Na iTotogi E Na Cava (The Punishment Will End).

Thought: YHWH Will Eventually Turn To Save His People Yisra’yl

 ....................

Serving For Yom R’vi’ii, Shevat 12, 5773

MAI NA NEVI’IMI AKARONIMI (FROM THE NEVI’IM ACHARONIM)

O koya oya e kaya kina o Yahuwe ni lewevuqa (YHWH-Tzva'ot); O kemuni na noqu tamata oni vakaitikotiko mai Zaiyoni, kakua ni taqayataki ira na Ashuru, e na gauna mada ga e samuti kemuni e na nodra ititoko, ka laveta cake na nona matanakilagi (staff) me saqati kemuni me vaka mai Ijipita. 25 Baleta e na dua ga na tikinigauna lekaleka sa na cava tale kina na noqu cudru cecekia, na noqu leva sa na qai vakarusai ira. 26 O Yahuwe ni lewevuqa (YHWH-Tzva'ot) e na rubilaka e dua na kuita me saqati ira, me vaka a cakava e na gauna a kuitataki ira kina na Midiyani mai na uluvatu o 'Oreva; me vaka ni laveta cake tu na nona ititoko e na dela ni wasawasa, o koya e na laveta cake tale, me vaka a yaco mai Ijipita. 27 E na yaco e na siga oya, ni na kau tani na nona ikaukau mai na usouso ni tabamuni, kei na nona ivua e na kamusu laivi mai domomuni; na ivua e na vakarusai baleta na tubu ni nomuni vutuniyau. 28 O koya a sa lako oti mai i 'Ayata;  ka sa lako siviti Maiqoroni. Ia mai Mikimasi a lai tuvana tu kina na nona iyaya: 29 Era sa lako kosova na idewadewa ni tadrua era qai lai vakaicili mai Qeva.  O Ramaa sa sautaninini; o Qivati-Sha'ula sa dro. 30 Tagi, qolou, o iko Bata-Qolimi! Vakatudaliga, i Layishi vata kei Anatota dau vakaloloma. 31 O Madamanaa sa dro tiko. Kemuni na ivakatawa mai Qevimi ni lai vuni. 32 E na siga sara ga oqo o koya e na lai wawa kina mai Nova; e na qai kureitaka na nona ivacu vei ira mai na nodra ulunivanua na luveyalewa i Zaiyoni kei na delana mai Yerushalayimi. 33 Raica, o Yahuwe (YHWH) na Kalou ni lewevuqa (Mighty One-Tzva'ot) e na musuka laivi na veitabana e na ivalavala kaukaua vakadomobula! Na kena era tu sara mai cake era na musu sobu mai, na kena era cecere era na vakalolovirataki. 34 E na qai taya sobu o koya na kau ni veikau e na imatau; o Li'vanoni kei na nona lagilagi e na bale.

Yeshayahu (Aisea) 10:24-34

NA IVAQA NI BULA (FOOD FOR THE SOUL)

Kakua ni muria na nodra sala na ca, se lakova na nodra itovo na vakasisila.15 Levea, kakua ni lakova, vuki tani mai kina, ka toso sara yani. 16 Baleta era na sega ni moce rawa kevaka era se sega ni caka ca, e na kau laivi mai vei ira na moce, vakavo sara ga ke ra vakavuna taumada me dua e lutu;17 Baleta o ira era kania na madrai ni ivalavala vakasisila, ka gunuva na waini ni ivalavala kaukaua. 18 Ia na sala ni yalododonu e vaka e dua na rarama e na mataka ca ca, oti qai cila ramase cake tiko me yacova ni sa cila vinaka vakaoti. 19 Na nodra sala na vakasisila e vaka na butobuto; era sega mada ga ni kila se cava e vakavuna na nodra tacaqe.

Mishlei (Vosa Vakaibalebale) 4:14-19

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na Same i Dawide. 2(1) Na lomalagi e tusanaka tiko mai na lagilagi i Yahuwe (YHWH); na veika buli e na macawalala era vakatakila na cakacaka ni ligana. 3(2) Na veiveisiga era vosa cake kei na veibogi era vakaraitaka na kilaka. 4(3) E sega ni dua na itukutuku se na vosa e sega ni rogo kina na domodra. 5(4) Na nodra itukutuku vinaka sa tete yani e vuravura raraba, na nodra vosa i na iyalayala kei vuravura. E viria na nona valetabu e na matanisiga e kedra maliwa, 6(5) O koya e vaka na taganevou, e curu tiko mai nona loqi, ka mamarau me vaka na tamata kaukaua e vakarau lai veitaucici. 7(6) Na nona veitosoyaki e tekivu mai na icadracadra kei lomalagi, na nona wavoki e na yaco i na iyalayala; e sega ni dua na ka e vunitaki rawa mai na cawa ni nona icegu. 8(7) ¶ Na lawa nei Yahuwe (YHWH) e daumaka vakaoti, e na saumaka na bula (soul); na yalayala i Yahuwe (YHWH) e rawa ni nuitaki; e na vakavuna me ra yalomatua na cauravou. 9(8) Na veilawa i Yahuwe (YHWH) e dodonu, e dau vakamarautaka na vuniyalo; na ivakaro i Yahuwe (YHWH) e savasava vakaoti, e vakararamataka na mata. 10(9) Na vakarokorokotaki i Yahuwe (YHWH) e savasava, e tudei me tawamudu; na lewa i Yahuwe (YHWH) e dina ka donu vakaoti. 11(10) Era gadrevi vakalevu cake mai na koula; io mai na vatu talei talega; e kamikamica cake mai na hani vata kei na qanihani. 12(11) Mai vei ira, me kena ikuri, era vakasalataki kina na nomuni tamata e na ka oqo: ke vaka me ra bula muria, era na vakaicovitaki vakalevu sara. 13(12) O cei e kila se cava na tacaqe?  Vakasavasavataki au mai na noqu veicala vuni tawamacala. 14(13) Taqomaka na nomuni tamata mai na douvaki ni ivalavala ca; me kakua ni tini me lewai au; qori au na qai vakasavasavataki kina mai na noqu ivalavala ca; 15(14) Laiva na vosa ni gusuqu kei na vakanananu ni vuniyaloqu me ciqomi e na nomuni rai, i Yahuwe (YHWH), na noqu dauniveivukei kei na noqu iVakabula.

Tehillim (Same) 19:1-14

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 129 in 5773 (Total 1865)	January 23, 2013
Reading	Hebrew Date
B’resheet ( Na iVakatekivu) 7-8	M #11: Shevat 12, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.