O Yahuwe E Vosayaco (What YHWH Says Go)

Thought: YHWH’s Intentions Will Come To Pass As He Intended

....................... 

Serving Yom Chamishi, Shevat 20, 5773

MAI NA NEVI’IMI AKARONIMI (FROM THE NEVI’IM ACHARONIM)

O Yahuwe ni lewevuqa (YHWH-Tzva'ot) a bubului ni kaya, Me vaka ga au vakasamataka qori me na yaco, me vaka ga au a navuca, qori e na yaco vaka kina; 25 Au na musuki ira na Ashuru e na loma ni noqu vanua, au na butuki ira sobu e na dela ni noqu ulunivanua. Na nona ivua sa na qai lutu mai vei ira, na nona icolacola e na qai kau laivi mai na usouso ni domodra. 26 Oqori na porokaramu sa navuci tiko me baleti vuravura, oqo na liga e na dedeki yani vei ira kece na veimatanitu, na icavacava e nakiti tiko me na saqati kina o vuravura; ia oqo na vanua e na vakatetei me saqati vuravura raraba. 27 O Yahuwe ni lewevuqa (YHWH-Tzva'ot) sa tauca oti na nona lewa. O cei e tiko e na rawa ni tarovi koya? O koya sa dodoka yani na ligana. O cei e rawa ni vukica lesu?  28 Mai na yabaki a mate kina o Tui Akaza, na parofisai oqo a yaco mai kina; 29 Kakua ni marau, i Pe'lesheta, se dua ga vei kemuni, baleta ga ni [oni raica ni] sa ramusu na ititoko oni a lausamu kina; baleta mai na kawa ni gata, e na tubu mai kina e dua na gata-vaipa, ia o ira na loga luvena era na gata bukawaqa dauvuka. 30 E na gauna era na kana tiko kina o ira na nodra ulumatua na dravudravua ka ra kokoto no e na yalodei o ira era gadreva na veivuke, o au, au na  vakamatei ira laivi na nomu kawa e na dravuisiga, ni mokuti ira mate o ira na kemuni vo vo. 31 Qolou, i matamata! Tagi korolevu! Waicala laivi i Pe'lesheta, o kemuni taucoko! Baleta e dua na kubou loaloa e na vura tiko mai na vualiku, ka na sega ni dua e dau veikuna e na kedra maliwa. 32 Na cava e na kaya e dua me tukuni vua na daukauitukutuku ni matanitu?  Ni o Yahuwe (YHWH) a tauyavutaki Zaiyoni, ia e keya o ira na dravudravua vei ira na nona tamata era na kunea na veitaqomaki

Yeshayahu (Aisea) 14:9-20

NA IVAQA NI BULA (FOOD FOR THE SOUL)

E dua e dau ivakarau ca, na tamata ivakarau kaukaua, e bula voli ga e na vosa ni veivakalaboci; 13 E na vakamatadua mada, qai veibutuyaki toka na yavana ka veidusiyaki na iqaqalo ni ligana; 14 Ni tiko vua e vuniyalona na inaki ni veivakacalai, o koya e na dau navuca tu ga me caka ca, qai dau vakatubu veisei. 15 Qori e na tubu vakasauri mai kina vua me rawai koya na leqa; e na ka ni kidacala vua ni sa kakavorovoro qai sega ni vakavinakataki rawa tale.

Mishlei (Vosa Vakaibalebale) 6:12-15

LOMANI YAHUWE NA NOMU KALOU (LOVE YHWH YOUR MIGHTY ONE

Na yaloka ni mataqu sa dau vakanamata tu ga vei Yahuwe (YHWH); baleta o koya e na sereka na yavaqu mai na [tudai] lawalawa. 16  Vuki mai vei au ka lomani au mai; baleta au tu duadua tu ka vakaloloma. 17 Na lomaleqaleqa ni vuniyaloqu sa tubu tiko ka tubu tiko; sereki au mai na noqu leqaleqa 18 Raica na noqu rarawa kei na noqu yaluma; qai kauta laivi na noqu ivalavala ca taucoko. 19 Vakasamataki ira na kequ meca, se ra le vica vata soti, [ka vakasamataka] na kena rui veivakalolomataki na nodra sevaki au. 20 Taqomaki au ka vueti au; kakua ni vakalaiva meu vakarogorogocataki, baleta au kunea na noqu taqomaki vei kemuni. 21 Laiva na ivalavala vinaka kei na ivalavala dodonu me maroroi au, baleta na noqu inuinui e tiko vei kemuni, 22 Noqu Kalou (Mighty One). Vueti Yisira’yili mai na nodra leqa kecekece.

Tehillim (Same) 25:16-22

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 137 in 5773 (Total 1873)	January 31, 2013
Reading	Hebrew Date
B’resheet ( Na iVakatekivu) 23-24	M #11: Shevat 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26
 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lutu I Na Loma I She’ola (Falling Into Sh’ol).

Thought: Being Arrogant Against YHWH Does Not Pay

 .............................

