Na iWali ni Tauvimate (Healing For Sickness)

Thought: Victory Assured When We Align With Yahweh.

 ..............................

Serving For Shaynee, Adar-Alef 23, 5771

Era qai toso mai na ulunivanua o Hori, e na sala vaka i na Wasa Damu, me ra lako wavolita na vanua o Idomi; era a qai lomaocaoca vakalevu na tamata baleta na sala e muria.  5 Era qai vosakudrukudrutaka na Kalou (Yahweh) vata kei Moshe o ira na tamata ni ra kaya, Na cava drau kauti keimami cake kina mai Ijipita me keimami mai mate tu e na veikauloa oqo? E sega tu eke na madrai se na wai; na yago i keimami sa besetaka na madrai (mana kana ca qo. 6 Sa mani tala mai na gata bukawaqa e na kedra maliwa na tamata o Jiova (Yahweh), era qai katilaki ira na tamata; ka vakavuna me ra mate e levu na tamata ni Isira’yili. 7 Qori era qai lako kina vei Moshe na tamata era qai vakamamasu vua, Keimami a cala dina ga, baleta keimami a vosa vakaviavialevu vei Jiova (Yahweh) vata kei iko talega.   Masuti Jiova (Yahweh) me kauta tani mai vei keimami na gata. Sa qai masu e na vukudra na tamata o Moshe. 8 Kaya o Jiova (Yahweh) vei Moshe, Bulia e dua na  gata bukawaqa barasa, vauca e na mua ni dua na duru balavu: ia e na qai yaco ke dau na tamata e a katia na gata, o koya e na vakabulai, ke raica na gata barasa. 9 Sa mani bulia e dua na gata barasa o Moshe, qai vauca i na mua na dua na duru balavu; qai yaco kina ke katia e dua na tamata e dua na gata, o koya e na vakabulai sara e na gauna ga e raica kina na gata barasa.

Lekutu (B’midbar) 21:4-9

Baleta o Jiova(Yahweh) e noda Turaganilewa,  o Jiova (Yahweh) e noda Vunilawa. O Jiova(Yahweh) e noda Tui, o Koya ga e na qai vueti keda.

Aisea (Yeshayahu) 33:22.

I Jiova (Yahweh) na Kalou (Mighty One) e itaukei ni veisausaumi; Kemuni na  Kalou (Mighty One) dau ni veisausaumi, ni vakaraitaki kemuni mai. 2 Duri cake mai, Kemuni na yurganilewa kei vuravura, sauma mada vei ira na dokadoka, na nodra icovi.

Same (Tehellim) 94:1-2.

Read The Scriptures (Tanakh) in a Year
Siga (Day)/Blog	Tikinisiga (Date)
059/Blog No. 1199	February 28, 2011.
Reading	Hebrew Date
Number (B’midbar)-22 21	Adar Alef 24,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Wai Mai Na Uluvatu (Water from the Rock)

Thought: Our Weaknesses Can Also Appear In Our Strength.

...................... 

Serving For Yom Reeshone, Adar-Alef 23, 5771

Vosa vei Moshe o Jiova (Yahweh), ni kaya; 8 kauta na ititoko, ka vakasoqoni ira na lewe ni isoqosoqo, o iko vata kei Aharoni na tuakamu, qai vosa i na uluvatu e matadra; e na qai solia mai na kena wai; o na kauta mai vei ira na wai mai na uluvatu: mo vagunuvi ira na lewe ni isoqosoqo kei ira na nodra bulumakau. 9 Taura na ititoko o Moshe mai na mata i Jiova (Yahweh), me vaka e vakarota vua.  10 Rau qai vakasoqoni ira vata na lewe ni isoqosoqo o Moshe kei Aharoni me ra mai tu donuya na uluvatu, sa qai kaya vei ira o koya, Ni rogoca sara qo ni yavu tamata babamatua; mai na uluvatu oqo keirau na vakavurea mai kina na wai me memuni? 11 A qai laveta cake na ligana o Moshe, qai samuta vakarua na vatu  e na nona ititoko; qai dave mai kina vakayauyau na wai; era qai gunu mai kina na tamata, kei ira talega na nodra bulumakau. 12 Kaya vei Moshe kei Aharoni o Jiova (Yahweh), Baleta ni drau sega ni vakabauti au, mo drau dokai au e na matadra na luvei Isira’yili, drau sa na sega kina ni kauti ira na lewe ni isoqosoqo oqo i na vanua au a solia vei ira. 13 Oqo na wai o Mesota (veileti); baleta era a veileti kei Jiova (Yahweh) eke na luvei Isira’yili, qai vakatabui koya kina o koya e na kedra maliwa.

