Na Veisau E Gadrevi (Changes We Need)

Thought: For Yahweh, Change For The Better To Deserve Life.

....................... 

Serving For Yom Khah Mee-Shee, Sivan 28, 5771

IA ni sa oti na veika kece oqo, o ira kece na kai Isira'yili era a tiko, era qai lako i na veikoro e Ya'huda, era qai lai vorolaka vakamatailalai na veimatakau, era taya sobu na ivakatakarakara ni leopade, ka basuraka na veitikina cecere kei na icabocabo ni soro, e kune mai Ya'huda kei Biniyamini ka vaka kina mai Ifira'yimi kei Ma'nashe, me yacova ni ra sa vakarusai ira kece vakadua. Oti era sa qai lesu na Isira'yili; na tamata yadua i na nona dui iwasewase; era qai dui curu e na sautu i na nodra dui korolevu. 2 Oti sa qai lesia o Hisikiyahu na nodra dui gauna ni cakacaka na kohanimi kei na Li'vi'imi, e na nodra dui iwasewase, na tamata yadua i na nona itavi, o ira na kohanimi kei ira na  Li'vi'imi me ra vakacabo isorokama kei na isoro ni sautu; me ra qarava na cabori ni vakavinavinaka kei na vakamuduo e na matamata ni vale i Yahuwe (YHWH). 3 Na tui a qai solia mai na nona iyau, na bulumakau me cabori vakaisorokama e na veimataka kei na veiyakavi, na isorokama ni veisiga ni vakacecegu kei na vula vou, vata kei na veisolevu lokuci, me vaka era volai tu e na lawa i Yahuwe (YHWH). 4 Oti qai vakaroti ira talega na tamata era tiko mai Yerushalayimi me ra cau e na kedra ivotavota na kohanimi kei na Li'vi'imi, me rawa ni ra cuqena na lawa i Yahuwe (YHWH).

2 Veigauna (Diverei HaYamim) 31:1-4

E na ikawalu ni vula, e na imatai ni siga ni ikarua ni yabaki nei Darayavesi a yaco kina na vosa i Yahuwe (YHWH) vei Sakaraya na luve i Berakaya tagane, na luvei Ido na parofita, ni kaya, 2 O Yahuwe (YHWH) sa cudruvi ira sara ga vakalevu na tamamuni. 3 Oqori mo kaya kina vei ira, Oqo na  ka e kaya o Jiova ni lewevuqa (Yahweh Tzva’ot): Lesu maivei Au, e kaya o Jiova ni lewevuqa (Yahweh Tzva'ot) Au na qai lesu yani vei kemuni, e kaya o Jiova ni lewevuqa (Yahweh Tzva'ot).  4 Kakua ni vakataki ira na tamamuni; era a vunauci mai vei ira na parofita mai liu ni ra kaya, ‘Qo na ka e kaya o Jiova ni lewevuqa (Yahweh Tzva'ot): E na gauna oqo, saumaki mai na nomuni itovo ca kei na nomuni ivalavala ca; ia era qai  sega ni rogoca, se vakatudaliga vei au e kaya o Yahuwe (YHWH).

Sakaraia (Z’kharyah) 1:1-4

Read The Scriptures (Tanakh) in a Year
Siga (Day)/Blog	Tikinisiga (Date)
181/Blog No. 1321	June 30, 2011.
Reading	Hebrew Date
Iyov 19-20	Sivan 28, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kune Tale Na Lakosivia. (Pesach Re-Discovered)

Thought: Do Not Sin For Sin Leads To Cessation of Life

..................... 

