Na iLoloma Vakayalo, Vakayago Talega.(Spiritual and Physical Gifts)

Thoughts: Give Like A Flower, Out Of Its Beauty.

.......................................

Serving For The 30^th November, 2009

O koya oqori, me tekivu qo, eda sa na sega ni kila e dua e na rai vakatamata. E dina ni da a dau raica na Mesaia e na rai vakatamata, nikua eda sa tinia na noda kilai Koya vaka oqori. 17 O koya, mai na gauna oqo, e muria na Mesaia, e sa dua na ibulibuli vou; na veika makawa sa sivi yawa. 18 Na veika kece sa vakavoutaki e na vukuni Kalou (Elohim); o Koya e vakaduavatataki keda yani Vua e na vuku i Jisu (Yahshua) na Mesaia; qai solia vei keda na itavi ni veivakaduavatataki; 19 Na Kalou (Yahweh) e a tiko vata kei na Mesaia, o koya e sa vakaduavatataki vuravura Vua na Sau (Majesty); ni sega ni wilika na nodra ivalavala ca era a cakava ia a solia vei keda na vosa ni veivakaduavatataki. 20 Ia qo eda sa mata digitaki ni Mesaia; ka tautauvata ni vakayagataki keitou tiko na Kalou (Elohim) me keitou vakamasuti kemuni; qori keitou sa vakauqeti kemuni tiko kina qo e na vuku ni Mesaia moni vakaduavatataki kemuni Vua na Kalou (Elohim). 21 O Koya e sega ni kila na ivalavala ca, e na vukumuni a colata kina na ivalavala ca, me rawa kina e na vukuna, meda yaco meda yalododonu Vua na Kalou (Yahweh)

2 Korinica 5:16-21

Laivi ira sara na tamata yadudua me ra dui tausoli mai na lewa ni dui lomadra, ka me kakua ni vakavorakitaki se vakasaurarataki; baleta na Kalou (Elohim) e taleitaki koya e dau solika e na yalomarau.

2 Korinica 9:7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
335	November 30	Ezekiel 43-44	2 Peter 2

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakatutusa o Paula. (Heart to Heart From Paul)

Thought: Always Respond To Criticism With Humility

...............................................

Serving For The 29^th November, 2009

12 ¶ Kena ikuri, niu yaco yani i Torowa vata kei na Nona itukutuku vinaka na Mesaia, e dua na katuba a qai dola mai vei au e na vuku ni Turaga (Yahweh), 13 sa qai sega ni cegu rawa na lomaqu, baleta au a sega ni kunei Taito na taciqu; qori au qai tatau kina mai vei ira, au qai biubiu meu lako i Masitonia. 14 Ia me vakavinavinakataki ga na Kalou (Elohim), o Koya e a buli i keda meda ivukivuki vata kei na Mesaia, qai cakava me kune votu na iboi kamica ni Nona itukutuku me noda itavi e veivanua kece. 15 Baleta Vua na Kalou (Elohim), o keda oqo na iboi talei ni Mesaia, e na kedra maliwa o ira era na vakabulai kei ira talega era na vakarusai. 16 Vua e dua, eda iboi ni mate vei ira na mate; ia vei koya kadua eda iboi kamica ni bula vei ira na bula. O cei sara mada e taucoko vakaoti me rawata na veika oqo? 17 Baleta keitou sega ni vakataki ira na so era dau vakatanitaka na vosa ni Kalou (Elohim); o keitou, me vaka na tamata yalodina ka tamata lumuti ni Kalou (Yahweh); keitou dau vunau ga e na yaca ni Mesaia e mata ni Kalou (Elohim).

2 Korinica 2:12-17.

O na vakacegui, ke ra vaka­lialiai iko ka vakacacani iko, era qai vakaucacataki iko vakailasu e na Vukuqu. 12 Mo reki ka yalomarau tiko baleta na nomu icovi e na vakalevutaki mai lomalagi; ka ni ra a vakaucaca­taki ira talega na parofita era a liu mai vei iko.

