Thought: Yahweh Plans, Will Eventuate In Us, Even With All The Oppositions
Serving For The 16th September, 2009
09¶ Marau sara vakalevu, o iko na luvei Saioni yalewa, Kaila o iko na luvei Jerusalemi yalewa: Raica, na nomu Tui, sa lako tiko mai vei kemuni, O Koya e yalododonu, e dua na ivakabula, lolovira ka vodoka tiko e dua na asa, e dua na asa gone, na luveni dua na asa. 10 O koya e na muduka laivi na qiqi ni valu mai Ifireimi kei na ose mai Jerusalemi, na dakaititi e na ramusu e na ivalu; e na qai vosa o koya me baleta na sautu vei ira na veivanua; ia na Nona lewa o Koya e na tete mai na wasawasa ki na wasawasa; mai na uciwai i na iyalayala kei vuravura.11 Ia o iko vakataki iko talega, e na vuku ni dra ni nomu veiyalayalati Au na sereki ira kina na nomu kaivesu me ra galala, mai na ikeli e sega kina na wai.
12 ¶ Vakaitikotiko e na valecere isasabai o kemuni na kaivesu ni isoqosoqo; au na vakaruataka na kemuni isau e na dua na siga. 13 Baleta au na lovea na noqu dakaititi e na vuku i Jiuta, ka tawana na noqu dakaititi e na vuku i Ifireimi, kau na vakaduri i ira na luvemuni i Saioni, me saqati ira na luvemuni tagane i Kirisi, ka cakavi Jerusalemi me vaka na seleiwau ni dua na tamata qaqa.
04 E na noqu masu kece e na vukumuni, au dau vakatakekere e na yalomamarau, 05 baleta na nomuni veitokani e na qaravi ni itukutuku vinaka mai na imatai sara ni siga me yacova mai oqo, 06 kau dau nuidei tu e na ka sara ga oqo, ni o Koya e a tekivuna na cakacaka vinaka oqo e na kemuni maliwa, o koya talega e na tosoya tiko me yacova na siga ni noda Turaga o Jisu (Yahshua) na Mesaia.
| Read The Bible in a Year (Wilika Na iVola Tabu E Na Dua na Yabaki). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 259 | September 16 | Proverbs 30-31 | 2 Corinthians 8 |
