Buca Ni Raivotu (Valley Of Vision)

Thought: To Do What YHWH Commands, One Must First Respect Him.

............. 

Serving for Yom R’vi’ii, Adar 03, 5773

MAI NA NEVI’IMI AKARONIMI (FROM THE NEVI’IM ACHARONIM)

Na parofisai me baleta na Buca ni Raivotu. Tukuna mada vei au se cava e  leqa tiko vei kemuni, oni sa kaba kece tu kina i na delavuvu ni vale, 2 O iko na korolevu e sinai tu kina na rorogo kei na veilecayaki, kei na mamarau kosakosaa, o ira na nomuni mate era a sega ni mate e na iseleiwau se mate e na rara ni vala. 3 O ira kece na nomuni iliuliu era a dro vata, ia era a qai vesu ia a sega ga ni vakayagataki na dakaititi; o ira kece mai veikemuni era a kune, era a vesu vata, e dina ga ni ra a dro vakayawa sara. 4 Oqo na vuna au a kaya kina, Kakua ni raici au, laivi au tu ga meu tagitagi me vakaciriloloma, kakua ni segata mo vakacegui au, mai na noqu rarawataka na nodra sa vakacacani na noqu tamata. 5 Baleta oqo e dua na siga ni tavaiyaya,  veibuturaki sobu kei na veilecayaki, mai vua na Sau o Yahuwe ni lewevuqa (YHWH-Tzva’ot) e na Buca ni Raivotu. Na bailalaga era sa kasura tiko, era qai kere veivuke vei ira na ulunivanua. 6 O Eilama, e taura tiko mai na taga ni gasau ni dakaititi, kei ira na mataivalu, bau kina o ira na daunivodo ose e na kedra maliwa na qiqi ni ivalu,  ia o ira na Kiri era qai laveta tu mai na isasabai. 7 E na nomu gauna, na nomuni veibuca digitaki e vakasinaiti ka vuabale e na qiqi ni ivalu, ia na mataivalu dauvodo ose era na taura na nodra itutu e na matamata.

8 ¶ Qori a qai vakavuna me kau laivi na isasabai kecekece i Ya'huda. E na siga oya oni na vaqara iyaragi e na loma ni vale ni Veikau. 9 Oni qai raica talega na veitikina era sa kabasu tu e na korolevu i Dawide, ni levu sara toka; oni qai taki wai vata talega mai na tobu e ra.10 Oni qai vakadikeva na veivale mai  Yerushalayimi, moni basuka sobu me vakaukauwataki kina na bailalaga.11 Oni qai tara e dua na tobuniwai (reservoir) e na kedrau tadrua na lalaga me drodro kina na wai mai na tobu  makawa; ia oni a sega ga ni rai vei koya e cakava taumada mai liu, baleta oni sega ni dokai koya e a buli i ira sara ga mai liu.

Yeshayahu (Aisea) 21:11-17

NA IVAQA NI BULA (FOOD FOR THE SOUL)

O koya e vakadodonutaka e dua e dau veivakalialiai, e na tini vakalialiai tale; na nona vunauca e dua na tamata ca, e na ivakaraitaki ca tale vua. 8 Kevaka o vakadodonutaka e dua na tamata ca, o koya e na sevaki iko; kevaka o vakadodonutaka e dua na tamata vuku, o koya e na taleitaki iko.

Mishlei (Vosa Vakaibalebale) 9:7-8

LOMANI YAHUWE NA NOMU KALOU (LOVE YHWH YOUR MIGHTY ONE

MAIVEI Dawide, e na gauna a vakalecalecava kina ni sa lialia, e na mata i Avimeleki, o koya a qai cemuri koya; sa qai mani biubiu. 2(1) Au na vakavinavinaka vei Yahuwe (YHWH) e na veiveigauna kece; na nona vakamolimolitaki e na dau toka ga e gusuqu. 3(2) Keu dokadoka, au na dokadokataki Yahuwe (YHWH); o ira na yalomalumu era na rogoca era qai mamarau. 4(3) Kacivaka vei au na vakaitamera i  Yahuwe (YHWH); laiva meda vakacerecerea vata i cake na yacana. 5(4) Au vaqarai Yahuwe (YHWH), o koya a qai tama mai vei au; qai vueti au mai na veika kece au dau taqayataka. 6(5) Era rai vua era qai tubu me ra serau; na matadra e na sega ni vulaci e na madua. 7(6) Na tamata dravudravua oqo a tagi; o Yahuwe (YHWH) a rogoci koya qai vueti koya mai na nona veileqaleqa kece, 8(7) Na mala'aka i Yahuwe (YHWH), o koya e mai keba toka wavoliti ira era dau rerevaki koya, e na vueti ira. 9(8) Tovolea mada mo raica ni o Yahuwe (YHWH) e vinaka. E wacava na nodra kalougata o ira era dau qara na nodra taqomaki mai vua. 10(9) Rerevaki Yahuwe (YHWH), o kemuni oni nona tamata tabu; baleta o ira era rerevaki Yahuwe (YHWH) e na sega ni sega vei ira na ka.11(10) Na laione gone era rawa ni tu leqaleqa, qai yaco me viakana, ia o ira era vaqarai Yahuwe (YHWH) e na sega vakadua ni lailai vei ira na veika vivinaka.

Tehillim (Same) 34:1-10

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 145 in 5773 (Total 1886)	February 13, 2013
Reading	Hebrew Date
B’resheet ( Na iVakatekivu) 49-50	M #12: Adar 03, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.