Thoughts: In Times Of Crisis We Need To Turn To Yahweh As Abraham Did
Serving For The 14th January, 2010
Ni sa kida na mataka, rau qai vakauqeti Lote na agilosi, ni rau kaya, Cavu tu, kauta na watimu kei rau na luvemuyalewa dawai, de dou qai kovu e na itotogi ni korolevu qo. 16 Ia a vakayabeyabe tikoga o Lote; rau mani taura na ligana, na liga i watina, kei na ligadrau na luvenayalewa; baleta a lomani koya na Kalou (Yahweh); rau qai kauta ratou i tuba, me rau lai biuti ratou sara e na ibili ni koro. 17 A qai yaco ni rau sa kauti ratou i na ibili ni koro, ni rau kaya vei Lote, Dou drovaka na nomudou bula; kakua tale ni railesu se cegu e na dua na vanua e na loma ni buca de dou qai rusa. 18 Ia o Lote a qai vakamamasu vei rau, Au masuti kemudrau na noqu turaga (master): 19 Raica qo, na nomudrau dauniveiqaravi sa kune loloma e matamudrau, ka vakaitamera na veitokoni drau sa vakaraitaka vei au e na nomudrau mai vueta na noqu bula; ia au na sega ni dro rawa sara i na ulunivanua, de qai toboki au na ca, au qai mate; 20 Raica na koro qo e voleka ga meu dro kina, ka ni koro lailai ga. Isa, drau vakatara meu dro ga kina; ia raica baleta ni lailai wale, na noqu bula e na taqomaki. 21 Rau kaya vua, Raica, keirau sa na vakatara vei iko na ka oqo, keirau sa na sega kina ni vukica vakatoboici na koro o sa cavuta qo: 22 Vakatotolo sara mo dro i keya; baleta au na sega ni cakava rawa e dua na ka me yacova ni o sa curu sara kina. Qori a qai vakatokai kina na koro oya me yacana o Soa. 23 A sa cadra tiko na matanisiga e vuravura e na gauna sa curu kina o Lote mai Soa.
24 ¶ Sa qai vakatauca o Jiova (Yahweh) na salafa kei na bukawaqa e dela i Sodoma kei Qomora, oya mai Vua na Kalou (Elohim) mai lomalagi. 25 A qai vukica vakatoboicu na veikoro lelevu kei na veibucabuca kei ira kece na itaukei ni yasayasa oya, kei na veika kece era bula mai na qele.
26 ¶ Ia o watina a qai railesu mai dakuna, qai vuki me duru masima.
27 ¶ O Avarahama a sou sara vakamataka me lako i na vanua a tu kina e mata i Jiova (Yahweh). 28 Oti qai rai vaka i Sodoma kei Qomora, kei na yasayasa ni veibuca, a qai raica, ni sa tubu tu i macawa na kubou ni vanua me vaka na lovo ni vakawaicalataki kaukamea.
Oqo na inuinui eda vakararavi tiko kina Vua, oya ni da kerea Vua e dua ga na ka, e veidutai kei na Nona inakinaki, e na rogoci keda o Koya. 15 Kevaka eda kerei koya me rogoci keda e na veika eda kerea vua, eda sa na kila dei ni da sa ciqoma oti mai vua na veika eda gadreva.
| Reading for Today (Na Wase Ni iVola Tabu Me Wili Nikua). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 14 | January 14 | Genesis 33-35 | Matthew 11 |
