Na Yalosavasava Ledua I Yisira’yili. (The Qodesh One Of Yisra’yl)

Thought: Eventually It Will Be Known That YHWH Sustains Life

…………………

Serving For Yom Rishon, Nisan 20, 5773 (Chag HaMatzoh – Day Six)

MAI NA NEVI’IMI AKARONIMI FROM THE NEVI’IM ACHARONIM)

Kakua ni taqaya, i Ya'akove, o iko na baca kei kemuni na tagane ni Yisira'yili! O au, au na vueti kemuni, e kaya o Yahuwe (YHWH); E nomuni dau ni veivueti o koya naYalosavasava Ledua i Yisira'yili. 15 Raica, au na qisi iko mo dua na  isamu-yara, vou, bati gagata, ka bati sika, mo samuta na veiulunivanua ka vuruki ira vakamatailalai me vaka na kuvu ni soso, ka butuqaqia na veidelana me ra vaka na qanisila;16 Ia ni o iriva, era na qai cagina tani e na cagi, na covulaca e na kaburaki ira. Oti o na qai mamarau vei Yahuwe (YHWH), o na vakacaucautaki Koya na Yalosavasava Ledua i Yisira'yili. 17 O ira na dravudravu kei ira era gadreva na veivuke, era na vaqara wai ia era qai sega ni kunea e dua; na yamedra e qai mamaca e na karamaca. O au o Yahuwe (YHWH), au na tama yani vei ira, o au, au nodra Kalou (Mighty One) na Yisira'yili, [au] na sega ni biuti ira.18 Au na dolava na veiuciwai mai na veidelana cecere, kei na toevu ni waivure e na veibucabuca raba; au na cakava na vanua liwa me ra tobu ni wai, kei na veivanua dravuisiga me ra ivurevure ni wai. 19 Au na tea e na veivanua talasiga na veisitari, na veisitimi, na veimateli kei na veiolive; au na vakatubura vata mai lekutu (Aravah) na veisaipurusi, na veipaini kei na veidilo (box trees); 20 Oti o ira na tamata era na qai raica ka kila, o ira kece era na qai vakadikeva vata ka kilakasamataka ni liga i Yahuwe (YHWH) [ga] a cakava na veika oqo; ni a buli i ira, na Yalosavasava Ledua i Yisira'yili.

Yeshayahu (Aisea) 41:14-20

NA IVAQA NI BULA (FOOD FOR THE SOUL)

Na tamata e na vakacaucautaki me veiraurau kei na nona vakayagataka na nona vakasama; ia e dua na tamata  e dau vakasama vakaca e na dau sevaki. 9 ¶ E vinaka cake [mo] sevaki, ia e tiko e dua na nomu dauniveqaravi; mai vei koya e dau dokadokataka na nona itutu ia qai sega tu na ka me dau kania.

