Thoughts: No Matter How Important We Are; Someone Else Will Take Over:
Ia oqo na veisiga ni nona yabaki ni bula o Avarahama; e duanadrau vitusagavulu na yabaki. 08 Oti qai tauvimate o Aparahama, ka mate yani baleta ni sa qase ga, ia a marautaka na nona veisiga ni bula; sa qai toki vei ira na nona tamata. 09 O rau na luvenatagane o Aisake kei Isimeli, rau a qai buluti koya e na qara-vatu tabarua mai Makipela, e tiko e na vanua nei Efironi na luve i Soari na Hitaiti, oqori me donui Mamire; 10 qori na qele a volia o Evarahama mai vei ira na luvei Heta: me nona ibulubulu. E keya e a bulu kina Evarahama vata kei Sera na watina.
A qai vakamasuti Jiova (Yahweh) o Aisake e na vuku i watina baleta ni yava tu; a qai rogoci koya o Jiova (Yahweh), sa qai mani kunekune o Rebeka na watina. 22 Rau a veimulemule tiko o rau na gone e loma ni katonigone nei tinadrau; qai kaya o koya, Kevaka me na vakatiko oqo, na cava beka meu bula tiko kina? A mani lako me lai tarogi Jiova (Yahweh). 23 Kaya vua o Jiova (Yahweh), E rua na kawatamata e rau tiko qori e na nomu katonigone; e rua na matanitu rau na kau mai yagomu: e dua vei rau na matanitu, e na kaukaua cake mai vei koya kadua; o koya a qase e na veiqaravi vei koya na gone. 24 E na gauna sa yaco mai kina na siga me vakasucu kina, raica ni rau drua rau a tiko e loma ni nona katonigone. 25 Na imatai me sucu mai a damudamu qai vutivutia vakadua tu; era qai kacivi koya me yacana o Isoa: 26 Ni sa sucu oti o koya, sa qai sucu mai o tacina, ka qumia tiko mai na bukubuku ni yava i Isoa; O Aisake a sa yabaki onosagavulu e na gauna a vakasucumi rau kina o Rebeka.
Sa qai kaya o Jisu (Yahshua) vei ira, E dina, e dina na ka Au kaya vei kemuni, ni sebera ni sucu o Evarahama, o au ga.
| Reading for Today (Na Wase Ni iVola Tabu Me Wili Nikua). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 16 | January 16 | Genesis 38-40 | Matthew 12:22-50 |
