Na Votonikau E Na Lewei Paula. (The Thorn In Paul’s Flesh)

Thought: What Is Our Weakness As A Follower If Yahweh

.............................................

Serving For The 1st December, 2009

06 Ia kevaka mada ga meu via dokadoka, au na sega ga ni lialia; baleta au na tukuna ga na ka e dina; ia walega qo au na sega ni cakava oqori, baleta au sega ni vinakata me dua e nanuma niu uasivi cake mai na ka e raica vei au, se rogoca mai vei au. 07 E na kena vinakati meu kakua ni dau vakalevulevui au vakataki au, e na vuku ni ka lelevu sa vakatakilai oti vei au, e a soli kina me tiko e lewe ni yagoqu e dua na votonikau, na agilosi nei Setani me dau tarovi au tiko, meu kakua kina ni dau vakalevulevui au vakataki au. 08 Sa vakatolu na noqu masuta na Turaga (Sovereign) me baleta na ka oqo, me kau laivi mai vei au. 09 Ia qai kaya vei au o Koya, Na Noqu loloma sa rauti iko vinaka; baleta na noqu kaukaua e dau vakauasivitaki e na dela ni noqu gogo. E ka talei kina vei au, meu dokadokataka na noqu gogo, me rawa ni mai cegu toka vei au na kaukaua ni Mesaia. 10 Qori au sa dau vosota tu ga kina, niu gogo, niu vakasewasewani, niu sotava na veika dredre, niu vakaucacataki, se meu kau vakavesu e na vukuna na Mesaia; baleta niu sa malumalumu vakayago, qori au dau kaukaua kina vakayalo.

11 ¶ Raica au sa wili meu lialia baleta niu vosa tiko vakadokadoka, ia o kemuni oni vakavuna; baleta ni dodonu moni vakadinadinataki au; ka niu sega ga ni lolovira vei ira na apositolo rogo era tu oqo, e dina ga niu sega ni dua na ka. 12 Na cakacaka mana era vakayacora na apositolo, au sa vakayacora talega e na yalomalumalumu e kemuni maliwa, e na ivakatakilakila, e na ka veivakurabuitaki kei na cakacaka vakavakaitamera.

2 Korinica 12:6-12

Oni na qai marau dina kina, ia walega qo, vakalekaleka ga, kevaka e gadrevi, oni na vakararawataki e na vica na ka ni veivakatovolei, 07 me vakadinadinataki kina na nomuni vakabauta, ka ni talei cake mai na koula sa vakasavasavataki oti e na bukawaqa, me qai rawa kina ni kune ni dodonu me vakacaucautaki, me vakavina­vinakataki ka vakarokorokotaki e na gauna e basika mai kina o Jisu (Yahshua) na Mesaia;

1 Pita 1:6-7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
336	December 1	Ezekiel 45-46	2 Peter 3

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).