Thought: Yisra’yl Keep Forgetting YHWH When The Times Are Good
......................
Serving For Yom R’vi’i Sivan 23,
5772
MAI NA NEVI’IMI
RISHONIMI (FROM THE NEVI’IM RESHONIM)
O
ira na luve i Yisira'yili era baci vakayacora tale na ivakarau vakasisila ni
rai tu o Yahuwe (YHWH), e na gauna sa mate oti kina o Eihuda. 2 O Yahuwe (YHWH)
a qai soli ira i na liga i Yavimi na tui Kena'ani, o koya e a veiliutaki tiko
vakatui mai Hatazora; ia a iliuliu tiko ni nona mataivalu o Sisira, o koya e a
dau vakaitikotiko voli mai Harosheta vei ira na Kaitani (HaGoyim). 3 O ira na
luve i Yisira'yili era qai tagitagi vei Yahuwe (YHWH); baleta o koya e tiko vua
e ciwanadrau na qiqinivala kaukamea, qai dau vakasaurarataki ira tiko vakaukaua
na Yisira'yili, me ruasagavulu na yabaki.
4
¶ O De'vora, e dua na parofita marama na wati i Lapidote, a daunilewa tiko ni
Yisira'yili e na gauna oya. 5 O De'vora, a vakatikotiko e na ruku ni veiniuniu
e na kedrau maliwa o Ramaa kei Beiti-Yili, e na ulunivanua i Ifira'yimi; o ira
na luve i Yisira'yili era qai dau lako cake vua (me ra lai rogoca na nona)
lewa. 6 O koya, a qai talatala me lai kacivi mai o Baraka na luve i Avino'ami
mai Kadesha e Nafitalai, oti qai tukuna vua, A sega beka ni vakarota vei iko o Yahuwe
(YHWH) na Kalou (Mighty One) i Yisira'yili, e na nona kaya, Lako lai
vakaitikotiko e na ulunivanua o Tavo, ia mo kauta vata kei iko e tininaudolu na
tamata maivei ira na luve i Nafitalai kei na luve i Ze'vuluni? 7 Laivi ira me ra lako vata kei iko i na uciwai o Kishoni, moni lai saqati Sisira,
na iliuliu ni mataivalu i Yavimi, moni
valuta na nona qiqinivala kei ira na nona mataivalu; o au, au na qai soli i
koya ligamu. 8 Kaya vua o Baraka, Kevaka ga o lako vata kei au, au na qai lako:
ia kevaka o sega ni lako vata kei au, ia au sa na sega ni lako. 9 Kaya o koya,
Au na lako vakaidina kei iko; ia o iko o na sega ni taura na lagilagi ni inaki
ni ilakolako mo vakayacora; baleta o
Yahuwe (YHWH) e na soli i Sisira i ligana e dua na yalewa. A mani cavutu
o De'vora, me rau lako vata kei Baraka i
Kadesha.
10
¶ O Baraka a vakasoqoni ira na Ze'vuluni kei ira na Nafitalai me ra lako cake i
Kadesha; e tininaudolu na tagane era a qai lako cake vata kei koya; o De'vora a lako cake talega vata kei koya.11
Ia o Hevari na Kayimi, a sa biuti ira na Keini, oya o ira na kawa i Hovava na
vugo i Moshe, qai lai birika sara na nona valelaca mai na vunioki e tubu toka
mai Za'ananimi, volekati Kadesha. 12 Era a sa tukuna (oti) vei Sisira ni o
Baraka na luve i Avino'ami sa lako cake
(oti) i na ulunivanua o Tavo. 13 O Sisira a qai vakasoqoni ira vata na nona
qiqinivala kecekece, e ciwanadrau na qiqinivala kaukamea, kei ira na tamata
kece era tiko vata kei koya, mai Harosheta e Ha’Qoyimi, me ra lako i na uciwai o
Kisoni. 14 Kaya o De'vora vei Baraka, Cavutu baleta qo na siga sa soli i Sisira
kina i na ligamu o Yahuwe (YHWH); raica o Yahuwe (YHWH) sa liu tiko yani vei
iko. Sa mani siro sobu o Baraka mai na ulunivanua o Tavo vata kei na
tininaudolu na tagane era a toso tiko vata kei koya. 15 O Yahuwe (YHWH) a qai
vakadrukai Sisira, kei na nona qiqinivala kece sara kei na nona mataivalu e na
seleiwau, e na mata i Baraka; a mani sobu kina o Sisira mai na nona qiqinivala,
me sa dro e yavana. 16 Ia o Baraka a qai cemuri ira toka ga na nona qiqinivala
kei ira lewe ni nona mataivalu me yaco sara i Harosheta mai HaGoyimi; o ira
kece na lewe ni mataivalu i Sisira era a vaqeyavutaki e na bati ni seleiwau; a
sega tale ni dua vei ira me drobula.
NA IVAQA NI BULA (FOOD FOR THE SOUL)
Na
tamata ca e na vakarorogo i na
tebenigusu dau veidabui; ia e dua na tamata yalododonu e sega ni vakarorogo i
na yamedra na tamata ivalavala kaukaua. 5 ¶ O koya e vakalialiai ira na
dravudravua e vakacudrui koya e a buli i ira; ia o koya e rekitaka na leqa
vakaloloma, e na sega ni vosoti.
LOMANI YAHUWE NA NOMU KALOU (LOVE YHWH YOUR MIGHTY ONE)
E
dua na sere ni
cabecabe. Maivei Dawide. I Yahuwe (YHWH), na vuniyaloqu e sega ni dokadoka se
viavialevu na mataqu; au sega ni cakacaka e na veika lelevu, se e na veika e
rui cecere cake tale mai vei au. 2 E ka dina niu sa vakamalumalumu ka
vakatudaliga o au vakataki au, me vaka e dua na gone sa kali mai vei tinana; na
noqu bula (soul) sa vaka e dua na gone kali. 3 Laivi Yisira'yili me vakanuinui
vei Yahuwe (YHWH), me tekivu mai na gauna qo ka tawamudu.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
Blog
No. 164 o/o 1624
|
June
13, 2012
|
|
Reading
|
Hebrew
Date
|
|
Sivan
23, 5772
|
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