Maciu 5:11-12

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
334	November 29	Ezekiel 41-42	2 Peter 1

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Loloma (Love)

Thought: Real Love Is An Action Of The Will

..........................................

Serving For The 28^th November, 2009

Kevaka meu dau vosa­taka na veimataqali vosa ni tamata vata kei na agilosi, ia qai sega na loloma e vuniyaloqu, au sa yaco meu vaka na lali parasa kosakosa se na veleti parasa karakaraivesa. 02 Kevaka e tiko vei au na isolisoli ni parofisai, kau kila na veika tawamacala, ka levu na noqu kilaka; kevaka talega me tiko vei au na vakabauta kece, meu rawa kina ni toso uluni­vanua, ia qai sega na loloma e vuniyaloqu, au sega wale ni dua na ka. 03 Kevaka au mani solia na noqu iyau kece me ra vakani kina na dravu­dravua, kau solia na yagoqu me lai vakamai; ia qai sega na loloma e vuniyaloqu, e sega wale na noqu tubu.

04 ¶ Na loloma e dau vosovosota vakadede ka dau yaloyalovinaka; na loloma e sega ni dauvuvu; na loloma e sega ni dau vakarairai ka sega ni dau dokadoka; 05 e sega ni dau vukivuki vakaviavialevu, e sega ni dau vaqara na ka me nona ga, e sega ni vakacudrui vakarawarawa ka sega ni dau lomaca; 06 E sega ni taleitaka na ivalavala ca, ia e dau rekitaka ga na dina; 07 e colata na veika kece, e vakabauta na veika kece, e nuitaka na veika kece, ka vorata na veika kece.

1 Korinica 13:1-7

50 Ia qo au kaya, kemuni na taciqu, na yago kei na dra e na sega ni rawa ni vakaivotavota e na matanitu ni Kalou (Elohim); me vaka ni sega ni rawa ni vakaivotavota e na tabuvuca na vuca.

51 ¶ Raica, au tukuna vei kemuni e dua na ka vuni: Eda na sega ni mate kece, ia eda na veisautaki kece, 52 e na dua na tikinigauna, tautauvata ni sauriva ni mata, taudonuya na uvu ni iotioti ni davui; baleta na davui e na tagi, era qai vakaturi na mate me ra tabuvuca, oti eda sa qai veisautaki. 53 Baleta na yago dauvuca oqo, e na tokara na yago e tabuvuca kei na yagomate oqo e na tokara na yago e bula tawamudu. 54 Ia na vuca oqo, ni sa tokara me tabuvuca, kei na bula vakaiyalayala oqo, ni sa tokara na bula tawamudu, sa na qai yaco na veika e volai tu, O mate sa tilomi vakadua e na qaqa.

1 Korinica 15: 50-54

08 O koya e sega ni dauloloma, e sega ni kila na Kalou (Elohim) baleta na Kalou (Elohim) ga na loloma.

1 Joni 4:8.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
333	November 28	Ezekiel 40	1 Peter 5

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Veivakatavulici o Paul (Paul’s Teaching)

Thought: What Do We Learn From Paul’s Teachings?

...........................................

Serving For The 27^th November, 20089

27 O koya e kania na madrai oqo se gunu e na bilo oqo ni Turaga (Master), ka vakayacora vakatawadodonu, e na wili me cala e na yago kei na dra ni Turaga (Master). 28 Qo na vuna, me dui dikevi koya kina vakataki koya na tamata yadudua, ni sebera ni kania na madrai ka gunu mai na bilo. 29 Baleta o koya e kana ka gunu vakatawadodonu, e kana ka gunu tiko e na nona irusarusa baleta ni sega ni vakasamataka vakavinaka na Yago ni Turaga (Master). 30 Oqori na vuna e levu era tauvimate ka malumalumu tu kina, e na kemuni maliwa, ka levu era sa mate sara yani. 31 Kevaka eda dikevi keda vakataki keda, eda na sega ni vakamelei rawa. 32 Ia ke da sa vakalewai mai vua na noda Turaga (Master), qori eda vakavulici tiko ga, meda kakua ni qai tini vakarusai vata kei vuravura. 33 E kena ibalebale oqori, kemuni na mataveitacini, ni oni sa sota moni kanavata moni dau veiwaraki. 34 Ia ke dua na tamata e walokai, laivi koya me kana mai nona vale, de qai vu ni nomuni rusa, e na nomuni sotasota vata. Na kena vo au na qai soli ivakasala kina niu sa lako yani.

