Kucuvi Tamari O Aminoni (Amnon Raped Tamar)

Thought: Incest Is A Sin, A Crime And A Scandal, So It Must Not Happen

 ........................

Serving For Yom HaShishi, Elul 13, 5772

MAI NA NEVI’IMI RISHONIMI (FROM THE NEVI’IM RESHONIM)

O Avishalome na luvetagane i Dawide, e dua tiko na ganena na yacana o Tamari; ia o Aminoni na luvetagane i Dawide e wedevi koya tiko. 2 O Aminoni, e na kaukaua ni nona galili, a qai tauvimate e na vuku i ganena o Tamari; baleta ni se tabutagane voli o koya, ia o Aminoni a nanuma tiko o koya ni na dredre vua me kaya vua e dua na ka. 3 Ia o Aminoni e dua tiko na nona icaba na yacana o Yonadave, na luve i Shimi'i na tuakai Dawide; o Yonadave e tamata lawaki kaukaua. 4 Kaya vei Aminoni o koya, O iko na luveni tui, na cava sa lutu tiko ga kina na kemu bibi e na veiveisiga? O na sega beka ni rawa ni tukuna vei au? Kaya vua o Aminoni, Au sa domoni Tamari tiko vakalevu na ganei Avishalome na taciqu. 5 Soli ivakasala vua o Yonadave, Lai davo ga e na nomu idavodavo, qai vakalecalecava ni o tauvimate; ia ni mai sikovi iko o tamamu, qai kaya vua, Laiva na ganequ o Tamari me lako mai me mai vakani au e na kakana, ka bulia vei au e rua na keke, niu raici koya tiko, meu rawa ni raica, au qai kania mai ligana. 6 Sa mani lai davo o Aminoni e na nona loga, qai vakalecalecava ni tauvimate; ia ni sa mai sikovi koya na tui, a qai kaya o Aminoni vua na tui, Laivi Tamari na ganequ me lako mada mai me mai bulia vei au e rua na qau keke, niu raica sara tu ga, oti meu qai kania sara ga mai ligana. 7  O Dawide a qai talatala vei Tamari. qai kaya vua, Lako mada i na vale i Aminoni na ganemu, mo lai vakarau kakana vua. 8 Oti qai lako o Tamari i na vale i Aminoni na ganena; e a davo koto no o koya. A taura mai o koya na falawa, balia, oti qai vavia (eso) na keke. 9 Oti qai taura o koya na keke qai vakarautaka e matana; ia qai sega ni via kana o koya. Kaya o Aminoni, Laiva na (tamata yadua) me ra vagalala mai loma ni vale. Era mani biubiu kece na tamata yadua mai loma ni vale. 10 Kaya o Aminoni vei Tamari, Kauta mai na kakana i na loma ni loqi meu rawa ni kana mai ligamu. Taura sara o Tamari na keke a se qai bulia oti ga, qai kauta i loma ni loqi vei Aminoni na ganena. 11 Ia ni kauta yani vua o koya me kania, qai taura na ligana o koya, qai kaya vua, Davo mai vata kei au i ganequ. 12 Sauma vua o koya, Sega i ganequ, kakua ni vakasaurarataki au, baleta na mataqali ka vaka oqo e sega ni dodonu me yaco e Yisira'yili; kakua ni cakava na ivalavala tawa kilikili oqo. 13 O au mada meu na qai kauta i vei na noqu madua?  Ia o iko, o sa na wili mo vaka e dua na tamata lialia e Yisira'yili. O koya oya mo vosa ga kina vua na tui; o koya e na sega ni bureitaki au vei iko. 14 Ia o koya a sega ga ni via rogoci koya; ia baleta ni kaukaua cake vua, a qai vakasaurarataki koya me davo vata kei koya, oti qai vakamadualaki koya. 15 Oti a qai sevaki koya vakalevu sara o Aminoni; na kaukaua ni nona veisevaki a sevaki koya kina, e a vakaitamera cake sara mai na kaukaua ni nona dodomo a wedevi koya taumada kina. Oti qai kaya o Aminoni, Tucake, lako laivi. 16 Sauma vua o koya, Qo, ni o sa cakava oti na ivalavala vakamadua oqo vei au, o sa qai vakatalai au laivi? E sega ni via rogoci koya, o koya. 17 Oti qai kaciva na nona dau ni veiqaravi e veiqaravi tiko vua, qai kaya vua, Biuta laivi ituba, mai na loma ni noqu vale, na yalewa qo, qai vakamautaka yani vua na katuba

2 Samuela (Sh’mu’yl Bet) 13:1-17

NA IVAQA NI BULA (FOOD FOR THE SOUL)

Ni talai e na dua na itavi, na vucesa e na kaya, E dua na laione e tiko qori e gaunisala, Raica na laba sa kune e na veisaqata.

Vosa Vakaibalebale (Mishlei) 22:13

LOMANI YAHUWE NA NOMU KALOU (LOVE YHWH YOUR MIGHTY ONE)

Ia e na gauna oqo oni sa lecavi keimami ka vakamaduataki keimami, ka sega ni lako vata kei ira na neimami mataivalu: 11(10) Oni cakava me keimami vakadrukai; o ira na keimami meca, era sa yauta na itoki ni ivalu mai vei keimami. 12(11) Oni sa volitaki keimami me vaka na sipi era sa wase tani tu me na laukana; ka ceburaki keimami e na kedra maliwa na veimatanitu. 13(12) Oni sa volitaki ira na nomuni tamata e na isau rawarawa, ka sega ni rawata e dua na tubu mai na nomuni volivolitaki. 14(13) Oni cakava me keimami rogorogo ca e na kedra maliwa na weka i keimami vakaitikotiko, me keimami vakalialiai, ka veiwalitaki vei ira era tiko wavolivoliti keimami: 15(14) Oni cakava me keimami beci e na kedra maliwa na veimatanitu, me ra dau kurea na uludra e na vuku i keimami e na kedra maliwa na veimatanitu, 16(15) E na loma ni siga taucoko, na neimami rogorogo ca sa no ga e mata i keimami, na madua e mataqu sa luvuci au vakadua, 17(16) Baleta na domona o koya e beci au ka dau vosavakacacataki au; baleta talega na kequ meca e mai veisausaumi tiko vei au.

