Ni Uvu Na Davui Siliva (When The Silver Trumpet is Blown).

Thought: Blowing The Trumpet Brings YHWH’s Open Support

.................. 

Serving For Yom Rishon Adar 24, 5772

MAI NA TORAA (FROM THE TORAH)

Vosa o Yahuwe (YHWH) vei Moshe ni kaya, 2 Bulia e rua na davui (shofar) mai na siliva; o iko mo na tukia vata mai na siliva; mo rawa ni vakayagataka e na nodra dau kacivi vata na lewe ni isoqosoqo; vata kei na nodra dau uruca na nodra keba ni vakarau toso na ilakolako. 3 Ni ra uvuca vakabalavu (ruarua), o ira kece na lewe ni isoqosoqo me ra soqoni vata yani vei iko e na katuba ni valelaca ni veitavaki. 4 Ni ra uvuca vakabalavu e dua ga vei rau; o ira ga na ravouvou kei ira na iliuliu ni yaudolu e na kedra maliwa na luve i Yisira'yili me ra soqo yani vei iko.  5 Ni ra uvuca vakaleleka ia me vakaveitarataravi, oya e kena ibalebale me ra sa tekivu uruca na nodra keba o ira e na yasana vaka i na vuaicake, me ra liutaka yani na ilakolako. 6 Ia ni uvu tale e na ikarua ni gauna, me vakaleleka ia me vakaveitarataravi; o ira era keba tiko e na yasana vaka e na ceva, me ra uruca na nodra keba me ra tekivuna na nodra ilakolako;  e kena ibalebale oya ni vinakati me toso na ilakolako, ia me vakatakila ga vei ira ni uvu vakaleleka ga. 7 Ia kevaka e vinakati vei ira na lewe ni isoqosoqo me ra sosoqoni vata, mo na uvuca, ia me rogo sara vakabalavu. 8 O ira na kawa i Aharoni na kohena me dau nodra itavi me ra uvuca na davui. Qo me kena lawa tawamudu e na vukudra na nodra kawa mai muri. 9 Kevaka oni lako i na ivalu moni saqati ira na kemuni meca era kaba vanua mai me ra mai vala, ia me uvu vagedegedei (stacatto) na davui;  qori e na qai nanumi kemuni kina o Yahuwe (YHWH) na nomuni Kalou (Mighty One), oni na qai vueti mai vei ira na kemuni meca. 10 E vaka kina e na veisiga ni nomuni marau, se e na siga ni nomuni solevu lokuci se e na itekivu ni nomuni veivula, moni dau uvuca kina na davui ruarua, e na vuku ni nomuni isorokama kei na nomuni isoro ni tiko veisaututaki; me ra ivakananumi e na mata ni nomuni  Kalou (Mighty One); O au o Yahuwe (YHWH) na nomuni Kalou (Mighty One).

Mai Lekutu (B’midbar) 10:1-10 

NA IVAQA NI BULA (FOOD FOR THE SOUL)

Na yalewa dauyalololoma e na tabea cake tiko na nona dokai o  watinatagane; na yalewa e cata na dina e ivurevure ni veibeci. Na tagane vucesa e na levu na ka e gadreva e na gauna mada ga era vutuniyau tu kina; ia na tagane kaukaua e maroroya na kilaka. 17 Na tagane dausokalou e cakava na ka vinaka e na vuku ni nona bula (soul); ia o koya e dau veivakararawataki e vakarusa na yagona o koya na vakataki  koya.

Vosa Vakaibalebale (Mishlei) 11:16-17 

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu. Laga vata kei na ivakatagi wa. Maivei Dawide. 2(1) Rogoca noqu tagi, kemuni na Kalou (Mighty One); Vakayacora na noqu vakatakekere. 3(2) Mai na iyalayala kei vuravura au na tagi vei kemuni, ni sa rawai na vuniyaloqu; baleta oni tuberi au tiko  i na dua na uluvatu, ka dau vakacegui au. 4(3) Baleta oni dau ivakaruru vei au, ka dua na isasabai vakaitamera mai vei ira na kequ meca,  5(4) Au bula tiko e na loma ni nomuni vale me tawamudu; au na tiko ga e na nomuni vale ka sega ni mudu: au na cakava na noqu ivakaruru e na ruku ni iyaloyalo ni tabamuni. 6(5) Baleta o kemuni, kemuni na Kalou (Mighty One) oni sa rogoca na noqu bubului, oni sa solia me dua na nodra ivotavota o ira era rerevaki kemuni. 7(6) Oni vakaikuritaka na siga e na nona veisiga na tui, kei na nona veiyabaki me vaka e vuqa na itabatamata. 8(7) E na vakataudeitaki e na mata i Yahuwe (YHWH) me tawamudu; na loloma kei na dodonu e na maroroya tiko na nona bula. 9(8) O koya oya au na seretaka tiko kina na vakamuduo e na vukuni yacamuni me tawamudu, e na veisiga kece niu vakayacora tiko na noqu bubului.

Same (Tehellim) 61:1(0)-9(8) 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 077 o/o 1537	March 18, 2012
Reading	Hebrew Date
Na iVakarua (D’varim) 31-32	Adar 24, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.