Na Vuravura Vou Kei Na Lomalagi Vou (New Earth And New Heaven)

Thought: There Is A Hope Out There, What Is Our Stake In It?

...........................................

Serving for the 31^st December, 2009

Oti sa qai vakaraitaka vei au o koya e dua na uciwai savasava vakaoti ni wai bula, makare vaka na kirisitali, ni tacoka tiko mai na idabedabe vakatui ni Kalou (Elohim) kei na Lami, 02 E na loma ni kena veigaunisala kei na yasa ruarua ni uciwai, e bula tu kina na vunikau ni bula, e vuataka tiko e tinikarua na veimataqali vuana, ia e na veivula kece e na dau vuataka e dua na mataqali vuana; na drau ni vunikau era ka ni veivakabulai vei ira na tamata. 03 Na ka kece e madra sa na oti vakadua, na idabedabe vakatui ni Kalou (Elohim) kei na Lami, sa na tiko kina; o ira na Nona italai era na qaravi Koya. 04 Era na raica kece na matana; na Yacana e na toka e yadredra. 05 Sa na sega na bogi mai keya; sa na sega ni vinakati na icina se na rarama ni matanisiga, baleta na Turaga na Kalou (Yahweh Elohim) e na rama tiko vei ira, era sa na veiliutaki me tawa­mudu ka sega ni mudu.

06 ¶ E qai tukuna mai vei au o koya, Na vosa kece oqo era donu ka dina; ia na Turaga na Kalou (Yahweh Elohim) o koya na yalo ni parofita e a talai ira mai na agilosi, me mai vakaraitaka vei ira na Nona italai na veika e dodonu me na yaco e na dua na gauna voleka mai oqo. 07 Raica, au na lako yani vakatotolo; e kalougata o koya e galeleta na vosa ni parofisai e na ivola oqo.

Vakatakila 22: 1-7

Raica, Au sa lako yani, ka sa tiko vei Au na Noqu icovi, meu lai veisoliyaka vei ira kece, ia me veiraurau kei na nodra dui cakacaka. 13 O au na Alefa kei na Tau, na ivakatekivu kei na ivakataotioti, na imatai kei na imurimuri. 14 Me ra kalougata o ira era vakayacora tiko na Nona ivakaro, me rawa ni ra taura na nodra dodonu i na vunikau ni bula, ka me ra curu talega e na veimatamata ni korolevu. 15 Baleta e tuba, era na vo tu kina na koli, na dauvakatevoro, na dauveidauci, na daulaba, na daulotutaki matakau kei koya e taleitaka me dau lasulasu.

16 ¶ O Au, o Jisu (Yahshua), Au a talai ira yani na Noqu agilosi me ra lai vakadinadinataka na veika oqo vei kemuni na lewe ni isoqo­soqo. O Au na waka kei na kawa i Tevita, na rarama cecekia ni kalokalo volasiga. 17 Na Yalo kei na yalewavou rau qai kaya, Lako mai. Laivi koya e rogoca me kaya, Lako mai! Ka laivi koya e karamaca me lako mai. O koya ga e gadreva, laivi koya me mai taura wale na wai ni bula.

Vakatakila 22:12-17

…. Emeni! Na kalougata kei na lagilagi kei na vuku, na vakavinavinaka kei na vakaroko­roko kei na kaukaua, kei na qaqa me soli Vua na noda Kalou (Elohim) me tawamudu ka sega ni mudu. Emeni.

Vakatakila 7:12

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
365	December 31	Malakai	Revelation 22

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakadrukai E Na Drano Bukawaqa O Setani (Satan Defeated In The Lake Of Fire).

Thought: The World Will Be Deceived By A Loser, Keep Yourself Away From Deceipt

...........................................