Mishlei (Vosa Vakaibalebale) 12:8-9

LOMANI YAHUWE NA NOMU KALOU (LOVE YHWH YOUR MIGHTY ONE

Maivei Sholomo. Kemuni na Kalou (Mighty One), solia vua na tui na nomuni lewadodonu, vakatikora vua na luvedra tagane na veitui oqo na nomuni yalododonu, 2 Me rawa vua me vakavulewa vei ira na nomuni tamata e na yalododonu kei ira na nomuni dravudravua e na vinaka. 3 Me solia mada ga na veiulunivanua kei na veidelana, vei ira na nomuni tamata, na sautu e na [yavu] ni yalododonu. 4 Me qai taqomaki ira mada ga na vakasaurarataki e na kedra maliwa na tamata, ka vueti ira era gadreva na veivuke, qai butuqaqi i ira era dau   veivakararawataki. 5 Me ra dau rerevaki kemuni mada ga, e na veigauna kece e tiko kina na matanisiga vata kei na vula e na [dela ni] veitabagauna kecekece. 6 O koya me qai vaka mada ga na uca e mimiri [tiko] e na dela ni co e se qai were oti ga, ka vaka na uca mamada e vakasuasuataka na vanua. 7 E na nona veisiga, laivi ira na yalododonu me ra serau, me qai tete raraba na sautu, me yacova ni sa qai cava vakadua na [cila ni] vula. 8 Laiva na nona matanitu me tete mada ga yani, mai na wasawasa i na wasawasa, ka vaka kina mai na Uciwai [na Iuferetisi] i na iyalayala kei vuravura. 9 Me ra cuva [vakarokoroko] mada ga vua o ira era vakaitikotiko e na veivanua dravuisiga; me ra dramica mada ga na kuvuni soso o ira na kena meca. 10 O ira na tui mai Tashisi ka vaka kina o ira mai na veibaravi era na saumi ivakacavacava vua; na tui She’va kei Se’va rau na cabora na iloloma soliwale. 11 Io, o ira kece na tui era na [sokalou] vua, na veimatanitu kecekece era na qaravi koya; 12 Baleta o koya e na vueti ira era gadreva na veivuke ni ra tagitagi (yani vua] vata kei ira na dravudravua, kei ira e sega ni dua me vukei ira. 13 O koya e na yalololoma vei ira na dravudravua kei ira era gadreva na veivuke; na nodra bula o ira era gadreva na veivuke, o koya e na vueta.14 O koya e na voli i ira lesu mai na veivakasaurarataki kei na ivalavala kaukaua; na nodra dra e na  vakamareqeti e matana. 15 Me bula balavu mada ga [na tui]! Me ra solia mada ga vua na koula mai na vanua o She’va! Me ra dau masulaki  koya mada ga e veiveigauna; io me ra [vosa] vakalougataki koya e loma ni veiveisiga. 16 Me na qai levu mada ga na witi e na loma ni vanua, vakadua sara i na dela ni veiulunivanua. Me ra qai tutubu me ra veitaratara me vaka mai Li’vanoni. Me ra buroro mada ga na tamata e na loma ni veikorolelevu me vaka na veico e loma ni vanua. 17 Me qai tudei mada ga me tawamudu na yacana; na yacana o Yinoni, me vaka na matanisiga; me ra vakalougatataki ira mada ga vakataki ira o ira na tamata mai vua, me ra kacivi koya mada ga na veimatanitu ni daumarau.

18 ¶ Me qai vakavinavinakataki o Yahuwe (YHWH) na Kalou (Mighty One), na nodra Kalou (Mighty One) na kawa Yisira'yili, o koya duadua e dau cakava na veika  veivakurabuitaki. 19 Me vakacaucautaki mada ga na yacana dokai me tawamudu; ka me roboti vuravura taucoko na nona dokai. Omaini. Omaini.20 Oqo e tini kina na masu i Dawide na luvetagane i Yishai.

Tehillim (Same) 72:1-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 191 in 5773 (Total 1920)	March 31, 2013
Reading	Hebrew Date
B’midbar (Mai Lekutu) 23-24	M #1: Nisan 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Ya 'akove kei Yisira 'yili (Ya 'akov and Yisra 'yl)

Thought: YHWH Assures That He Continues To Hold Ya’akov And Yisra’yl 

…………………

Serving For Shabbat, Nisan 19, 5773 (Chag HaMatzoh – Day Five)

MAI NA NEVI’IMI AKARONIMI FROM THE NEVI’IM ACHARONIM)