18(17) ¶ Na ka kece oqo sa yacovi keimami; ia keimami sega ni guilecavi kemuni, ka keimami sega talega ni veidabuitaka na nomuni veiyalayalati. 19(18) Keimami sega ni vuki vakanadaku se butu sevata na neimami ikalawa mai na nomuni sala. 20(19) Baleta e na ikarua ni gauna, oni a vakamalumalumutaki keimami e na vanua ka kovuti keimami e na iyaloyalo ni mate. 21(20) Ia keimami se sega ni guilecava na yaca ni neimami Kalou (Mighty One) se dodoka na liga i keimami me keimami tadolovi ira na kalou (elohim) tawakilai; 22(21) Na Kalou (Mighty One) e na vakadeuca na veika oqo, baleta ni kila na veika tawakilai ni vuniyaloda. 23(22) Io, e na vukumuni keimami sa vakamatei tiko kina e na veiveisiga; keimami sa wili vakasipi era tuiyi tiko me ra lai vakamatei. 24(23) Yadra, kakua ni moce, i Yahuwe (YHWH), nanumi keimami, kakua ni lecavi keimami. 25(24) Kakua ni rai tani na matamuni mai vei keimami, kakua ni guilecava na neimami vakalolovirataki kei na neimami vakasaurarataki; 26(25) Baleta na neimami bula (soul) sa malumu sobu i na kuvu ni soso; na yago i keimami sa tara na dela ni qele. 27(26) Matacake mai moni vukei keimami; vueti keimami e na vuku ni nomuni dauyalololoma.

Same (Tehellim) 44:10(9)-27(26)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 243 o/o 1703	August 31, 2012
Reading	Hebrew Date
Tehellim (Same) 45-48	Elul 13, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lolo Me Baleta Na Tauvimate (Fasting For The Sick )

Thought:  Dawid Had Hope, Until The Baby’s Last Breath

................. 

Serving For Yom Chamishi, Elul 12, 5772

MAI NA NEVI’IMI RISHONIMI (FROM THE NEVI’IM RESHONIM)

Oti sa qai biubiu o Netani me lesu i nona vale. O Yahuwe (YHWH) a qai mokuta na gone, a vakasucuma vua na wati i Uraiya na Hiti, a qai tauvimate bibi kina o koya. 16 O Dawide a qai vakatamamasu vua na Kalou (Mighty One) e na vukuna na gonelailai; o Dawide a lolo, qai lako me lai davo e na bogi taucoko e dela ni qele. 17 O ira na matua vei ira na lewe ni nona matavuvale era a tu me ra vakamasuti koya me duri cake mai na dela ni qele, ia o koya e sega ni via duri, ka sega tale ga ni kana madrai  vata kei ira. 18 A qai yaco e na ikavitu ni siga ni a qai mate na gone lailai. O ira na dauniveiqaravi i Dawide era qai  nuiqawaqawataka me ra tukuna vua ni sa mate na gone lailai; baleta era kaya, Raica e na gauna e se bula tiko kina na gone, e a sega ni via rogoci keda ni da vosa vua; ia e na qai rawa vakacava meda tukuna vua qo, ni sa mate na gone lailai? O koya e na rawa ni cakava e dua na ka vakadomobula. 19 Ia e na gauna e raica kina o Dawide ni ra vakasolokakana tiko o ira na nona dauniveiqaravi; a qai kilakasamtaka ni sa mate na gone lailai; qori qai tarogi ira kina na nona dauniveiqaravi, Sa mate beka na gone? Era sauma, O koya sa mate. 20 Ekeri sa qai matacake kina o koya mai na dela ni qele, sisili, lumulumu qai veisautaka na nona isulu, oti qai lako me lai curu i na vale i Yahuwe (YHWH), me lai sokalou; oti qai lesu mai i nona vale, qai mai kere kakana; era qai vakarautaka vua, a qai kana o koya. 21 Oti era qai kaya vua na nona dauniveiqaravi, Na cava na (ibalebale ni) ka oqo oni a cakava? E na gauna e se bula tiko kina na gone lailai, oni a lolo tiko ka masumasu tiko kina, ia e na gauna sa mate kina na gone, oni mata cake sara moni kana. 22 Kaya o Dawide vei iratou, Ni se bula tiko na gone lailai, au a lolo tiko ka masumasu tiko; baleta au a kaya, O cei e kila de na yalololoma vei au o Yahuwe (YHWH), qai vakatara me bula tale na gone? 23 Ia qo sa mate o koya, na cava tale meu lolo tiko kina? E rawa beka niu vakasukai koya lesu mai? O au, au na lako vua, ia o koya sa na sega ni lako rawa mai vei au. 24 O Dawide a qai vakalomavinakataki Bata-Sheva na watina, oti qai curu vua me veiyacovi kei koya; o koya a qai vakasucuma vua e dua na luvena tagane, qai vakatoka o koya, me yacana o Sholomo; O Yahuwe (YHWH) e taleitaka na gone; 25 Qai talatala o koya e na liga i Netani na parofita; o koya a vakatoka me yacana o Yi'didiyaa, e na vuku i Yahuwe (YHWH)].