Serving For The 30^th December, 2009

Ni sa cava na duanaudolu na yabaki, o Setani e na qai sere mai na vanua e vesu tiko kina, 08 qai lako me lai vakacalai ira na veimatanitu e na tutu ni vuravura va va, bau kina o Qoqo kei Meiqoqo; me soqoni ira vata i na ivalu; na kedra iwiliwili e vaka na mataninuku mai waitui. 09 Era tayabe kosova na bucabuca kei vuravura, era qai lai tuva vakavolivolita na nodra keba na digitaki kei na korolevu daulomani; ia qai lidiki ira na yameyame ni bukawaqa mai Vua na Kalou (Elohim), mai lomalagi ka tilomi ira. 10 Na tevoro, o koya e a vakacalai ira, a qai vakalutumi i loma ni drano bukawaqa kei na salafa, na vanua rau tiko kina na manumanu kila kei na parofita vakailasu. Eratou na qai vakararawataki kina, e na siga kei na bogi, me tawamudu ka sega ni mudu.

11 ¶ Au qai raica na idabedabe vakatui vulavula vakaitamera, vata kei Koya e dabe toka kina; mai na kena iserau ga, rau a dro kina na vuravura kei na lomalagi; qai sega ni kune tale e dua na tikina me nodrau. 12 Au qai raici ira na mate, lelevu kei na lalai, ni ra duri tu e na mata ni idabedabe vakatui; na ivola kece era a dola tu; oti qai dola e dua tale na ivola, oya na ivola ni bula; o ira na mate era qai veilewaitaki e na veika e volai tu e na ivola me veiraurau kei na nodra cakacaka. 13 Na wasawasa a qai sereki ira mai era mate tu kina; o mate kei na ibulubulu a sereki ira mai era mate tu kina; era qai veilewaitaki yadudua me veiraurau kei na nodra dui cakacaka. 14 Ia o mate kei na ibulubulu rau a qai vakalutumi i na drano buka­waqa. Oqo na ikarua ni mate; na drano bukawaqa. 15 O koya ga e sega ni kune ni volai tu e na ivola ni bula, era na vakalutumi i na drano bukawaqa.

Vakatakila 20:7-15;

O koya e valavala ca, e duavata mai kei na tevoro baleta na tevoro a valavala ca mai na ivakatekivu. Na vuna oqori e lako mai kina na Luve ni Kalou (Elohim), me rawa ni mai vakarusa na cakacaka ni tevoro. 09 O koya e vakatuburi mai Vua na Kalou (Elohim) e na sega ni valavala ca, baleta na icegu ni Kalou (Elohim) sa tiko e lomana ka na sega kina ni valavala ca rawa o koya, baleta ni a vakatuburi mai vua na Kalou (Elohim).

1 Joni 3:8-9

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
364	December 30	Zachariah 13-14	Revelation 21

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iKavitu Ni Davui. (The Seventh Trumpet)

Thought: It Is Through The Breath (Spirit) Of Yahweh That We Are Saved Though The Messiah

......................................................

Serving For The 29^th December, 2009

Sa qai uvu me rogo na ikavitu ni agilosi; oti qai rogo e levu na domo mai lomalagi ni ra kaya tiko, Na veimatanitu kei vuravura era sa vuki me ra Nona matanitu na noda Turaga (Sovereign), kei na Nona Mesaia, o Koya e na veiliutaki tiko me tawamudu ka tawamudu. 16 Ia o ratou na qase le ruasaga­vulukava eratou dabe toka e mata ni Kalou (Elohim), e na nodra dui idabedabe vakatui, era qai lutu sobu e matadra me ra vakaroko­rokotaka na Kalou (Elohim). 17 eratou qai kaya, Keimami solia vei Kemuni na vakavinavinaka Kemuni na Turaga (Yahweh) na Kalou Qaqa (El Shaddai), O Koya e bula tiko, e a bula mai liu, ia e na bula tikoga, baleta Oni sa taura tale na Nomuni kaukaua, moni veiliutaki. 18 Na veimatanitu era sa cudru, ia na Nomuni leva sa qai yaco mai ka sa kena gauna vei ira era sa mate, me ra mai veilewai, ia o Kemuni Moni vakaicovitaki ira na Nomuni dauniveiqaravi o ira na parofita kei ira na nomuni digitaki, kei ira era rerevaka na Yacamuni, lailai se levu; moni sa vakarusai ira era vakacacana tiko na vuravura.