Toka vakadirorogo e mataqu kemuni mai na veibaravi!  Laivi ira na tamata me ra vakavoutaka na nodra igu! Laivi ira me ra toro voleka mai; oti qai laivi ira me ra vosa. Laiva meda soqoni vata [me yaco] na vakataulewa.  2 O cei a vakatura mai na vuaicake e dua e yalododonu, qai kacivi koya i na nona veiqaravi? O koya e mai soli i ira na veimatanitu i ligana, ka lesi i koya me lewai ira na tui; na nona seleiwau  qai cakavi ira me ra kuvu ni soso, kei na nona dakaititi me ra vaka na vunisila cacaginagina? 3 O koya e cemuri ira, qai lako yani ka sega ni vakaleqai; na gaunisala ni yavana a voleka ni sega ni butuka. 4 Na cakacaka nei cei qo? O cei a kauta mai me vakayacora?  O koya e a kacivi ira na veitabatamata sara mai liu. O au, o Yahuwe (YHWH), o au na imatai, o au, au tautauvata kei ira era imurimuri. 5 O ira na veivanua e na veibaravi, era a raica era qai taqaya. O ira mai na iyalayala kei vuravura era sautaninini. Era a toro voleka mai, ia qo era sa yaco mai. 6 O ira kece era vukei ira era cakacaka vata, o ira kece era kaya vei ira na tacidra; Yaloqaqa tiko! 7 Na matai ni kauvaro era vakayaloqaqataki ira na matai ni koula, o koya na dauvakayagovinakataka e vakayaloqaqataki koya e dau ni itukituki; o  koya e kaya vua e dausemakaukamea, Io qori e daumaka, oti qai vakota e na ivako (na kalou matakau) me tarova na kena yavala. 8 Ia o iko, i Yisira'yili, na noqu dauniveiqaravi; o iko i Ya'akove o iko au a digitaka, na kawa i Avarahama na noqu icaba. 9 Au a kauti iko mai na iyalayala kei vuravura, ka kacivi iko mai na kena ibili yawa duadua, au qai kaya vei iko, O iko o noqu dauniveiqaravi, o au, au sa digitaki iko, au sega ni ceburaki iko; 10 Kakua ni taqaya, baleta o au, au tiko vata kei iko, kakua ni yalolailai, baleta o au, au nomu Kalou (Mighty One). Au solia vei iko na kaukaua, au solia vei iko na veivuke, au tabei iko cake tiko, e na ligaqu imatau qaqa. 11 Raica, o ira kece era a levaci iko era na vakarogorogocataki, ka biu me ra madua; o ira era valuti iko era na vakarusai, me ra yaco me ra sega ni dua ni ka. 12 O na vaqarai ira, ia o na sega ni kunei ira, o ira mada ga era a dau veileti kei iko, o ira era a dau valuti iko, era sa na caka me ra sega ni dua na ka, me ra sega sara ga ni dua na ka. 13 Baleta o au, o Yahuwe (YHWH), na nomu Kalou (Mighty One), e kaya tiko yani vei iko, baleta niu tuberi iko tiko e na ligamu i matau, Kakua ni taqaya; o au, au na vukei iko.

Yeshayahu (Aisea) 41:1-13

NA IVAQA NI BULA (FOOD FOR THE SOUL)

Na nodra vakasama na yalododonu e dau donu; ia na nodra vakananavu na  na ca, e levu kina na veivakacalai. 6 ¶ Na nodra ivakasala na ca era na kauta ga mai na vakadave dra; ia na vosa mai gusudra na yalododonu e na vueti ira. 7 ¶ E na gauna ga era bale kina na ca, oya sa na kedra itinitini; ia na nona vale na dodonu e na toka dei.

Mishlei (Vosa Vakaibalebale) 12:5-7

LOMANI YAHUWE NA NOMU KALOU (LOVE YHWH YOUR MIGHTY ONE

VEI kemuni i Yahuwe (YHWH), au sa biuta tu yani na noqu inuinui; laiva meu kakua ni biuti au meu vakamaduataki. 2 E na nomuni yalododonu, vueti au; ka vukei au meu dro. Vakala mai vei au na daligamuni, qai vakabulai au. 3 O kemuni moni mai noqu vatu ni sasabai, na tikina au rawa ni dau dro kina e veiveigauna. Oni sa nakita moni na vakabulai au; baleta o kemuni oni noqu uluvatu ka noqu valecere vakabai. 4 Kemuni na noqu Kalou (Mighty One), vukei au meu dro laivi mai na nodra kaukaua na tawadodonu, mai na nodra iqumi o ira na tawadodonu kei [ira era]  dau ivakarau kaukaua. 5 Baleta o kemuni oni noqu inuinui, i Yahuwe (YHWH) na Kalou (Mighty One); o kemuni au se dau nuitaka tu mai na gauna sara au se gone kina. 6 Mai na gauna au a sucu kina, au sa dau vakanuinui tu vei kemuni, o kemuni sara ga oni a tauri au mai na katonigone i tinaqu. 7 Vei ira era le vuqa, o au, au dua na ivakaraitaki ni veivakidacalataki. Ia o kemuni oni noqu isasabai kaukaua. 8 Na gusuqu sa vakasinaiti tu e na vakavinavinaka vei kemuni, ka vakasinaiti e na nomuni lagilagi, e loma ni veiveisiga taucoko. 9 Kakua ni vakanadakui au e na gauna au sa qase cake tu kina [oqo]; ke sa leqa na noqu kaukaua, kakua ni vakanadakui au. 10 Baleta o ira na kequ meca era sa talanoataki au tiko; ia o ira era vaqara tiko na noqu bula, era sa bosebose vata tiko; 11 Era qai kaya tiko, Na Kalou (Mighty One) sa vakanadakui koya; cemuri i koya ka vesuki koya; baleta e sega ni dua e na vueti koya. 12 Kemuni na Kalou (Mighty One) kakua ni yawaki kemuni mai vei au! Kemuni na noqu Kalou (Mighty One) vakatotolo moni [mai] vukei au! 13 Me ra biu mada ga o ira era saqati au tiko me ra vakamaduataki ka vakarusai; me yaco mada ga vei ira era segata tiko me ra vakamavoataki au, me ra kovuti e na beci kei na rogo ca.

