Thoughts: Disobedience brings havoc to Yahweh’s Plans
.........................................
Serving For The 1st March
Ia raica, ni dua vei ira na tagane mai vei ira na luve i Isireli, e a lako mai vei ira na wekana, qai lai veiyacovi kei na dua na yalewa ni Mitiani, e na mata i Mosese, ka vaka kina vei lewe ni isoqosoqo taucoko ni Isireli, e na gauna era tagi tiko kina e na mata ni katuba levu ni valetabu. 07 Ia ni sa raica qori o Fainiase na luve i Eliesa, na luve i Eroni na bete, a qai tucake maivei ira lewe ni isoqosoqo, qai taura cake e dua na moto e ligana. 08 Qai muri i koya na tagane ni Isireli i loma ni loqi, e na nona vale laca, qai coka basikati rau vata na tagane ni Isireli kei na yalewa e na ketena. Qori a qai muduka vakadua na matelevu a sa veitauvi tiko vei ira na luve i Isireli. 09 O ira era a mate e na matelevu oqo, era le ruasagavulukava na udolu. 10 A qai vosa o Jiova (Yahweh) vei Mosese, ni kaya, 11 O Fainiase, na luve i Eliesa, na luve i Eroni na bete, sa golea tani na noqu cudru mai vei ira na Isireli, baleta na nona toso totolo e na kedra maliwa, o ira au a sega ni tilomi ira e na noqu cudru e na kedra maliwa na luve i a Isireli 12 Qori au kaya kina, Raica au sa na solia vua na noqu veiyalayalati ni tiko veisaututaki. 13 E na tiko vua vata kei ira na luvena era na muri i koya mai, na veiyalayalati ni dua na cakacaka vakabete tawamudu; baleta ni a gumatua vua na Kalou (Elohim), qai vakacabora e dua na isoro e na vukudra na luve i Isireli.
Lekutu 25:6-13
Curuma na keba, qai vakarota vei ira na tamata, mo kaya, Vakarautaka na kemuni ivaqa e na nomuni ilakolako; baleta e na loma ni tolu na siga, oni sa na takosova kina na Joritani oqo, mo ni lai taukena na vanua sa solia oti vei kemuni o Jiova (Yahweh) na nomuni Kalou (Elohim), moni lai taukena.
Josua 1: 11
Oni na sega ni yaco i na qele au a yalataka moni na lai vakaitikotiko kina, vakavo ga o Kelepi na luve i Jofanaia, kei Josua na luve i Nani.
Lekutu 14:30
Read The Bible in a Year (Wili Na iVola Tabu E Na Dua na Yabaki).
Siga: 60
Tikinisiga: March 1
Mataka: Numbers 26-27
Yakavi: Mark 8:23-28