Lekutu (B’midbar) 20:7-13

Au sa savata na ligaqu me savasava kau sa lako vakavolivolita na nomuni cabocabo ni soro i Jiova (Yahweh): 7 Meu rawa ni rogoca na domo ni nomuni veivakabekabei, oti au qai vakarogoya na nomuni cakacaka talei. 8 Jiova (Yahweh) au domona na itovo tudei ni nomuni vale kei na vanua e vakavaletaki tiko kina na nomuni dokai;  9 Kakua ni vakarusai au vata kei ira era dau valavala ca, se na noqu bula kei ira na tamata dau vakadave dra: 10 E toka e ligadra na vakatubuca, ka va qumi na ligadra imatau e na isau ni veidabui. 11 Ia o yau, au na muria tikoga na noqu itovo dodonu; vueti au ka lomani au. 12 Na yavaqu e tu ga e na vanua dodonu; e loma ni isoqosoqo au na vakamuduo ga kina vei Jiova (Yahweh).

Same (Tehellim) 26: 6-9

      

Read The Scriptures (Tanakh) in a Year
Siga (Day)/Blog	Tikinisiga (Date)
058/Blog No. 1198	February 27, 2011.
Reading	Hebrew Date
Number (B’midbar) 18-20	Adar Alef 23,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tamata era Vosavosa (People Murmuring)

Thoughts: Do You Blame Others, When Things Go Wrong In Your Life?

 .....................

Serving For Shabbat, Adar-Alef 22, 5771

E na mataka, era a qai vosavosa vei Moshe kei Aharoni o ira na lewe ni  nodra isoqosoqo na luve i Isira’yili, ni ra  kaya, Drau sa vakamatei ira na tamata i Jiova (Yahweh). 42 Ni ra sa soqoni vata na lewe ni isoqosoqo me ra saqati rau o Moshe kei Aharoni, era qai rai vaka i na nodra vale tabu na isoqosoqo: era qai raica, ni sa ubia tu vakadua na o, qai rairai mai na iserau i Jiova (Yahweh). 43 Rau qai toso i na mata ni valetabu  o Moshe kei Aharoni. 44 Vosa o Jiova vei Moshe vata kei Aharoni ni kaya, 45 Toso tani mai na kedra maliwa na lewe ni isoqosoqo qo, meu  vakarusai ira vakadua e na dua na gauna lekaleka mai oqo. Rau mani lutu vakatoboicu i matadrau. 46 Kaya o Moshe vei Aharoni, Taura e dua na miqa, biuta kina e dua na buka waqa mai na icabocabo ni isoro, kolo i loma na ka boi vinaka, qai laveta yani vakatotolo vei ira na lewe ni isoqosoqo, mo cabora e dua na nodra isoro: baleta na leva sa lutu mai vei Jiova (Yahweh), ka sa tekivu me dewa na matelevu e na kedra maliwa na tamata. 47 Taura sara o Aharoni me vaka e vakarota o Moshe, qai cici i na kedra maliwa na lewe ni isoqosoqo; ia raica, sa tekivu me dewa na mate levu e na kedra maliwa na tamata; e viri sara i loma na ka boi vinàka, qai cabora e dua na isoro e na kedra maliwa na  tamata. 48 Ni sa duri tu e na kedra maliwa, na mate kei na bula; sa qai mudu na mate levu. 49 O ira era a mate e na mate levu, era le tinikavanaudolu, vitunadrau, sega ni wili kina o ira era mate e na vuku ni vosa ni veivakacacani nei Kora. 50 A qai lesu vei Moshe o Aharoni i na katuba levu ni valetabu; sa qai mudu na mate levu,