Serving For Yom Revee-ee, Sivan 27, 5771

Era a tiko tale o ira na lewe ni isoqosoqo taucoko me ra marautaka me vitu tale na siga; era a qai solevutaka na siga vitu tarava e na reki; 24 Baleta o Hisikiyahu na tui Ya'huda a solia vei ira na lewe ni isoqosoqo e vitu  na udolu na bulumakau digitaki, lelevu ka lalai, ka solia talega vei ira na lewe ni isoqosoqo e Isira'yili e dua na udolu na bulumakau tagane digitaki kei na tini na udolu na sipi; e le levu vei ira na kohanimi era a qai vakasavasavataki ira vakataki ira. 25 O ira kece na lewe ni isoqosoqo e Ya'huda, vata kei ira na kohanimi kei na Li'vi'imi, vata kei na lewe ni isoqosoqo taucoko era a lako mai  Isira'yili, vata kei ira na tavuki era a lako mai na vanua o Isira'yili, kei ira era tiko mai Ya'huda, era a mamarau. 26 A ka levu na reki e Yerushalayimi: baleta mai na gauna sara i Sholomo, na luve i Davide na tui Isira'yili, a sa sega tu ni yaco e dua na ka vakaoqo e Yerushalayimi.  27 Era qai tucake o ira na kohanimi kei ira na Li'vi'imi, era qai vosa vakalougatataki ira na tamata e Isira'yili; a qai rogoca na domodra o Yahuwe (YHWH), na nodra masu a qai basika cake i na nona itikotiko tabu mai lomalagi.

 2 Veigauna (Divrei HaYamim Bet) 30:23-27

 

Ia ke saumaki na tamata vakadrecike mai na nona ivalavala ca kecekece e dau vakayacora, qai bula muria na noqu ivakaro, qai cakava na veika e vakadonui vakalawa ka dodonu, o koya e na bula dina ga, o koya e na sega ni mate.  22 Na nona ivalavala ca taucoko e a dau vakayacora, era na sega tale ni nanumi e na vukuna; na nona yalododonu ga sa vakayacora tiko, e na bula kina. 23 Au sega ni taleitaka na nona mate e dua e dau valavala ca, e kaya o Yahuwe na Sau (Sovereign YHWH); e vinakata ga me saumaki mai na nona ca, me bula. 24  Ia na tamata dodonu kevaka e saumaki laivi mai na nona yalododonu qai vakayacora na ivalavala ca kei na itovo vakasisila me vaka era dau cakava na tamata ivalavala ca, na ivalavala dodonu kece sa bau cakava sa na sega ni nanumi me baleti koya, ia e na itovo vakadrecike ga sa cakava tiko vata kei na ivalavala ca sa vakayacora tiko, qori e na vu ni nona mate.

Isikeli (Yechezkiyahu) 18:21-24

Read The Scriptures (Tanakh) in a Year
Siga (Day)/Blog	Tikinisiga (Date)
180/Blog No. 1320	June 29, 2011.
Reading	Hebrew Date
Iyov 16-18	Sivan 27, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veiliutaki Nei Hisikiyahu. (Hizkiyahu’s Leadership)

Thought: Always live by Yahweh’s Commandments

.................... 

Serving For Yom Shlee-shee, Sivan 26, 5771

Ia e na ikatolu ni yabaki nei Hoshea na luve i Ela na tui Isira'yili, o Hisikiyahu na luve i Aka'asa na tui Ya'huda a se qai tekivu me veiliutaki vakatui. 2 E a yabaki ruasagavulukalima tiko o koya e na gauna a tekivu veiliutaki kina vakatui; a qai tui tiko mai Yerushalayimi  me ruasagavulukaciwa na yabaki. Na yaca i tinana o 'Avi, na luve i Sakara'ya. 3 E a dau vakayacora o koya na ka e  dodonu e na mata i Yahuwe (YHWH), me vaka a dau cakava o Davide na tamana.

2 Tui (M’lakhim Bet) 18:1-3

E a dau vakanuinui vakatabakidua o koya vei Yahuwe (YHWH) na nodra Kalou (Mighty One) na Isira'yili, ka sega tale ni dua me tautauvata kei koya e na kedra maliwa na tui Ya'huda e muri, se dua vei ira era e a liu mai vua.  6 E a kabi kaukaua tiko o koya vei Yahuwe (YHWH); ka sega ni bau vuki tani mai na nona bula muri i koya, e na nona dau bula muria na nona ivakaro taucoko me vaka a vakarota o Yahuwe (YHWH) vei Moshe.

