yili dauliumuri, e vakatakila  tiko, ni o koya e yalododonu cake mai vei Ya'huda na daulawaki ca. 12 Lako lai vakarogoya na veivosa oqo vei ira mai vualiku; Lesu mai i  Yisira'yili dauliumuri, e kaya o Yahuwe (YHWH);  au na sega ni matacataki iko baleta o au, au dau yalololoma, e kaya o Yahuwe (YHWH), au na sega ni katona tiko na noqu cudru me sega ni mudu

Yiremeyahu (Jeremaia) 3:1-12

NA IVAQA NI BULA (FOOD FOR THE SOUL)

E dua na tamata, e nona itavi me vakarautaka na nona vakasama, ia na veika e kaya na yame e lewa o Yahuwe (YHWH). 2 ¶ Na nona ivalavala kecekece e dua na tamata e savasava vakaoti e nona rai o koya vakataki koya; ia o Yahuwe (YHWH) e vakatulewa me baleta na yalona. 3 ¶ Kevaka mo nuitaka na veika kece o cakava vei Yahuwe (YHWH), na nomu  inakinaki e na yaco vinaka [kece].

Mishlei (Vosa Vakaibalebale) 16:1-3

LOMANI YAHUWE NA NOMU KALOU (LOVE YHWH YOUR MIGHTY ONE

AU taleitaka ni o Yahuwe (YHWH) e rogoca na domoqu niu vakatamamasu.2 Baleta ni vakala mai vei au o koya na daligana, au na dau kaci vua e na gauna kece au bula tiko kina.3 Na dali ni mate a waviviraki au, na mosimosi ni She'ola sa vesuki au tu vakaukaua; Au sotava tikoga na rarawa kei na vutugu.4 Ia au qai kaciva na yaca i Yahuwe (YHWH); Yalovinaka i Yahuwe (YHWH)! Vueti au!  5 O Yahuwe (YHWH) e vuable e na yalololoma kei na yalododonu; 6 O Yahuwe (YHWH) e dau taqomaki ira era sega ni vakasama (thoughtless); niu vakalolovirataki, o koya e a vueti au.  7 Noqu bula (soul), lesu i na nomu icegucegu! Baleta o Yahuwe (YHWH) sa caka vinaka vakayauyau tiko vei iko. 8 Io oni a vueta na noqu bula mai na mate, na mataqu mai na wanimata, kei na yavaqu mai na lutu. 9 Au na taubale tiko ga e na mata i    Yahuwe (YHWH) e na nodra vanua o ira era bula tiko

10 ¶ Au a vakabauta tiko ga, e na gauna mada ga au kaya kina, Au sa lomaloma ca (miserable) dina vakaoti,

Tehillim (Same) 116:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 247 in 5773 (Total 1973)	May 26, 2013
Reading	Hebrew Date
Sh’mu’yl Alef (1 Samuel) 19-20	M #3:Sivan 17, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vinaka Nei Yahuwe E Besetaki (YHWH’s Goodness Unwanted)

Thought: People Cannot See YHWH’s Goodness, Worthless Idol Worship Is Preferred

.......................... 

Serving For Shabbat, Sivan 16, 5773

 MAI NA NEVI’IMI AKARONIMI FROM THE NEVI’IM ACHARONIM)

Tu mada vakadua, ni se bera ni yavu na boto ni nomu ivava, qai mamaca na nomu itilotilo e na karamaca! Ia o qai kaya, Sega, sa sega ni dua na ka e rawa ni caka! Au sa domoni ira na kaitani qo, au sa na lako muri i ira ga. 26 Me vaka ga ni madua na daubutako ni tobo, e vaka kina o ira na lewe ni matavuvale i Yisira'yili, e na nodra madua, oya o ira, o ira na nodra tui, o ira na nodra iliuliu, o ira na nodra kohanimi kei ira na nodra parofita, 27 E nodra kaya i na dua na tolonikau, O iko na tamaqu; ka vaka i na dua na vatu, O iko o a vakasucumi au; baleta o ira era sa vakanadakui au; era sa sega ni vakanamata tiko mai vei au; ia e na gauna e yaco mai kina leqa, era na qai vakamamasu mai, Yavala mada mai moni mai vueti keimami. 28 Ia evei ga na nomuni kalou (elohim) oni a buli i ira o kemuni vakataki kemuni? Laivi me ra yavalati  mai, ke vaka era rawa ni vueti kemuni e na nomuni veigauna ni leqa! I Ya'huda o iko o sa tautauvata ga na ilevu ni nomu kalou (elohim) vata kei na ilevu ni nomu veikorolelevu.

