Na Lewa Nei Jisu (Yahshua’s Authorities)

Thought: Do You Know Yahshua Enough To Obey Him

..............................................

Serving For The 31^st October, 2009

Ni curu i valenisoro o Jisu (Yahshua), era qai torovi Koya o ira na bete levu kei ira na qase ni lotu, e na gauna e veivakatavulici tiko kina, era qai kaya Vua Na lewa nei cei o cakava tiko kina na veika oqo? O cei e solia vei iko na lewa oqo? 24 Sauma o Jisu (Yahshua) ni kaya vei ira, Au na taroga taumada vei kemuni e dua na vosa, kevaka oni tukuna vei au, Au na qai tukuna vei kemuni se lewa nei cei Au cakava tiko kina na veika oqo: 25 E kau maivei na veipapitaisotaki nei Joni? Mai loma­lagi se mai vei ira na tamata? Era vakasamataka vakataki ira, ni ra kaya, Kevaka eda kaya, Mai lomalagi, e na taroga o Koya se cava eda sega ni vakabauti koya kina. 26 Ia kevaka eda kaya Mai vei ira na tamata, eda ravataki ira na le vuqa, baleta o ira kece era sa okati Joni tu ni dua na parofita? 27 Era sauma Vua, Keimami sega ni kila! Kaya vei ira o Jisu (Yahshua), Au na sega ni tukuna vei kemuni se lewa maivei Au cakava tiko kina na veika oqo.

Maciu 21:23-27

O koya e tiko vua na Noqu ivakaro, qai dau muria; qori o koya e lomani Au. Ia o koya e lomani Au, e na lomani talega mai vei Tamaqu, Au na dau lomani koya, ka dau vakaraitaki Au vua.

Joni 14:21

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
304	October 31	Jeremiah 29-30	Titus 1

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Curu I Jerusalemi O Jisu (Yahshua’s Entry to Jerusalem)

Thought: Who Or What Exactly Is Yahshua To You?

...........................................

Serving for the 30^th October, 2009

E na siga tarava, na ibinibini tamata levu era a lako tiko mai me ra mai tiko e na solevu, ni ra rogoca ni sa lako tiko mai o Jisu (Yahshua) i Jerusalemi, 13 era qai yauta mai na taba draudrau ni niuniu, era qai lako me ra lai tavaki Koya, era qai kailavaka tiko, Osana! E kalougata na Tui Isireli o Koya e lako mai, e na yaca ni Kalou (Yahweh)! 14 Ia o Jisu (Yahshua), ni kunea e dua na luve ni asa, a qai vodo kina me vaka e volai tu, 15 Kakua ni taqaya, kemuni na luvei Saioni yalewa; Raica, na nomuni Tui sa lako tiko mai, ka vodoka tiko mai e dua na luve ni Asa tagane. 16 E na gauna oya, o ratou na tisaipeli eratou a sega ni kila na ibalebale ni veika oqo; ia e na siga a qai vakalagilagitaki kina o Jisu (Yahshua), eratou qai nanuma lesu kina ni veika oqo e a volai tu me baleti Koya, ia o ratou ga, e ratou a cakava na veika oqo Vua. 17 Ia o ira na tamata era a tiko kei Koya era vakadinadinataka ni a kacivi Lasa (Lazar) mai na ibulubulu o Koya me vakaturi koya mai na mate. 18 Qori na vuna era a lako tiko kina Vua na ibinibini tamata, me ra lai sotavi Koya, baleta era rogoca ni a cakava na ivakatakilakila qo o Koya.

Joni 12:12-18

Kemuni na noqu lalai, laiva meda kakua ni vakaraitaka na noda loloma e na vosa kei na yameda ia e na cakacaka kei na dina.

1 Joni 3:18

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
303	October 30	Jeremiah 27-28	2 Timothy 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Tisaipeli Gugumatua (The Enthusiastic Disciples)

Thought: Our Perception Of Yahweh Must Be Correct To Validate Our Lives.

............................................