I Korinica 11: 27-34.

Ni ratou kana tiko, a qai taura na madrai o Jisu (Yahshua), vakavinavinaka, dovi­dovia qai solia vei iratou na tisaipeli ni kaya, Taura, kania, qo na Yagoqu. 27 Oti qai taura na bilo, vakavinavinaka, solia vei iratou, qai kaya, Taura, gunu mai kina, o kemudou taucoko.

Maciu 26:26-28

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
330	November 27	Ezekiel 38-39	1 Peter 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iVakasala Nei Paula (The Advices By Paul)

Thought: The Better You Know The Bible The Faster You Will See The Truth

...................................

Serving For The 26^th November, 2009

Tauri mada na imadrali sa cabo oti vei ira na matakau: Eda kila vinaka ni tiko vei keda na kilaka; na kilaka e vakavuna na qaciqacia, ia na loloma e veivakalagilagitaki. 02 Ke dua na tamata e nanuma ni kila vakataki koya e dua na ka, o koya oqori e se sega ni kila na ka e dodonu me kila. 03 Ia ke dua e lomana na Kalou (Elohim), o koya qori e kilai mai Vua. 04 ¶ Ia me baleta na laukana ni kakana sa cabo oti vei ira na matakau; eda kila vinaka ni sega ni dua na ka e vuravura na matakau, ka ni sega ni dua tale na Kalou (Elohim) e dua ga. 05 E dina ni ra tu na veika era qaravi me ra kalou (elohim) e vuravura se e lomalagi me vaka ni levu toka na kalou (elohim) vata kei na turaga (master), 06 ia vei keda, e duabau ga na Kalou (Elohim), oya o Tamada o Koya e vu mai Vua na veika kece; eda bula kece tiko e na vukuna; ka dua ga na Turaga o Jisu (Master Yahshua) na Mesaia, o Koya e ivakarawa ni veika kece, o Koya talega e ivakarawa ni noda bula.

I Korinica 8:1-6.

24 ¶ Oni sega beka ni kila, ni o ira na dau cici e na veitaucici era na cici kece, ia e dua ga e na qaqa? E dodonu mo cici mo rawata na qaqa. 25 O ira kece era vala e na veisivisivi, era na vagalalataka na nodra vakasama mai na veika kece. Ia o ira era na cici me ra rawata e dua na salusalu e na tini raqosa, ia o keda meda rawata e dua e taburusa. 26 Qori au na cici kina ia e sega ni baleta e dua na ka tawadei, niu vacu au na sega ni vaka e dua e vacu cagi. 27 Ia au na rawa (conquer) meu lewa tikoga na yagoqu, meu kakua kina, niu sa vunau oti vei ira na tani, ni sevaki au tale vakataki au.

I Korinica 9:24-27

15 Guta mo vakayacora na itovo e daumaka vakaoti e mata ni Kalou; me vaka e dua na sotia e sega ni vakamelei rawa, ka dua e na vunautaka vakadodonu sara na vosa ni dina.

2 Timoci 2:15

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vosa Vakadodonu (Straight Talking)

Thoughts: In Sinning, No One Can Or Will Win, So Straight Talking Is Necessary

.......................................

Serving For The 25^th November, 2009

14 ¶ Au sega ni vola na veika oqo, meu vakamadualaki kemuni, ia meu vakasala ga vei kemuni me vaka ni oni noqu gone ni toko daulomani. 15 Kevaka mada me tininaudolu vakacaca o ira na nomuni ivakavuvuli me baleta na Mesaia, ia e na sega ga ni levu na tamamuni; baleta o au ga, e na vukuni Mesaia au a vakatuburi kemuni mai na itukutuku vinaka. 16 Au masuti kemuni kina qo moni dau muri i au.