Lekutu (B’midbar) 16: 41-50

 O Jiova na noqu rarama kei na noqu ivakabula; o cei tale meu rerevaka? O Jiova (Yahweh) na kaukaua ni noqu bula; o cei tale meu rerevaka?  2 Ni ra a lako mai na daunicakaca  me ra mai tilomi au, oya o ira na kequ meca  kei ira era dau cati au, era qai tacaqe kece ka bale. 3 Kevaka mada ga me ra tuvaivalu saqati au o ira na le vuqa, na vuniyaloqu e na sega ni taqaya; e dina ga ni vakarau yaco mai vei au na ivalu, ia e na ka oqo au na yalodei. 4 E dua na ka au sa kerea oti vei Jiova (Yahweh) au na vakasaqara tiko; Meu na bula tiko ga e na vale i Jiova (Yahweh) e na veisiga kece ni noqu bula …...

Same (Teehllim) 27:1-4

Read The Scriptures (Tanakh) in a Year
Siga (Day)/Blog	Tikinisiga (Date)
057/Blog No. 1197	February 26, 2011.
Reading	Hebrew Date
Number (B’midbar) 16-17	Adar Alef 22,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veitosoyaki e Veikauloa (Wandering in the Wilderness)

Thought: Decide To Obey Yahweh; To Be Safe.

....................... 

Serving For Yom Ha Shee-shee, Adar-Alef 21, 5771

Ia o ira ga na nomuni lalai, oni kaya ni ra na vakasasataki, vata kei ira na luvemuni tagane era se sega ni kila na vinaka kei na ca, era na curuma na vanua, au na kauti ira kina, era na qai kila na vanua oni beca tiko. 32 Ia o kemuni, na yagomuni mate era na bale e na veikauloa oqo. 33 O ira na luvemuni, era na dau ivakatawa ni manumanu e loma ni veikauloa  me yabaki vasagavulu; oni na bula rarawa tiko e na vuku ni nomuni saqamua, me yacova ni sa tilomi vakadua na yagomuni mate e loma ni veikauloa oqo. 34 Me vaka na iwiiwili ni siga oni vakadikeva vuni tiko kina na vanua, oya e siga vasagavulu; io me dua na yabaki e na veisiga yadudua, oni na rarawa tiko kina e na vuku ni nomuni ivalavala ca, me yabaki vasagavulu; oni na qai kila kina ni yaco qo baleta na nomuni dau vakavunene e mataqu. 35 O au o Jiova (Yahweh) au kaya oqori, io au na cakava talega vakakina i na isoqosoqo ca oqo, oni soqo vata tu oqo e mataqu; e na vekauloa oqo era na tilomi kina, e keya talega era na mate kina.

36 ¶ Ia o ira na tamata e a talai ira o Moshe me ra lai vakadikeva vuni na vanua; era qai lesu mai me ra mai vakayarayarataki ira na lewe ni isoqosoqo taucoko me ra vakavunene mai vei au, baleta na nodra itukutuku ca me baleta na vanua, 37 O ira na tamata oqori, era mai tabaka na itukutuku ca, era a dui mate e na dua na mate tubu vakasauri e na mata i Jiova (Yahweh).  38 Ia o Ye'hoshua na luve i Nani tagane vata kei Kelevi na luve i Ye'hofune tagane, vei ira na tamata era a lai raica vuni mai na vanua, rau se bula tiko.