14 ¶ Ia o au, au dau vakanuinui tiko ga [vei kemuni] ka vakavinavinaka vakalevu tikoga e veigauna vei kemuni. 15 E na loma ni siga taucoko, na gusuqu e na vakaraitaka wavoki tikoga na nomuni cakacaka dodonu, kei na nomuni cakacaka ni veivakabulai, e dina ga ni kedra iwiliwili sa sega ni yacova [yani] na noqu kilaka. 16 Au na lako yani e na kaukaua i Yahuwe na Kalou (YHWH Mighty One); au na qai dau  vakananuma na nomuni yalododonu; na nomuni duaduaga. 17 Kemuni na Kalou (Mighty One), oni a dau vakatavulici au mai na gauna au se gone lailai sara kina; kau se tusanaka tikoga na nomuni cakacaka veivakurabuitaki. 18 Ia oqo niu sa qase, ka sa sikoa na drauniuluqu, kemuni na Kalou (Mighty One), ni kakua ni vakanadakui au; me yacova niu sa vakaraitaka na nomuni kaukaua kei na nomuni cecekia vei ira e na itabatamata era na tu maimuri. 19 Kei na nomuni yalododonu talega; kemuni na Kalou (Mighty One), e dau yaco i na tikina cecere sara. Kemuni na Kalou (Mighty One), oni a dau vakayacora na veika lelevu; kemuni na Kalou (Mighty One), o cei e tiko me tautauvata kei kemuni!  20 O kemuni oni cakava me ra raica e le vuqa na veileqa lelevu kei na dredre, ia oni na vakabulai au tale, ka vakaturi au mai na boto i vuravura. 21 Oni na vakalevutaka na noqu dokai; vuki mai ka vakacegui i au. 22 Ia o au, au na vakamuduotaki kemuni  niu seresere vata kei na hapi, e na vukuni nomuni yalodina, kemuni na Kalou (Mighty One). Au na lagasere ni vakavinavinaka yani vei kemuni vata kei na hapi, kemuni na Yalosavasava Ledua e Yisira'yili. 23 Na tebenigusuqu e na kaikaila e na reki; au na lagata na nomuni vakavinavinakataki, baleta o kemuni oni sa voli i au lesu. 24 E na loma ni siga taucoko na yamequ e na tukuna tikoga na nomuni yalododonu.  Baleta o ira era vaqara tiko meu vakamavoataki era na    vakamadualaki ka vakarogorogocataki.

Tehillim (Same) 71:1-24

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 190 in 5773 (Total 1919)	March 30, 2013
Reading	Hebrew Date
B’midbar (Mai Lekutu) 21-22	M #1: Nisan 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Na Noda Kalou (YHWH Our Mighty One)

Thought: The Wisdom Of Our Creator YHWH, Cannot Be Fathomed? 

