Thought: Through Deceit, The World
Has Turned Its Back On YHWH
…………………
Serving For Yom
HaShishi, Nisan 25, 5773
(NB. In Counting
Days Toward Shavu’ot: Today Is Day 7 out of 50)
MAI NA
NEVI’IMI AKARONIMI FROM THE NEVI’IM ACHARONIM)
Vakatudaliga
kemuni na didivara! Rai kemuni na mataboko! Me rawa ni oni raica. 19 O cei beka
e mataboko me vakataka na noqu dauniveiqaravi, se didivara me vaka na
daukauitukutuku au a tala? O cei beka e mataboko me vakataki koya au
vakaicovitaka se mataboko me vakataka na dauniveiqaravi i Yahuwe (YHWH). 20 O
raica e levu na ka, ia o sega ni galeleta; o dolava na daligamu, ia o sega ni
vakarorogo. 21 O Yahuwe (YHWH) a marau, e na vuku ni nona yalododonu; me cakava
na Toraa me vakaitamera ka dokai. 22 Ia oqo e dua na kawatamata, era sa
butakoci ka vakacacani; era sa tacori kece tu e loma ni veiqara ka ra vunitaki
tu e loma ni valeniveivesu. Era tu e keya me ra butakoci, ia e sega ni dua e kaya, Vakasukai ira mai! 23 O cei vei
kemuni e na vakatudaliga i na ka oqo? O cei e na rogoca qai vakasamataka, e na
vuku ni veitabagauna mai muri? 24 O cei a soli i Ya'akove me vakacacani, kei
Yisira'yili vei ira na daubutako? E sega beka ni o Yahuwe (YHWH) ga o koya eda
caka ca tiko vua, na nona sala era sega
ni vakamuria, kei na nona Toraa era a sega ni via bulamuria? 25 Qori na vuna e
sovaraka kina vei ira na katakata cecekia ni nona cudru, kei na katakata
cecekia ni veivaluvaluti, qai ologi koya
e na yameyame ni bukawaqa, ia a sega ga ni vulica e dua na ka; e a vakamai koya
ia a sega ga ni taura vakabibi e vuniyalona.
NA IVAQA NI BULA (FOOD FOR THE SOUL)
Na vosa vakaveitalia e veicokai
me vaka na seleiwau, ia na yamena o koya e yalododonu e rawa ni veivakabulai
(heal).
LOMANI YAHUWE NA NOMU KALOU (LOVE YHWH YOUR MIGHTY ONE
E
na vukuna na
iliuliu. E na vuku i Ye’dutuni. E dua na same i Asafa. 2(1) Au a tagi e na domo
levu vua na Kalou (Mighty One), e na domo levu vua na Kalou (Might One); o koya
a qai rogoci au. 3(2) E na siga ni noqu leqaleqa au qai vaqarai Yahuwe (YHWH) tiko; na ligaqu a
duluki cake; na wainimataqu a drodro tiko e na bogi taucoko ka sega ni cegu; na
vuniyaloqu a sega ni via vakacegui. 4(3) Ia niu qai nanumi kemuni na Kalou
(Mighty One), au qai tagi lagalaga; e na gauna meu vakasama kina, na yaloqu a
sa guce. (Selaa) 5(4) Oni tara tu na bekabeka ni mataqu [oni qai tarova meu
kakua ni moce]; e na ilevu ni noqu leqaleqa au qai galu tu ga ka sega ni vosa
rawa. 6(5) Au vakasamataka na veisiga mai liu; na veitabayabaki makawa sara;
7(6) E na noqu vakanananu e na lomaloma ni bogi, au a nanuma na noqu sere, au
qai vosavosa iyaloqu, na vuniyaloqu e a yalotarotaro: 8(7) O Yahuwe (YHWH) beka
e na veivakanadakui tiko me tawamudu? Sa na sega beka vakadua ni vakaraitaka
tale na nona yalololoma? 9(8) Na nona yaloyalovinaka beka sa na takali vakadua?
Na nona veiyalayalati beka vata kei ira na veitabatamata era sa boko laivi kece
beka? 10(9)Na Kalou (Mighty One) beka sa guilecava na ivalavala ni loloma? O koya
beka e na ilevu ni nona cudru, sa tarova tu kina na nona yalololoma? (Selaa)
11(10) Oti au qai kuria, Oqo na noqu malumalumu, [niu nanuma tiko] ni rawa ni
veisau na ligana imatau o koya na Cecere
Cecekia (Most High).
12(11)
¶ Qori au na vakananuma kina na cakacaka i Ya (Yah); io au na vakananuma na
nomuni cakacaka veivakurabuitaki mai na gauna makawa sara.13(12) Au na
veinanuyaka na nomuni cakacaka, ka vakasamataka na veika oni a cakava. 14(13)
Na nomuni ivalavala kemuni na Kalou (Mighty One), e savasava vakaoti. O cei na
kalou (elohim) e vakaitamera me vaka na noda Kalou (Mighty One)? 15(14) O
kemuni na Kalou (Mighty One) oni dau
caka mana: oni dau vakatakila na nomuni kaukaua e na kedra maliwa na tamata.
16(15) E na gauniligamuni oni a vueti ira na nomuni tamata, o ira na luve i
Ya'akove vata kei Yosefa. (Selaa) 17(16) Na wai a raici kemuni, kemuni na Kalou (Mighty One); na wai a raici kemuni qai
seuseua e na vutugu, ka vakayavalati me yaco vakadua i na botona titobu. 18(17)
Na o a sovara mai na wai, na lomalagi era a vavadugudugu e na kurukuru, kei na
nomuni gasau ni dakaititi era a veivukayaki eke, e keya. 19(18) Na domo ni
nomuni kurukuru era a voqa mai na loma ni covulaca, na yaseyase a
vakararamataki vuravura, na vuravura a sautaninini ka yavavala. 20(19) Na
nomuni sala a toso basikata na wasawasa, na nomuni sala e loma ni waitui
seuseua, ia na we ni yavamuni era a sega ni rawa ni vakadeuci. 21(20) Oni a
tuberi ira na nomuni tamata me vaka na qelenisipi e na liga ni veikauwaitaki i
Moshe vata kei Aharoni.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 196 in 5773 (Total 1923)
|
April 5, 2013
|
|
Reading
|
Hebrew Date
|
|
M #1: Nisan 25, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