2 Samuela (Sh’mu’yl Bet) 12:1-14

NA IVAQA NI BULA (FOOD FOR THE SOUL)

Vakarusa na ivalavala ca, biuta laivi na veileti kei na veivakacacani, de ra na qai dabe e na isoqosoqo era qai vakadiloi ira kece sara era tiko. 11 ¶ O Yahuwe (YHWH) e lomani koya e yalosavasava mai vuniyalona ka dauyalololoma e na gusudra o ira na nona icaba na tui. 12 ¶ Na mata i Yahuwe (YHWH) e dau taqomaka na kilaka ka vakarusa na vosavosa veivakaisini

Vosa Vakaibalebale (Mishlei) 22:10-12

LOMANI YAHUWE NA NOMU KALOU (LOVE YHWH YOUR MIGHTY ONE)

ME baleta na iliuliu. Na kawa i Kora’aka. Na vucu ni veivakatavulici (Maskil). 2(1) Keimami sa rogoca e daliga i keimami, kemuni na Kalou (Mighty One); o ira na neimami qase era a vakamacalataka vei keimami na cakacaka oni a cakava, e na dela ni nodra veisiga, na gauna sa oti makawa.3(2) Na nomuni a vakarusai ira na veimatanitu e na ligamuni, moni tauyavutaki ira na nomuni tamata; ni oni a vakamalumalumutaki ira na veimatanitu oni qai vakaukauataki ira na nomuni tamata 4(3) Baleta era a sega ni taukena na vanua e na nodra seleiwau, ka sega tale ga ni vueti ira rawa na ligadra; ia na ligamuni imatau kei na gau ni ligamuni (arm), ka na rarama mai na kemuni iserau, baleta ga ni ra talei vei kemuni. 5(4) O kemuni na noqu Tui, kemuni na Kalou (Mighty One); baleta oni a vakarota na vueti nei Ya’akove. 6(5) E na vukumuni keimami na cokai ira na keimami meca; e na yacamuni keimami na butuki ira sobu, o ira era cati keimami. 7(6) Baleta keimami sega ni vakanuinui e na neimami dakaititi, se na neimami iyaragi me vakabulai keimami. 8(7) Ia o kemuni oni sa vueti keimami mai vei ira era cati keimami, ka vakamaduataki ira na keimami meca. 9(8) Keimami na dau dokadokataka ga na neimami Kalou (Mighty One) e na loma ni siga taucoko me tawamudu.

Same (Tehellim) 44:1(0)-9(8)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 242 o/o 1702	August 30, 2012
Reading	Hebrew Date
Tehellim (Same) 42-44	Elul 12, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cala Vakalawa O Dawide (Dawid Legally Guilty)

Thought:  Dawid Incriminated Himself; He Knew But Ignored Righteousness

............................ 

Serving For Yom R’vi’i, Elul 11, 5772

MAI NA NEVI’IMI RISHONIMI (FROM THE NEVI’IM RESHONIM)

A mani talai Netani vei Dawide o Yahuwe (YHWH). A lako yani vua o koya, qai kaya vua, Rau tiko e rua na tagane e na dua na korolevu, e dua e vutuniyau ia o koya kadua e dravudravua. 2 Na tagane vutuniyau a levu sara na nona qele ni sipi kei na nona qele ni bulumakau; 3 Ia na tamata dravudravua e sega ni tu vua e dua na ka vakavo ga e dua na luvenisipi yalewa lailai, e a volia mai o koya, qai mai bula tiko vata kei koya vata kei ratou na luvena; e dau kania na kena kakana ka gunu mai na nona bilo, qai dau davo e lomaserena; vua na sipi a vaka sara ga e dua na luvena yalewa. 4 E a lako mai e dua na nona vulagi na tamata vutuniyau, ia a sega ni via taura mai na nona qele ni bulumakau se qele ni sipi (e dua na manumanu) me rawa ni vakarautaka e dua na kana magiti me kena na vulagi a gade mai vua; ia a qai lai taura mai na nona luvenisipi yalewa na tamata dravudravua, qai vakarautaka e na vukuna na vulagi a lako mai vua. 5 Na leva cecekia i Dawide a qai tubu, me baleta na tamata (vutuniyau); qai kaya o koya, Me vaka ni bula tiko o Yahuwe (YHWH), na tamata a cakava na ka oqori e dodonu me vakamatei. 6 O koya e dodonu me vakavataki na ilevu ni luvenisipi yalewa e vakasuka, baleta ni cakava na ka oqo, baleta talega ni sega vua na yalololoma. 7 Kaya o Netani vei Dawide, O iko sara ga na tamata oya. Oqo, na ka e kaya o  Yahuwe (YHWH) na Kalou (Mighty One) i Yisira'yili, Au a lumuti iko mo nodra tui na noqu tamata na Yisira'yili, au qai vueti iko mai na liga i Sha'ula; 8 Au solia vei iko na nona vale na nomu turaga, au solia i lomaseremu na watidra na nomu turaga, au qai solia vei iko na nodra vale na Yisira'yili kei ira na Ya'huda; ia kevaka era a rui lailai,  a dodonu ga vei iko mo a tukuna vei au, meu vakaruataka vei iko na kena ilevu. 9 Na cava na vuna o beca kina na ivakaro i Yahuwe (YHWH), mo cakava na ka e vakasisila e na mata  i Yahuwe (YHWH)? O a labati Uraiya na Hiti e na seleiwau, o qai taura na watina me watimu. O a vakamatei koya e na nodra seleiwau na luve i 'Amoni.  10 O koya oya e na sega kina ni takali  na seleiwau  mai na nomu vale, me tawa mudu; baleta o sevaki au, o qai taura na wati i Uraiya na Hiti me watimu. 11 Oti qai kaya o Yahuwe (YHWH), Raica, au na vakatubura na leqa me saqati iko, mai na loma ni nomu vale, au na qai tauri ira na watimu mo raica votu e matamu, au na qai soli i ira vua na wekamu vakaitikotiko, o koya e na qai veiyacovi kei ira na watimu ni cila rarama tu na matanisiga. 12 Baleta ni o a cakava vakavuni; o au, au na cakava na ka oqo e mata i Yisira'yili raraba, e na loma ni siga rarama. 13 Kaya o Dawide vei Netani, Au sa valavala ca vei Yahuwe (YHWH). Kaya o Netani vei Dawide, O Yahuwe sa kauta vakatikitiki na nomu cakaca; o iko o na sega ni mate. 14 Ia veitalia mada oya, baleta na ka sa yaco qo, o sa cakava kina me ra viavialevu o ira na meca i Yahuwe (YHWH); na luvemu tagane e na vakasucumi vei iko oqo, e na mate dina ga

2 Samuela (Sh’mu’yl Bet) 12:1-14

NA IVAQA NI BULA (FOOD FOR THE SOUL)

O koya e tea na ivalavala ca, e na tamusuka na veidabui: na ititoko ni nona leva e na ramusu. 9 ¶ O koya e dau mata lomasoli, e na kalougata; baleta ni wasea na kena madrai vata kei ira na dravudravua.