Lekutu (B’midbar)14:31-38

O KOYA e vakaitkotiko e na veitaqomaki nei Jiova (Ylyon) e na bula tiko e na ruku ni yaloyalo nei koya na Kaukaua (Shaddai). 2 Au na tukuna vei Jiova (Yahweh),  O koya e noqu idrodro  ka noqu isasabai na noqu Kalou (Mighty One); o koya au na vakabauta. 3 E ka dina ni o koya vueti iko mai na nona tudai na daubiri dai, ka vaka kina mai na kakase tawayaga.

Same (Tehellim) 91:1-3

Read The Scriptures (Tanakh) in a Year
Siga (Day)/Blog	Tikinisiga (Date)
056/Blog No. 1196	February 25, 2011.
Reading	Hebrew Date
Number (B’midbar) 14-15	Adar Alef 21,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakasuka mai Kena’ani. (Turning Back from Kena’an)

Thought: Do We Draw Back From Yahweh Because Of Unbelief?

..................... 

Serving For Yom Khah Mee Shee, Adar-Alef 20, 5771

Era qai lesu mai na nodra lai raica vuni na vanua, ni sa oti e vasagavulu na siga.

26 ¶ Era qai lako mai vei Moshe vata kei Aharoni, vata kei ira na lewe ni nodra isoqosoqo na luve i Isira'yili e na veikauloa mai Pa'rana kauta i Kadesha; era qai kauta mai na itukutuku vei rau, kei ira talega na lewe ni isoqosoqo kece, ka vakaraitaka vei ira na vuata ni vanua. 27 Era qai vakamacalataka vei Moshe ni ra kaya, Keimami a lako i na vanua o a talai keimami kina; e ka dina ni drodro tu kina na sucu kei na oni; qo na vuana. 28 Ia o ira na tamata era vakaitikotiko  kina era kaukaua, na nodra korolevu e viribaiti ka vakavakaitamera: keimami qai raica talega mai keya na luve ni tuwawa. 29 O ira na 'Amaleki era tawana tu na vanua e na ceva; o ira na Hiti kei ira na Yu'vusi kei ira na Emori era tiko e na ulunivanua; kei ira na Kena'ani era vakaitikotiko e na baravi kei na bati ni Yadani. 30 Oti qai vagaluvi ira na tamata o Kelevi e na mata i Moshe, qai kaya, Me da lako cake sara ga qo, meda lai  taukena na vanua; baleta e na ka  rawarawa sara meda rawata. 31 Ia o ira na tamata era a lako vata kei koya, era qai kaya, Eda na sega ni rawai ira na tamata mai keya baleta era kaukaua cake sara vei keda. 32 Era qai kauta cake mai vei ira na luve i Isira'yili, e dua na itukutuku ca me baleta na vanua era a lai raica vuni mai ni ra kaya, Na vanua keimami a lakova me keimami lai dikeva mai, e vanua e dau tilomi ira na lewena; ia o ira na tamata kece keimami raica mai keya era tamata yagoyagolelevu.  33 E keya keimami raica kina na tuwawa, na luve ni tuwawa, kei na kawa ni tuwawa;  o keimami, mai na nodra rai, keimami vaka na vodre, ka keimami vaka talega kina e matadra.

Lekutu (B’midbar) 13:25-33

NA KALOU (Mighty One) e noda itataqomaki ka noda kaukaua; na dauniveivuke e dau tu voleka e na veigauna ni leqaleqa. 2 Oni dau tu vata kei keimami e veigauna kece; qori keimami na sega ni taqaya kina, ke uneune na vuravura ka sasakurekure na veiulunivanua me yaco i na uto ni wasaliwa;

Same (Tehellim) 46:1-2

Read The Scriptures (Tanakh) in a Year
Siga (Day)/Blog	Tikinisiga (Date)
055/Blog No. 1195	February 24, 2011.
Reading	Hebrew Date
Number (B’midbar) 11-13	Adar Alef 20,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Toso Tiko Na iLakolako. (Continuing The Journey)

Thought: Remember Yahweh’s Promises And Remain Focussed

.............................. 

