Mate O Avishalome (Avshalom Died)

Thought: Dawid Was Certain His Son Would Die, And Asked Leniency

................ 

Serving For Yom Rishon, Elul 22, 5772

MAI NA NEVI’IMI RISHONIMI (FROM THE NEVI’IM RESHONIM)

O Dawide a qai wilika na ilevu ni tamata era tiko vata kei koya, qai lesia vei na komada ni yaudolu kei na kavetani ni yadrau. 2 O Dawide a biuta e dua na ikatolu ni tamata e na ruku ni veiliutaki i  Yo'ave, kei na dua tale na ikatolu e na ruku ni veiliutaki i Avishai na luvetagane i Ze'ruyaa, na taci i Yo'ave, kei na (vo) ni ikatolu e na ruku ni veiliutaki i Aitai na Qiti. E kaya na tui vei ira na tamata, O au talega vakataki au, au na lako tiko vata kei kemuni. 3 Era kaya na tamata, O kemuni moni kakua ni lako vata kei keimami, baleta kevaka keimami veidroyaki o ira na meca era na sega ni galeleti keimami, kevaka mada ga me mate e veimama vei keimami, o ira era na sega ni via kila; o kemuni oni tautauvata kei na tini na udolu vei keimami; e vinaka cake moni vakarau tu ga moni qai vukei keimami ke keimami sotava na leqa, mai loma ni korolevu. 4 Kaya na tui vei ira, Na ka oni nanuma ni vinaka vei kemuni, qori moni cakava. Oti sa qai duri tu e na yasa ni matamata na tui, ni ra sa tayabe yani ituba na tamata, vakayadrau se vakayaudolu. 5 Oti sa qai vakaroti Yo'ave kei Avishai kei Aitai na tui ni kaya, E na vukuqu, dou vakamalumutaka toka ga na ka dou cakava vua na cauravou o  Avishalome. O ira kece na tamata era a rogoca na ivakaro ni tui vei iratou na komada, me baleti Avishalome. 6 Era sa qai toso yani na tamata i na loma ni vanua me ra lai valuti Yisira'yili kina; na ivalu a yaco e na loma ni veikau mai Ifirayimi; 7 O ira na tamata ni Yisira'yili era a qai samuti, e matadra na dauniveiqaravi i Dawide, e a dua na veivakamatei vakaitamera a yaco e na siga oya ni ra a bale kina e ruasagavulu na udolu na tagane. 8 Qo a dua na ivalu vakaitamera baleta ni a teteva na loma ni vanua taucoko;  ia e le levu cake ga era a mate e loma ni veikau (mai vei ira na manumanu kila) ka lailai o ira era mate e na seleiwau.