Serving Yom R’vi’ii, Shevat 19, 5773

MAI NA NEVI’IMI AKARONIMI (FROM THE NEVI’IM ACHARONIM)

O She’ola e ra sa yavavala me tavaki iko ni o lako yani kina. E vakayadrati ira na yalo ni tagane qaqa era a dau veiliutaki tu e vuravura; e na vukumu, oya o ira kece na daunivakavulewa tu e vuravura; qai cakavi ira na tui kei vuravura, me ra vura cake mai na nodra idabedabe vakatui. 10 O ira kece era na vakabula vei iko e na veimala ni vosa oqo: Qo oni sa gogo me vakataki keimami, oni sa tautauvata kei keimami! 11 Na nomuni dokadoka sa biu sobu i She'ola e na domo ni ivakatagi mai na nomuni hapi;  e na rukumuni  e dua na meteresi ulo, e delamuni na itutuvi  baca [ni qele]. 12 O a lutu sobu vakacava mai lomalagi, kalokalo volasiga, na luvetagane ni matakalailai?  A yaco vakacava vei iko mo vakabalei sobu i na dela ni qele, o iko o dau vakadrukai ira na veimatanitu? 13 O a vakasamataka o iko vakataki iko, Au na cabe cake i lomalagi, au na vakacerecerea na noqu idabedabe vakatui i deladra na kalokalo ni Kalou (Mighty One). Au na lai dabe e na dela ni ulunivanua ni sosoqoni, e na yasana vaka i na vualiku, 14 Au na cabe cake sara meu lai toka mai deladra na o; au na cakava meu tautauvata kei koya e cecere sara. 15 Ia e dreve, o iko o sa qai biu sobu sara i She'ola, e na boto ni ikeli duadua e ra. 16 O ira era na raici iko era na wanonovi iko, era qai vakasamata na ka sa mai yaco tu vei iko, ni ra kaya, E sega beka ni o koya na tamata qo a dau kurea na vuravura, qai cakava me ra sautaninini na veimatanitu; 17 O koya e a vakavuna na vuravura me dravuisiga, vakarusa na kena veikorolelevu, qai sega ni via sereki ira na nona kaivesu? 18 O ira kece na tui ni veimatanitu, o ira kece, era na dui moce lutu no  e na nodra dokai, o ira yadua e na nodra dui ibulubulu; 19 Ia o iko o na ceburaki laivi, o na sega ni bulu, me vaka e dua na tabanikau vakasisilataki, vakasulumi e na isulu e tautauvata kei na nodra o ira era a lausua e na seleiwau me ra mate, oti qai lutu sobu i na dela ni veivatu e loma ni qara, me vaka na yago ni mate  butubutuki e na yava. 20 O na sega ni tomani ira mo bulu vata kei ira na veitui oya, baleta o a vakacacana na nomu vanua ga o iko vakataki iko, o qai kauta mai na nodra vakamatei o ira na nomu tamata. O ira na kawa ni daucakaca  era na guilecavi  vakadua.

Yeshayahu (Aisea) 14:9-20

NA IVAQA NI BULA (FOOD FOR THE SOUL)

Vakamurimuria na qasikaloaloa, kemuni na sui vucesa! Vakasamataka na nona ivalavala, cakava mo vuku; 7 E sega na nona turaga, ovasia se daunivakavulewa; 8 Ia e vakarautaka na kena kakana e na vula i katakata, qai kumuna vata na kena e na vula i matua. 9 Sui vucesa, e na vakaevei na dede ni nomu moce tiko vaqori e na loga? E na gauna cava o na qai yadra cake kina mai na nomu moce? 10 Au na dadavo toka mada vakalailai, cegu vakalekaleka tale; roqota tale vakalada na ligamu, qai moce tale  vakalekaleka; 11 Qori e na qai tayabe mai kina vei iko na dravudravua, na lailai ni ka, e na qai samuti iko me vaka e dua na sotia e kabavanua mai.

Mishlei (Vosa Vakaibalebale) 6:6-11

LOMANI YAHUWE NA NOMU KALOU (LOVE YHWH YOUR MIGHTY ONE

MAIVEI Dawide: Au laveta cake na vuniyaloqu vei kemuni i Yahuwe (YHWH); 2 Au vakanuinui vei kemuni noqu Kalou (Mighty One). Kakua ni laiva meu vakamaduataki, kakua ni laivi ira na kequ meca me ra veiwalitaki au. 3 E sega ni dua e waraki kemuni tiko, me na vakamaduataki; na madua e waraki ira ga era tarova na nodra vakabauti kemuni ni sega na vuna. 4 Cakava meu kila na nomuni ivalavala, i Yahuwe (YHWH), vakatavulica vei au na nomuni gaunisala. 5 Tuberi au e na nomuni dina, ka vakatavulici au; baleta o kemuni na Kalou (Mighty One) oni a vueti au, na noqu inuinui e toka vei kemuni e na loma ni siga taucoko. 6 Nanuma na nomuni yalovinaka kei na yalololoma, i Yahuwe (YHWH); baleta qori era se tu makawa sara tu. 7 Kakua ni nanuma na noqu ivalavala ca mai na gauna au se gone kina se na noqu dau talatalaidredre; ia e na vakaitamera ga ni nomuni yalololoma  e na vuku ni nomuni yaloyalovinaka i Yahuwe (YHWH);

8 ¶ O Yahuwe (YHWH) e vinaka; o koya talega e dau dodonu; o koya e na vakatavulici ira kina na tamata ivalavala ca na sala [me ra bula kina], 9 E dau tuberi ira na yalomalumu me ra cakava na ka e dodonu, ka vakatavulica vua na dravudravua [me ra bula muria] na nona gaunisala. 10 Na vei sala kece nei Yahuwe (YHWH) era [kunea kina na] yalololoma kei na dina o ira era bula muria na nona veiyalayalati kei na nona ivakavuvuli. 11 E na vuku ni yacamuni, i Yahuwe (YHWH), vosota na noqu cakaca, e dina ga ni rui vakaitamera. 12 O cei na tamata e dau rerevaki Yahuwe (YHWH)? Vua, o koya e na vakatavulica na gaunisala e digitaka o koya. 13 O koya e na dau tu vinaka tu ga (prosperous), o ira na nona kawa era na taukena na vuravura. 14 O Yahuwe (YHWH) e dau veiwekani vakavoleka sara kei ira era rerevaki koya; o koya e na cakava me ra kila na nona veiyalayalati

Tehillim (Same) 25:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 136 in 5773 (Total 1872)	January 30, 2013
Reading	Hebrew Date
B’resheet ( Na iVakatekivu) 21-22	M #11: Shevat 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Digitaki Yisira’yili Tikoga O Yahuwe (YHWH Continues To Choose Yisra’yl)

Thought: YHWH Will Give Rest To The Entire World

........................... 