Vosa Vakaibalebale (Mishlei) 22:8-9

LOMANI YAHUWE NA NOMU KALOU (LOVE YHWH YOUR MIGHTY ONE)

Vakalewai au noqu Kalou (Mighty One), veisausaumitaka na noqu ile vei ira na tamata era sega ni dauyalololoma; vueti au mai vua na tamata dauveidabui ka tawadodonu. 2 Baleta o kemuni na Kalou (Mighty One) ni noqu kaukaua; na cava oni lecavi au tiko kina? Na cava meu lai vakaloloku kina baleta na nodra veivakasaurarataki na meca? 3 Isa, vakauta wavoki na nomuni rarama kei na nomuni dina; laivi ira me ra vakacegui au, laivi ira me ra kauti au yani i na nomuni ulunivanua tabu kei na nomuni vale. 4 Au na qai lako i na mata ni nona  icabocabo ni soro na Kalou (Mighty One), vua na Kalou (Mighty One) e dau cakava meu reki e na reki ni itabagone; io, e na hapi, au na vakamuduotaki kemuni, kemuni na Kalou (Mighty One) na noqu Kalou (Mighty One). 5 Na cava o yaloca tiko kina (o iko) na noqu bula (soul)? Na cava o nuiqawaqawa tiko kina e lomaqu? Vakanuinui ga vua na Kalou (Mighty One) i yaloqu, baleta au na vakavinavinaka tiko vua, o koya na iVakabula ni noqu dokai ka noqu Kalou (Mighty One).

Same (Tehellim) 43:1-5

	Same (Tehellim) 43:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 241 o/o 1701	August 29, 2012
Reading	Hebrew Date
Tehellim (Same) 38-41	Elul 11, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakacudrui Yahuwe O Dawide. (Dawid Displeased YHWH)

Thought:  Covering Up Sins May Look OK, It is Repugnant To YHWH

............... 

Serving For Yom Shlishi, Elul 10, 5772

MAI NA NEVI’IMI RISHONIMI (FROM THE NEVI’IM RESHONIM)

E na gauna me kabaa kina na korolevu  o Yo'ave, a qai biuti Uraiya o koya e na vanua e kila o koya ni ra tiko kina na tamata qaqa. 17 O ira na lewe ni korolevu, era qai lako mai me ra mai vala kei Yo'ave; e keya era qai bale kina eso vei ira na dau ni veiqaravi i Dawide; o Uraiya na Hiti a qai mate talega kina. 18 A qai talatala o Yo'ave me lai vakasavui vei Dawide na veika kece a yaco e na ivalu; 19 O Yo'ave a qai vakarota na dau kauitukutuku me lai kaya, Ni o sa vakasavuya oti na veika kece a yaco e na ivalu vua na tui, 20 Qai mani tubu na nona leva, me taroga vei iko, Na cava ga na vuna oni sa rui toso voleka kina i na kotolevu moni lai vala kina? Oni sega beka ni kila ni ra na vanavana mai na (dela ni) lalaga bai? 21 O cei beka a vakamatei Avimeleki na luvetagane i Yerubesheta? E sega beka ni dua na yalewa, ni a kolovi koya  sobu mai e na dua na tikini vatu ni iqaqi, mai na dela ni lalaga bai qai mate kina o koya (mai Tebeza)? E na gauna sa tarogi iko kina vaka oqo o koya, mo qai tukuna, Na nomuni dauniveiqaravi o Uraiya na Hiti a mate talega. 22 A mani lako na dau kauitukutuku qai lai tukuna vei Dawide, na ka kece a vakarota vua o Yo'ave me lai kaya.

23 Kaya na dau kauitukutuku vei Dawide, O ira na tamata era a rawai keimami, era qai saqati keimami e na loma ni vanua, ia keimami qai cemuri ira lesu i na matamata ni korolevu. 24 Ia o ira na dau ni vana dakaititi era qai vanalaki keimami, mai na dela ni lalaga bai; era qai mani mate kina eso na nomuni dauniveiqaravi, kemuni na tui!  Na nomuni dauniveiqaravi o Uraiya na Hiti a mani mate talega kina. 25 Oti qai kaya o Dawide vei koya na dau kauitukutuku, Oqo na ka mo lai kaya vei Yo'ave, Laiva me kakua ni vakayalolailaiataki iko na veika oqo; baleta e na yaco me vaka oqo se vakaoya na itosotoso ni dua na ivalu; cakava me kaukaua cake tale na ivalu e na korolevu mo rawa ni rawata mo qai vakarusa. 26 E na gauna e rogoca kina na wati i Uraiya na Hiti, ni sa mate o watina, a qai vakalolokutaki watina. 27 Ia ni sa cava na nona veisiga ni vakaloloku, a qai talatala o Dawide me lai kau mai o koya i nona vale, a qai yaco o koya me watina, oti qai vakasucuma vua e dua na luvena tagane. Ia na ka a cakava qo o Dawide e a vakacudrui i Yahuwe (YHWH).

2 Samuela (Sh’mu’yl Bet) 11:16-27

NA IVAQA NI BULA (FOOD FOR THE SOUL)

Na vutuniyau e na qai lewai mai vei ira na dravudravua; na dauniveiqaravi e na soli dinau vua a dau soli dinau tu vua mai liu.