…………………

Serving For Yom HaShishi, Nisan 18, 5773 (Chag HaMatzoh – Day Four)

MAI NA NEVI’IMI AKARONIMI FROM THE NEVI’IM ACHARONIM)

Na cava o vosa kudrukudru tiko kina i Ya'akove; Na cava o kaya tiko kina i Yisira'yili, Na noqu ivalavala era vunitaki tu mai vei Yahuwe (YHWH), na noqu dodonu era sega ni kauwaitaki mai vua na noqu Kalou (Mighty One)? 28 O se sega tiko ga ni kila, o se sega beka ni rogoca ni o koya na Kalou (Mighty One) tawamudu, o Yahuwe (YHWH), o koya e a bulia na iyalayala kei vuravura, ka na sega ni oti me oca se wawale? Na nona yalomatua e na sega ni vakadeuci rawa. 29 O koya e vakaukauataki ira era sa wawale; e solia na kaukaua vei ira e sa oti na nodra kaukaua. 30 O ira mada ga na itabagone era na malumalumu ka ceguoca mai, o koya mada ga e momoqaqa duadua [vei ira] e na rawa ni tacaqe ka dokoulu; 31 Ia o ira era vakanuinui vei Yahuwe (YHWH), e na vakavoutaki na nodra kaukaua; era na vakatubutubu sara e cake, me vaka era vakatabadra ni vuka me vaka na ikeli; ni ra cici tiko era na sega ni wawale, ia ni ra taubale era na sega ni ceguoca.

Yeshayahu (Aisea) 40:27-31

NA IVAQA NI BULA (FOOD FOR THE SOUL)

Na yalewa vakawati yalodina e isala vakatui vua na watina, ia o koya [na yalewa vakawati] e dau vakamadua, e na vaka tiko na vuca e loma ni nona sui.

Mishlei (Vosa Vakaibalebale) 12:4

LOMANI YAHUWE NA NOMU KALOU (LOVE YHWH YOUR MIGHTY ONE

E NA vukuna na iliuliu. Maivei Dawide. Me dua e dau vakananumi: 2(1) Kemuni na Kalou (Mighty One) vueti au! I Yahuwe (YHWH) vakatotolo vakabulai au. 3(2) Biu mada ga o ira era vaqara tiko na noqu bula, me vakarogorogocataki ka vakamaduataki. Biu mada ga o ira era marautaka ni ra vakararawataki au me ra vukici laivi ka vakasesei. 4(3) Laivi ira era dauveivakalialiai, [ni ra kaya] Atu! Atu! me ra tu vakasuka baleta na nodra madua. 5(4) Ia laivi ira kece era vaqarai kemuni me ra mamarau ka reki e na vukumuni. Laivi ira era taleitaka na nomuni veivakabulai me ra dau kaya vakawasoma, Na Kalou (Mighty One) e vakaitamera ka lagilagi! 6(5) Ia o au, au dravudravua ka gadreva na veivuke; Kemuni na Kalou (Mighty One) vakatotolo e na vukuqu. O kemuni oni noqu dauniveivukei ka noqu ivakabula; i Yahuwe (YHWH) kakua ni vakaberabera.

Tehillim (Same) 70:1-5

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 189 in 5773 (Total 1918)	March 29, 2013
Reading	Hebrew Date
B’midbar (Mai Lekutu) 19-20	M #1: Nisan 18, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Na Kalou. (YHWH Mighty One)

Thought: We Cannot Measure YHWH, By Human Standards!

…………………

Serving For Yom Chamishi, Nisan 17, 5773 (Chag HaMatzoh - Day Three)

MAI NA NEVI’IMI AKARONIMI FROM THE NEVI’IM ACHARONIM)

O Li'vanoni e sega ni rauta me kena buka; na kena manumanu  e na sega ni rauta [na kedra iwiliwili] me ra mai isorokama. 17 E matana [o koya] na veimatanitu kecekece era sega ni dua na ka. O koya e wiliki ira ni ra sega wale ni dua na ka; era wili kece vua ni ra sega ni dua na ka.