Serving Yom Shlishi, Shevat 18, 5773

MAI NA NEVI’IMI AKARONIMI (FROM THE NEVI’IM ACHARONIM)

BALETA o Yahuwe (YHWH) e na lomani  Ya'akove; O koya e na digitaki ira tale na Yisira'yili, me vakalesui ira i na nodra vanua ga; era na lai tomani ira kina o ira na vulagi, ni ra  qali yani vei ira na  yavusa i Ya'akove. 2 O ira na veimatatamata era na tauri ira ka kauti ira i na nodra vanua; ia o ira na lewe ni yavusa Yisira'yili, era na qai tauri ira e na vanua i Yahuwe (YHWH), me ra sa nodra dauniveiqaravi ka nodra yada. Era sa na vesuki ira tale o ira era a dau vesuki ira tu eliu, era  qai vakavulewa tale vei ira era a dau vakasaurarataki ira tu e liu. 3 E na qai yaco, ni sa solia oti vei kemuni na vakacegu, o Yahuwe (YHWH), mai na nomuni rarawa, na leqaleqa kei na cakacaka kaukaua a vakasaurarataki vei kemuni, 4 Oni na qai taura cake na sere ni veivakadiloi oqo moni saqata kina na tui Bavela, ni oni kaya;  Sa qai muduki o ira era dau veivakasaurarataki, na nona  viavialevu sa qai tini dole. 5 O Yahuwe (YHWH) sa musuka na nodra ititoko na ca, na nona ititoko ni vakavulewa na dauvakavulewa, 6  E a dau samulaki ira sobu kina na tamata e na yaloca me sega ni cegu; me mokuti ira kina vakacudrucudru na  veimatanitu, e na veivakacacani (persecution) e sega ni tarovi rawa. 7 O vuravura raraba sa qai cegu, ka sa tu vakanomodi tu. Era qai kacabote mai e na seresere.

Yeshayahu (Aisea) 14:1-7

NA IVAQA NI BULA (FOOD FOR THE SOUL)

LUVEQUTAGANE kevaka o sa yaco mo ivakadei ni nona veiyalayalati e dua na nomu itau se kevaka o sa vauci iko tu e na vuku ni dua na veiyalayalati vua e dua tani tale; 2 Qori o sa tacori e na vosa ni gusumu, o sa vesuki iko vakataki iko e na vosa ni tebenigusumu o iko vakataki iko.

3 ¶ Cakava qo e na gauna sara ga oqo, i luvequ tagane, Sereki iko vakataki iko baleta o iko ga o a biuti iko i na nona kaukaua na nomu itau; lako, vakayalomalumutaki iko vakataki iko, qai lai vakasaga na nomu itau; 4 Kakua ni solia me moce na matamu, se solia me vakacegu na bekabeka ni matamu: 5 Vagalalataki iko, me vaka e dua na  qasela mai na  nona tudai (e dua na dau vakasasa) se vaka e dua na manumanu vakatabana ni macawa lala, mai ligana na daubiri dai.

Mishlei (Vosa Vakaibalebale) 6:1-5

LOMANI YAHUWE NA NOMU KALOU (LOVE YHWH YOUR MIGHTY ONE

MAIVEI Dawide. E dua na same. O vuravura taucoko e nei Yahuwe (YHWH) kei na veika kece era tu kina, na vuravura kei ira era vakaitikotiko kina. 2 Baleta o koya a vakotora na kena yavu e dela ni wasawasa, qai vakataudeitaka e veiuciwai. 3 O cei e vakatarai vua me cabeta cake na ulunivanua i Yahuwe (YHWH)? O cei e rawa ni lai tu e na nona tikina tabu? 4 O ira e savasava na ligadra ka savasava vakaoti na vuniyalodra; o koya e sega  ni cakava na dokadoka me inaki ni nona bula, se bubului lasu me rawa ga ni veivakacalai. 5 O ira era na ciqoma e dua na veivakalougataki mai vei Yahuwe (YHWH) kei na lewadodonu mai na Kalou (Mighty One) o koya e na vueti ira. 6 Qo o ira na mataqali itovo e kune vei ira era vaqarai koya, mai vei ira na Ya’akove, o ira era vaqara tiko na matamuni. Selaa.

7 ¶ Laveta cake na ulumuni, kemuni na matamata! Laveti ira cake, kemuni na mata ni katuba tawamudu; me rawa ni curu yani na tui dokai. 8 O cei beka o koya, na tui dokai? O Yahuwe (YHWH), kaukaua ka qaqa, o Yahuwe (YHWH) e vakaitamera e na ivalu. 9 Laveta cake na ulumuni kemuni na matamata! Laveti ira cake, kemuni na katuba tawamudu, me rawa ni curu yani na tui dokai. 10 O cei beka o koya, na tui dokai oqo? O Yahuwe ni lewevuqa (YHWH-Tzva'ot); o koya na tui dokai tawamudu. (Selaa)

Tehillim (Same) 24:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 135 in 5773 (Total 1871)	January 29, 2013
Reading	Hebrew Date
B’resheet ( Na iVakatekivu) 19-20	M #11: Shevat 18, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Caqera Na Matanitu O Bavela. (The Kingdom of Bavel Falls)

Thought: Heavenly Bodies Will Fail to Provide Light In The Days Of YHWH

 ......................