Serving For Yom Revee-ee, Adar-Alef 19, 5771

E a rogoca na nodra tagi na tamata o Moshe, e na nodra dui veimataqali, na tamata yadudua e na mata ni katuba ni nona valelaca; a qai tubu vakalevu kina na leva i Jiova (Yahweh); ka tubu talega na rarawa nei Moshe.11 Kaya vei Jiova (Yahweh) o Moshe, Noqu Kalou (Mighty One), Na cava oni vakavuna tiko kina me rarawa na nomuni dauniveiqaravi? Na cava beka au sega ni kunea tiko kina na yalololoma e matamuni, oni vakotora tiko kina na nodra icolacola bibi na tamata kece oqo vei au? 12 O au beka au a kunekunetaki ira na tamata kece oqo? Se o au beka au a vakatuburi ira kece, moni tukuna kina vei au, Keveti ira tiko e lomaseremu, me vaka e dua na tama e keveta tiko e dua na gone dramidrami, i na vanua oni a bubuluitaka vei ira na tamadra? 13 Evei beka au na kunea kina na lewe ni manumanu, meu solia vei ira kece na tamata oqo? Era sa tagi tiko me ra kudruvaka vei au, e na nodra kaya Solia vei keimami na lewe ni manumanu me keimami kania. 14 Au na sega ni rawa ni colati ira tiko na tamata oqo vakataki au, baleta na icolacola e rui bibi vei au. 15 Kevaka moni cakacaka tiko vata kei au vakaoqo, ia vakamatei au sara ga e na gauna oqo kevaka oni au sa kunea na yalololoma e matamuni; meu kakua ni raica na noqu vakaloloma.

Lekutu (B’midbar) 11:10-15

Qai, raica, ni duri tu mai na muana e cake na o Jiova (Yahweh), qai kaya, O au o Jiova (Yahweh) na Kalou (Mighty One) nei Avarahama na tamamu, kei na Kalou (Mighty One) nei Yisake; na vanua o davo toka kina au na solia vei iko kei ira na nomu kawa;  14 Ia na nomu kawa era na lewe levu me vaka na kuvu ni qele e vuravura; o na qai tete yani vaka i na tokalau kei na vuaira kei na vualiku ka vaka i na ceva; ia e na vukumu kei na ira na nomu kawa, o ia na veimatamata kece e vuravura e ra na vakalougatataki. 15 Ia raica, au sa tiko vata kei iko, au na taqomaki iko tiko e na veivanua kece  o na lako kina, au na qai vakalesui iko mai i na vanua oqo; au na sega ni biuti iko, me yacova niu sa vakayacora na veika au kaya tiko qo vei iko.

Vakatekivu (B’resheet) 28:13-15

Read The Scriptures (Tanakh) in a Year
Siga (Day)/Blog	Tikinisiga (Date)
054/Blog No. 1194	February 23, 2011.
Reading	Hebrew Date
Number (B’midbar) 8-10	Adar Alef 19,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakarau na Toso. (Getting Ready to Move)

Thought: Yahweh Knows The Way Forward; Follow.

...................... 

Serving For Yom Shlee-shee, Adar-Alef 18, 5771

Kaya vei keimami mai Horeba o Jiova (Yahweh) na noda Kalou (Mighty One), Sa dede vinaka na nomuni mai tiko e na ulunivanua oqo: 7 Vuki mo ni sa toso e na nomuni ilakolako, moni lako i na nodra ulunivanua na Emori, kei na veivanua wavolivolita, i na bucabuca lolovira dravuisiga, i na ulunivanua, i na veibuca, i na ceva, i na veibaravi ni wasawasa, i na nodra vanua na Kena’ani, vata kei Li’vanoni, me yaco sara i na uciwai levu, na uciwai o Iuferetisi.  8 Raica, Au sa solia vei kemuni na vanua era no oqori e matamuni: toso yani lai taukena na vanua a bubuluitaka o Jiova (Yahweh) vei ratou na tamamuni o Avarayama, o Yisake vata kei Ya’akove, me na solia vei iratou kei ira na nodratou kawa mai muri.