29 ¶ Na cava oni veiba tiko mai kina vata kei au? Oni sa vakabebe kece sara tikoga vei au, e kaya o Yahuwe (YHWH). 30 Sa maumau wale na noqu mokuti ira na nomuni tamata. Era sega sara ga ni via ciqoma na veivakadodonutaki. Na nomuni seleiwau [sara ga] sa tilomi ira na nomuni parofita me vaka na laione  dau veivakarusai. 31 O kemuni e na itabatamata oqo, ni raica mada na vosa i Yahuwe (YHWH); Au dau vaka beka na vanua liwa vei Yisira'yili? Se vaka na  vanua butobuto vavaku? Na cava mada na vuna era kaya tiko kina na noqu tamata, Keimami sa vagalalataki me keimami veitosoyaki; keimami sa na sega tale vakadua ni lesu yani vei kemuni! 32 E rawa beka vua e dua na goneyalewa me guilecava na nona iyaya ni sasauni? Se na yalewavou na nona  wabale ni vakamau? Ia o ira na noqu tamata era sa guilecavi au, me vica vata na siga e sega ni vakaiwiliwili rawa. 33 Oni sa mataitaka toka na nomuni vaqara moni domoni,  ni o ira mada ga na yalewa cacalaivi vakaoti era sa vuli tale tiko mai vei kemuni. 34  Ia tauva sara tu ga oqori na nomuni liku na dra ni nodra bula (souls) na dravudravua tawa cala; o kemuni oni a sega ni toboki ira ni ra basu bai me ra curu vakailowa. Ia e na veika kece oqo,  35 Oni kaya, E sega na noqu cala, sa dodonu ga me oti na nona cudruvi au; Ia raica niu na vakatulewataki iko, baleta ni o kaya tiko, Au a sega ni cakava e dua na cala. 36 E ka levu na nomu vakamamadataki iko tiko, baleta ni o sa rui veivukiyaki vakawasoma; oni na tini madualaki Ijipita, me vaka ni oni a madualaki Ashuru. 37 Io, oni na biubiu mai vua e na madua; ni taqa toka na ligamuni e ulumuni, (baleta na ilevu ni nomuni madua). Baleta o Yahuwe (YHWH) e sega ni wiliki ira oni dau vakanuinui vei ira; mai vei ira, o kemuni oni na sega ni rawata e dua na ka.

Yiremeyahu (Jeremaia) 2:25-37

NA IVAQA NI BULA (FOOD FOR THE SOUL)

Na lewa matau mai na vuku, [oya] na nona rerevaki o Yahuwe (YHWH); ni se bera ni dokai, na tamata [e dodonu] me yalomanoa (meek) sara mada ga e liu.

Mishlei (Vosa Vakaibalebale) 15:33

LOMANI YAHUWE NA NOMU KALOU (LOVE YHWH YOUR MIGHTY ONE

Sega vei keimami, i Yahuwe (YHWH), sega vei keimami, ia i na yacamuni ga, solia na dokai, e na vuku ni nomuni loloma kei na dina;  2 Na cava na vuna me taroga kina na  matanitu, Evei sara na nomuni Kalou (Mighty One)? 3 Na neimami Kalou (Mighty One) e tiko mai lomalagi; o koya e cakava na cava ga e gadreva o koya vakataki koya [me cakava]. 4 Ia na nodra kaloumatakau era siliva kei na koula, era a bulia na liga ni tamata. 5 Era vakagusu, ia era sega ni vosa rawa; era vakamata, ia era sega ni rai rawa; 6 Era vakadaliga, ia era sega ni rogo rawa; era vakaucu, ia era sega ni boiboi rawa; 7 Era vakaliga, ia era sega ni vakayayamo rawa; era vakayava, ia era sega ni taubale rawa; ia na nodra itagitagi (throat) e sega ni cakava rawa e dua na rorogo. 8 O ira na tamata era a buli i ira, era na qai tautauvata kei ira, bau kina o ira kece era vakararavi vei ira.

9 ¶ I Yisira'yili, vakanuinui vei Yahuwe (YHWH)! O koya e nodra  dauniveivukei ka nodra isasabai. 10 Vale i Aharoni, vakanuinui vei Yahuwe (YHWH)! O koya e nodra dauniveivukei ka nodra isasabai. 11 O kemuni oni rerevaki Yahuwe (YHWH) vakanuinui vei Yahuwe (YHWH)! O koya e nodra dauniveivukei ka nodra isasabai. 12 O Yahuwe (YHWH) e dau kauwaitaki keda e na [nona] vakasama, o koya e na veivakalougatataki. O koya e na vakalougatataka na vale i Yisira'yili; o koya e na vakalougatataka na vale i Aharoni. 13 O Koya e na vakalougatataki ira vakatautauvata o ira era rerevaki Yahuwe (YHWH), lelevu se  lalai.14 Me vakalewelevutaka mada ga na kemuni iwiliwili o Yahuwe (YHWH), ruarua o kemuni kei ira na luvemuni. 15 Moni qai vakalougataki mada ga mai vei Yahuwe (YHWH), o koya e a bulia na lomalagi kei vuravura. 16 Na lomalagi e nei Yahuwe (YHWH), ia na vuravura o koya e sa solia oti vei ra na kawatamata. 17 O ira na mate era sega ni rawa ni   vakavinavinakataki Yahuwe (YHWH), [oya] o ira era sa dromu sobu i na vagagalu.18 Ia o keda eda na vakavinavinaka vei Yahuwe (YHWH) mai na gauna oqo ka tawamudu. Haleluya!

Tehillim (Same) 115:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 246 in 5773 (Total 1972)	May 25, 2013
Reading	Hebrew Date
Sh’mu’yl Alef (1 Samuel) 17-18	M #3:Sivan 16, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.