Serving Yom Sheini, Shevat 17, 5773

MAI NA NEVI’IMI AKARONIMI (FROM THE NEVI’IM ACHARONIM)

Na kalokalo era veiciriyaki tu mai lomalagi era sa na sega ni solia na nodra rarama; na matanisiga sa na butobuto ni cadra mai; kei na vula sa na sega tale ni ramase.11 Au na totogitaki vuravura baleta na  ivalavala tawakilikili e kune kina, kei ira na ca baleta na nodra cakaca. Au na tinia na nodra qaciqacia na dokadoka ka vakalolovirataka na nodra viavialevu na dauveivakararawataki. 12 Au na cakava na tamata me kunekune dredre cake sara mai na koula; me kunekune dredre cake mai na koula vakamareqeti ni Ofiri. 13 O koya oqo na vuna au na yavalata kina na lomalagi, na vuravura e na qai toso laivi mai na kena inono tudei, baleta na nona vakadomobula o Yahuwe ni lewevuqa (YHWH-Tzva'ot) e na siga ni nona leva cecekia. 14 E na qai yaco, me vaka na qazela e vakasasataki tiko, ka vaka na sipi e sega ni dua me vakasoqoni ira; [na tamata] kecekece era na lesu kece tale vei ira na nodra dui tamata; o ira kece era na dro lesu i na nodra dui vanua. 15 O ira era kune era na lausua; o ira era vesu era na bale e na seleiwau.16 O ira na nodra lalai (babies) era na botolaki me ra vurumemea e matadra; na nodra veivale e na butakoci, na watidra [yalewa] era na kucuvi.17 Raica, au na vakauqeti ira na Midi me ra mai saqati ira, o ira era sega ni temaki e na siliva, se voli e na koula. 18 Na nodra dakaititi e na basulaki ira na nodra cauravou vakamatailalai, era na sega tale ni yalololoma vei ira na   vua ni katonigone; na matadra e na sega ni vakavotaki ira na lalai.

19 ¶ E na vakaoqori o Bavela, na vatu talei ni veimatanitu, na nodra  isakisaki kei na lagilagi na Kasidimi, e na tautauvata kei So'doma vata kei 'Amora e na gauna a vukici rau kina  vakatoboicu na Kalou (Mighty One). 20 E na sega tale vakadua ni tawani, ka na sega tale ni dua e vakaitikotiko kina e na veitabatamata kecekece. O ira na Arabea era na sega tale ni biri valelaca kina, o ira talega na ivakatawa ni sipi era sa na sega ni kauta mai i keya na nodra qelenisipi. 21 Ia na manumanu kila era na dau lai dadavo tu mai keya; na nodra veivale era na sinai kina na lulu, na osiriki era na lai vakaitikotiko kina, kei na mekila era na dau lai meke e keya. 22 O ira na jakele era na dau kodrodro mai e loma ni nodra valevatu kei ira na koli kila e loma ni nodra valenisoro marautaki. Na kena gauna sa roro voleka mai, na kena veisiga e na sega ni dede.

Yeshayahu (Aisea) 13:10-22

NA IVAQA NI BULA (FOOD FOR THE SOUL)

Na nona caka ca e dua na tamata ca e na coriti koya, o koya e na vesuki vakaukaua e na dali ni nona ivalavala ca; 23 O koya e na mate dina ga baleta na lailai ni lewamatau; na vakaitamera ni nona lialia e na cakava me tataivatia, oti e na qai lutu.

Mishlei (Vosa Vakaibalebale) 5:22-23

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i  Dawide: O Yahuwe (YHWH) e noqu ivakatawa; e sega na ka e sega vei au. 2 E cakava o koya meu koto no e na veivanua veico drokadroka; e tuberi au e na bati ni wai maravu. 3 O koya e vakavoutaka na noqu bula. E tuberi au e na sala ni yalododonu e na vukuni yacana. 4 Io, e dina keu taubale kosova na buca ni yaloyalo ni mate, au na sega ni nuiqawaqaqawataka na leqa, baleta o kemuni oni tiko vata kei au; na nomuni moto kei na nomuni itoko era na vakacegui au. 5 Oni vakarautaka e dua na teveli e na vukuqu, oya mada ga ni ra rai tu na kequ meca; oni lumuta na uluqu e na ilumu mai na dua na bilo e vuabale tu kina. 6 Na yalovinaka kei na yalololoma e na  muri i au tiko e na veisiga kece ni noqu bula; au na lai vakaitikotiko voli vakayabaki e na vale i Yahuwe (YHWH) e na veitabayabaki era tu mai muri.

Tehillim (Same) 23:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 134 in 5773 (Total 1870)	January 28, 2013
Reading	Hebrew Date
B’resheet ( Na iVakatekivu) 17-18	M #11: Shevat 17, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Siga I Yahuwe (The Day Of YHWH)

Thought: The Day of YHWH Will Be Devastating!

.................. 

Serving Yom Rishon, Shevat 16, 5773

MAI NA NEVI’IMI AKARONIMI (FROM THE NEVI’IM ACHARONIM)

Oqo na parofisai bibi me baleti Bavela, me vaka a raica o Yesha'yahu na luve i Amozi: 2 Vakarewataka e dua na drotini e na ulunivanua cecere; tabalaka na kaci vei ira [na kabavanua]; yalovi ira me ra curu mai e na Matamata Dokai. 3 Au sa vakaroti ira na noqu lumuti tabu, au sa kacivi ira na noqu qaqa, daugugumatua ka qaqa, me ra mai vakavatukanataka na noqu leva. 4 Rogoca! E dua na maue ni veivaluvaluti e na veiulunivanua, e rogo tiko me vaka era lewe levu! Vakarorogo!  Na domo ni nodra maue na veimatanitu era sa sosoqoni vata tiko! O Yahuwe ni lewevuqa (YHWH-Tzva'ot) sa soqoni ira vata tiko e dua na mataivalu me baleta na ivalu. 5 Era lako mai na dua na vanua yawa; sivia na iyalayala ni vuravura (horizon).  Qori o Yahuwe (YHWH) kei na nona iyaragi ni cudru cecekia me mai vakaqeyavutaka me laladidi o vuravura raraba.

