Veidauci Na Yalewa Vakawati ( Married Women Commit Adultery).

Thought: It Is Happier Not To Commit Adultery.

 ..................

Serving For Yom Rishon Adar 17, 5772

MAI NA TORAA (FROM THE TORAH)

Vosa o Yahuwe (YHWH) vei Moshe ni kaya, 12 Vosa vei ira na luve i Yisira'yili, mo kaya, (Oqo na lawa) kevaka e nanumi ni dua na yalewa a veiyacovi e taudaku ni nona vakamau, qai lawakitaka tiko vei watinatagane; 13 E dua na tagane a rawa ni veiyacovi vakavuni vata kei koya, rau qai vagalui tiko baleta ni rau cakava vuni, ka sega talega ni dua na ivakadinadina me saqati yalewa. Na yalewa a sega ni kucuvi. 14 O tagane a rawa ni curumi koya na nona yalovuvutaki watina yalewa, ia o yalewa a rawa ni vakadukadukalitaki oti dina; se a curumi tagane na nona yalovuvutaki watina yalewa, e dina ga ni a sega ga ni vakadukadukalitaki o yalewa. 15 O tagane me na kauti watina yalewa vua na kohena, ka kauta tiko mai na nona isoro, e dua na ikatini na efa na falawa bali; ia me kakua ni sovara kina na waiwai se biuta mai delana na drega ni fereqisede; baleta qo e isoro laukana ni yalovuvu, e dua na isoro laukana ni ivakananumi, me vakananumi kina na cala a caka. 16 Na kohena me na kauti koya mai (na yalewa) vakavoleka, me na mai duri tu e na mata i Yahuwe (YHWH); 17 Na kohena me na takiva mai eso na wai tabu, e na dua na bilo qele; ka lukuta mai eso na dravusa era tu e na yavu ni itutu ni icabocabo ni soro e na loma ni valetabu, qori e na taura qai biuta e loma ni bilo wai. 18 Na kohena me na vakaduria na yalewa e na mata i Yahuwe (YHWH), luvata laivi na iubi ni uluna na yalewa, qai biuta na isoro ni ivakananumi e ligana, oya na isoro ni yalovuvu; na kohena me na taura tiko e ligana na wai wiwi ni veivakatovolei. 19 Na kohena me na qai cavuta e dua na vosa ni bubului vua na yalewa e na nona kaya vua, Kevaka e se sega vakadua ni dua na tagane e bau veiyacovi vata kei iko, vakavo ga o watimutagane, oya ni o a sega ni cakava e dua na cala mo vakadukadukalitaki kina, ia o na sereki mai na cala o beitaki tiko kina, ni o gunuva na wai wiwi qo ni veivakatovolei. 20 Ia kevaka o a cala dina e na nomu a veiyacovi kei na dua tale na tagane, e sega ni watimu tagane, oya o sa vakadukadukalitaki iko vakataki iko, baleta ni veiyacovi kei iko e dua tale na tagane e sega ni watimu; 21 Eke na kohena me qai cavuta kina na tiki ni bubului e cavuti kina na vatovato (curse) vua na yalewa, me qai kaya vua na yalewa na kohena, O Yahuwe (YHWH) me na vatovatotaki iko ka mo dau daucavuti e na kedra maliwa na kai nomu, ni sa na cakava o Yahuwe (YHWH) me vuca na nomu iyaya vakayalewa ka vuce na ketemu. 22 Na wai wiwi ni veivakatovolei oqo e na curu i yagomu qai cakava na ketemu me vuce kei na nomu iyaya vakayalewa me vuca; na yalewa me na qai kaya, Omaini, omaini. 23 Na kohena me na qai vola na vatovato kece oqo e na dua na ivola, oti qai tonia me taqusi tale e na wai wiwi ni veivakatovolei; 24 O koya, me qai cakava na yalewa me gunuva na wai wiwi ni veivakatovolei; na wai ni veivakatovolei e na qai curumi koya, me sa tekivu vakatovolei i koya. 25 Na kohena me qai taura tale na isoro ni veivuvutaki mai na ligana na yalewa, qai yalovaka na isoro laukana e na mata i Yahuwe (YHWH), qai cabora e na dela ni icabocabo ni soro; 26 Na kohena me na qai yakuta eso na isoro laukana, me kena ivakananumi, qai vakama e dela ni icabocabo ni soro, ni sa cakava oti oqori me qai vagunuva na yalewa e na wai. 27 Ni sa gunuva oti na wai na yalewa, e na yaco, kevaka a vakadukadukalitaki koya ka caka cala dina vua na watina, na wai ni veivakatovolei e na curumi koya, qai vakatovolei koya; e na qai vuce na ketena ka vuca na nona iyaya vakayalewa. Na yalewa oya sa na yaco me vatovatotaki e kedra maliwa na kainona. 28 Ia na yalewa kevaka e savasava ka ni a sega ni vakadukadukalitaki koya vakataki koya, ia sa na sereki o koya; ka na rawa vua me kunekune tale.

Mai Lekutu (B’midbar) 5:11-28 

NA IVAQA NI BULA (FOOD FOR THE SOUL)

Na nodra ivalavala dodonu na yalododonu e na dusimaka na nona gaunisala; ia na tamata ca e na bale e na nona ivalavala ca. 6 Na nodra ivalavala dodonu na yalododonu e na vueti ira; ia o koya e dau talatalaidredre e na tacori e na nona ivalavala ca.

Vosa Vakaibalebale (Mishlei) 11:5-6 

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Vata kei na ivakatagi wa. E dua na vucu ni vuli (Maskil) nei Dawide. 2 E na gauna era lako mai kina na Zifimi me ra mai tukuna vei Shaula, O Dawide e vuni tiko vata kei keimami. 3(1) Vakabulai au kemuni noqu Kalou (Mighty One) e na vukuni yacamuni: lewai au e na nomuni kaukaua. 4(2) Rogoca na noqu masu, kemuni na Kalou (Mighty One); vakatudaliga i na vosa ni gusuqu. 5(3) Baleta o ira na vulagi era tu me ra saqati au, o ira na qaqa era sa vaqara tiko mai na noqu bula; era sa vakalecalecavi kemuni, kemuni na Kalou (Mighty One). 6(4) Raica, o Yahuwe (YHWH) e noqu dau ni veivukei; O Yahuwe (YHWH) e yavu ni noqu bula (soul). 7(5) Kauta mai na leqa vei ira na kequ meca; vagalui ira e na nomuni dina: 8(6) Au na vakacabora vei kemuni na isoro e na yalo galala: Au na vakamuduotaka na yacamuni, i Yahuwe (YHWH); baleta ni vinaka. 9(7) Baleta oni a vakabulai au mai na veileqaleqa taucoko; na mataqu a qai raici ira na kequ meca ni ra sa vakadrukai.

Same (Tehellim) 54:1(0)-9(7) 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
070 Blog No. 1530	March 11, 2012
Reading	Hebrew Date
Na iVakarua (D’varim) 14-16	Adar 17, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.