Leqa Kei Na Vinaka Mai Vei Yahuwe (Troubles and Goodness From YHWH)

Thought: For Your Good, Love YHWH and Live By His Mitzvot

.........................

Serving For Yom Rishon, Nisan 23, 5772

(NB. In Counting Days Toward Shavu’ot (Gr:Pentecost), Today Is Day 8 out of 50)

MAI NA TORAA (FROM THE TORAH

O koya oya, moni lomani Yahuwe (YHWH) kina na nomuni Kalou (Mighty One), ka moni dau taqomaka na nona veinuitaki (trust), na nona ilesilesi, na nona veilewa, kei na nona ivakaro (mitzvot) e veiveigauna kecekece. 2 Moni kila vinaka tiko e daidai,  niu sega ni vosa tiko vei ira na luvemuni era se sega ni kila, ka se sega ni raica na vei ivakavuvuli a dau vakatavulica o Yahuwe (YHWH) na nomuni Kalou (Mighty One), e na nona vakaitamera, e na ligana kaukaua kei na gauniligana a dodo tu mai, 3 Na nona veivakatakilakila kei na nona cakacaka, e a cakava o koya mai Ijipita, vei Fero na tui Ijipita kei na nona vanua taucoko; 4 Na veika a cakava o koya vei ira na lewe ni mataivalu ni Ijipita, vei ira na nodra ose, kei na nodra qiqinivalu kei ira na nodra dau ni vodo ose; ni a cakava o koya na wai ni Wasa Sufa me lomoci ira e na gauna era a cici muri kemuni tiko mai kina, a qai vakarusai ira kina vakadua o Yahuwe (YHWH) me yacova mai na siga oqo; 5 Na veika a vakayacora vei kemuni o koya e na loma ni vanua liwa, me yacova ni oni yaco mai i ke; 6 Na veika a cakava o koya vei Datana kei 'Avirami na luve i Yilai'ava, na luve i Ru'veni; ni a kasei (rua) na vanua, qai tilomi rau vata kei ira na luvedrau, kei na nodrau  veivalelaca, kei na iyau kece e tu vei rau e na kedra maliwa na Yisira'yili kecekece; 7 Na matamuni sara ga a raica na cakacaka levu kece i Yahuwe (YHWH) e a vakayacora o koya.

8 ¶ O Koya oya moni taqomaka kina na ivakaro (mitzvot) au vakarota tiko vei kemuni e na siga edai, me rawa ni oni qaqa, oni qai curu yani moni lai taukena na vanua oni sa takoso tiko kina oqo moni lai taukena; 9 Ka me rawa ni oni vakabalavutaka na nomuni veisiga e na loma ni vanua a bubuluitaka o Yahuwe (YHWH) vei ira na tamamuni, ni na solia vei ira na nodra kawa, e dua na vanua e dave kina na sucu kei na hani.10 Baleta na vanua oni sa lako tiko kina oqo moni lai taukena, e sega ni tautauvata kei na vanua o Ijipita, na vanua oni se qai biubiu ga mai kina, na vanua e vinakati moni tea na nomuni itei oti moni qai vakasuasua e na yavamuni, o kemuni vakataki keimuni, me vaka e dua na iteitei ni kakana draudrau; 11 Na vanua oni lako tiko kina qo moni lai taukena e vanua ni veiulunivanua kei na veibucabuca, e dau gunuva ga na wai ni uca mai lomalagi;  12 Qo e dua na vanua e qarava sara tiko ga e veiveigauna o Yahuwe (YHWH) na nomuni Kalou (Mighty One); na mata i Yahuwe (YHWH) na nomuni Kalou (Mighty One) e dau dikeva, mai na ivakatekivu ni yabaki me yacova na icavacava ni yabaki.

Na iVakarua (D’varim) 11:1-15

NA IVAQA NI BULA (FOOD FOR THE SOUL)

Na tamata yalododonu e cata na lasulasu; ia na vakasisila e vakasevaki; ka na madua ka veilecayaki. 6 ¶ Na dodonu e na maroroi koya e yalododonu e na nona sala: ia na ivalavala ca e na rawai koya e tamata ca.

Vosa Vakaibalebale (Mishlei) 13:5-6

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Mai na iqaqi ni waini (Gittit). E dua na nodratou Same na luve i Koraka. 2(1) E dau domoni vakaidina na nomuni vale, i Yahuwe ni lewevuqa (YHWH Tzva’ot). 3(2) Na noqu bula (soul) e guta, io e mateca na lomanibai i Yahuwe (YHWH); na vuniyaloqu kei na lewequ e na vakacaucau e na vuku ni Kalou bula (Living Mighty One). 4(3) Io, na separo e kunea e dua na vale, kei na ruve e dua na nona sova me nona o koya vakataki koya, na tikina me ra susugi kina na nodra lalai, e na yasa ni nomuni icabocabo ni isoro, i Yahuwe  ni lewevuqa (YHWH Tzva’ot) na noqu Tui ka noqu Kalou (Mighty One).  5(4) Era kalougata o ira era vakaitikotiko e nomuni vale; era na vakacaucautaki kemuni tiko me tawamudu. 6(5) E kalougata na tamata e vu mai vei kemuni na nona veivuke; ka ni tiko e vuniyalona na nomuni itovo. 7(6) Era a lako sivita na buca ni wainimata, ka cakava me dua na itikotiko; na Vunilawa e na ubia e na kalougata. 8(7) Era toso mai na kaukaua i na kaukaua; na Kalou (Mighty One) e na laurai mai Saiyoni.

9(8) ¶ I Yahuwe ni lewevuqa (YHWH Tzva’ot) na Kalou (Mighty One), ni rogoca mai na noqu masu, vakatudaliga mai kemuni na Kalou (Mighty One) nei Ya’akove. 10(9) Raica, kemuni na Kalou (Mighty One), o kemuni na neimami isasabai, moni raica na mata ni nomuni lumuti. 11(10) E dua na siga e na loma ni nomuni bai, e daumaka vakaoti cake mai na duanaudolu (e na vanua tu tani); e vinaka cake vei au meu duri tu ga e na mata ni nona vale na noqu Kalou (Mighty One), meu kakua ga ni vakaitikotiko e na valelaca ni ivalavala ca. 12(11) Baleta o Yahuwe (YHWH) na Kalou (Mighty One); e noda ivurevure ka noda dauniveivuke; o Yahuwe (YHWH) e na solia mai na loloma kei na vakarokoroko: e sega ni dua na ka vinaka e na bureitaka vei ira era lako tiko e na yalododonu. 13(12) I Yahuwe ni lewevuqa (YHWH Tzva’ot) e kalougata na tamata e vakabauti kemuni.

Same (Tehellim) 84:1(0)-13(12)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 105 o/o 1565	April 15, 2012
Reading	Hebrew Date
Sh’mu’yl Alef (1 Samuela) 17-18	Nisan 23, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.