6 ¶ Qolou! Baleta na siga i Yahuwe (YHWH) sa roro mai; na veivakarusai mai vua na Kaukaua (Shaddai). 7 O koya oya e na gogo me tauwalili na liga taucoko, na nodra doudou na tamata kecekece sa na waicala; 8 Era tarai ira na domobula; ka vesuki ira na yaluma kei na vutugu, me ra veimoqeyaki me vaka na yalewa e taratara tiko; era na veiraici vakataki ira e na kidroa;  na matadra e na vaka na yameyame ni bukawaqa. 9 Sa toro mai oqo na siga i Yahuwe (YHWH), sisinai e na veivakararawataki, na leva waromisa kei na yalokatakata, me mai cakava me laladidi na vuravura; ka vakarusai ira na dau valavala ca era tu kina.

Yeshayahu (Aisea) 13:1-9

NA IVAQA NI BULA (FOOD FOR THE SOUL)

Gunu wai ga mai na nomu toevu o iko vakataki iko, na wai maleka e drodro tiko mai na nomu ivurevure ni wai. 16 Laiva na nomu ivurevure ni wai me vuabale ka drodro yani ituba, na soniwai e vuabale tiko yani e gaunisala; 17 Ia laivi ira me ra nomu taudua, me kakua ni drau vota vata kei na vulagi e tiko vata kei iko. 18 Laiva na nomu ivurevure, na watimu [yalewa] ni nomu gauna ni cauravou, me kalougata; vaqara na nomu reki mai vua, 19 E dua na dia-damu domoni se vaka e dua na dia-rou talei; laiva na sucuna me vakamarautaki iko e veigauna, dau gadreva tu ga na nona dodomo e veiveigauna kece. 20 Luvequtagane, na cava mo lai domona tu kina e dua na yalewa tawakilai? Na cava mo lai mokota tu kina na yagona e dua na yalewa saqamua? 21 Baleta o Yahuwe (YHWH) e raica tiko mai na nona ivalavala e dua na tagane; qai dau vakadikeva na sala e muria [tiko].

Mishlei (Vosa Vakaibalebale) 5:15-21

LOMANI YAHUWE NA NOMU KALOU (LOVE YHWH YOUR MIGHTY ONE

Era veivotayaka na noqu isulu e na kedra maliwa, ka vakawirimadigitaka na noqu kote tiyara. 20(19) Ia, i Yahuwe (YHWH) moni kakua ni yawaki au, noqu Kalou (Mighty One); noqu Kalou (Yl), moni mai bula vata kei au moni vukei au: 21(20) Vueta na noqu bula mai na seleiwau, na noqu [bula] e duabau, mai ligadra na vakadomobula. 22(21) Vueti au mai na gusu ni laione: Vueta na noqu yalomalumu mai vei ira na qaciqacia. 23(22) ¶ Meu rawa ni vakatusa na yacamuni vei ira na wekaqu: e na kedra maliwa na isoqosoqo, au na vakacaucautaki kemuni. 24(23) O kemuni oni vakarokorokotaki Yahuwe (YHWH), vakavinavinaka vua; o kemuni kece na kawa i Ya’akove, dokai koya; rerevaki koya, o kemuni kece oni kawa mai vei i Yisira’yili. 25(24) Baleta o koya e sega ni dau beca se cata na leqa ni tamata dravudravua; ka na sega talega ni vukica tani na matana mai vua; ia e na gauna e tagici koya kina, o koya e na rogoci koya; 26(25) Na noqu vakamolimoli e na baleti kemuni ga e na isoqosoqo levu; au na vakayacora na noqu bubului e matadra o ira era dau sokalou vua. 27(26) Na dravudravua era na kana ka mamau; era na vakacaucautaki Yahuwe (YHWH) o ira era vaqarai koya; na vuniyalodra e na bula me tawamudu. 28(27) Na veiyasa ni iyalayala kei vuravura era na nanuma era qai vuki vei Yahuwe (YHWH); o ira kece na kawatamata e na veimatanitu era na sokalou e matamuni. 29(28) Baleta na veimatanitu era nei Yahuwe (YHWH); o koya na kovana vei ira na veiveimatanitu; 30(29) O ira kece era walokai e vuravura era na kana ka sokalou e mata i Yahuwe (YHWH); o ira kece era sa bulu tu, era na tekiduru e matana; na noqu bula (soul) e bula tiko e na vukuna. 31(30) E dua na gone e na qaravi koya; o ira era kawa mai vua era na tusanaki Yahuwe (YHWH). 32(31) Era na lako mai era qai mai vakatusa na nona yalododonu, vei ira e dua na kawatamata, era se bera tiko ni sucu mai, ka kacivaka vei ira na veika a cakava o Yahuwe (YHWH).

Tehillim (Same) 22:19-31

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 133 in 5773 (Total 1869)	January 27, 2013
Reading	Hebrew Date
B’resheet ( Na iVakatekivu) 15-16	M #11: Shevat 16, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

E vinaka Ga o Yahuwe (YHWH Is Good).

Thought: YHWH’s Name Will Be Exalted, After The Reunification Of Yisra’yl

 .................