17 ¶ Qori na vuna au talai Timoci yani kina vei kemuni, o koya e luvequ daulomani ka dau yalodina vua na Turaga (Yahweh), o koya e na qai vakaraitaka lesu vei kemuni na noqu itovo ni bula e na ruku ni Mesaia, me vaka au dau vakatavulica e na isoqosoqo kece sara. 18 E tiko eso e na kemuni maliwa era sa viavialevu cake tiko, era nanuma tiko niu sega ga ni via lai sikovi kemuni. 19 Ia au na lako yani vei kemuni wale ga oqo ke inaki ni Turaga (Master) au na lai vaqaqa na nodra kaukaua; veitalia na nodra vosa na tamata era viavialevu tiko. 20 Baleta na matanitu ni Kalou (Elohim), e sega ni ka ni vosa; e ka ni kaukaua. 21 Na cava beka oni vinakata? Meu lako yani vata kei na itotogi, se meu lako yani e na yalololoma kei na yalomalumu?

1 Korinica 4:14-21

16 ¶ O koya oqori, me tekivu qo, eda sa na sega ni kila e dua e na rai vakatamata. E dina ni da a dau raica na Mesaia e na rai vakatamata, nikua eda sa tinia na noda kilai Koya vaka oqori. 17 O koya, mai na gauna oqo, e muria na Mesaia, e sa dua na ibulibuli vou; na veika makawa sa sivi yawa. 18 Na veika kece sa vakavoutaki e na vukuni Kalou (Elohim); o Koya e vakaduavatataki keda yani Vua e na vuku i Jisu (Yahshua) na Mesaia; qai solia vei keda na itavi ni veivakaduavatataki;

2 Korinica 5:16-18

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
328	November 25	Ezekiel 34-35	1 Peter 2

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

O Apolosi (Appolos).

Thought: Becareful That Your Impact Is True And Does Not Lead To Deceit

..........................................

Serving For The 24^th November, 2009

23 Ia ni oti na nona tiko mai keya, e na vica na siga namaki, a qai biubiu me lako kosova na vanua o Viriqia kei Kalatia, ka vakalevutaka yani na kedra iwiliwili ni tisaipeli.

24 ¶ E dua na Jiu na yacana o Apolosi; e dua na itaukei kei Alekisadaria, ka turaga vosavosa vinaka qai buta vinaka e na ivola tabu, e a lako yani i Efeso. 25 A sa tavuki oti i na sala ni Turaga (Sovereign) o koya ka dau gugumatua vakayalo; e dau cameme e na vosa ka dau vakatavulica vakadodonu na veika me baleta na Turaga (Yahshua), ia na nona kila e yala ga e na veipapitaisotaki nei Joni. 26 E a tekivu vosa vakadoudou, o koya, e valenisoro; ia ni rau rogoci koya o Virisila kei Akuila, rau qai kauti koya i nodrau vale, rau qai lai vakaraitaka vua na sala ni Turaga (Master). 27 Ia ni sa talai o kaya me lako i Akaia, o ira na mataveitacini era qai talaci koya vakavinaka ka volavola vei ira na tisaipeli, me ra ciqomi koya; ia ni sa yaco yani, a qai lai vukei ira vakalevu, o ira era sa vakabauta, e na vuku ni loloma; 28 baleta a lai misilaka vinaka na nodra i le na Jiu, qai vakaraitaka mai na ivola tabu ni o Jisu (Yahshua) ga na Mesaia.

Cakacaka 18: 23-28

04 Ia na noqu vosa kei na noqu ivunau era sega ni vosa veilauti e vakayavutaki e na vuku, ia era ivakaraitaki ga ni Yalo Tabu vata kei na kaukaua,

1 Korinica 2:4

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
328	November 24	Ezekiel 32-33	1 Peter 1

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Veivolavolai kei ira mai Cesalonaika. (Letters To The Thessalonians)

Thought: Control Yourself With The Power of Yahweh; Get To Know Him.