9 ¶ Au a kaya vei kemuni e na gauna oya, Au na sega ni colati kemuni tiko o yau ga vakataki au. 10 O Jiova na nomuni Kalou sa vakalevutaka na kemuni iwiliwili; raica, e na siga e daidai, o kemuni oni sa tautauvata kei na kalokalo ni lomalagi na kemuni i wiliwili.11 (Me vakalevutaka tale vakaudolu na kemuni iwiliwili nikua o Jiova (Yahweh), na nodratou Kalou (Mighty One) na tamamuni, ka vakalougatataki kemuni me vaka a yalataka vei kemuni). 12 E na rawa vakacava vei au meu colata duadua na nomuni veibeitaki, na nomuni icolacola bibi, kei na nomuni sasaga? 13 Lesia mai na kemuni maliwa  na tamata vuku e tu vei ira na  yalomatua, ka ra kilai levu, e na loma ni nomuni veiyavusa, au na qai lesi i ira me ra nomuni turaga.14 Oni a qai sauma moni kaya mai vei au, Na veika oni vakamacalataka tiko, e vinaka vei keimami me keimami cakava.

Na iVakarua (D’varim) 1: 6-14

Vei Jiova (Yahweh) au sa biuta na noqu inuinui; au na sega ni taqayataka na ka e rawa ni cakava vei au na tamata. 12 Vei kemuni au na vakayacora na noqu itavi, i Jiova (Yahweh); Au na cabori ira vei kemuni e na vakamuduo. 13 Baleta oni sa vueta na noqu bula (soul) mai na mate, kei na yavaqu me kakua ni tarabe, meu rawa ni qai taleitaki e matamuni, kemuni na Kalou (Mighty One), e na nodra vanua na bula.

Same (Tehellim) 56:11-13

Read The Scriptures (Tanakh) in a Year
Siga (Day)/Blog	Tikinisiga (Date)
053/Blog No. 1193	February 22, 2011.
Reading	Hebrew Date
Number (B’midbar) 7	Adar Alef 18,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Lakosivia (The Passover)

Thought: Yahweh Saved Isra’yl From Egyptian Bondages, Never Forget

............................ 

Serving For Yom Shaynee, Adar-Alef 17, 5771

A qai vosa vei Moshe o Jiova (Yahweh) e na veikauloa mai Saineai, e na imatai ni vula, ni ikarua ni yabaki ni oti na nodra biubiu mai na vanua o Ijipita, ni kaya, 2 Laivi ira na luvei Isira’yili me ra vakananuma na lakosivia e na kena gauna lokuci. 3 E na ikatinikava ni siga ni vula oqo, e na yakavi, moni vakananuma kina e na kena gauna lokuci, e na kena ivalavala kece kei na ivakaro kece, me ra vakananuma kina.4 E a tukuna kina vei ira na luvei Isira’yili o Moshe, me ra vakananuma na lakosivia. 5 Era qai vakananuma na lakosivia e na ikatinikava ni siga e na kena yakavi, e na loma ni veikauloa mai Saineai: e na kena ivalavala kece a vakarota vei Moshe o Jiova (Yahweh); qori era a vakananuma vaka kina o ira na luvei Isira’yili.

Lekutu (B’midbar) 9:1-5

I Jiova (Yahweh), sa tubu na kedra iwiliwili o ira era dau vakararawataki au. Era lewe levu era tubu mai era dau saqati au.  2 E levu era kaya vua na noqu bula, O iko o na sega ni vakabulai mai vua na nomu a Kalou (Mighty One). 3 Ia o kemuni, i Jiova (Yahweh) oni noqu isasabai, oni noqu lagilagi, oni dau tabea cake na uluqu.