Vosa Vakaibalebale (Mishlei) 22:7

LOMANI YAHUWE NA NOMU KALOU (LOVE YHWH YOUR MIGHTY ONE)

Me baleta na iliuliu. Na nodra vucu ni veivakatavulici (maskil) na kawa i Kora’aka. 2(1) Me vaka na mekila ni guta me gunu  wai mai na waidrodro, e vaka kina na noqu bula (soul) ni guti kemuni i Yahuwe (YHWH). 3(2) Na noqu bula (soul) e guti kemuni na Kalou bula (living Mighty One); e na gauna cava beka au na lako yani kina meu lai raica na matamuni? 4(3) Na wainimata sa kequ madrai tiko e na siga kei na bogi, e na gauna vata era tarogi au tiko kina, Evei na nomu Kalou (Mighty One)? 5(4) E na gauna au nanuma kina na veika oqo, na noqu bula e dau tiko yavavala; qori au dau curuma kina na nomuni valevatu (citadel) vakaitamera, e na domo ni reki kei na vakamuduo, vata kei ira na tamata e le vuqa era mamarau tiko. 6(5) Na cava o loma leqaleqa tiko kina o iko noqu bula (soul)? Na cava o veilecayaki tiko kina? Vakabauti Yahuwe (YHWH); baleta au na vakamuduo vua, na ivakabula ni noqu dokai ka noqu Kalou (Mighty One).

7(6) ¶ Na noqu bula (soul) e nuiqawaqawa tiko e lomaqu; o koya oya au na nanumi kemuni kina mai na qele mai na Yaradani, mai na ulunivanua o Heremoni, ka vakakina mai na delana o Misari. 8(7) Na titobu e kaciva tiko na titobu, e na vakadomobula ni rorogo bi ni nomuni baranisavu, na nomuni waidrodro voravora (surging rapids), kei na nomuni vei biau era sa tubu me ra lomoci au vakadua. 9(8) Ia o Yahuwe (YHWH) e na vakarota na nona yalololoma e na loma ni siga, e na bogi na nona sere e na tiko vata kei au, vata kei na noqu masu vua na Kalou bula (living Mighty One). 10(9) Au na kaya vei Yahuwe (YHWH), Na cava oni lecavi au tiko kina? Na cava meu vakaloloku tiko kina me baleta na itovo kaukaua era vakasaurarataka tiko vei au o ira na kequ meca? 11(10) Ni ra sa raramusumusu na noqu sui, o ira na kequ meca era vakasewasewani au; era qai kaya tiko vei au e veiveisiga, Evei na nomu Kalou (Mighty One)? 12(11) Na cava mo veituyaki kina, isa noqu bula (soul)? Na cava mo nuiqawaqawa kina? Vakanuinui ga vei Yahuwe (YHWH); baleta au vakamuduo tiko vua, na ivakabula ni noqu dokai ka noqu Kalou (Mighty One).

Same (Tehellim) 42:1(0)-12(11)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 240 o/o 1700	August 28, 2012
Reading	Hebrew Date
Tehellim (Same) 35-37	Elul 10, 5772 (6th month)
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dauci Bata-Sheva O Dawide (Dawid Committed Adultery with Bat-Sheva)

Thought: Personal Sins Deliberately Hidden Will Multiply To Cover Up.

.................... 

Serving For Yom Sheini, Elul 9, 5772

MAI NA NEVI’IMI RISHONIMI (FROM THE NEVI’IM RESHONIM)

NI cava tiko na yabaki, na gauna era dau biuta kina na valenitui o ira na tui, o Dawide a qai talai Yo'ave vata kei ira na nona dauniveiqaravi vata kei Yisira'yili taucoko; era qai lai tuvaivalutaki Rabaa; ia o Dawide a tiko ga mai Yerushalayimi. 2 A qai yaco e na dua na yakavi ni mata mai na nona loga o Dawide, qai lai taubale voli e na delavuvu ni vale ni tui; ni qai raica e dua na yalewa ni sisili tiko; na yalewa qo e rairai totoka vakaoti na kena irairai.  3 O Dawide a qai talatala me lai vaqaqai mada mai na yalewa. Kaya e dua, Qori o Bata-Sheva na luveyalewa i Yilai'ama, ka wati i Uraiya na Hiti? 4 A mani tala e dua na dau ni kauitukutuku o Dawide me lai kauti koya mai; a  qai lako mai vua na yalewa, o koya a qai veiyacovi vata kei koya; ia e na siga sara ga oya a se qai vakasavasavataki koya oti ga kina mai na nona mate ni vula; oti qai lesu i nona vale. 5 A qai kunekune na yalewa, qai talatala me lai tukuni vei Dawide; Au sa bukete.

