Levu Na Vanua Era Na Rusa (Many Nations Will Be Destroyed)

Thought: In The Face Of Disasters All Around, YHWH Guarantees Ya’akov’s Safety!

....................... 

Serving For Yom Rishon, [Sixth Month] Elul 12, 5773

 MAI NA NEVI’IMI AKARONIMI (FROM THE NEVI’IM ACHRONIM)

Na cava era sa rawai kina o ira na nomuni tamata qaqa? E sega ni rawa ni tu, baleta o Yahuwe (YHWH) sara ga e tabaki koya sobu tiko. 16 E vakavuna me vuqa vakavuqa me ra bale; io, era veibalebaleci vata. Oti era qai kaya, Laiva meda matacake, laiva meda lesu tale vei ira na noda tamata, meda lesu i na vanua eda a sucu kina, vakayawa mai na seleiwau e veivakarusai. 17  Era a tagitagi e keya, I  Fero na tui Ijipita; e cakava eso na rorogo, ia qai vakalaiva na gauna [me yaco kina na yavavala] me siri. 18 Me vaka niu bula tiko, e kaya na tui, na yacana o Yahuwe ni lewevuqa (YHWH-Tzva'ot), E na gauna e na lako mai kina, o koya e na vakaitamera me vakataki Tavo e na kedra maliwa na veiulunivanua, me vakataki Karamela [e na baravi] ni wasawasa. 19 Kemuni na luveyalewa oni bula tiko e Ijipita, vakarautaka na veika oni gadreva ni oni sa na kau vakavesu; baleta o Nofa sa na yaco me vakacacani ka koto laladidi, qai sega na kena ivakatawa. 20 O Ijipita e dua na luve ni bulumakau yalewa totoka; ia e dua na [isoso lago ni ose] mai na vualiku, sa toso tiko mai me mai saqati koya. 21 O ira talega na nona sotia saumi, era tiko e na kedra maliwa; era sa vaka tu na luve ni bulumakau vakani vakavinaka e loma ni vale; o ira talega era dro me ra vakasuka, ni ra sa dui cici  ka sega tale ni tu me ra taqomaka na nodra qele. Na nodra siga ni leqa sa yacovi ira mai, na gauna me ra totogi kina. 22 O Ijipita e a vakasiusiu me vaka na gata, e na gauna era sa tayabe yani kina o ira na meca, me ra valuti ira e na imatau me vakataki ira na dau ta kau era tatalaka tiko na veivunikau. 23 Era taya sobu na nona veikau, e kaya o Yahuwe (YHWH), baleta era sa sega ni wili rawa; io, era le levu cake mai na ilevu ni  vodre, era sa rui le levu ka  sega ni wili rawa. 24 Na luveyalewa i Ijipita [era] sa vakamaduataki, ni ra sa soli laivi vei ira na tamata mai na vualiku. 25 O Yahuwe ni lewevuqa (YHWH-Tzva'ot) na Kalou (Mighty One) i Yisira'yili e kaya; Au na totogitaki 'Amoni mai No, o Fero, kei Ijipita vata kei ira na nona kalou (elohim) kei na tui, oya, o Fero kei ira kece era vakanuinui tu vua:  26 Au na soli i ira i ligadra o ira era vaqara tiko mai na nodra bula, vei Ne'vukadreza na tui Bavela kei ira na nona dauniveiqaravi. Ia ni oti oya o Ijipita e na qai tawani tale, me vaka ga eliu, e kaya o Yahuwe (YHWH). 27 Ia kakua ni taqaya i Ya'akove noqu dauniveiqaravi; kakua ni yalolailai i Yisira'yili. Baleta au na vueti kemuni mai na veivanua yawa, kei ira na nomu kawa mai na vanua era tu bobula tu kina. O Ya'akove e na lesu mai, me mai tiko vakacegu ka tiko vinaka; me sega ni dua e mai vakadomobulataki koya. 28 Kakua ni lomaleqa, i Ya'akove noqu dauniveiqaravi, e kaya o Yahuwe (YHWH); baleta o au, au tiko vata kei iko. Au na vakarusai i ira vakadua na veivanua au a ceburaki kemuni vei ira. Ia o kemuni, o au, au na sega ni vakarusa vakadua, ia au na vakadodonutaki iko me veiraurau ga kei [na nomu ivalavala], ia [au na] sega ga ni vakarusai iko vakadua.

Yiremeyahu (Jeremaia) 46:15-28

NA IVAQA NI BULA (FOOD FOR THE SOUL)

E vinaka cake na vakaitikotiko mai na vanua liwa, [ni vakatauvatani] kei na tiko vata kei na [dua na] yalewa vakawati dauveileti, dau vakatubunini. 20 ¶ E na nona vale na vuku e tu kina na iyau gadrevi kei na waiwai, ia na lialia e na tiloma kece ga vakadua.

Mishlei (Vosa Vakaibalebale) 21:19-20

LOMANI YAHUWE NA NOMU KALOU (LOVE YHWH YOUR MIGHTY ONE

MAIVEI Dawide, e na gauna a vakalecalecava kina ni sa lialia, e na mata i Avimeleki, o koya a qai cemuri koya; sa mani biubiu. 2(1) Au na vakavinavinaka vei Yahuwe (YHWH) e na veiveigauna kece; na nona vakamolimolitaki e na dau toka ga e gusuqu. 3(2) Keu dokadoka au na dokadokataki Yahuwe (YHWH); o ira na yalomalumu era na rogoca era qai mamarau. 4(3) Kacivaka vei au na vakaitamera i  Yahuwe (YHWH); laiva meda vakacerecerea vata i cake na yacana. 5(4) Au vaqarai Yahuwe (YHWH), o koya a qai tama mai vei au; qai  vueti au mai na veika kece au dau taqayataka. 6(5) Era rai vua era qai tubu me ra serau; na matadra e na sega ni vulaci e na madua. 7(6) Na tamata dravudravua oqo a tagi; o Yahuwe (YHWH) a rogoci koya qai vueti koya mai na nona veileqaleqa kece, 8(7) Na mala'aka i Yahuwe (YHWH), o koya e mai keba toka wavoliti ira era dau rerevaki koya, e na vueti ira. 9(8) Tovolea mada mo raica ni o Yahuwe (YHWH) e vinaka. E wacava na nodra kalougata o ira era dau vaqara na nodra taqomaki mai vua. 10(9) Rerevaki Yahuwe (YHWH), o kemuni oni nona tamata tabu; baleta o ira era rerevaki Yahuwe (YHWH) e na sega ni sega vei ira na ka. 11(10) Na laione gone e rawa ni tu leqaleqa, qai yaco me viakana, ia o ira era vaqarai Yahuwe (YHWH) e na sega vakadua ni lailai vei ira na veika vivinaka.

Tehillim (Same) 34:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.330 in 5773 (Total 2057)	August 18, 2013
Reading	Hebrew Date
Yirmeyahu (Jeremiah) 19-20	M #6: Elul 12, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.