Thoughts: Ownership Must Revert To Original Owners To Prevent Poverty.
Serving For Yom Revee-ee, 26th Cheshvan, 5771
O kemuni moni na wilika e vitu na yabaki ni vakacecegu, oya me vitu vakavitu na yabaki; na kena dede na vitu na yahaki ni vakacecegu e vasagavulukaciwa taucoko na yabaki, 9 Oti oni na qai vakavuna me uvu na biukila ni Jiubili e na ikatini ni siga e na ikavitu ni vula: e na siga ni veivakaduavatataki (day of atonement) moni na uvuca kina na davui e loma ni vanua raraba. 10 Moni na vakatatabutaka na ikalimasagavulu ni yabaki, moni na kacivaka kina na veisereki vei ira kece na lewenivanua: baleta qori na yabaki ni Jiubili vei kemuni; moni na lesu kina na tamata kece i na veika era dui taukena; ka lesu kece na tamata kece i na nodra dui matavuvale.11 Na ikalimasagavulu ni yabaki e na nomuni yabaki ni Jiubili, moni kakua ni teitei se tamusuka na veika era a tubu ga vakataki ira se kumuna na veivaini oni a sega ni samaka. 12 Baleta qo na Jiubili; e na yabaki tabu vei kemuni; moni na kania ga na vuata era tubu wale mai na vanua. 13 E na yabaki oqo ni Jiubili moni na dui lesu kina na tamata kece i na veika era dui taukena.
Eratou qai kaya, O Jiova (Yahweh) a vakarota vei ira na noda iliuliu me ra solia na ivotavota vei ira na kawa isire’yili; o ira na noda iliuliu era a qai vakaroti mai vei Jiova (Yahweh) me ra solia na iwasewase kei wekada o Salofakada vei ira na luvena yalewa. 3 Kevaka eratou mani vakawati vei ira na luvedra tagane e na dua tale na Yavusa vei ira na luve i Isireyili, ia sa na tokitaki na kedra iwasewase mai na votavota kei tamadra, me sa soli me lai kedratou iwasewase na mataqali eratou dui vakawati kina; Oya me sa kau laivi mai na keda ivotavota. 4 Ni sa yaco na yabaki ni nodra Jiubili na luve i Isireyili, sa na tokitaki na nodratou ivotavota me sa wili e na kedratou ivotavota na mataqali eratou dui vakawati kina: oya me sa kau tani mai na nodratou ivotavota, mai na kedra ivotavota na mataqali ni neimami qase.
| Read The Scriptures (Tanakh) in a Year (Wilika Na iVola Tabu E Na Dua na Yabaki). | |
| Siga (Day) | Tikinisiga (Date) |
| 307 | November 3, 2010 |
| Reading | Hebrew Date |
| Jeremaia 36-37 | Cheshvan 26th 5771. |
