Thought: The
Uttered Words Of YHWH Will Eventuate, All Else Beware!
......................
Serving For Yom
Shlishi, [Fifth Month] Av 16, 5773
MAI NA NEVI’IMI
AKARONIMI (FROM THE NEVI’IM ACHRONIM)
Ni
ra rai kece tu, au qai vakaroti Baruku niu kaya, 14 Oqo na veika e kaya o
Yahuwe ni lewevuqa (YHWH-Tzva'ot), na nodra Kalou (Mighty One) na Yisira'yili;
Taura na ivola vakadinadina ni veivoli oqo, ruarua na kena o dregata kei na
kena e sega ni dregati, qai maroroya tiko e na loma ni dua na kuro qele, me
rawa ni taqomaki tu kina me dua na gauna balavu. 15 Baleta o Yahuwe ni lewevuqa
(YHWH-Tzva'ot) na Kalou (Mighty One) i Yisira'yili e kaya, ni na yaco e na dua
na siga, na veivale, na qele kei na loga ni veivaini era na voli tale e na loma
ni vanua oqo.
16
¶ Niu solia oti na ivola ivakadinadina ni veivoli vei Baruku na luvetagane i
Neraiyahu, au qai masu vei Yahuwe (YHWH). 17 I Yahuwe, na Kalou (YHWH Mighty
One)! [O kemuni oni] a bulia na lomalagi
kei na vuravura e na nomuni kaukaua levu kei na gauniligamuni e dodo [tu mai];
e sega ni dua na ka e rui dredre vei kemuni. 18 Oni vakaraitaka na nomuni loloma
vei ira e udolu na itabatamata, ia oni
sauma lesu talega na nodra caka cala na tama, vei ira na luvedra era
vakamuri i ira. Kemuni na Kalou (Mighty One) vakaitamera, ka kaukaua, o
kemuni e yacamuni o Yahuwe (YHWH) ni
lewevuqa (YHWH-Tzva'ot), 19 Oni uasivi e na veivakasalataki, ka vakaitamera e
na nomuni cakacaka! Na matamuni e vakadeuca tiko na nodra ivalavala kece na
tamata, me rawa ni oni sausaumi lesu vei ira yadudua, me veiraurau kei na nodra
ivalavala; ka veiraurau talega kei na veika e yaco mai na veika e cakava. 20
Oni a solia na ivakatakilakila ka cakava na cakacaka mana, e na loma ni vanua o
Ijipita, ka se yaco tiko ga me yacova mai na siga oqo, ka vaka kina e
Yisira'yili, ka vaka talega kina e na kedra maliwa na tamata tale eso, qori oni
a qai bulia kina na kemuni irogorgogo oni rogo tu kina edaidai. 21 Oni a kauti
ira tani mai na nomuni tamata o Yisira'yili mai na vanua o Ijipita, e na
ivakatakilakila kei na cakacaka mana, e na liga kaukaua, kei na gauniliga e
dodo tu yani, e na veika vakadomobula lelevu. 22 Oti oni qai solia vei ira na
vanua oqo, na kena oni a bubuluitaka vei ira na nodra itubutubu, ni oni na
solia vei ira, na vanua e drodro tu kina na
sucu kei na hani; 23 Era curuma, era qai taura me ra taukena;
ia era sega ga ni galeleta na domomuni, era sega ni bulamuria na nomuni
Toraa, era qai sega sara ga ni cakava e dua na ka oni a vakarota vei ira me ra
cakava. Qori oni qai cakava kina na leqa levu vakaoti oqo me lutuki ira, 24 Na
cakacaka ni tuvaivalu sa tu kece kina qo, era sa lako mai oqo i na korolevu me
ra mai taura vakavesu; ia na korolevu,
sa soli laivi tiko qo vei ira na Kasidimi era valuti ira tiko, e na seleiwau,
na dausiga kei na mate dewa dauveitauvi. Na veika kece sara ga oni a
parofisaitaka, era sa yaco tiko; qo oni sa raica sara tikoga o kemuni vakataki
kemuni.
NA IVAQA NI BULA (FOOD FOR THE SOUL)
O koya e cakava vakaca vei
tamana qai cemuri tinana [mai vale] e kauta mai vei rau na madua kei na
rogorogo ca.
LOMANI YAHUWE NA NOMU KALOU (LOVE YHWH YOUR MIGHTY ONE
E
dua na same i
Dawide: I Yahuwe (YHWH) o cei e na lai vakacegu e na loma ni nomuni valelaca? O
cei e rawa ni lai vakaitikotiko e na nomuni ulunivanua tabu? 2 O ira ga era
bulataka na bula e tawacala, o ira era vakaitovotaki e na itovo dodonu, ka
cavuta na dina mai vuniyalodra,3 Era taqomaka na yamedra mai na veivakacacani;
o ira era sega vakadua ni vakamavoataki ira na tani se vaqara me
vakarogorogocataki ira na wekadra vakaitikotiko; 4 Ia e na raici ira ka sevaki
ira na tamata dau itovo kaukaua; ia e na dokai ira era rerevaki Yahuwe (YHWH);
o koya e taura matua na nona vosa ni bubului veitalia se cava na kena isau; 5 O
koya e sega ni via ciqoma na tubu e na gauna e dinautaka kina na ilavo, ka sega
ni ciqoma e dua na veivaqumi (bribe) me vakarusa na tawacala. O ira era
vakayacora na veika oqori, era na sega ni yavalati.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 304 in 5773 (Total 2031)
|
July 23, 2013
|
|
Reading
|
Hebrew Date
|
|
M #5: Av 16, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