Serving For Shabbat Shevat 15, 5773

MAI NA NEVI’IMI AKARONIMI (FROM THE NEVI’IM ACHARONIM)

Ia e na siga oya, o iko o na kaya, Au vakamuduo vei kemuni i Yahuwe (YHWH); baleta, e dina ga ni oni a cudruvi au tu mai, na nomuni cudru sa saumaki laivi; ia qo oni sa vakacegui au tiko. 2 Raica, na noqu Kalou (Mighty One) e noqu ivakabula. Au sa yalodei ka sega ni taqaya; baleta o Yah Yahuwe (YHWH) na noqu kaukaua ka noqu sere; ka sa yaco o koya me noqu ivakabula. 3 Oti oni na qai takiva e na reki na wai mai na ivurevure ni veivueti. 4 Ia e na siga oya eda na kaya kina, Solia na vakavinavinaka vei Yahuwe (YHWH)! Kaciva na yacana! Vakaraitaka na nona cakacaka me kilai e na kedra maliwa na tamata, tusanaka na kena cecekia na yacana. 5 Laga sere vei Yahuwe (YHWH); baleta o koya e sa qaqa; qo sa na vakaraitaki tiko e vuravura raraba. 6 Kaila ka seresere e na mamarau o iko o vakaitikotiko mai Zaiyoni; baleta na Yalosavasava Ledua i Yisira'yili sa tiko vata kei kemuni e na nona vakaitamera.

Yeshayahu (Aisea) 12:1-6

NA IVAQA NI BULA (FOOD FOR THE SOUL)

Ragone, rogoci au sara vakavinaka, kakua ni vukitani mai na veika au kaya tiko. 8 Toso vakayawa sara mai na nona gaunisala, tiko tani vakayawa mai na katuba ni nona vale; 9 Qori mo kakua kina ni solia na nomu kaukaua vei ira na tani, kei na nomu veiyabaki vua e dua e itovo kaukaua; 10 Mo kakua kina ni vakaiyautaki ira na vulagi, me lako na veika o cakacakataka i na dua na vale tani. 11 E na gauna sa lutu kina na leweniyagomu kei na nomu sui, e na itinitini ni nomu bula, o na qai vakatataka, 12 Au a dau cata na veivakatavulici! Na noqu bula taucoko a dau sevaka na veivakaddonutaki, 13 Au a lecava na veika era dau kaya na noqu qasenivuli, au sega ni vakarorogo vei ira na noqu dau ni ivakavuvuli. 14 Au voleka ni vakaitavi e na veimataqali ca kecekece, o ira na lewe  ni vanua era sa lai kila kece.

Mishlei (Vosa Vakaibalebale) 5:7-14

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. E na ilagalaga ni Cadra Na Matanisiga [Upon Aiyelet Ha-Shahar]. E dua na same i Dawide, 2(1) Noqu Kalou (Yl), noqu Kalou (Yl) na cava oni vakanadakui i au tiko kina? Moni tu vakayawa tu kina mai na noqu vukei e na vosa ni noqu tagitagi? 3(2) Isa noqu Kalou (Mighty One) au kacivi kemuni e na loma ni siga, ia oni sega ni tama mai vei au; e na loma ni veibogi, ia oni sega ni mai tiko vata kei au. 4(3) Baleta o kemuni oni yalosavasava, ia o Yisira’yili e vakaitikotiko e na ruku ni nomuni veivakacaucautaki. 5(4) O ira na tama i keimami era a vakanuinui vei kemuni; era vakararavi vei kemuni, oni qai vueti ira. 6(5) Era tagici kemuni, era qai vueti: era vakararavi vei kemuni, era qai sega ni veilecayaki. 7(6) Ia o au, au dua na ulo, au sega ni tamata; au vakasisilataki vei ira na tamata, kau dau sevaki vei ira na kawatamata. 8(7) O ira kece era sa raici au oti, era dredrevaki au ka vakalialiai au, era vanavana mai tebenigusudra ka kurea na uludra ni ra kaya; 9(8) O koya e [dau] vakanuinui vei Yahuwe (YHWH); ia laivi Yahuwe (YHWH) sara, me vueti koya; laivi koya me vueti koya ke taleitaki koya. 10(9) Baleta o kemuni oni noqu iraviravi, mai na gauna sara au se qai curu tani kina mai na katonigone, ka noqu inuinui mai na gauna au se dau bula tu kina e na sucu i tinaqu: 11(10) Au a biu e na nomuni veiqaravi mai na katonigone, o kemuni oni noqu Kalou (Mighty One) mai na katonigone i tinaqu.

12(11) ¶ Kakua ni tu yawa mai vei au; ia na leqa sa tu voleka, baleta e na sega ni dua me veivuke. 13(12) E levu na bulumakau tagane era tu wavokiti au; na bulumakau tagane kaukaua ni Bashani era sa mai vakasagai au tiko. 14(13) Na gusudra e vakasequruquru bati mai vei au, me vaka e dua na laione  dauveidresulaki ka daukudru.15(14) Au sa sovaraki me vaka na wai, na noqu sui taucoko era sa llulutu laivi mai na kedra dui isema; na vuniyaloqu sa waicala me vaka na kadrala, na noqu iwawa era sa vakacacani e ketequ. 16(15) Na noqu kaukaua sa mamaca na me vaka e dua na ivorovoro ni kuro; na yamequ sa kabita na gadroqu; oni sa kolotaki au i na  kuvunisoso ni mate. 17(16) Baleta na koli era sa mai tu vakavolivoliti au; e dua na ilala ni tamata lomaca era sa viribaiti au me vaka e dua na laione,  era sa mai toka qo e ligaqu kei na yavaqu. 18(17) Na suiqu era sa momosi e na vutu; era qai rai mai, me ra wanonovi yau. 19(18) Era veivotayaka na noqu isulu e  kedra maliwa, ka vakawirimadigitaka na noqu kote tiyara.