2 Tui (M’lakhim Bet) 18:5-6

 

Me dau rogoci iko mada ga o Yahuwe (YHWH) e na siga ni rarawa; Na yaca ni Kalou (Mighty One) i Ya’akove me taqomaki iko, 2 Me vakauta mai vei iko mai na nona vale tabu, me vakaukauataki iko mai na loma i Saiyoni. 3 Laivi Yahuwe (YHWH) me nanuma na nomuni isoro, ka vakadonuya na nomuni imadrali kama. 4 Me vakadonuya mada ga vei kemuni o Yahuwe (YHWH) na gagadre ni vuniyalomuni ka vakayacora na nomuni ivakasala kece.Me vakadonuya mada ga vei kemuni o Yahuwe (YHWH) na gagadre ni vuniyalomuni ka vakayacora na nomuni ivakasala kece. 5 Keimami na vakalagilagitaki e na nomuni veivueti, e na yaca ni neimami Kalou (Mighty One) keimami na vakacerecerei; Me vakayacora mada ga na nomuni vakatakekere taucoko, o Yahuwe (YHWH).

Same (Tehellim) 20:1-5

 

Read The Scriptures (Tanakh) in a Year
Siga (Day)/Blog	Tikinisiga (Date)
179/Blog No. 1319	June 28, 2011.
Reading	Hebrew Date
Iyov 13-15	Sivan 26, 5771
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakayagataki Ashuru o Yahuwe (Ashur Used By Yahweh)

Thought: Yahweh May Use Anyone To Discipline Those He Loves.

............................... 

Serving For Yom Shaynee, Sivan 25, 5771

Oti qai kaya tale vei au o Yahuwe (YHWH), Taura e dua na vivivi pepa levu qai vola kina vakamatata me vakatotolotaki na veivesu ka me volai tu na ilevu ni itoki vakaivalu;  2 Au qai kauti ira vata mai na ivakadinadina yalodina me ra mai taura na iwiliwili, o Uraiya na kohena kei Sa'karaya na luve i Ye'verekaya. 3 Oti au qai lako vua na parofita yalewa; a qai kunekune o koya ka vakasucuma e dua na  luvenatagane. Sa qai kaya vei au o Yahuwe (YHWH), Vakatoka me yacana o Mesaribi-shabeyotakibi-basi; vakatotolotaka nodra kau laivi na kaivesu, ka vakatotolotaka na kau laivi ni itoki ni ivalu. 4 Ni sebera ni kila na tagi na gone, o tamaqu kei tinaqu, na iyau mai Dameseka  kei na itoki ni ivalu mai Shomorono  era sa na kau laivi e na mata ni tui Ashuru.

Aisea (Yesha’yahu) 8:1-4

Toso mai, laiva meda mai lagasere vei Yahuwe (YHWH); laiva meda mai vakarogoya na domo ni reki vua na Kalou (Mighty One) ni noda ivakabulai. 2 Toso mai meda mai rairai e matana e na vakavinavinaka, ka vakarogoya na rorogo ni reki vua e na same. 3 Baleta o Yahuwe (YHWH) e Kalou (Mighty One) vakaitamera, ka tui vakaitamera vei ira na veikalou kecega. 4 E ligana era toka kina na yavu kei vuravura; na kaukaua ni veidelana era nona; 5 Na wasawasa e nona, o koya e a bulia: na ligana a bulia na vanua mamaca. 6 Toso mai, laiva meda mai sokalou ka cuva sobu; laiva meda mai tekiduru e na mata i Yahuwe (YHWH) o koya e a buli i keda.

7 ¶ Baleta o koya na noda Kalou (Mighty One), o keda eda tamata ni nona bai ni vakanamanumanu, ka sipi e qeteqete ni ligana. Nikua kevaka oni via rogoca na domona, 8 Kakua ni vakaukauataka na vuniyalomuni, me vaka na gauna ni veivakacudrui kei na siga ni veitemaki  mai na veikaloa, 9 Ni ra vakatovolei au o ira na tamamuni, era qai vakadinadinataki au, ni ra raica na noqu cakacaka. 10 E vasagavulu na yabaki na noqu rarawataka tiko na itabatamata oya, au qai kaya, Qo e dua na matatamata era dau cala e vuniyalodra; era sega tiko ga ni kila na noqu ivalavala,11 Baleti ira au bubuluitaka kina e na noqu leva ni ra na sega vakadua ni curu i na noqu vakacegu.