18 ¶ O cei sara mada oni na vakatautauvata kei na Kalou (Mighty One)? E na ivakatagedegede cava beka o na vakarautaki koya kina? 19 O koya beka e dua na matakau ceuceu a taya e dua na matai ni kau, qai boroya e na waikoula e dua na matai ni koula, oti me qai vakaliliga o koya e na dua na sinucodo siliva e a buliwaicala? 20 E dua na tamata e rui dravudravua me rawata e dua na isoro, e na digitaka ga e dua na tiki ni kauvaro e vucavuca dredre, qai vaqara e dua na matai me mai taya vua e dua na matakau ceuceu e na sega ni dokoulu. 21 Oni sega beka ni kila? Oni se sega beka ni rogoca? E a sega beka ni tukuni vei kemuni mai na ivakatekivu? Oni se sega beka ni kila se a vakaduri vakacava na vuravura? 22 O koya e dabe toka mai na dela ni na isole moqimoqili kei vuravura, o ira na kena ivakatawa era vaka wale na vodre e matana; o koya e dedeka na lomalagi me vaka na ilatilati, qai birika me vaka na vale laca, me vakaitikotiko kina; 23 O koya e vakalolovirataki ira na ravouvou me ra sega ni dua na ka; ka cakavi ira na dau vakavulewa kei vuravura me ra tawayaga. 24 E na lailai wale na nodra teivaki, e na lailai wale na nodra kaburaki vaka itei, e na lailai wale na nodra na vakawakana i loma ni qele, ia o koya e na uvuci ira, era na qai malai, era qai vuca, qai vukataki ira laivi na covulaca me vaka na qanisila. 25 Vei cei o na qai vakatautauvatataki au vua; se o cei e tautauvata kei au? Qori e taroga o koya na Yalo Savasava Ledua. 26 Rai cake na yaloka ni matamu i lomalagi. Raica se o cei a bulia na veika kece oqo? O koya e kauti ira mai vakaveitaravi na lewe ni nona mataivalu; e kacivi ira yadudua mai e na dui yacadra. E na ilevu ni nona dokai, kei na kaukaua ni nona lewa, e sega sara ga ni dua vei ira e yali.

Yeshayahu (Aisea) 40:16-26

NA IVAQA NI BULA (FOOD FOR THE SOUL)

Na tamata vinaka e na kunelolorna vei Yahuwe (YHWH); ia o koya e dau nakita na ca, e na vakarusai. 3 ¶ E sega ni dua e na vakataudeitaki e na ivalavala ca, ia na wakadra na yalododonu e na sega yavalati.

Mishlei (Vosa Vakaibalebale) 12:2-3

LOMANI YAHUWE NA NOMU KALOU (LOVE YHWH YOUR MIGHTY ONE

Oni kila na noqu vakalolomataki tiko kei na noqu madua kei na noqu vakarogorogocataki; e matamuni era duri kece tu na kequ meca. 21(20) Na veivakalialiai sa voroka tiko na vuniyaloqu, [ka sa yacova sara tiko ga] na kena ivakatagedegede, au sa rawa ni mate kina. Au nuitaka ni dua e na rawa ni vakaraitaka [mai] na yalololoma, ia e sega  ni dua e cakava oqori; [kau nuitaka] ni ra na tu na dau veivakacegui ia au sega ni sotava e dua. 22(21) Era biuta na poisoni e na kequ kakana; ia [me walia] na noqu karamaca, era solia vei au na viniqa meu gunuva.

23(22) ¶ Laiva na nodra teveli ni kana me yaco me  itatacaqe e matadra; ni ra toka sobu e na sautu, laiva me yaco me dua na tudai [vei ira]; 24(23) Laiva me vakabutobutotaki na matadra, me ra kakua ni rai rawa; ka  cakava na yagodra me dautatacaqe tikotiko ga. 25(24) Sovaraka vei ira na nomuni leva cecekia, laiva na nomuni cudru waqawaqa me tarai ira tikotiko ga. 26(25) Laiva na vanua era vakaitikotiko kina me lala didi; ka laiva me kakua ni dua me tiko e [loma ni] nodra valelaca, 27(26) Baleta ni ra vakasaurarataki ira tiko era sa moku oti tu, ka vakaikuritaka na nodra rarawa o ira oni a vakamavoataki ira. 28(27) Vakaikuritaka na cala i na nodra cala, kakua ni solia vei ira me ra curu i na nomuni yalododonu. 29(28) Bokoci ira laivi mai na ivola ni bula, laivi ira me ra kakua ni volai vata kei ira na yalododonu. 30(29) Ia o au, au sa vakararawataki tiko kau vutugu; kemuni na Kalou (Mighty One) laiva na nomuni kaukaua ni veivueti me tabei i au cake.