..................................

Serving For The 23 November, 2009

Mai na gauna qo lako yani, kemuni na taciqu, keitou masuti kemuni ka vakauqeti kemuni vakaukaua e na yaca ni noda Turaga o Jisu (Master Yahshua) ni oni sa vulica oti vei keitou na iwalewale ni bula moni vakayalovinakataka kina na Kalou (Yahweh), me rawa ni oni tubu tikoga vakalevu ka vakalevu; 02 baleta oni kila vinaka na ivakaro keitou a solia vei kemuni, e na vuku ni Turaga o Jisu (Master Yahshua). 03 Baleta qo ga na gagadre ni Kalou (Elohim), io na nomuni vakatatabutaki, oya moni vakuai kemuni mai na veiyacovi ni oni sebera ni vakamau. 04 Me rawa kina vei kemuni kecekece moni maroroya na veika oni taukena e na yalosavasava kei na yalovakarokoroko, 05 sega e na yalo e garova na gagano vakasisila me vakataki ira na kai Veimatanitu tani era sega ni kila na Kalou (Elohim); 06 Ka me kakua ni dua na tamata e nakita me vorata se lawakitaka e dua na tacina e na ka oqo, baleta na veisausaumi vei ira vakaoqo e Nona sara ga na Turaga (Yahweh) me vaka keitou a kaya vei kemuni ka vakadinadinataka. 07 Baleta na Kalou (Elohim) a sega ni kacivi kemuni i na dukadukali, ia i na yalosavasava ga. 08 O koya e cakava e dua na itovo tawa dodonu e sega ni beca na tamata, ia e beca sara ga na Kalou (Elohim), o Koya e a solia vei kemuni na Nona Yalo Tabu.

1 Cesalonaika 4:1-8

E na gauna au se gone kina au a dau vosavosa vaka na gone, na noqu kilaka e vaka na gone, au dau vakasama vaka na gone; ia niu sa tamata bula mai, au sa qai biuta laivi na ivalavala vagonegonea.

1 Korinica 13:11

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
327	November 23	Ezekiel 29-31	James 5

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Paula Mai Qirisi (Paul In Greece).

Thoughts; Life Is Always Hazard, Start On That Peception, Do Not Complain

..........................................

Serving For The 22^nd November, 2009

12 ¶ Ia e na gauna a talai-veivuke tiko kina mai Akaia o Kalio, era a qai yalovata na Jiu me ra saqati Paula, era qai kauti Koya i na mataveilewai, 13 ni ra kaya, “Na tagane qo e vakayarayarataki ira tiko na tamata me ra qaravi Kalou (Elohim) e dua na ka e vakatabui vakalawa. 14 Ni vakarau dolava na gusuna o Paula me vosa, a qai vosa takosovi ira na Jiu, o Kalio ni kaya, Kevaka me vakayavutaki na nomuni veibeitaki e na dua na cala e caka se na lawaki se na itovo kaukaua, au na ciqoma kemuni dina, kemuni na turaga ni Jiutia; 15 Ia ke veiletitaki wale tikoga na vosa, se na yaca se na nomuni lawa, ia moni vakameautaka ga o kemuni vakataki kemuni baleta au sega ni via vakatau­lewa e na veika vaka oqori. 16 Oti, qai cemuri ira laivi mai na nona idabedabe ni vakatulewa. 17 O ira na tawalotu era qai vesuki Sosiceni na ivaka­tawa ni valenisoro, era qai mokulaki koya e mata ni idabedabe ni vakatulewa. O Kalio, a sega ni via galeleta na veika oqo.

Cakacaka 18: 12-17

Au sa vala oti e na ivalu vinaka, au sa ciciva oti na cere, kau se taura matua tu na noqu vakabauta.

2 Timothy 4:7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
326	November 22	Ezekiel 27-28	James 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).