Same (Tehellim) 95:1-11

 

Read The Scriptures (Tanakh) in a Year
Siga (Day)/Blog	Tikinisiga (Date)
178/Blog No. 1318	June 27, 2011.
Reading	Hebrew Date
Iyov 10-12	Sivan 24, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Yahuwe ni Lewevuqa (YHWH Tzva’ot)

Thoughts: Trusting Yahweh Constitutes Wisdom

.................. 

Serving For Yom Reeshone, Sivan 24, 5771

O ira na tamata era a dau lako tu e na butobuto era sa raica na rarama levu; o ira era vakaitikotiko e na vanua ni yalayala ni mate, vei ira sa cila na rarama. 3 Oni sa vakalewelevutaki ira na tamata, ka vakaikuritaka na nodra marau; era sa mamarau e matamuni me vakataki ira era marautaka na tatamusuki ka vakataki ira talega na tagane ni ra wasea tiko na itoki ni ivalu. 4 Baleta oni sa musuka laivi na ivua ni nodra icolacola, na ivua  e na usouso ni  domodra kei nona ititoko o koya e dau vakasaurarataki ira, me vaka e na veisiga mai Midiyani. 5 Na domo kece e rogo e na kauta mai na domobula kei na isulu era na qiluci e na dra; ia qo e na vakayagataki kece e na vakamakama me i utu ni bukawaqa. 6 Baleta vei keda sa sucu e dua na gone, vei keda e dua na gonetagane e na soli mai; na matanitu e na vakacolati e tabana; e na vakatokai me yacana o Pele-Yo’etz Yl Gibbor Avi-’Ad Sar-Shalom (E veivakurabuitaki e na veituberi, na Kalou (Mighty One) cecere duabau, na Tama ni Tawamudu ka Tui ni Sautu).

Aisea (Yesha’yahu) 9:2-6

E kalougata na tamata oni vunauca i Yahuwe (YHWH), oni qai vakatavulica mai na ivakaro (Torah); 13 Moni qai solia vua na vakacegu mai na veisiga ni rarawa, me yacova ni sa keli na qara e na vukudra o ira era ivalavala vakasisila. 14 Baleta o Yahuwe (YHWH) e na sega ni talaci ira laivi na nona tamata, ka na sega talega ni vakanadakui ira na nona ivotavota. 15 Baleta na lewa dodonu e na vuki vei ira na yalododonu; o ira kece na yalododonu era na vakamuria. 16 O cei e na tucake mai me totaki au niu vorati ira era ivalavala kaukaua? O cei e na tu cake me vorati ira era cakacakataka tiko na veivakacalai?  17 Ke a sega ni dau vukei au tiko mai o Yahuwe (YHWH), na noqu bula (soul) ke sa tacori tu e na leqaleqa. 18 Niu kaya, Na yavaqu a tidara; na nomuni yalololoma i Yahuwe (YHWH) a tabei au cake. 19 E na vakaitamera ni noqu rarawa, e loma ni vuniyaloqu, na nomuni veivakacegui e marautaka na noqu bula (soul). 20 O ira na dauvakavulewa ca era na sega ni veitokani kei kemuni, baleta era sa navuca na inaki ca me me ra saqata na nomuni lawa 21 Era vakotora na dai me tacori kina na nodra bula na yalododonu ka vakacalai ira na dra tawacala. 22 Ia o Yahuwe (YHWH) e noqu isasabai; na noqu Kalou (Mighty One) e noqu uluvatu ni veitaqomaki. 

Same (Tehellim) 94:12-22

 

Read The Scriptures (Tanakh) in a Year
Siga (Day)/Blog	Tikinisiga (Date)
177/Blog No. 1317	June 26, 2011.
Reading	Hebrew Date
Iyov 4-6	Sivan 23, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTukutuku Nei Maika. (Mikhah’s Message)

Thought: Follow Yahweh’s Original Leadership Style

.................... 