6 ¶ Sa mani vakauta o Dawide e dua na itukutuku vei Yo'ave, me kaya, Talai Uraiya na Hiti mada mai vei au. A qai talai Uraiya mai vei Dawide o Yo'ave. 7 Ni sa yaco yani vua o Uraiya, a qai tarogi Uraiya o Dawide se sa vakaevei tiko o Yo'ave kei ira na tamata vata kei na ivalu. 8 Oti qai kaya o Dawide vei Uraiya, Lako sobu i nomu vale mo lai savuya na yavamu. Ia ni biuta mai na valenitui o Uraiya, a qai muri i koya yani e dua na iloloma mai vua na tui. 9 Ia o Uraiya a moce no ga e na katuba ni nona vale na tui, vata kei ira na dauniveiqaravi vua na nona turaga (master); e a sega ni lako i nona vale. 10 Ia ni ra tukuna vei Dawide, ni o Uraiya a sega ni lako sobu i na nona vale; a qai kaya vei Uraiya o Dawide, Raica o iko o se qai lako ga mai e na dua na ilakolako, na cava o a sega kina ni lako i nomu vale? 11 Kaya o Uraiya vei Dawide, Na kato ni veiyalayalati kei Yahuwe (YHWH) vata kei Yisira'yili, vata kei Ya'huda, era keba tiko qo e na vale vakacevaceva; ka vaka kina na noqu turaga o Yo'ave, kei ira na nona tamata na noqu turaga, era tiko qo e na loma ni vanua; e dodonu beka vei au meu lako i na noqu vale, meu lai kana, ka gunu, me keirau qai veiyacovi kei na watiqu? E sega! Me vaka ni oni bula tiko ka bula tiko na vuniyalomuni (soul), o au, au na sega ni vakayacora na ka oqo.12 Oti qai kaya o Dawide vei Uraiya, Tiko tale mada nikua, nimataka au na qai vakatalai iko lesu. A mani tiko tale mai Yerushalayimi o Uraiya e na siga oya. 13 E na siga tarava, o Dawide, a qai kacivi koya, qai mai kana ka gunu vata kei koya, qai mani mateni; ia e na bogi ga, e lako tale o koya me lai moce e yasadratou na nona dauniveiqaravi na nona turaga; a sega ga ni lako i nona vale.

14 ¶ E na mataka ni siga tarava, o Dawide a qai vola e dua na ivola vei Yo'ave, qai solia vei Uraiya me kauta vua. 15 A vola o koya e na ivola, Biuti Uraiya e na iyatu e liu ni vala, qai vakasuka mai vua, me rawa ni moku o koya me mate.

2 Samuela (Sh’mu’yl Bet) 11:1-15

NA IVAQA NI BULA (FOOD FOR THE SOUL)

Na tudai kei na icori e kune e na veisala veve; O koya e qarauna na nona bula (soul) e na tu vakayawa sara mai kina. 6 ¶ Vakatavulica cake na gone e na sala e dodonu me na bula muria; baleta e na gauna sa qase cake kina e na sega ni gole tani mai kina.

Vosa Vakaibalebale (Mishlei) 22:5-6

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na Same i Dawide. 2(1) E kalougata o koya e dau qaravi ira na dravudravua; I Yahuwe (YHWH) vueti koya e na gauna ni leqaleqa. 3(2) O Yahuwe (YHWH) e na taqomaki koya me vakabulai koya tiko, e na qai vakalougatataki koya e vuravura; e na sega ni soli i koya vei ira na kena meca. 4(3) O Yahuwe (YHWH) e na vakaukauataki koya e na nona idavodavo ni tauvimate. 5(4) Au sa tukuna oti, Kemuni na noqu Kalou (Mighty One), ni yalololoma mai vei au ka vueta na noqu bula (soul); baleta au a caka ca dina vei kemuni. 6(5) Na kequ meca e vakaucaca tiko me baleti au; e na gauna cava e na mate kina o koya, me tababokoci laivi na yacana? 7(6) Ni ra mai sikovi au, era mai kaya ga na ka lasutaki; e vuniyalodra era navuca ga na ca, era qai lako yani i gaunisala levu me ra lai kakasetaki au. 8(7) O ira kece era cati au, era qai vakasolokakana vata me baleti au, me ra sa nakicataki au. 9(8) Era vakavurea na veibeitaki lasutaki me baleti au, era qai kaya, Qo ni sa koto no e na nona loga ni tauvimate, o koya e sa na sega tale ni matacake. 10(9) Io, na tamata mada ga e mai sikovi au, o koya e noqu icaba au dau nuitaka, o koya e dau kania na kequ madrai, o koya au nuitaka, sa liumuritaki au. 11(10) Ia o kemuni i Yahuwe (YHWH), ni lomani au ka vakabulai au, meu rawa ni na lai sausaumi lesu vei ira. 12(11) E na ka oqo au na kila kina ni oni taleitaki au, baleta na kequ meca sa na oti na nona vakacudrui au. 13(12) Ia o au vakataki au, ni vakataudeitaki au e na noqu itovo dodonu; vakatikori au e matamuni me tawamudu. 14(13) Me vakavinavinakataki ga o Yahuwe (YHWH) na Kalou (Mighty One) i Yisira’yili, me tawamudu ka sega ni mudu, Omaini ka Omaini.

Same (Tehellim) 41:1(0)-14(13)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 239 o/o 1699	August 27, 2012
Reading	Hebrew Date
Tehellim (Same) 32-35	Elul 9, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakamaduataki O ira na Yisira’yili (Yisra’yl Shamed)

Thought: Lack of Diplomacy By An Inexperienced King Caused a War

 ...............

Serving For Yom Rishon, Elul 8, 5772

MAI NA NEVI’IMI RISHONIMI (FROM THE NEVI’IM RESHONIM)

NI oti oqo, a qai mate na nodra tui na luve i 'Amoni; o Hanuni na luvena tagane a qai sosomitaki koya me veiliutaki vakatui. 2 Oti qai kaya o Dawide, Au na vakaraitaka na yalololoma vei Hanuni na luve i Nakasha, me vaka ni a dau yaloyalovinaka vei au o tamana. A mani talai ira na nona dau ni veiqaravi o Dawide me rai lai vakacegui koya baleta na (takali nei) tamana. O ira na dauniveiqaravi i Dawide era qai lako i na nodra vanua na luve i 'Amoni. 3 Ia o ira na nodra ravouvou na luve i 'Amoni era qai kaya vei Hanuni na nodra turaga (master), Oni nanuma beka ni vakarokorokotaki tamamuni tiko o Dawide, e a talai ira mai kina na nona dauniveiqaravi me ra mai vakacegui iko? E sega beka ni dina cake ni o koya e talai ira na nona dauniveiqaravi me ra mai vakadikeva vuni na korolevu, me ra butuka, oti me ra qai vuaviritaka? 4 Qori a qai vesuki ira kina na dauniveiqaravi i Dawide o Hanuni, tasia e dua ga na veimama ni kumidra, kotiva vakalekaleka na nodra isulu me yaco sara i sagadra, oti qai vakatalai ira laivi. 5 E na gauna era tukuna kina vei Dawide, a qai talatala o koya vei ira me na sota vata kei ira, baleta o ira na tamata era a sa madua sara ga vakalevu; qai tukuna vei ira na tui; o kemudou mo dou tikoga mai Yeriko, me yacova ni sa tubu vinaka tale na kumimudou, oti dou qai lesu mai.

