Thought: Yahweh’s work done Yahweh’s Way will receive Yahweh’s Support
......................................................................
Serving For
O Tui Solomoni a qai tauca e dua na lewa e Isireli raraba; na lewa oqo me ra wase tani mai e tolusagavulu na udolu na tamata; 14 qai talai ira o koya i Lebanoni, me ra veiveisau tiko e tauya tininaudolu dua na vula; oya me ra tiko mai Lebanoni me dua na vula, ka tiko mai nodra vale me rua na vula; o Edonirami a liutaka na vakayacori ni lewa oqo. 15 Vei ira na tamata nei Solomoni, e vitusagavulu na tamata era a dau colacola, ka walusagavulu na udolu era a dau musu vatu mai na vei ulunivanua; 16 Qo e sega ni wili kina o ira na nodra iliuliu na tamata nei Solomoni, era sa lesi tu me qarava na toso ni cakacaka, oya e tolunaudolu tolunadrau, era veiliutaki tiko vei ira na tamata era cakacaka tiko. 17 Na tui a qai vakarota mera kauta mai na vatu lelevu, na vatu sau dre dre, kei na vatu ceu, me na vakaoti vinaka kina na vale. 18 O ira na mataisau nei Solomoni kei ira na mataisau nei Hairami kei ira na dau musuvatu era qai ceuta kece mai; era qai vakarautaka na vatu kei na kauvaro me na tara kina na vale.
Na Kalou (Elohim) ni veisaututaki, o Koya e a vakatura tale mai na mate na noda Turaga o Jisu (Master Yahshua), na ivakatawa levu ni sipi, e na dra ni veiyalayalati tawamudu, 21 me vakadaumakataki kemuni e na cakacaka vivinaka moni vakayacora na Nona inakinaki kei na Nona cakacakataka e lomada na veika e dau talei e matana, e na vuku i Jisu (Yahshua) na Mesaia, ka me Nona na lagilagi e veiveigauna kece me tawamudu. Emeni.