Serving For Shabbat, Sivan 23, 5771

Me kakua ni drodro na wainimata, moni kakua ni tagicaka na veika oqo.  7 Me kakua ni rawai kemuni na ka vakamadua a cavuti me baleta na vale nei Ya’akove; baleta na yalo i Yahuwe (YHWH) sa cudruvaka na veika oqo; raica na noqu vosa e vinaka ga vei ira era lako tiko vakayalododonu. 8 O ira na noqu tamata era tu cake me ra vaka na daubutako, me ra saqata tale tiko na nodra sautu ga o ira vakataki ira; oni  drudruga laivi na kuli mai vei ira na dravudravua, moni kauta laivi na nodra inuinui; oni qai sureta mai na veivaluvaluti. 9 O ira na nodra yalewa na noqu tamata oni sa cemuri i ira laivi mai na nodra dui veivale totoka; mai vei ira na luvedra, oni sa kauta laivi na lagilagi me tawa mudu. 10 Mata cake, lako laivi;  baleta qo e sega ni vanua ni nomuni vakacegu; baleta na dukadukali e na kauta mai na rusa; na rusa e na mosimosi vakaoti. 11 Ni dua na tamata e veilakoyaki voli e na yalo lasulasu kei na veivakacalai, luvuci e na waini kei na mateni; o koya  e cakava oqori, baleta ga na vutugu ni kawatamata oqo.

12 ¶ Au na vakasoqoni kemuni vata dina, i Ya'akove, o kemuni kece; Au na kauti kemuni vata dina mai, o kemuni na vo vo ni kawa Isira'yili:  Au na maroroi ira me vaka na sipi era tu leqaleqa tu, me vaka na qelenisipi e na loma ni nodra bai e sa taqomaki vinaka tu mai vei ira na daubutako.

Maika (Mikhah) 2:8-12

O YAHUWE(YHWH) e liutaka na nodra  isoqosoqo na kaukaua; e tiko e na kedra maliwa na dau ni vakatulewa, e dau lewai ira. 2 E vakaevei na kena dede oni na vakatulewa vakatawadodonu tiko kina,moni tovaki ira tiko kina era dau valavala ca? 3 Taqomaki ira na dravudravua kei ira sa yali na tamadra; Vakayacora vakadodonu vei ira vakararawataki tu kei ira era gadreva na veivuke. 4 Vueti ira na vakaloloma kei ira na dravudravua mai ligadra na dau ni valavala ca. 5 Era sega ni kila, ka ra sega ni yalomatua; era lako tu e na butobuto; Na yavu kece kei vuravura era yavalati.

6 ¶ Au a kaya, O kemuni na kaulaua; o kemuni kece oni luve i Koya e cecere. 7 Ia veitalia ga, oni na mate vakataki ira na tamata, ka bale vaka e dua vei ira na ravouvou. 8 Tu mai kemuni na kaukaua, vakatulewa e vuravura; baleta oni na taukena vakaivotavota na veimatanitu kece sara.

Same (Tehellim) 82:1-8

Read The Scriptures (Tanakh) in a Year
Siga (Day)/Blog	Tikinisiga (Date)
176/Blog No. 1316	June 25, 2011.
Reading	Hebrew Date
Iyov 4-6	Sivan 23, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTukutuku Nei Aisea. (Yesha’yahu’s Message)

Thought: Keep Looking Out For Yahweh To Find Him

....................... 

Serving For Yom Ha Shee-shee, Sivan 22, 5771

E NA yabaki a mate kina o Tui Uziyahu  au a raici Yahuwe ni lewevuqa(YHWH Tzva’ot) ni dabe tiko e na dua na idabedabe vakatui, cecere ka laveti cake, ia na nona isuluyara a robota vakadua tu na valenisoro.  2 E cake vua, eratou duri tu mai kina  na se’rafimi; eratou tauyaono na tabadratou ni vuka; e rua e tabonaka  na matana, e rua e tabonaka na yavana, ka rua e dau vuka kina. 3 Era qai veikacivi tiko ni ra kaya, E savasava, e savasava, e savasava o Yahuwe ni lewevuqa (YHWH Tzavu’ot); o vuravura taucoko sa vakasinaiti tu e na kena iserau. 4 Na duru ni katuba a qai yavavala e na domo i koya e kaci tiko, qai vakasinaiti na loma ni vale e na kubou.