6 ¶ E na gauna era sa kilakasamataka kina o ira na luvei 'Amoni ni na sausaumi dina ga vei ira o Dawide, o ira na luve i  'Amoni era qai talatala me ra saumi ira na Arami mai Beiti-Rekova, kei ira na Arami mai Zovaa e ruasagavulu na udolu na sotia taubale; kei na duanaudolu na tamata mai vua na tui Ma'akaa, ka na tinikarua na udolu na sotia taubale mai vei ira na tagane ni Tova. 7 Ni sa lai rogoca o Dawide, a qai talai Yo'ave, vei ira na lewe ni mataivalu qaqa kece sara. 8 Era sa qai ucu mai o ira na luve i 'Amoni, era qai mai tuvaivalutaki ira na nodra tagane donuya na icurucuru i na matamata, ia o ira na Arami mai  Zovaa, mai Rekova, mai Tova kei na nei Ma'aka era a tu ga vakataki ira mai na loma ni vanua. 9 E na gauna sa raica kina o Yo'ave ni sa tuva tu mai na mataivalu ruarua e matadra vata kei na dakudra, a qai digitaki ira na tamata nuitaki ni Yisira'yili, qai tuvai ira vakaivalu me ra veisaqasaqa kei ira na Arami;

10 O ira na vo ni tamata a qai biuti ira o koya me liutaki ira o Avishai na tacina,  qai tuvaivalutaki ira me ra veisaqasaqa kei ira na luve i 'Amoni. 11 Kaya o koya vei Avishai na tacina  kevaka era mani kaukaua vei au o ira na Arami, ia o iko mo na mai vukei au; ia ke ra mani kaukaua vei iko o ira na luve i 'Amoni, o au, au na lai vukei iko yani. 12 Yaloqaqa tiko, laiva meda vala e na vukudra na noda tamata ka vakakina e na vuku ni nona veikorokoro lelevu na noda Kalou (Mighty One); o Yahuwe (YHWH) e na cakava na ka e vinaka e nona rai. 13 O Yo'ave kei ira na tamata era tiko vata kei koya, era sa qai toso voleka yani me ra sa valuti ira na Arami, ia era qai veidroyaki mai matana. 14 E na gauna era sa raica kina na luve i 'Amoni ni ra sa veidroyaki na Arami era qai dro talega o ira maivei Avishai, me ra lai curuma na korolevu. Sa mani vakasuka mai o Yo'ave maivei ira na luve i 'Amoni, me lesu i Yerushalayimi.

2 Samuela (Sh’mu’yl Bet) 10:1-14

NA IVAQA NI BULA (FOOD FOR THE SOUL)

O rau na vutuniyau kei na dravudravua rau na sota, o Yahuwe (YHWH) a buli i rau ruarua. 3 ¶ Na tamata yalomatua ni raica e dua na tamata ca ni kanakuita, e na vuli vakalevu sara mai kina. 4 ¶ Na vatuka ni yalomalumu, oya na rerevaki i Yahuwe (YHWH), ia na (vatuka ni) iyau, na dokai kei na bula.

Vosa Vakaibalebale (Mishlei) 22:2-4

LOMANI YAHUWE NA NOMU KALOU (LOVE YHWH YOUR MIGHTY ONE)

Kakua ni bureitaka na nomuni yalovinaka tau malumu mai vei au i Yahuwe (YHWH); laiva na nomuni yalovinaka tau malumu kei na nomuni dina me maroroi tikotiko ga. 13(12) Baleta na ca e sega ni wili rawa era sa vakavolivoliti au; na noqu ivalavala ca sa toboki au, qori au sa sega ni rai cake rawa kina; era sa levu cake mai na drauniulu e uluqu, na utoqu sa sega ni tabei au rawa. 14(13) Ni yalovinaka i Yahuwe (YHWH) ni vueti au; i Yahuwe (YHWH) ni vukei au tiko e veiveigauna. 15(14) Laivi ira me ra madua ka veilecayaki o ira era vaqara na noqu bula (soul) me ra vakarusa; laiva me ra biliga vakasukasuka ka sotava na leqa o ira era gadreva meu sotava na ca. 16(15) Laiva me ra vakadrukai baleta na nodra itovo tawadodonu, o ira era kaya vei au, A tu, a tu! 17(16) Laivi ira kece era vaqarai kemuni, me ra reki ka mamarau e na vukumuni; laivi ira era taleitaka na nomuni veivueti me ra dau kaya vakawasoma, Me  vakacerecerei tiko ga o Yahuwe (YHWH). 18(17) Ia o au, au dravudravua ka luveniyali (needy); i Yahuwe (YHWH) era sa bukiveretaki au tiko, vukei au ka vueti au; kakua tale ni vakaberabera, isa noqu Kalou (Mighty One).

Same (Tehellim) 40:12(11)-18(17)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 238 o/o 1698	August 26, 2012
Reading	Hebrew Date
Tehellim (Same) 28-31	Elul 8, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vaqarai Na Kawa I Shaula (Sha’ul’s Descendant Sought)

Thought: Oath Taken In The Name Of YHWH Must Be Honored.

.................. 