Serving For the 29^th October, 2009

Rau torovi Koya, o Jemesa kei Joni, o rau na luvei Sepati, rau qai kaya Vua, Vakavuvuli, keirau gadreva vei Kemuni, Moni cakava vei keirau na cava ga keirau kerea. 36 E kaya vei rau o Koya, Na cava drau gadreva vei au Meu cakava vei kemu­drau? 37 Rau kaya Vua, Vaka­donuya me keirau lai dabe, me dua e na imatau kei koya kadua e na imawi e na Nomuni lagilagi. 38 E kaya vei rau o Koya, Drau sega ni kila na ka drau kerea tiko, drau rawa beka ni gunu mai na bilo Au na gunu kina ka papitaiso e na veipapitaisotaki Au na papitaiso kina? 39 Rau sauma vua, E rawa vei keirau!. Kaya tale o Jisu (Yahshua) vei rau, Drau na gunu dina mai na bilo au na gunu mai kina, vata kei na veipapitaisotaki Au na papitaiso kina, drau na papitaisotaki talega kina; 40 ia, o koya me dabe e na yasaqu imatau se e na yasaqu imawi, e sega ni noqu meu solia, vakavo vei ira era vakarautaki tiko me na nodra.

Marika 10:35-40.

Laiva me kakua ni vaka kina vei kemudou; o koya e via cecere vei kemudou, laivi koya me dauniveiqaravi vei kemudou. 44 O koya vei kemudou e vinakata me iliuliu, laiva vua me liga ni veiqaravi vei kemudou kece. 45 Baleta na Luve ni Tamata a sega talega ni lako mai me mai qaravi, ia me mai veiqaravi, me qai solia na Nona bula me ka ni veivueti e na vukudra na le vuqa.

Marika 10:43-45.

Na marau ni dua na tamata e vakaraitaki mai na vosa ni gusuna; ia o koya e vosa e na kena gauna dodonu, e ka levu na kena yaga vua.

Vakaibalebale 15:23.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
302	October 29	Jeremiah 25-26	2 Timothy 2

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

O Jisu Kei Na Sere (Yahshua and Divorce)

Thought: Yahweh Actually Hates Divorce; Take It Out Of Your Dictionary

.............................................

Serving for the 28^th October, 2009

Era lako yani Vua na Farisi, era qai tarogi Koya, E donu beka vakalawa vua e dua na tagane vakawati me biuti watina me rau sere? Qori me ra vakatovolei koya ga kina. 03 Sauma o Koya vei ira, Na cava beka a vakarota o Mosese? 04 Era kaya, O Mosese a solia vei keimami na veivakadonui me keimami vola e dua na ivolatara ni veibiu, oti qai yaco na sere. 05 Sauma o Jisu (Yahshua) ni kaya vei ira, Baleta na kaukaua ni vuniyalomuni, e a vola kina vei kemuni na ivakaro oqo o koya. 06 Ia mai na ivakatekivu sara, na Kalou (Elohim) a buli i rau me dua e tagane ka dua e yalewa. 07 Qori na vuna, e biuti tamana kina kei tinana e dua na tagane, me lai semati vua na watinayalewa, 08 rau sa na qai duavata vakalewe; rau sa na sega tale ni lerua mai na gauna oya, baleta rau sa ledua vakalewe. 09 Na cava ga e semata na Kalou (Elohim), laiva me kakua ni dua na tamata e tasereka. 10 O ratou na tisaipeli eratou qai tarogi koya e na ka oqo e lomanivale. 11 Qai kaya vei iratou o Koya, O koya e sere maivua na watinayalewa, qai vakawatitaka e dua tale, e cala e na veidauci. 12 Ke dua na yalewa e sere mai vei watinatagane qai vakawatitaka e dua tale, o koya e cala talega e na veidauci.

Marika 10:2-12.

Na Kalou (Yahweh) e a tiko vata kei na Mesaia, o koya e mai vakaduavatataki vuravura Vua na Sau (Majesty); ni a sega ni wilika na nodra ivalavala ca era a cakava, ia a solia vei keda na vosa ni veivakaduavatataki.