Tehillim (Same) 22:1-18

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 132 in 5773 (Total 1868)	January 26, 2013
Reading	Hebrew Date
B’resheet ( Na iVakatekivu) 13-14	M #11: Shevat 15, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Duavata O Yisira’yili Kei Ya’huda! (Yisra’yl and Y’hudah Reunite!)

Thought: YHWH Will Return A Second Time To Save The United Yisra’yl

.........................................

Serving For Yom HaShishi, Shevat 14, 5773

MAI NA NEVI’IMI AKARONIMI (FROM THE NEVI’IM ACHARONIM)

E na yaco e na siga oya, na coke i Yishai, e dau tu me nodra drotini na veimatatamata; o ira na Qoyimi era na vaqarai koya mai; ia na vanua e cegu tiko kina e na dau dokai. 11 E na siga oya o Yahuwe (YHWH) e na laveta tale na ligana e na ikarua ni gauna, me vueti ira na vo vo ni nona tamata era se vo tiko mai Ashuru, Ijipita, Patarosi, Kusa, Eilama, mai Shai'na, Hamata, vata kei na veiyanuyanu mai na wasawasa. 12 O koya e na vakarewataka e dua na drotini e vukudra na Qoyimi, vakasoqoni ira na Yisira'yili era a veibiuyaki, ka soqoni ira vata na Ya'huda era duitutu mai na tutu va va kei vuravura. 13 Na nona dauvuvutaki o Ifirayimi sa na tini, ia o ira era dau vakasagai Ya'huda era na muduki laivi; o Ifirayimi sa na sega ni didivaki Ya'huda; o Ya'huda sa na sega ni vakasagai Ifirayimi. 14 O rau, rau na qai vuka sobu i na yasa i Pi'lishitimi vaka e na vuaira. Rau na lomavata me rau vakacacani ira na tamata mai na vuaicake, rau na qai tarai Idomi kei ira na Mo'avi; ia o ira na luve i Amoni era na talairawarawa vei rau. 15 O Yahuwe (YHWH) e na vakamamacataka na toba ni wasawasa mai Ijipita. O koya e na kurea na ligana e na dela ni Uciwai [na Iufereti] me liwava mai e dua na cagi katakata, qai wasea me vitu na kena soniwai, me qai rawa kina ni takosova na tamata ka sega ni suasua na yavadra. 16 E na dua na gaunisala levu me nodra na vo vo ni nona tamata, era vo mai vei ira na Ashuru; me vaka sara ga vei ira na Yisira'yili e na gauna a lako cake kina mai na vanua o Ijipita.

Yeshayahu (Aisea) 11:10-16

NA IVAQA NI BULA (FOOD FOR THE SOUL)

LUVEQUTAGANE, vakadikeva matua na noqu vuku;  vakala na daligamu i na noqu yalomatua: 2 Me rawa ni o taqomaka na lewa matau, kei na tebenigusumu me vakaraica matua na kilaka. 3 Baleta na tenenigusuna na yalewa tawakilai e titiri tiko mai kina na hani kei na gusuna e dravidravia cake mai na ilumu. 4 Ia e na kena itinitini, o koya e gaga dina me vaka na duva, ka gagata me vaka na seleiwau batirua. 5 Na yavana e naulu sobu tiko i na mate, na nona ikalawa e veikauti sobu sara tikoga i She’ola. 6 O koya e sega ni taubale tiko e na sala dodonu ni bula, na nona sala e toso sara tu ga vakaveitalia, ia o koya se sega ni kila oqori.

Mishlei (Vosa Vakaibalebale) 5:1-6

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. E dua na Same i Dawide. 2(1) O Yahuwe (YHWH) e kunea na marau e na nomuni kaukaua; e dua na marau levu e dau vakaraitaka o koya e na nomuni qaqa! 3(2) Oni solia vua na gagadre ni vuniyalona; oni sega ni bureitaka mai vua na vakatamamasu mai gusuna. (Selaa) 4(3) Baleta oni lako mai moni mai sotavi koya e na veivakalougatataki e daumaka vakaoti, oni qai tokara e dua na isalavakatui buli mai na koula matailalai e uluna. 5(4) E kerea vei kemuni na bula, oni qai solia vua; e vica vata na yabaki, me tawamudu ka sega ni mudu. 6(5) Na nomu qaqa e kauta mai vua na dokai vakaitamera, oni vakatikora vua na dokai kei na lagilagi. 7(6) Baleta oni solia vua na veivakalougatataki me tawamudu; oni vakamarautaki koya e na reki mai tiko matamuni.

8(7) ¶ Baleta na tui e biuta na nona inuinui vei Yahuwe (YHWH); e na yalololoma ni Kalou (Ylyon); o koya e na sega ni tosoi. 9(8) Na ligamuni e na rawai ira kece na kemuni meca, na ligamuni imatau e na rawai ira era cati kemuni. 10(9) E na nomuni basika mai, oni na cakavi ira me ra vaka na lovo katakata waromisa. O Yahuwe (YHWH) e na tilomi ira e na nona leva katakata; na yamenibuka waqa e na tilomi ira. 11(10) Oni na vakarusai ira mai vuravura na nodra kawa, ka vakawabokotaka na nodra kawa mai vei ira na tamata; 12(11) Baleta era navuca na ivalavala tawakilikili vei kemuni, ia veitalia ga na nodra vakananavu, era na sega ga ni vakayacora rawa. 13(12) Baleta oni na cakava me ra vuki vakanadaku, e na nomuni ducia na nomuni dakaititi vakadodonu e matadra. 14(13) Matacake i Yahuwe (YHWH) e na nomuni kaukaua o kemuni vakataki kemuni; keimami na qai lagasere ka vakavinavinakataka na nomuni kaukaua.

