Toso Cake Nei Tevita. (David’s Rise)

Thought: Yahweh Looks at the Heart, not the External.

...........................................................................

Serving For the 9^th April, 2009

Ia qai kaya o Jiova (Yahweh) vei Samuela, Kakua ni raica na kena irairai, se na kena ibalavu; baleta au na sega ni digitaki koya; au sega ni dau rai me vaka e rai na tamata; na tamata e raica na irairai ni tamata e taudaku, ia o Jiova (Yahweh) e raica na vuniyalona.

1 Samuela 16:7

O Jese a qai cakava me ratou lako mai vei Samuela e vitu na luvena tagane. Kaya tale o Samuela vei Jese, E sega ni digitaka e dua vei ira qo o Jiova (Yahweh). 11 Tarogi Jese tale o Samuela, Sa kena ilevu ga qo na luvemu tagane? Kaya vua o koya, E vo tiko o koya e gone duadua, ia raica e koya e vakatawa sipi tiko. Kaya o Samuela vei Jese, Tala e dua me lai kau mai i ke o koya, baleta au na sega ni biubiu, me yacova ni sa lako mai i ke o koya. 12 Sa qai talatala o koya qai lai kau mai o koya. O koya e yago damudamu ka kaukaua, e totoka vakaoti na yaloka ni matana, ka rairai vinaka vakaoti na kena iraira. Kaya o Jiova (Yahweh) vei Samuela, Tu cake, lumuti koya, baleta qo sara ga o koya. 13 Sa qai taura o Samuela na ileu waiwai, qai lumuti koya e na kedratou maliwa na tuakana. Na Yalo i Jiova (Yahweh) a qai sobuti Tevita me tekivu mai na siga oya. Sa qai tu o Samuela, me lako i Ramaca i nona vale.

14 ¶ Na Yalo i Jiova (Yahweh) a qai biuti Saula; ia e dua na yalo velavela mai na mata i Jiova (Yahweh) sa qai dau mai vakaleqai koya tiko. 15 Era qai kaya vei Saula o ira na nona dauniveiqaravi, Raica, o ira na nomu dauniveiqaravi era sa tu qo e matamu. 16 Laivi ira me ra vaqara mai e dua na tamata e dau ni qiri api; e na gauna kece e vakaleqai iko tiko kina na yalo velavela, o koya me na qiriqiri e ligana, me rawa ni vinaka tale vei kemuni. 17 Kaya o Saula vei ira na nona dauniveiqaravi, Vaqara mai e dua na tamata e dau ni qiriqiri vinaka, kauti koya mai vei au. 18 Sauma e dua vei ira na cauravou ni kaya, Raica, au sa raica oti e dua na luvei Jese na kai Peceliema, e dau ni qiriqiri, e tamata levu ka qaqa, e tamata ni ivalu, e cameme e na vosa, e tamata rairai vinaka, ka tiko kei koya o Jiova (Yahweh).

1 Samuel 16:10-18

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
99.	Epereli 9	I Samuela 1-3	Luke 12:1-12

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).