Thought: YHWH Supplies Our Needs Even In Our Arrogance
Serving For Sheini, Sh’vat 14,
5772
MAI NA TORAA (FROM
THE TORAH)
Oti
era qai toso mai Elimi, o ira kece na lewe ni isoqosoqo taucoko ni luve i
Yisira'yili i na vanua liwa mai Sini, e toka maliwai rau o Elimi kei Saineai e
na ikatinikalima ni siga, e na ikarua ni vula, mai na gauna era a biubiu kina
mai na vanua o Ijipita. 2 O ira kece na
lewe ni isoqosoqo ni luve i Yisira'yili, era qai vosavosataki Moshe kei Aharoni
e loma ni vanua liwa; 3 Era kaya na luve i Yisira'yili, E vinaka cake meda a
mate ga e na liga i Yahuwe (YHWH) mai na vanua o Ijipita, ni keimami a se dau
dabe kina e na yasa ni kuro lewe ni manumanu, ka keimami dau kana madrai e na
kena ilevu ga me keimami mamau kina; baleta qo o kemudrau drau sa kauti keimami
tu mai i na vanua liwa oqo mo drau mai vaqeavutaka na isoqosoqo taucoko i Yisira'yili e na walokai. 4 Oti qai kaya o
Yahuwe (YHWH) vei Moshe, Raica, au na vakatauca yani vei kemuni na madrai mai lomalagi, e na vukumuni; o ira
na tamata me ra na dau lako yani, me rai lai kumuna vata mai na kakana e na
veisiga yadua, meu rawa ni vakatovolei ira se ra na bula muria na noqu lawa, se
sega. 5 E na qai yaco e na ikaono ni siga, ni ra lai vakarautaka mai na kakana
me ra kauta mai; me ra na vakaruataka na kena ilevu era dau yauta mai e na dua
na siga. 6 Rau kaya o Moshe kei Aharoni vei ira kece na luve i Yisira'yili, E
na yakavi, oni na qai kila ni o Yahuwe (YHWH) e a kauti kemuni laivi mai na
vanua o Ijipita; 7 E na mataka, oni na qai raica na lagilagi i Yahuwe (YHWH);
na nomuni vosa kudrukudru sa rogoci e na
mata i Yahuwe (YHWH): ia o keirau, na cava o keirau moni vosa kudrukudru saqati
keirau tiko kina? 8 Kaya o Moshe, Ni sa solia vei kemuni o Yahuwe (YHWH) e na
veiyakavi na lewe ni manumanu moni kania, kei na madrai e na kena ilevu sara e
na veimataka, e kena ibalebale ni sa rogoca na nomuni kudru, oni kudruvaka
saqati koya tiko kina; ia o keirau, o cei o keirau? Na nomuni kudru e sega ni
saqati keirau, e saqati Yahuwe (YHWH) sara tiko ga. 9 Kaya o Moshe vei Aharoni,
Kaya vei ira na lewe ni isoqosoqo taucoko ni luve i Yisira'yili, Toro voleka i
na mata i Yahuwe (YHWH); baleta sa rogoca o koya na nomuni kudru. 10 A qai yaco
ni vosa tiko o Aharoni vei ira na lewe ni isoqosoqo taucoko ni luve i
Yisira'yili, era qai vuki me ra rai vaka i na vanua liwa, era qai raica, na
lagilagi i Yahuwe (YHWH) ni rairai mai e na o. 11 A qai vosa o Yahuwe (YHWH)
vei Moshe ni kaya, 12 Au sa rogoca na nodra kudru na luve i Yisira'yili; kaya
vei ira, E na yakavi oni na kania na lewe ni manumanu, e na mataka oni na
vakasinaiti e na madrai; oni sa na qai kila ni o au o Yahuwe (YHWH) na nomuni
Kalou (Mighty One).
NA
IVAQA NI BULA (FOOD FOR THE SOUL)
VUNAUTAKA
na vuku, na
yalomatua e na qai sauma vei iko, 2 Baleta na vuku e toka sara e cake, e na
tikina cecere; ka toka o koya e na maliwa ni salalevu kei na veisalalalai. 3 E
dau kacikaci tiko e na matamata, e na i curucuru i na korolevu, e dau kaila
tiko e na domolevu, ni kaya; 4 Vei kemuni na tamata au kaci; na domoqu e
vakarogoi vei ira na luve ni tamata. 5 Me rawa vei ira na rawarawa me ra kila
na yalomatua kei ira na lialia me ra vakila e loma ni vuniyalodra. 6 Rogoca,
baleta au na kaya ga na dina; na tadola ni gusuqu e na kauta mai na yalododonu.
7 Baleta na gusuqu e na cavuta ga na dina; na gusu daulasulasu e vakasisila dina
e mataqu. 8 Na vosa kece mai gusuqu era yavu ni yalododonu; e sega ni kune kina
e dua na ka e takelo se veivakacalai. 9 E ka rawarawa vei koya e kilai ira vinaka
ka donu vei ira era gadreva me ra kunea na kilaka. 10 Ciqoma na gumatua, sega
ni siliva; ka digitaka me nomu na kilaka
mai na koula talei; 11 Baleta na vuku e vinaka cake mai na koula; io, o
koya e vinaka cake mai na vatu talei, ka ni sega ni dua na ka e tautauvata kei
koya.
LOMANI
YAHUWE NA NOMU KALOU (LOVE YHWH YOUR MIGHTY ONE)
E
vukuna na
iliuliu. E dua na Same i Davide. 2(1) Vei kemuni i Yahuwe (YHWH) au
biuta na noqu inuinui; laiva meu kakua ni madua; vueti au e na nomuni
yalododonu. 3(2) Vakala mai na daligamuni vei au; tama mai vei au vakusakusa: o
kemuni moni Kalou (Mighty One) vei au, na dauveivukei ka vale ni tataqomaki,
vakabulai au. 4(3) Baleta o kemuni oni noqu kaukaua ka noqu isasabai; e na vuku
ni yacamuni, vakacegui i au ka tuberi au. 5(4) Dreti au tani mai na lawalawa
era viria tu vakavuni meu tacori kina, baleta o kemuni oni noqu dau ni
veitaqomaki. 6(5) I na ligamuni au solia na yaloqu; oni sa voli i au lesu, i
Yahuwe (YHWH) na Kalou (Mighty One) ni dina; 7(6) Au dau cati ira era dau
vakayacora na sokalou lasulasu; ia au vakanuinui ga vei kemuni i Yahuwe (YHWH).
8(7) Au na reki ga ka mamarau e na nomuni yalololoma; baleta oni sa raica na
noqu yalomalumu; oni kila na noqu bula (soul) e na gauna ni noqu rarawa; 9(8)
Oni sega ni bau soli i au laivi i ligadra na kequ meca; ia oni vakadeitaka ga
na yavaqu e na tikina maravu;
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
038 Blog
No. 1498
|
February
7, 2012.
|
|
Reading
|
Hebrew
Date
|
|
Sh’vat
14, 5772
|
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
