Thought: Success Is Not Due To Human Worthiness But To Yahweh’s Mercy
Serving For The 7th March, 2010
Na ivakaro kece au vakarota tiko vei kemuni edai, moni dau bula muria ka cakava me rawa ni oni bula ka vakatubura na kemuni iwiliwili, moni qai rawa kina ni curu moni lai taukena na vanua a bubuluitaka o Jiova (Yahweh) vei ira na tamamuni. 02 Moni dau nanuma tiko na sala kece a kauti kemuni kina o Jiova (Yahweh) na nomuni Kalou (Elohim) e loma ni veikauloa, e na yabaki vasagavulu sa sivi yani qo, me vakayalomalumutaki kemuni, me vakatovolei kemuni, ka me qai kila na veika e tiko e vuniyalomuni, se oni na muria na nona ivakaro se sega. 03 E a qai vakayalomalumutaki kemuni, vakararawataki kemuni moni walokai, ka vakani kemuni e na mana, e dua na ka oni sega ni kila ka ra sega talega ni kila o ira na tamamuni; me rawa kina ni oni kilakasamataka ni tamata e na sega ni bula e na madrai duaduaga; ia e na veika kece sara e cavuta mai na gusu i Jiova (Yahweh). 04 Na nomuni isulu a sega ni madra, e a sega vakadua ni yali na ivava mai yavamuni, e na loma ni vasagavulu na yabaki sa yani sivi oqo. 05 E dodonu moni kila e lomamuni, ni tautauvata ga na nona vakatavulici luvena e dua na tamata, o Jiova (Yahweh) talega na nomuni ni Kalou (Elohim) e na vakatavulici kemuni vaka kina. 06 O koya oya e dodonu kina moni dau vakamuria na ivakaro i Jiova (Yahweh) na nomuni Kalou (Elohim), moni lako tiko e na nona sala ka moni dau rerevaki koya. 07 Baleta o Jiova (Yahweh) na nomuni Kalou (Elohim) sa kauti kemuni mai i na dua na vanua vinaka, e dua na vanua e vakauciwai ka vakamata ni wai kei na veivanua titobu e ivurevure ni wai ni veibucabuca kei na veiulunivanua; 08 E dua na vanua ni witi kei na parile, kei na veivaivaini kei na veilolo, kei na pomekaraneti; na vanua ni veiolive, na waiwai kei na hani;
E ka dina ni nona yalovinaka o Jiova (Yahweh) e na sega ni mudu, kei na nona yalololoma e na sega ni cala. 23 Era dau vakavoui e veimataka; e vakaitamera na nomuni yalodina.