5 ¶ Au qai kaya, Au sa leqa, au sa madua, baleta niu tamata tebenigusu qeleqelewa, kau bula e na kedra maliwa na tamata tebenigusu qeleqelewa, baleta na mataqu sa raica na Tui, o Yahuwe ni lewe vuqa (Yahweh Tzva’ot). 6 Sa qai vuka mai vei au e dua vei ira na se’rafimi; e taura tiko mai e ligana na qilaiso ni koala waqawaqa, e a kauta mai e na iqamu mai na icabocabo ni soro. 7 Oti qai tara na gusuqu, qai kaya vei au, Raica qo sa tara na tebenigusumu; na nomu caka ca sa kau laivi, na nornu ivalavala ca sa vosoti. 8 Au qai rogoca na domo i Yahuwe (YHWH) ni kaya tiko, O cei beka meu  tala, we na makutu me lako e na vukuda?  Au qai kaya, O au qo; talal au.

Aisea (Yesha’yahu) 6:1-8

O koya oya, au na rai ga kina vei Yahuwe (YHWH); Au na waraki Yahuwe (YHWH) na noqu ivakabula; o Yahuwe (YHWH) e na rogoci au.

Maika (Mikhah) 7: 7

Read The Scriptures (Tanakh) in a Year
Siga (Day)/Blog	Tikinisiga (Date)
175/Blog No. 1315	June 24, 2011.
Reading	Hebrew Date
Iyov 1-3	Sivan 23, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Nodra iValavala Ca Na Tui Isira’yili. (The Sins of the Kings of Isra’yl)

King Yerov’am Turned Away; But You Turn Back To Yahweh.

...................... 

Serving For Yom Khah Mee-shee, Sivan 22, 5771

E na ikatolusagavulukawalu ni yabaki nei 'Asaraya na tui Ya'huda, o Sakara'ya na luvei Yerova'ama tagane e a veiliutaki kina vakatui vei ira na Isira'yili, mai Shomorono, ia me ono ga na vula; 9 E a dau cakava na veika vakasisila e na mata i Yahuwe (YHWH) o koya, me vaka ga a dau cakava o tamana; e a sega ni saumaki laivi mai na ivalavala ca nei Yerova'ama na luvei Ne'vati, o koya e a vakavuna na ivalavala ca nei Isira'yili. 10 O Shalumi na luvei Yavesha tagane a qai bukiveretaki koya, mokuti koya e matadra na tamata ka vakamatei koya; oti qai taura na itutu ni veiliutaki vakatui, me sosomitaki koya. 11 Na vo ni veika a cakava o Sakara'ya, raica, era sa volai tu e na iVola ni nodra veigauna na tui e Isira'yili. 12 Qori a vakayacori kina na vosa i Yahuwe (YHWH) e a tukuna vei Yehu, ni kaya, O ira na luvemu tagane era na dabeca na idabedabe vakatui e Isira'yili me yacova na ikava ni itabatamata. A qai yaco vakakina.

2 Tui (M’lakhim Bet) 15:8-12

Kaya vei ira, Me vaka niu bula, e kaya na Sau o Yahuwe (Sovereign YHWH), au sega vakadua ni taleitaka na nodra mate o ira na ca; o ira ga na ca me ra saumaki laivi mai na nodra ivalavala ca me ra bula; o koya oya e vinakati kina moni veivutuni ka vakanadakuya na nomuni ivalavala ca, oni na qai sega ni mate, kemuni na matavuvale i Isire’yili

Isikeli (Yechezk’yl) 33:11

Lako mai, mai rogoca, kemuni kece na dauniveqaravi i Yahuwe (YHWH); Au na tusanaka na veika a cakava i na noqu bula (soul). 17 Au tagi vua e na gusuqu, oti qai vosa mai vei au; au vakamuduo vakalevu vua e na yamequ.18 Kevaka meu vakamareqeta tiko na talaidredre e vuniyaloqu, ke a sega ni rogoci au o Yahuwe (YHWH), 19 Ia na kena dina ni a rogoci au na Kalou (Mighty One); ka galeleta na na domo ni noqu masumasu. 20 Me vakavinavinakataki na Kalou (Mighty One) o koya e sega ni vakanadakuya na masumasu se vukica tani na nona yaloloma mai vei au.