2 Korinica 5:19.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
301	October 28	Jeremiah 23-24	2 Timothy 2

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Veivakaturi Kei Na Bula (Resurrection And Life)

Thought: Through Resurrection The Second Stage Of Life Is Possible

..................................................

Serving for the 27^th October, 2009

Ni yaco i Pecani o Jisu (Yahshua), sa qai kila ni o Lasa (Lazar) sa bogi va oti no e na ibulubulu. 18 O Pecani e rauta e rua na maile na kena yawa mai Jerusalemi. 19 E levu na Jiu, era a sikovi rau tiko o Maca kei Meri (Miriam) me ra lai duavata kei rau e na lolositaki ni ganedrau. 20 O Maca, ni rogoca ni sa yaco yani o Jisu (Yahshua) e a lako me lai tavaki Koya, ia o Meri (Miriam) e a dabe tikoga e vale. 21 Kaya o Maca vei Jisu (Yahshua), Noqu Turaga (Master), kevaka moni a tiko eke, ke a sega ni mate o ganequ. 22 Ia e na gauna mada ga oqo, au kila ni ka ga Oni na kerea vua na Kalou (Elohim), e na solia vei Kemuni o Koya. 23 Kaya o Jisu (Yahshua), O ganemu e na tucake tale. 24 Kaya Vua o Maca, Au kila ni na tu tale o koya e na gauna ni veivakaturi, e na iotioti ni siga. 25 Kaya o Jisu (Yahshua) vua, “O Au ga na veivakaturi kei na bula; o koya e vakabauti Au e dina ga ni na mate, ia na bula e na nona o koya. 26 Ia o koya e bula tiko qai vakabauti Au e na sega ni mate. O vaka­bauta beka qo? 27 Kaya Vua na yalewa, Io, Noqu Turaga (Master), au vakabauta ni o kemuni na Mesaia, na Luve ni Kalou (Elohim), e a tadu tiko mai i vuravura.

Joni 11:17-27

Ia ke bula tiko e vuniyalomuni na Yalona o Koya e a vakatura na noda Turaga o Jisu (Master Yahshua) na Mesaia mai na mate; o Koya e a vakatura na Mesaia mai na mate, e na qai solia talega na bula i na yagomuni vakai­yalayala, e na kaukaua ni Yalo sa vakaitikotiko e vuniyalomuni.

Roma 8:11.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
300	October 27	Jeremiah 20-22	2 Timothy 1

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Cakacaka Vakatisaipeli (The Work of Disciples)

Thought: Discipleship Is Actually A Follower Of Yahweh

.................................

Serving for the 26^th October, 2008

Mai na gauna e na tucake kina na turaga (master) ni vale, me sogota na matamata, oni na qai duri tu e tautuba moni tukituki tiko e katuba, moni kaya tiko, Noqu Turaga! (Master!) Noqu Turaga! (Master!) Dola mai vei keimami!, e na qai sauma o Koya, Au sega ni kilai kemuni se oni lako mai vei, 26 oni na qai tekivu moni kaya, Keimami a dau kana ka gunu ni oni tiko o Kemuni, oni a dau vunau talega e na veitolo ni neimami gauni­sala!’ 27 Ia e na qai kaya o Koya Au sega ni kilai kemuni se oni lako mai vei; lako tani mai vei Au, o kemuni oni dau cakacakataka na ivalavala ca! 28 E na yaco na veitagicaki kei na vakasequruquru bati, ni oni raici Eparayama, Aisake kei Jekope vata kei ira kece na parofita, e na loma ni matanitu ni Kalou (Elohim) ia o kemuni oni qai ceburaki laivi i tuba. 29 Era qai lako mai na vuaicake, mai na vuaira, mai na vualiku ka vaka kina mai na ceva, me ra mai dabe e na loma ni matanitu ni Kalou (Elohim).