19 ¶ Na valenisoro ni Kalou (Elohim) mai lomalagi sa qai dola, qai laurai e loma ni Nona valenisoro na Turaga (Sovereign) na kato ni Nona veiyalayalati; e a lidi tiko na yaseyase, lutu tiko na kurukuru, kei na domo kei na uneune vata kei na uca qereqere vakavakaitamera.

Vakatakila 11:15-19

Na lawa a gogo baleta na malumalumu e na leweniyago, a mani tala mai kina na luvenatagane, na Kalou (Elohim), e na waqawaqa ni leweniyago dau valavala ca e na vukuni valavala ca, me mai vakarusa na ivala­vala ca e na yagona, 04 me qai rawata kina vei keda na vatuka ni veika dodonu e gadrevi me rawa mai na lawa; baleta eda sa sega ni muria na veika vakayago, ia eda sa muria na Yalo.

Roma 8:3-4

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
364	December 29	Zachariah 10-12	Revelation 20

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Caqera O Beibiloni. (Babylon Falls)

Thought: Jerusalem Vs Babylon, Obviously Babylon Will Eventually Fall

...............................................

Serving for the 28^th December, 2009

Era baci kaila tale e na ikarua ni gauna Aleluya! Na nona kubou a qai kuvuraki cake me tawamudu ka sega ni mudu. 04 O iratou na qase le ruasagavulukava kei iratou na ibulibuli bula le va, eratou qai lutu sobu, me ratou vaka­rokoroko Vua na Kalou (Elohim) e dabe toka e na idabedabe vakatui ni ratou kaya, Emeni! Aleluya! 05 Sa qai rogo mai na idabedabe vakatui e dua na domo ni kaya, Vakavina­vinaka Vua na noda Kalou (Elohim), o kemuni kece na Nona italai, kei kemuni oni dau sokalou Vua, ruarua lalai se lelevu! 06 Au qai rogoca e dua na domo, e vaka na voqa ni domodra e dua na ibinibini tamata levu, kei na domo ni wai drodro e vuqa kei na rorogo ni dua na kurukuru vakai­tamera, ni ra kaya, Aleluya! Na Turaga (Yahweh) na Kalou Kaukaua (El Shaddai), sa veiliutaki! 07 Laiva meda reki, meda marau, meda vakarokorokotaki Koya; na Nona vakamau na Lami sa yaco mai, baleta na Nona yalewavou sa vakarau oti. 08 A qai soli vua, me dara na isulu lineni matailalai, e savasava ka vulavula; baleta na isulu lineni matailalai oqori na nodra itovo yalododonu na digitaki. 09 Sa qai kaya mai vei au, Vola: Era kalougata o ira era sureti i na kanavata ni Nona vakamau na Lami. Qai kuria mai vei au, Na noqu vosa oqo, era vosa dina ni Kalou (Elohim).10 Au qai lutu sobu i yavana meu sokalou vua. Ia qai kaya vei au o koya, “Kakua ni cakava qori! O au, au nomu icaba e na veiqaravi, kau tacimu talega baleta ni da taura vata tiko na veiyalayalati i Jisu (Yahshua); sokalou ga Vua na Kalou (Elohim), baleta na ivakadinadina nei Jisu (Yahshua), na yalo ni parofisai.

Vakatakila 19: 3-10

22 Ia oni sa lako volekata na ulunivanua o Saioni kei na korolevu ni Kalou (Elohim) bula, o Jerusalemi vakalomalagi, vata kei na dua na iwliwili levu ni dua na wasewase ni agilosi.

Iperiu 12: 22-23

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
363	December 28	Zachariah 7-9	Revelation 19

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Meca I Jiova. (Yahweh’s Enemies)

Thought: The Truth Will Indeed Triumph, Meanwhile Do Not Be Deceived

..............................................