Same (Tehellim) 66:16-20

Read The Scriptures (Tanakh) in a Year
Siga (Day)/Blog	Tikinisiga (Date)
174/Blog No. 1314	June 23, 2011.
Reading		Hebrew Date
Esiteri (Esta) 7-8		Sivan 22, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTukutuku Nei Emosi (Amos’ Message)

Thought: Align Our Individual Living Standard to Yahweh
....................
Serving For Yom Revee-ee, Sivan 21, 5771

Na leqa levu e na yaco vei koya e  cati Saiyoni, ia qai vakararavi i na ulunivanua mai Shomorono, o ira era a digitaki mai vei ira na tamata kilai e na matanitu ni o ira era a vesuki ira na lewe ni vale nei Isira'yili!  2 Lako mada i Kaline, lai raica; mai keya qai lako i Hamata na kalevu: oti qai lako sobu i Qata na nodra koro na Pi'lisitimi. O ira beka era vinaka cake mai vei ira na veimatanitu oqo? E levu cake beka na nodra iyalayala ni vanua mai na nomuni vanua? 3 Oilei o kemuni oni waraka tiko na  siga ni leqa ca, oni qai vakavuna me kau voleka mai na siga ni vakacecegu ni ivalavala kaukaua; 4 O ira era na davoca na imocemoce tabua ka vakamarautaki ira ni ra vakadodo e na nodra idabedabe balavu, kania na manumanu uro mai na qele ni sipi kei na luve ni bulumakau mai loma ni bai;  5 O ira era na lagasere i na rorogo ni hapi ka nanuma ni ra dau ni qiriqiri e na  iyaya ni qiriqiri me vakataki Dawide,  6 O ira era gunuva na waini totoka vakaoti, ka lumuti koya vakataki koya  e na ilumu talei vakaoti, ia era qai sega ni rarawataka e lomadra na leqa lelevu nei Yosefa.

Emosi (‘Amos) 6:1-6

I YAHUWE (YHWH), oni dau vakadikevi au, oni sa kilai au. 2 Oni kila na noqu tiko sobu kei na noqu tu cake, Oni sa kila na yavu ni noqu vakasama mai cake. 3 Oni kila na noqu itovo kei na noqu gaunisala, oni kila vakaoti na noqu  ivalavala taucoko. 4 Baleta ke tiko na veivakacalai e yamequ, raica i Yahuwe (YHWH) oni kila tu vakaoti. 5 Mai na ivakatekivu i na ivakataotioti, oni kilai au, i Yahuwe (YHWH) baleta oni a buli i au ka vakotora na ligamuni vei au. 6 Na kilaka vakaoqori e rui talei vei au; e rui cecere; au na sega ni tadolova rawa.

7 ¶ Evei beka au rawa ni dro kina mai na yalomuni? Se evei beka au rawa ni dro kina meu vuni mai matamuni? 8 Keu cabe cake i lomalagi, o kemuni oni tiko mai keya: Keu siro sobu i Sheola, raica, o kemuni oni tiko talega mai keya. 9 Kevaka meu laveta na tabaqu me vakataki ira na ikeli, meu lai vakaitikotiko e na mua yawa duadua ni wasawasa; 10 E keya mada ga na ligamuni e na lai tuberi au, kei na ligamuni imatau e na vakadeitaki au. 11 Kevaka meu kaya, E dina ni butobuto e na rarama tiko vei au; na bogi mada ga e na rarama tiko e mataqu.

Same (Tehellim) 139:1-11

 

Read The Scriptures (Tanakh) in a Year
Siga (Day)/Blog	Tikinisiga (Date)
173/Blog No. 1313	June 22, 2011.
Reading		Hebrew Date
Esiteri (Esta) 4-6		Sivan 21, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.