Sega Na Veivakaduiduitaki (No Discrimination)

Thought: Keeping YHWH Laws And Shabbat As Required Unites People!

............................ 

Serving For Yom HaShishi, Iyar 23, 5773

(Count The Days Towards Shavu’ot: Today Is Day 34 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Oqo na veika e kaya o Yahuwe (YHWH), Vakamuria na lewadodonu ka cakava na ivalavala dodonu; baleta na veivueti sa roro voleka mai, kei na kena vakatakilai na noqu yalododonu. 2 E na marau na tamata e vakayacora oqo,  oya o koya ga e na tatakube toka kina vakaukaua; o koya taqomaka na Siga ni vakacecegu, (Shabbat) ka sega ni vakasausataka; qai taqomaki koya vakataki koya mai na vakayacori ni ivalavala tawakilikili. 3 E dua na kaitani e lai duavata kei Yahuwe (YHWH) me kakua ni kaya, O Yahuwe (YHWH e na vakaduiduitaki au mai vei ira na nona tamata; me vaka kina, na iunuku [o koya] me kakua ni kaya, O au e dua ga na vunikau malai. 4 Baleta oqo na ka e kaya o Yahuwe (YHWH); O ira na iunuku era taqomaka na noqu Siga ni vakacecegu (Shabbat) o ira era digitaka na veika e vakamarautaki au, ka tatakube matua toka e na noqu veiyalayalati, 5 E na loma ni noqu vale, e na tadrua  ni noqu lalaga, au na solia vei ira na  kaukaua kei na dua na yaca, e daumaka cake mai vei ira na luvetagane kei na luveyalewa; au na solia vua e dua na yaca tawamudu, e na sega ni muduki laivi. 6 Ia vei ira na kaitani era soli i ira me ra duavata kei Yahuwe (YHWH), me ra qaravi koya, me ra taleitaka na yaca i Yahuwe (YHWH), me ra nona tamata cakacaka, o ira kece era taqomaka na Siga ni vakacecegu (Shabbat) ka sega ni vakasausataka, ka tatakube matua e na noqu veiyalayalati, 7 Au na kauti ira mai i na noqu ulunivanua tabu, kau na vakamarautaki ira e na noqu vale ni masumasu; na nodra isorokama kei na nodra isolisoli e na vakadonui e na noqu icabocabo ni soro, baleta na noqu vale e na vakatokai na vale ni masumasu vei ira na vei matatamata kece sara. 8 Kaya o Yahuwe na Kalou (YHWH Mighty One), o koya e sa vakasoqoni ira lesu mai o ira era a cemuri mai Yisira'yili; Era se vo tale tiko o ira au na vakasoqoni ira, me kedra ikuri o ira era sa vakasoqoni oti tu [oqo]. 9 O kemuni kece na manumanu kila ni  vanua, toso mai moni mai kana, io o kemuni kece na manumanu ni veikau! 10 O ira kece na nodra ivakatawa [na Yisira'yili] o ira kece sara era sa mataboko; era sega ni kila e dua na ka. O ira kece era koli galu, era sega ni kodro rawa; era kokoto no me ra tadra, era taleitaka cake na moce; 11 [Era] koli kocokoco, era sega ni vakamamautaki rawa, qori o ira na ivakatawa ni sipi, era sega tu ni kila na yalomatua; era dui vakau nodra ga, o ira yadua era qara ga na nodra dui tubu o ira vakataki ira. 12 Lako mai, au na kauta mai eso na waini, eda na qai vakasinaiti keda vakataki keda e na gunu vinaka ka kaukaua! Nimataka e na tautauvata ga kei na siga nikua; e dina cake ni kainaki  ni na vinaka cake sara!

Yeshayahu (Aisea) 56:1-12

NA IVAQA NI BULA (FOOD FOR THE SOUL)

O ira na dravudravua era na cati mada ga mai vei ira na wekadra, ia o ira na vutuniyau e levu na nodra icaba. 21 ¶ O koya e cata na wekana vakaitikotiko e valavala ca; ia o koya e vakaraitaka na yalololoma vei ira na yalomalumu, e na marau.

Mishlei (Vosa Vakaibalebale) 14:20-21

LOMANI YAHUWE NA NOMU KALOU (LOVE YHWH YOUR MIGHTY ONE

NA nona masu e dua e bikai tu e na rarawa, e na vuku ni nona malumalumu, qai sovara tiko [kina] na nona kudru vei Yahuwe (YHWH). 2(1) I Yahuwe (YHWH) rogoca na noqu masu!, Laiva na noqu tagica na veivuke me yaco yani vei kemuni! 3(2) Kakua ni vunitaka na matamuni  mai vei au, niu rui leqaleqa tu vakalevu!  Vakala mai vei au na daligamuni; e na gauna au kaci tiko yani kina, ni tama mai vei au vaqunaquna! 4(3) Baleta na noqu veisiga sa takali tiko yani me vaka na kubou, na  noqu sui sa kama tiko me vaka e dua na lovo [ni vakawaicalataki kaukamea]. 5(4) Au sa moku kau sa malai me vaka na co; au sa guilecava kina meu kania na qau kakana. 6(5) Baleta na rogo levu ni noqu vutugu, au sa vuki kina meu kuli [wale] kei na sui. 7(6) Au sa tautauvata kei na dua na lulu levu e na loma ni vanua dravuisiga, au sa yaco meu vaka na lulu ni vanua sa rusa tu. 8(7) Au moce yadradra niu koto no, kau sa vaka e dua na manumanu vakatabana e toka duadua e na delavuvu ni vale. 9(8) O ira na kequ meca era vakalialiai au e na [loma ni] siga taucoko; e na nodra yalokatakatataki au, era cakava kina na yacaqu me vatonaki. 10(9) Baleta au sa kania tiko na dravusa me vaka na madrai, na wainimataqu sa waki tiko kei na mequ [wai ni] gunu, 11(10) Baleta na nomuni rarawa cecekia, baleta oni a laveti au cake ga me rawa ni oni botolaki au sobu tale. 12(11) Na noqu veisiga sa kala sobu tiko me vaka na iyaloyalo e na yakavi; au sa malai tiko yani me vaka na co.

13(12) ¶ Ia o kemuni, i Yahuwe (YHWH) oni sa [buli oti moni tui] me tawamudu; na kemuni irogorogo e na bula tiko e na veitabatamata kece sara. 14(13) Oni na matacake moni lomani Zaiyoni: baleta sa yaco mai na kena gauna me lomani kina o koya. 15(14) Baleta o ira na nomuni italai era rekitaka na kena veivatu; era taleitaka mada ga na kena kuvu ni soso. 16(15) O ira na veimatanitu era na rerevaka na yaca i Yahuwe (YHWH) kei ira kece na tui kei vuravura na nomuni lagilagi,

Tehillim (Same) 102:1-16

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 224 in 5773 (Total 1951)	May 3, 2013
Reading	Hebrew Date
Y’hoshua (Joshua) 17-18	M #2: Iyar 23, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.