4 ¶ Au a tagi vei Jiova (Yahweh) e na domoqu, qai rogoci au mai o koya mai na nona ulunivanua tabu (kodesh). 5 Au koto sobu au qai moce; oti au qai yadra cake tale; baleta o Jiova (Yahweh) e maroroi au. 6 Au na sega ni domobulataki ira na udolu vakaudolu na tamata era mai tu vakavolivoliti au me ra valuti au. 7 Tucake, i Jiova (Yahweh) noqu Kalou (Mighty One); moni vakabulai au; baleta o kemuni oni sa ravuti ira kece na kequ meca e kesudra; Oni qai vorolaka na batidra o ira era dau valavala ca. 8 Baleta na veivakabulai e nei Jiova (Yahweh); kei na nomuni kalougata sa toka ga vei ira na nomuni tamata

Same (Tehellim) 3:1-8

Read The Scriptures (Tanakh) in a Year
Siga (Day)/Blog	Tikinisiga (Date)
052/Blog No. 1192	February 21, 2011.
Reading	Hebrew Date
Number (B’midbar) 5-6	Adar Alef 17,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Gauna ni Veivakatabui. (A Time of Sanctification)

Thought: Yahweh Is The Creator, Refrain From Idol Worship

 ...........................

Serving For Yom Reeshone, Adar-Alef 16, 5771

A qai vosa vei Moshe o Jiova (Yahweh) ni kaya, 2 Vosa vei ira kece na nodra isoqosoqo na luve i Isira’yili, mo kaya vei ira, Mo ni yalosavasava; baleta o yau o Jiova (Yahweh) na nomuni Kalou (Mighty One) au yalosavasava. 3 Na tamata kece me ra dau vakarokorokotaki tamadra kei tinadra, ka bula muria na noqu ivakaro; baleta o au o Jiova (Yahweh) na nomuni Kalou (Mighty One). 4 Moni kakua vakadua ni vuki vei ira na matakau se bulia moni sokalou vei ira na kalou (Mighty One) buli mai na kaukamea waicala; o au o Jiova (Yahweh) na nomuni Kalou (Mighty One). 5 Kevaka moni vakacabora e dua na imadrali ni sautu vei Jiova (Yahweh), moni vakacabora ga na kena e vakadonui. 6 Me na laukana e na siga vata ga e cabo kina vata kei na mataka kadua; kevaka e mani vo tu e na siga tarava; na ka e vo me yacova na ikatolu ni siga, me na vakamai e na bukawaqa; me kakua vakadua ni laukana.  7 Kevaka e mani laukana e na ikatolu ni siga, qori e vakasisila; e na sega ni vakadonui. 8 O ira kece era kania era na rarawataka na nodra cala, baleta era vakawaletaka na veika e tabu vei Jiova (Yahweh); na tamata oya e na muduki laivi maivei ira na wekana.

Vunau ni iSoro (Wayikra) 19:1-8

Moni kakua ni bulia moni qarava e dua na matakau ceuceu; se dua na ivakatakarakara ni dua ga na ka e tu mai lomalagi e cake se tu e vuravura e ra se tu e wasawasa e ruku i vuravura.  5 Moni kakua ni sokalou vei ira, se qaravi ira: baleta o au, o Jiova (Yahweh) au nomuni Kalou (Mighty One), au Kalou (Mighty One) gugumatua, au dau sikova na nodra cakaca na tama vei ira na luvedra, me yacova na ikatolu se ikava ni tabatamata vei ira era dau cati au;  6 ia au na vakaraitaka na yalololoma  vei ira e udolu na itabatamata, vei ira era dau lomani au, ka bula muria na noqu ivakaro.

Lako Yani (Sh’mot) 20:4-6

Read The Scriptures (Tanakh) in a Year
Siga (Day)/Blog	Tikinisiga (Date)
051/Blog No. 1191	February 20, 2011.
Reading	Hebrew Date
Number (B’midbar) 3-4	Adar Alef 16,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.