Luke 14: 25-29

Sa dodonu ga Meu cakacaka nikua kei na siga nimataka, au na qai biubiu e na siga tarava, baleta e sega ni vinakati me vakarusai e dua na parofita e na taudaku kei Jerusalemi. 34 Isa Jerusalemi, Jerusalemi, o koya e dau labati ira na parofita ka dau virilaki ira e na vatu, o ira era talai yani vua! Sa vakawasoma na noqu gadreva meu kumuni ira vata na luvemu, me vaka na tinatina ni toa ni ovici ira vata na luvena e na ruku ni tabana, ia oni qai sega ni vinakata. 35 Raica! Na nomu vale sa biu laladidi tu yani vei iko; ia na ka dina Au kaya vei iko, o na sega ni raici Au tale, me yacova ni o kaya, A kalougata ga o Koya e a lako mai e na Yaca ni Kalou (Yahweh)!

Luke 14: 33-35

Ia o koya e bula muria na Nona vosa, o koya e sa tiko dina vua na loloma ni Kalou (Elohim); qori eda kila kina ni da sa duavata tiko kei Koya. 06 O koya e kaya ni vakaitikotiko vata kei Koya, e dodonu vua me lako muria tiko na Nona ilakolako.

1 Joni 2:5-6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
299	October 26	Jeremiah 17-19	1 Timothy 6

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Matanitu Ni Kalou (The Kingdom of Elohim)

When You Work For Yahweh, Do Not Be Anxious About Your Own Life.

.........................................

Serving for the 25^th October, 2008

Oti qai kaya o Jisu (Yahshua), E rawa beka ni vakatautauvatataki kei na cava na matanitu ni Kalou (Elohim)? Au na rawa beka ni vakatautauvatataka kei na cava? 19 E vaka na sore ni musita a taura e dua na tamata qai tea e na nona iteitei; ia ni sa tubu a qai yaco me vunikau levu; era qai lai vakasova na manumanu vuka ni macawalala e na veitabana. 20 Oti e kaya tale o Jisu (Yahshua), Au na vakatautauvatataka kei na cava na matanitu ni Kalou (Elohim)? 21 E vaka na leveni, e taura e dua na yalewa, qai wakia e na loma ni tolu na ivakarau na falawa, me yacova ni sa vakalevenitaka oti vakadua.

Luke 13:18-21

A qai yaco, e na dua na gauna ni curu kina o Koya i na nona vale e dua na iliuliu vei ira na Farisi me lai kana madrai kina e na siga ni vakacecegu, ni ra a qai vakadikevi Koya toka vakamatua. 02 E a duri tu e matana e dua na turaga e tauvi koya tu na buketevatu. 03 Ia o Jisu (Yahshua) a qai sauma ni kaya vei ira na vunivola kei ira na Farisi, E vakatarai beka vakalawa me yaco na veivaka­bulai e na siga ni vakacecegu? 04 Ia era tu vagagalu tu ga. Sa mani tarai koya o Jisu (Yahshua), vakabulai koya, oti qai laivi koya me lako. 05 Ni oti qori, sa qai sauma vei ira o Koya, ni kaya, O cei vei kemuni, ke lutu o luvena se dua na nona bulumakau e loma ni dua na qara e na siga ni vakacecegu, e na sega ni lai dreta cake mai vakatotolo me kauti koya cake mai? 06 Ia era sega ni sauma rawa na Nona taro e na ka oqo.

Luke 14:1-6

Ni vaqara mada ga eliu na matanitu ni Kalou (Elohim) kei na Nona yalododonu; e na qai vakaikuritaki na veika kece oqori vei kemuni.

Maciu 6:33

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
298	October 25	Jeremiah 14-16	1 Timothy 5

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Veivakayaloqaqataki (Encouragement)

Thought: We Are Important In The Eyes Of Yahweh

.....................................