Tehillim (Same) 21:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 131 in 5773 (Total 1867)	January 25, 2013
Reading	Hebrew Date
B’resheet ( Na iVakatekivu) 11-12	M #11: Shevat 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Laione Sa Na Kana Co Me Vaka Na Okisi (Lions Will Eat Grass Like Ox)

Thought: Knowing YHWH Will Change The World Into A Peaceful Place

 ...................

Serving For Yom Chamishi, Shevat 13, 5773

MAI NA NEVI’IMI AKARONIMI (FROM THE NEVI’IM ACHARONIM)

E na qai tubu mai e dua na coke mai na tolo ni vunikau i Yishai, e dua na tabana lailai e tubu mai na wakana; 2 Na Yalo i Yahuwe (YHWH) e na mai cegu toka vua, na yalo ni vuku kei na yalomatua, na yalo ni veivakasalataki kei na kaukaua, na yalo ni kilaka kei na rerevaki i Yahuwe (YHWH); 3 O koya e na vakauqeti baleta na nona rerevaki Yahuwe (YHWH). O koya e na sega ni vakavulewa mai na yavu ni veika e raica na matana, se vakataulewa e na veika e rogoca na daligana. 4 Ia e na vakataulewa vakadodonu vei ira era dravudravua, ka na vakataulewa e na dodonu vei ira na yalomalumu e loma ni vanua. O koya e na samuta na vuravura e na ititoko mai gusuna, ka vakamatei ira na ca e na icegu mai na tebenigusuna. 5 Na lewa dodonu e na ivau ni tolona (loin) kei na yalodina na ivau ni tolona (waist). 6 Na wolifa e na vakaitikotiko kei na lami; na leopadi e na dadavo vata kei na luvenime; na luve ni bulumakau kei na laione gone, vata kei na lami vata kei rau; e na qai dua na gone lailai e na mai liutaki rau. 7  Na tinatina ni bulamakau kei na beya rau na kanakana vata; na nodrau lalai era na susu vata; ia na laione sa na kana co me vaka na okisi. 8 Na gone dramidrami e na biuta na ligana e na qara ni gata (cobra), na gone kali e na daramaka na ligana e na sova ni gata (viper). 9 Era na sega ni veivakamavoataki se veivakacacani e na dua ga na yasana e na noqu ulunivanua tabu; baleta o vuravura sa na sinai vutuvutu na nona kilai o Yahuwe (YHWH) me vaka na wai ni robota tu na wasawasa.

Yeshayahu (Aisea) 11:1-9

NA IVAQA NI BULA (FOOD FOR THE SOUL)

I luvequtagame, galeleta vinaka na veika au kaya tiko; vakala na daligamu i na noqu vosa. 21 Kakua ni vakalaiva me ra biubiu mai  na nomu rai; maroroi ira sara tiko ga e na uto ni nomu vakasama 22 Baleta qori era bula vei koya e kunei ira, ka ka ni bula i na veika taucoko ni nodra bula. 23 Me toka sara e cake, na nomu taqomaka na vuniyalomu, baleta qori na yavu e vura mai kina na veika e na yaco e na nomu bula. 24 Tarova na vosa dukadukali mai gusumu, vakatabuya vakadua na veivakacalai mai tebenigusumu. 25 Laiva na yaloka ni matamu me rai tiko ga vakadodonu i liu, cobara toka na nomu rai e na veika e tu mai matamu. 26 Vakadodonutaka na sala me muria na yavamu, laiva na nomu ivalavala taucoko me vakarautaka vakavinaka; 27 Kakua ni gole vaka i na ligamu i matau se i na imawi; ia tarova tiko ga na yavamu mai na vukivuki vakasisila.

Mishlei (Vosa Vakaibalebale) 4:20-27

LOMANI YAHUWE NA NOMU KALOU (LOVE YHWH YOUR MIGHTY ONE

E vukuna na iliuliu. E dua na Same i Dawide. 2(1) Me dau rogoci iko mada ga o Yahuwe (YHWH) e na siga ni rarawa;  me dau taqomaki iko mada ga na yaca ni Kalou (Mighty One) i Ya’akove. 3(2) Me vakauta mada ga mai vei iko mai na nona vale tabu na veivuke, ka me solia mada ga vei iko na veitokoni mai loma i Zaiyoni. 4(3) Me bau nanuma mada ga o koya na nomuni isoro laukana ka ciqoma na uro ni nomu isorokama. Selaa. 5(4) Me vakadonuya mada ga vei kemuni o koya na gagadre ni vuniyalomuni qai cakava na nomuni vakananavu kece me rawa vakaoti. 6(5) Qori eda na qai kaikaika kina e na mamarau e na nomuni qaqa, ka vakarewataka na noda kuila e na yaca ni noda Kalou (Mighty One). Me vakadonuya mada ga o Yahuwe (YHWH) na nomuni kerekere taucoko.

7(6) ¶ Qo au sa qai kila ni o Yahuwe (YHWH) e solia mai na qaqa vei ira na nona lumuti, o koya e na tama mai vua, mai na nona lomalagi tabu, e na qa qa vakaitamera, e na ligana imatau. 8(7) Eso era vakararavi i na qiqi ni ivalu, eso i na ose, ia o keda eda vakacaucautaka na yaca i Yahuwe (YHWH) na Kalou (Mighty One). 9(8) O ira, era na vakacuvari sobu era qai bale; ia o keda eda na vakamatari cake meda tu vakadodonu. 10(9) Solia mai na qa qa i Yahuwe (YHWH)! Laiva na tui me tama mai vei keimami e na siga keimami kaci yani kina.

Tehillim (Same) 20:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 130 in 5773 (Total 1866)	January 24, 2013
Reading	Hebrew Date
B’resheet ( Na iVakatekivu) 9-10	M #11: Shevat 13, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.