Serving For The 27^th December, 2009

Oti au qai raica e dua tale na ivakatakilakila e lomalagi; vakaitamera ka vaka­domobula; e vitu na agilosi e ratou kauta tiko mai e vitu na vunileqa lelevu, baleta ekeri na leva ni Kalou (Elohim) sa na tini kina. 02 Au qai raica, e dua na ka e vaka e dua na wasawasa iloilo sa veiwaki tu kei na yame ni bukawaqa; ia o ira era sa qaqa mai vua na manumanu kila, na kena ivakatakarakara vata kei na matanifika ni yacana, era a duri tu e na wasawasa iloilo oqo, era qai yadua kece tu na api ni Kalou (Elohim). 03 Era qai lagata tiko na sere nei Mosese, na italai ni Kalou (Elohim), ka Nona sere talega na Lami, ni ra kaya: E Cecere, ka totoka na Nomuni cakacaka, kemuni na Turaga (Yahweh), na Kalou Qaqa (El Shaddai)! E dodonu ka dina na Nomuni ivakarau, o Kemuni na nodra Tui na digitaki! 04 O cei e na sega ni rerevaki Kemuni,i Turaga (Yahweh) me vakarokorokotaka na Yaca­muni? O Kemuni duadua ga oni savasava. Na veimatanitu era na lako mai era qai mai sokalou e matamuni; baleta na Nomuni lewa dodonu era sa qai votu vakamatata.

Vakatakila 15:1-4

Sa na qai yaco na ivakataotioti, e na gauna e mai solia lesu kina o koya na matanitu Vua na Kalou (Elohim) na Tamada; na gauna oqori sa na buturaka sobu kina na veiliutaki kece kei na lewa kece vata kei na kaukaua. 25 Baleta o koya e na mai veiliutaki tiko, me yacova ni sa biuti ira na meca kece e ruku ni yavana.

1 Korinica 15:24-25

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
362	December 27	Zachariah 4-6	Revelation 18

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Sokalou (The Worship).

Thought: To Worship In Truth Is The Opposite Of Worshiping With False Principles

........................................

Serving For The 26^th December, 2006

Era qai lagata na sere ni vakamuduo, ni ra kaya: E kilikili vei Kemuni Moni taura na ivola vivigi, Moni cecega laivi na kena idregati baleta Oni a vakamatei, Oni qai vakaduavatataki keimami Vua na Kalou (Elohim) e na Nomuni dra, mai na veiwekani kecekece, na duivosavosa, na kawatamata vata kei na veiveivanua 10 Oni qai lesi i kei­mami, me keimami tui ka bete Vua na Kalou (Elohim) me ra vakavulewa e vuravura. 11 Au qai raica, ka rogoca na domodra na ibinibini agilosi era duri wavokita tu na idabe­dabe vakatui, na ibulibuli bula, kei ira na qase; na kedra iwiliwili e tininaudolu vakatinina­udolu ka udolu vakaudolu, 12 ni ra kaya tiko e na domolevu: Sa kilikili ga na Lami o Koya e a vakamatei, me ciqoma na kaukaua, na iyau vakaitamera kei na vuku, vata kei na qaqa kei na veivakarokorokotaki vata kei na lagilagi kei na veivakalougatataki! 13 Ia o ira kece na ibulibuli era tu mai lomalagi, ka vaka kina e vuravura, e ruku ni vuravura, kei ira era tu mai wasawasa, kei ira kece era tiko e loma, au rogoca ni ra kaya: Na veivakalougatataki, na vakarokoroko, na lagilagi, kei na kau­kaua, me soli vei Koya e dabe toka e na idabedabe vakatui, vata kei na Lami, me tawamudu ka sega ni mudu. 14 Eratou qai kaya na ibulibuli bula le va, Emeni! Ia o ratou na qase le ruasagavulukava eratou qai lutu sobu me ratou vakarokorokotaki Koya e bula tawamudu ka sega ni mudu.

