Thought: If We Are Obedient To Yahweh, He Will Be There For Us
Serving For Yom Ha Shee-Shee, 22nd Sivan 5770
A qai moce o Abaiya vata kei ira na tamana, era qai buluti koya e na korolevu i Davide; ia o Eisa na luvena tagane a qai veiliutaka vakatui me sosomitaki koya. E na nona itabagauna na vanua a sautu tu me tini na yabaki. 02 O Eisa a vakayacora na veika e vinaka ka dodonu e na mata i Jiova (Yahweh) na nona Kalou (Mighty One); 03 baleta ni a vakarusa na nodra icabocabo ni soro ni kalou (elohim) tani kei nodra tikina tabu, vorolaka na nodra matakau ka tataya na ivakatakarakara ni nodra yalewakalou. 04 A qai kaya vei Yahuda, Lako mai, meda mai masumasu e mata i Jiova (Yahweh) na nodra Kalou (Mighty One) na noda qase. 05 E a cavuraka talega mai na veikoro lelevu, na tikina tabu ni sokalou e na veivanua cecere kei na matakau; a qai kune sautu kina na matanitu e na nona itabagauna, ka sega ni kune e dua na kena meca e na iyalayala kece ni vanua. 06 A qai tara na veikoro lelevu vakabai e Yahuda; baleta ni a sautu tu na vanua, ka sega ni dua me vakavu ivalu vua e na veiyabaki oya, baleta na Kalou (Yahweh) e a solia vua na vakacegu. 07 A qai kaya kina vei ira na kaya i Yahuda o koya, Lako mai, laiva meda mai tara korolevu ka viribaita e na lalaga kei na valecere, me vakamatamata kei na kena samugakagaka, ni se sautu tu na vanua; baleta ni da a golevi Jiova (Yahweh) na noda Kalou (Mighty One); ia o koya talega sa galeleti keda mai, ka solia vei keda na vakacegu mai vei ira era tu wavokiti keda, sa vakasaututaki keda ka vueti keda talega.
Liutaki au e na nomuni dina ka vakatavulici au; baleta o Kemuni oni noqu Kalou (Mighty One) ka noqu iVakabula; vei kemuni au wawa tiko e na siga taucoko. 06 Nanuma i Jiova (Yahweh), na malumu ni nomuni dauveivosoti kei na nomuni dauyalovinaka; baleta era a se tu mai na ivakatekivu kei vuravura.