Serving For The 24^th October, 2009

Ni ra sa soqoni yani Vua e dua na iwiliwili tamata levu, me ra sa tini veicoqacoqa, sa qai kaya taumada o Jisu (Yahshua) vei ira na tisaipeli, Qaqarauni mai na nodra leveni na Farisi; oya na vei­vakaisini. 02 Baleta e sega ni dua na ka e ubi tu, me na sega ni cegai se dua na ka e vunitaki tu me na sega ni vakatakilai. 03 Na veika o kaya e na butobuto, e na vakarogoi mai e na rarama, ia na veika o vakasolokakanataka i daliga e loma ni loqi vuni, e na kailavaki raraba mai na delavuvu ni vale. 04 Au kaya vei kemuni, kemuni na Noqu itau, moni kakua ni rerevaki ira, ni ra sa vakamatea oti na yago, era qai sega ni cakava rawa tale e dua na ka. 05 Ia, Au na vakaraitaka vei kemuni, o Koya e dodonu moni rerevaka: Rere­vaki Koya, ni sa veivakamatei oti, qai tiko talega Vua na kaukaua me veiceburaki i loma ni bukawaqa mai Sheola; io, Au kaya vei kemuni, rerevaki Koya. 06 E sega beka ni volitaki e lima na qiqi e na isau e rua na peni? Io, ia e sega ni dua vei ira e na guilecavi e mata ni Kalou (Elohim). 07 O kemuni mada ga, na veimala ni drauniulumuni sa wili yadudua tu, qori na vuna moni kakua kina ni taqaya; baleta o kemuni oni yaga vakalevu cake mai na dua na ibinibini qiqi levu.

Luke 12:1-7

15 Na veika au taukena e sega ni vunitaki mai vei kemuni, niu a caka vakavuni niu a cakacakataki e ruku i vuravura. 16 Na matamuni e na raica na veika au taukena, niu sebera mada ga ni buli vakaoti; ia e na nomuni ivola, na veika kece oqo era sa na volai tu, sa na qai vakabulai mai na tamata. 17 E vakamareqeti vei au na nomuni dau yalololoma vei au, i Jiova (Yahweh)! E ka vakaitamera na kedra iwiliwili.

Same 139:16-17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
297	October 24	Jeremiah 11-13	1 Timothy 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iVakatawa Ni Sipi Vinaka (The Good Shepherd)

Thought: Let Yahweh Shepherd Your Path

.............................................

Serving For the 23^rd October, 2009

E dina e dina na ka Au kaya vei kemuni, o koya e sega ni curu i na lomanibai ni sipi mai na kena katuba, ia qai kaba yani e na so tale na sala, o koya qori e daubutako ka daukovekove. 02 Ia o koya e curu e na kena katuba, o koya na nodra ivakatawa na sipi. 03 Vua, na ivakatawa ni katuba e na dolava na katuba, o ira na sipi era na rogoca na domona, ia o koya e na kacivi ira na nona sipi e na dui yacadra, qai kauti ira ituba. 04 Ia ni sa kauti ira na nona sipi i tuba, e na liutaki ira tikoga o koya, ia o ira na sipi era na muri i koya baleta ni ra kila na domona. 05 Na sipi era na sega ni muria e dua na vulagi; era na dro tani mai vua, baleta era sega ni kila na domona na vulagi. 06 O Jisu (Yahshua) a tukuna na vosa vakatautauvata qo vei ira, ia era a sega ni kilakasamataka rawa na ibalebale ni veika a kaya tiko vei ira.

Joni 10:1-6

O Jiova (Yahweh) na noqu iVakatawa; e sega na ka me na sega vei au. 02 E vakavuna o Koya meu cegu e na veivanua veico drokadroka; e tuberi au e na bati ni wai e tu malua. 03 O Koya e vakavoutaka na noqu bula (soul). E tuberi au e na sala ni yalododonu e na vukuni Yacana. 04 Io, e dina keu taubale kosova na buca ni yaloyalo ni mate, Au na sega ni nuiqawaqaqawataka na ca, baleta o Kemuni oni tiko vata kei au; na nomuni moto kei na nomuni itoko era vakacegui au. 05 Oni sa vakarautaka e dua na teveli e mataqu, e na kedra maliwa na kequ meca; oni lumuta na uluqu e na ilumu, na noqu bilo sa vuabale. 06 Sa dina ga ni na muri i au na nomuni yalovinaka kei na nomuni yalololoma e veisiga kece ni noqu bula; kau sa na lai vakaitikotiko e na vale nei Jiova (Yahweh) me tawamudu.

Same 23:1-6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
296	October 23	Jeremiah 9-10	1 Timothy 3

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).