Na Nodra iTavi Na Li’vi’imi (The L’vi’im Functions)

Thought: Always Be Enthusiastic With YHWH

 ......................

Serving For Yom R’vi’i, Adar 13, 5772

MAI NA TORAA (FROM THE TORAH)

Taucoko qo o ira era a wili, o ira rau a wiliki ira o rau o Moshe kei Aharoni kei ira na ravouvou ni Yisira'yili, era le tinikarua na tamata, o ira yadua era matataka mai na matavuvale nei tamadra. 45 Na kedra iwiliwili taucoko na luve i Yisira'yili era kawa tagane mai, e na nodra dui matavuvale, oya o ira na  tagane yabaki ruasagavulu kauta cake, oya o ira era rawa ni curu e na mataivalu ni  Yisira'yili;  46 Na kedra iwiliwili taucoko na luve i Yisira'yili e ononadraukatolu na udolu, limanadrau, limasagavulu (603,550).

47 ¶ O ira na Li'vi'imi kei ira era kawa maivei ira na tamadra, era a sega ni wilivata kei ira. 48 Baleta o Yahuwe (YHWH) a vosa vei Moshe ni kaya; 49 Dou kakua ni wiliki ira na lewe ni mataqali i Livai se wiliki ira vata kei ira na vo ni kawa i Yisira'yili:  50 Ia mo lesi i ira ga na Li'vi'imi me ra dau qarava  na valetabu ni veidinadinati kei na kena iyaya kecekece, kei na ka kece era tiko e loma; o ira era na dau colata na valetabu kei na kena iyaya taucoko, o ira me ra dau qarava, ka dau keba wavokita na vale tabu. 51 Ni vinakati me tosoi na vale ni Kalou (Mighty One), e nodratou itavi na L'vi'im me ra uruca sobu me ra tosoya, ia ni vinakati me biri, o ira na L'vi'im e nodra itavi me ra birika; o koya e sega ni kawa Livai e mai vakaitavi, e na vakamatei. 52 Ni ra sa keba o ira na luve i Yisira'yili, o ira yadua me ra dau birika ga na nodra vei valelaca, ia me ra keba vata  tikoga vakamataqali vata e na ruku ni nodra dui drotini, ia na tamata yadua me voleka toka ga i na nona drotini, e na nodra mataqali.  53 Ia o ira na Li'vi'imi, me ra birika na nodra keba wavolivolita na vale ni Kalou (Mighty One), me kakua kina ni sauti ira na lewe ni isoqosoqo i Yisira'yili e dua na leva ni Kalou (Mighty One); o ira talega na Li'vi'imi, e nodra itavi me ra vakatawana tiko na vale ni Kalou (Mighty One) e tiko kina na kato ni veidinadinati. 54 O ira na luve i Yisira'yili, era a qai vakayacora na veika a vakarota o Yahuwe (YHWH) vei Moshe, qori kece era a vakayacora.

Mai Lekutu (B’midbar) 1:44-54 

NA IVAQA NI BULA (FOOD FOR THE SOUL)

Na sala i Yahuwe (YHWH) e vu ni kaukaua vei ira na yalododonu: ia na rusa e na yaco vei ira era dau caka ca. 30 Na yalododonu era na sega ni kau laivi; ia o ira na vakasisila era na sega ni tawani vuravura.

Vosa Vakaibalebale (Mishlei) 10:29-30 

LOMANI YAHUWE NA NOMU KALOU (LOVE YHWH YOUR MIGHTY ONE)

Na Same i Asafa. Na Kalou (Mighty One) na noda Kalou (Yl), o Yahuwe (YHWH), sa vosa ka kaciva na vuravura, mai na cadra ni siga me yacova ni lai dromu tale. 2 Mai Saiyoni, e na lagilagi ka totoka vakaoti, o Yahuwe (YHWH) e a serau tu mai. 3 Na noda Kalou (Mighty One) e na lako mai, ka na sega ni vagaluya, e dua na bukawaqa e na veitilomi tiko mai e matana, e na caudre vakavolivoliti koya vakalevu na yame ni bukawaqa. 4 O koya e na kaci cake i lomalagi kei vuravura, me rawa ni vakatulewa vei ira na nona tamata. 5 Ni soqoni maivua, o kemuni na nona kacivi, o kemuni oni a cakava e dua na veiyalayalati vata kei koya, ni oni vakacabora e dua na isoro. 6 Na lomalagi e na vakaraitaka cake na nona yalododonu; baleta o Yahuwe (YHWH) vakataki koya e daunilewa.

7 ¶ Rogoca, kemuni na noqu tamata, au sa na vosa vei kemuni; i Isire’yili au na vakadinadina vei kemuni; o au na Kalou (Mighty One) na nomuni Kalou (Mighty One). 8 Au a vakadodonutaki kemuni, sega baleta na nomuni imadrali se isorokama; qori era tu ga qo e mataqu. 9 O au, au na sega ni taura e dua na bulumakau mai nomuni vale se metagane mai nomuni lomanibai. 10 Baleta na manumanu yavaiva kece ni veikauloa era noqu, ka vaka kina na bulumakau kei na okisi era tu oqori e na veidelana  11 Au kilai ira kece na manumanu vakatabana ni macawalala; na manumanu kila ni veivanua dravuisiga era noqu. 12 Kevaka au mani viakana, au na sega ni lai tukuna yani vei iko, baleta na vuravura e noqu, vata kei na veika kece era sinai tu kina. 13 O au, au sega ni kania na lewe ni bulumakau tagane, kau sega ni gunuva na dra ni me? 14 Vakacabora ga vei Yahuwe (YHWH) na isoro ni vakamolimoli; vakayacora na nomu bubului vua e cecere sara: 15 Kaci mai vei au e na siga ni leqaleqa; au na vakaukauataki iko, o iko o na qai vakarokoroko mai vei au.

16 ¶ Ia vei ira na valavala ca e kaya mai vei ira na Kalou (Mighty One); Sa vakaevei tiko beka na nomuni bula muria tiko na ivola ni noqu lawa? Oni taura tiko beka vakamamada na noqu veiyalayalati? 17 E laurai votu ni oni cata na noqu ivakaro; oni qai dau kolo i dakumuni  na noqu vosa.18 Ni oni raica e dua na daubutako, oni lako sara moni lai to mai kei koya, oni qai dau duavata kei ira era dau veidauci.19 Oni solia na gusumuni i na ca, na yamemuni e dau cavuta na vosa ni veivakacalai. 20 Oni dabe, oni qai vosa saqata na tacimu; moni vakaucacataka na luve i tinamu. 21 Na ka kece oqo o kemuni oni dau cakava, ia au dau galuvaka tu ga; oni qai nanuma sara ga niu ca talega me vakataki kemuni; ia au na vunauci kemuni ka vakadodonutaka na ivalavala ca kece oqo e matamuni. 22 Moni yalomatuataka mada, o kemuni oni sa guilecavi Yahuwe (YHWH) tiko, de oni na qai lauqaqi, qai sega kina ni dua e vo me vueti. 23 O ira era cabora na imadrali ni vakavinavinaka, e na vakaraitaka vei ira na sala i na nona veivakabulai na Kalou (Mighty One).

Same (Tehellim) 50:1-23 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
066 Blog No. 1526	March 7, 2012
Reading	Hebrew Date
Na iVakarua (D’varim) 3-4	Adar 13, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.