Vakatakila 5: 9-14

Ia na gauna e na yaco mai, ka sa tu sara ga qo, era na sokalou kina vua na Tamada o ira era dau sokalou dina, ni ra na sokalou vakayalo ka vakaidina; baleta o Tamada e gadrevi ira ga era dau sokalou vaka oqo. 24 Na Kalou (Elohim) e Yalo; o ira era sokalou vua e dodonu me ra sokalou Vua e na yalo kei na dina.

Joni 4: 24

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
361	December 26	Zachariah 1-3	Revelation 17

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iTukutuku Vei Ira Na iSoqosoqo. (Messages To The Congregations)

Thought: In World Full of Corruption, Love Is The Keyword To Our Generation.

...............................................

Serving For The 25^th December, 2009

Vua na agilosi ni isoqosoqo mai Efeso, vola, ‘Na veika oqo e kaya o Koya e Qaqa vakaoti, ka taura tiko na kalokalo e vitu e na Ligana imatau, qai veilakoyaki voli e na maliwa ni itutu ni kadrala e vitu; 02 Au kila na nomu itavi, kei na nomu cakacaka, na nomu dauvosota kei na nomu sega ni dau vosoti ira era itovo ca; o sa vakatovolei ira oti era kaya ni ra apositolo, ia era sega, o qai kunea ni ra daunilasulasu, 03 ia o dau gugumatua ka dau vosota o qai dau cuqena na caka­caka e na vuku ni Yacaqu, ka sega ni dau vakacauoca. 04 Ia e tiko na ka au na saqati iko kina baleta o sa biuta na imatai ni nomu dodomo. 05 Vakasamataka lesu na gauna o a sikalutu kina, mo veivutuni­, ka mo cakava na imatai ni cakacaka, deu na qai lako yani vakatotolo vei iko, meu lai kauta laivi na nomu itutu ni kadrala mai na vanua e duri tu kina, vakavo kevaka mo veivutuni. 06 Ia e dua na ka qo e vinaka vei iko, baleta o iko o cata na nodra cakacaka na Nikolaitani; ka ni o Au talega au cata. 07 O koya e vakadaligana, laivi koya me rogoca na ka e kaya na Yalo vei ira na isoqosoqo; o koya e tagutuva na veirawai, Au na solia vua me kana mai na vunikau ni bula, e tiko e loma ni Nona parataisi na noqu Kalou (Elohim).

Vakatakila 2:1-7

Tagane vakawati, lomani ira na wati­muni yalewa, me vaka ni lomana na isoqosoqo na Mesaia, qai soli i Koya kina e na vukuna; 26 me rawa kina ni vakatabuya ka vakasavasavataka e na wai kei na vosa, 27 me qai bulia cake e dua na isoqosoqo lagilagi, e sega kina na mataniduka, se salulu se dua na ka vaka oya, ka ni sa savasava vakaoti ka sega na kena dukadukali.

Efeso 5:26-27

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
360	December 25	Haggai	Revelation 16

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Loloma Kei Na Talatalaidredre (Love And Obedience).

Thought: Love (That Is Agape, Philadelphia and Eros)

......................................................

Serving For The 24^th December, 2009

O kemuni oni mai Vua na Kalou (Elohim), kemuni ragone lalai, ka ni oni sa rawai ira oti: baleta o Koya e tiko e na kemuni maliwa e cecere cake mai vei koya e tiko e vuravura. 05 O ira qori era vakavuravura; era dau vosa ga e na veika vakavuravura; na vuravura sa rogoci ira. 06 O keda eda mai Vua na Kalou (Elohim); o koya e kila na Kalou (Elohim) e rogoci keda: o koya e sega ni mai Vua na Kalou (Elohim), e sega ni rogoci keda. E na sala oqo eda na kila kina na yalo ni dina kei na yalo ni vevakacalai.