9 ¶ A qai yaco ni a sota kei ira e vica na dauniveiqaravi i Dawide, o Avishalome. Ia o Avishalome a vodoka tiko yani e dua na meula (mule); na meula a qai cici me curuma na ruku ni taba tolotolo lelevu ni dua na vunioki levu, qai tacori vakaukaua na drauniulu i Avishalome e na vunioki levu, a mani lili tu kina o koya, e na maliwa ni lomalagi kei na vuravura; ia na asa a vodoka tiko yani e a toso tikoga. 10 Qori a raica e dua na tamata, qai lai tukuna vei Yo'ave, ni kaya, Raica, au raici Avishalome ni lili tu mai na dua na vunioki. 11 Kaya o Yo'ave vua na tamata a tukutuku vua, Ni o sa raici koya ga, na cava tale o sega kina ni mokuti koya sara e keya, mo qai kolotaki koya sobu i na dela ni qele? Keu a solia sara ga vei iko e tini na shekele na siliva, vata kei na dua na nomu isulu. 12 Kaya na tamata oya vei Yo'ave, Kevaka mada ga mo a wilika mai vei au e dua na udolu na shekele na siliva, au na sega ga ni dodoka na ligaqu meu tara na luvetagane ni tui; baleta keimami a rogo sara tu ga ni kaya na tui vei iko kei Avishai kei Itai, E na vukuqu, dou kakua ni vakamavoataka na cauravou o Avishalome.13 Kevaka meu a cakava oqori, keu a caka cala kina; e na qai sega ni dua na ka e vunitaki mai vua na tui; o iko mada ga ke o a tu mo saqati au. 14 Kaya vua o Yo'ave, Qori e sega ni dina. Laiva meu lai cakava ga o au vakataki au. A qai kauta e ligana e tolu na moto leleka (darts), qai lai suaka tolutolu e na uto i Avishalome, ni se bula tiko ka se lili tu mai na taba ni vuni oki. 15 O iratou na cauravou le tini eratou dau icolacola ni yaragi nei Yo’ave, eratou qai tu wavokiti Avishalome, ratou qai mokuti koya ka vakamatei koya. 16 Sa qai uvuca na davui o Yo'ave, era qai vakasuka na tamata mai na nodra cemuri Yisira'yili tiko, ni sa tarovi ira na tamata o Yo'ave.  17 Era qai kauta na yago i Avishalome, era qai lai biuta e na dua na loma ni ikeli levu e loma ni veikau oya, oti era qai binia cake e delana e dua na ibinibini vatulelevu; o Yisira'yili taucoko era a qai dro i na nodra dui valelaca.18 E na gauna a se bula voli kina o Avishalome, e a taraa ka vakaduria e na vukuna o koya vakataki koya e dua na kena ivakananumi e na nodra buca na tui; baleta a kaya o koya, E sega na  luvequ tagane me ivakananumi tiko ni yacaqu; a qai vakatoka kina na ivakananumi me rau veiyacani; qori sa vakatokai tu na cakacaka i Avishalome me yacova mai na gauna oqo.

Samuela (Sh’mu’yl Bet) 18:1-18

NA IVAQA NI BULA (FOOD FOR THE SOUL)

Kakua ni tosoya na iyalayala ni vanua era a biutu tu o ira na tamamuni. 29 ¶ Ni o raica ni dua na tamata e yalomatuataka na nona cakacaka, o koya qori e na tu e matadra na tui; o koya qori e na sega ni tu e matadra na tamata tawakilai.

Vosa Vakaibalebale (Mishlei) 22:28-29

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E na dela ni tauvimate (Machalat). Na vucu ni vakavuvuli (A maskil) i Dawide. 2(1) Na lialia e kaya e lomana, E sega ni dua na Kalou (Mighty One); Era dau veidabui, ka vakasisila e na nodra ivalavala ca; e sega ni dua e bau caka vinaka. 3(2) Na Kalou (Mighty One) e rai sobu mai lomalagi me dikevi ira na luve ni tamata me raica se dua vei ira e kune vua na yalomatua, ka dau vaqara na Kalou (Mighty One). 4(3) O ira kece vakadua era sa lako sese; era sa yaco taucoko me ra dukadukali, sa sega ni bau dua e caka vinaka, e sega, e sega mada ga ni duabulu. 5(4) O ira na tamata oqo era sa sega mada ga ni raica rawa na ca; e sega ni kune vei ira me ra bau dokai Yahuwe (YHWH). 6(5) Eso vei ira era rere e na vanua e sega ni kune kina na rere; na Kalou (Mighty One) sa yanaraka na nodra sui na dauveivakaisini; era sa qai madua baleta na Kalou (Mighty One) sa sevaki ira. 7(6) O cei e tiko e na taudaku kei Zaiyoni e na solia na veivueti vei Isira’yili?  E na gauna e na lai sereki ira mai kina na nona tamata o Yahuwe (YHWH), o Ya’akove e na reki, vata kei Yisira'yili e na mamarau.

Same (Tehellim) 53:1(0)-7(6)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 252 o/o 1713	September 9, 2012
Reading	Hebrew Date
Tehellim (Same) 71-72	Elul 22, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.