Serving For Shabbat, Elul 7, 5772

MAI NA NEVI’IMI RISHONIMI (FROM THE NEVI’IM RESHONIM)

KAYA o Dawide, E vo tiko beka e dua e na loma ni matavuvale i Sha'ula, au rawa ni caka vinaka vua e na vuku i Yo'honatani?  2 Ia e a tiko e dua na tagane e na vale i Sha'ula, na yacana o Ziva. Era a qai kacivi koya vei Dawide; na tui a qai tarogi koya, O iko beka o Ziva? Kaya o koya, O au na nomuni dauniveiqaravi. 3 Kaya na tui vua, E dua tale tiko beka e vo tiko e na vale i Sha'ula, au na rawa ni vakarautaka vua na yalololoma e na vuku i Yahuwe (YHWH)? Kaya o Ziva vua na tui, E dua tale na luvetagane i Yo'honatani e se bula tiko, ia e lokiloki tu na yavana. 4 Taroga tale na tui vua, E tiko evei o koya? Kaya o Ziva vua na tui, Raica o koya e tiko e na vale i Makira na luvetagane i 'Ami'yili mai Lo-Di'vara. 5 A qai talatala o Dawide na tui, me lai kau mai o koya mai na vale i Makira, na luve i 'Ami'yili, mai Lo-Di'vara. 6 E na gauna sa lako mai kina vei Dawide o Me'fivosheta, na luvetagane i Yo'honatani, na luvetagane i Sha'ula, a qai lutu e matana e na vakarokoroko. Kaya vua o Dawide, I Me'fivosheta. Sauma o koya, Raica na nomuni dauniveiqaravi! 7 Kaya vua o Dawide, Kakua ni taqaya; au na vakaraitaka dina vei iko na yalololoma e na vuku i Yo'honatani, na tamamu, au na vakasuka tale vei iko na vanua kecekece nei Sha'ula na nomu qase; ia o iko, o na dau kana tikoga e na noqu teveli. 8 E cuva sobu e na vakarokoroko o koya, qai kaya, Na cava na nomuni dauniveiqaravi, moni mai kauwaitaki au kina? Baleta o au, au tautauvata ga kei na dua na koli mate.

9 ¶ Oti qai kacivi Ziva na tui qai kaya vua, Na ka kece a taukena o Sha'ula vata kei na nona matavuvale, au sa solia vua na luvetagane ni nomu turaga.10 O iko, o ira na luvemu tagane, kei ira na nomu dauniveiqaravi, moni na teivaka na qele vua, mo qai dau kauta mai na kakana e na vukuna na luvena tagane na nomu turaga, me rawa ni kana o koya; ia o Me'fivosheta, na luvena tagane na nomu turaga me na dau kana ga e na noqu teveli. O Ziva e tinikalima na luvena tagane ka ruasagavulu na nona dauniveiqaravi. 11 Oti qai kaya o Ziva vua na tui,  Na cava ga e vakarota na noqu turaga na tui vua na nona dauniveiqaravi, na nona dauniveiqaravi e na vakayacora. Sa mani dau kana o Me'fivosheta, e na nona teveli na tui, me vaka ni dua na luve ni tui. 12 O Me'fivosheta e dua tiko na luvena tagane na yacana o Maika. O ira kece era vakaitikotiko e na vale i Ziva, era dauniveiqaravi vei Me'fivosheta. 13 A mani tiko mai Yerushalayimi o Me'fivosheta; ka sa dau kana tiko ga e na nona teveli na tui; ia o koya e lokiloki tu vakadua na yavana ruarua.

2 Samuela (Sh’mu’yl Bet) 9:1-13

NA IVAQA NI BULA (FOOD FOR THE SOUL)

NA yaca rogo vinaka e yaga vakalevu cake mai na iyau vakaitamera, kei na veitokoni e na yalololoma, mai na siliva kei na koula,

Vosa Vakaibalebale (Mishlei) 22:1

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu, E dua na Same i Dawide. 2(1) Au vosota niu waraki Yahuwe (YHWH) tiko; qai vuki maivei au o koya ka rogoca na noqu kerekere. 3(2) A vueti au cake talega mai na ikeli vakadomobula, mai na veidabibi ni rusa, qai vakaduria na yavaqu e na dela ni uluvatu, me vakataudeitaka na noqu ilakolako. 4(3) E a biuta o koya e dua na serevou e gusuqu, na vakavinavinaka vua na noda Kalou (Mighty One), me le levu era raica era qai marautaka ka vakabauti Yahuwe (YHWH). 5(4) E kalougata na tamata e tiko na nona vakanuinui e na yaca i Yahuwe (YHWH), ka sega ni saumaki lesu i na qaciqacia; se na veitalanoataki ni veika lasulasu. 6(5) E levu na cakacaka oni sa vakayacora vei keimami i Yahuwe (YHWH) na neimami Kalou (Mighty One) kei na nomuni veikaroni talei vei keimami; au  tusanaka ni sa rui levu sara vakaoti me wiliki rawa, e sega ni dua e tautauvata kei kemuni.

7(6) ¶ Na isoro kei na imadrali oni sega ni vinakata; ia o au vakataki au, qo au sa qai yalomatuataka; na isoro kama kei na imadrali ni valavala ca oni sega ni vinakata. 8(7) Oti au qai kaya, Raica, au lako mai; e na ivakatekivu ni ivola, e volai tu me baleti au, 9(8) E ka ni marau meu vakayacora na nomuni inaki o kemuni na noqu Kalou (Mighty One); io, na nomuni lawa sa tiko e vuniyaloqu: 10(9) Au vunautaka tiko na nomuni yalododonu vei ira na isoqosoqo levu; au a sega ni tarova na tebenigusuqu i Yahuwe (YHWH) oni kila. 11(10) Au sega ni vunitaka na nomuni yalododonu e vuniyaloqu; au tusanaka na nomuni yalodina kei na nomuni veivakabulai; Au sega ni tabonaka na nomuni yalololoma kei na nomuni dina mai vei ira na isoqosoqo levu.

Same (Tehellim) 40:1(0)-11(10)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 237o/o 1697	August 25, 2012
Reading	Hebrew Date
Tehellim (Same) 25-27	Elul 7, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.