07 ¶ Kemuni na noqu daulomani, laiva meda dau veilomalomani o keda vakataki keda; na loloma e vure mai Vua na Kalou (Elohim); o ira yadua era dauloloma, era sucu mai Vua na Kalou (Elohim), ka kila na Kalou (Elohim). 08 O koya e sega ni dauloloma, e sega ni kila na Kalou (Elohim) baleta na Kalou (Elohim) ga na loloma. 09 E na ka oqo, e kune votu kina na loloma ni Kalou (Elohim) vei keda, oya ni a tala mai i vuravura na Luvena duabau a vakatubura na Kalou (Elohim) me rawa ni mai noda na bula e na Vukuna. 10 E kune eke na loloma, sega baleta ni da a lomana taumada na Kalou (Elohim), ia baleta ga ni a lomani keda na Kalou (Elohim), qai tala mai na luvenatagane, me mai isoro ni noda ivalavala ca. 11 Kemuni na daulomani, ke sa lomani keda vaka oqori na Kalou (Elohim), o keda talega e dodonu meda veilomani. 12 E se sega ni dua na tamata sa raica na Kalou (Yahweh) e na dua na gauna. Kevaka eda veilomani, na Kalou (Elohim) sa na mai tiko kei keda, ka na mai vakauasivitaki vakaoti vei keda na Nona loloma. 13 Oqo eda na kila kina ni da sa bula tiko kei Koya, ka vakakina o Koya vata kei keda, baleta sa solia vei keda o Koya na Yalona.

1 Joni 4:7-12.

Na Kalou (Yahweh) e na vakataimera ni Nona lomani vuravura, e a solia kina na Luvena duabau a vakatubura, me kakua ni rusa o ira yadua era vaka­bauti Koya ia me ra rawata ga na bula tawamudu. 17 Na Kalou (Yahweh) a sega ni talai Luvena mai i vuravura me mai vakarusa na vuravura, ia me mai vueta ga na vuravura e na vukuna.

Joni 3:16

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
359	December 24	Zaphaniah	Revelation 15

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Ikarua Ni Ivola Vei Timoci (The Second Book To Timothy).

Thought: Good To Learn This Lesson That Was Given To Timothy

.................................................

Serving For The 23^rd December, 2009

O iko talega, luvequ tagane, mo tudei tiko e na yalololoma e kune vei Jisu (Yahshua) na Mesaia. 02 Na veika o a dau rogoca vei au e na kedra maliwa e vuqa na ivakadindina, oqori mo vakamacalataka vei ira na turaga yalodina era rawa ni vakatavulici ira talega na tani. 03 O koya oqo, mo vosota kina na veika dredre, me vaka e dua na sotia vinaka nei Jisu (Yahshua) na Mesaia. 04 E sega ni dua e vakaitavi tiko e na ivalu, me qai vakaogai koya tale tiko e na veika ni bula e vuravura oqo me vakamarautaki koya kina e a lesi i koya me sotia. 05 Na tamata e guta me daumaka e na veisivisivi, e na sega ni vakaicovitaki, vakavo ke veisisivi vakadodonu e na kena lawa. 06 Na dauteitei e a cakacaka e dodonu me imatai me rawata na nona bula mai na vuana. 07 Vakasamataka na veika oqo: me solia mada ga vei iko na kena vuku na noda Turaga (Master) e na veika kece.

2 Timoci 2:1-7

Ia qo au sa vakamamasu yani vei iko, Koya na marama, au sega ni vola tiko yani vei iko e dua na ivakaro vou, ia o koya ga a se virikotori vei keda mai na ivakatekivu, ni dodonu meda veilomani vakataki keda 06 Ia oqo na loloma, meda dau toso vata tiko e na Nona ivakaro. Ia oqo na ivakaro, moni dau bula muria tiko, e na kena inono oni a rogoca ni virikotori kina mai na ivakatekivu.

2 Joni 1:5-6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
358	December 23	Habakuk	Revelation 14

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).