31(30) ¶ Au na vakavinavinakataka na yaca i Yahuwe (YHWH) e na dua na sere,  au na vakacerecerei koya e na vakamolimoli. 32(31) Qo e na vakamarautaki Yahuwe (YHWH) vakalevu cake mai na dua na bulumakau tagane, vata kei na kena ileu kei na yavana ququ. 33(32) O ira na rarawa era na raica, era qai marau; o iko o vaqarai Yahuwe (YHWH) tiko, laivi na vuniyalomu me vakabulai. 34(33) Baleta o Yahuwe (YHWH) e galeleti ira era gadreva na veivuke, ka sega sega sara ga ni beci ira na nona kaivesu. 35(34) Laivi lomalagi kei vuravura me vakacaucautaki koya, na wasawasa kei na veika kece e veitosoyaki tu e loma. 36(35) Baleta o Yahuwe (YHWH) e na vueti Zaiyoni, o koya e na tara cake [tale] na veikoro lelevu mai Ya'huda; 37(36) O ira na nodra kawa na nona dauniveqaravi era na taukena vakaitaukei, o ira era taleitaka na yacana era na qai vakaitikotiko kina.

Tehillim (Same) 69:20-37

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 188 in 5773 (Total 1917)	March 28, 2013
Reading	Hebrew Date
B’midbar (Mai Lekutu) 17-18	M #1: Nisan 17, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vakasama I Yahuwe (YHWH’s Intelligence)

Thought: Who Amongst Humans Gave Advice To YHWH, Do We Know?

…………………

Serving For Yom R’vi’ii, Nisan 16, 5773 (Chag HaMatzoh - Day Two)

MAI NA NEVI’IMI AKARONIMI FROM THE NEVI’IM ACHARONIM)

O iko o kauta tiko mai na itukutuku vinaka vei Zaiyoni, cabeta cake e dua na ulunivanua; o iko o kauta mai na itukutuku vinaka i Yerushalayimi, laveta cake vakaukaua na domomu! Kaya vei ira na vei korolevu ni Ya'huda, Oqo na nomuni Kalou (Mighty One)! 10 Sa lako mai oqo o Yahuwe (YHWH) na Sau (Sovereign), sa tadu tiko mai e na liga kaukaua, e na vakayagataka na  gauniligana me vakavulewa kina e na vukuna. Raica! Na nona icovi sa tiko vua, kei na nona veisausaumi sa toka e matana: 11 O koya e vaka na ivakatawa ni sipi, e vagani ira tiko na nona qele ni manumanu, ka laveti ira na nona lami e na gauniligana, qai keveti ira e   lomaserena; ka tuberi ira e na yalomalumu na tinatina ni sipi.

12 ¶ O cei sa bau vakarautaka na wai e wasawasa e na qeteqete ni ligana, se  vakarautaka na lomalagi e na dua na ivakarau [ni balavu] se vakasamataka  na ilevu ni kuvunisoso e tu e dela i vuravura se sa vakarautaka na veiulunivanua e na dua na ivakarau [ni bibi] se na veidelana e na levolo? 13 O cei sa bau vakarautaka na Yalo i Yahuwe (YHWH? O cei a sa bau nona dau ni ivakasala, me dau vakatavulici koya? 14 E a tauri ivakasala beka mai vei cei o koya, me rawata kina na yalomatua?  O cei a vakavulici koya e na iwalewale ni lewa dodonu; se vakatavulica vua na veika e dodonu me kila qai dusimaka vua na sala ni lewa matau? 15 Na veimatanitu era vaka e dua na turu e loma ni dua na vokete, era wili ni ra vaka e dua na sore ni witi e na dua na ivakarau [ni bibi].

Yeshayahu (Aisea) 40:9-15

NA IVAQA NI BULA (FOOD FOR THE SOUL)

O koya e taleitaka na kilaka e taleitaka na lewamatau; ia o koya e cata na veivakadodonutaki e druma.

Mishlei (Vosa Vakaibalebale) 12:1

LOMANI YAHUWE NA NOMU KALOU (LOVE YHWH YOUR MIGHTY ONE

E NA vukuna na iliuliu, E na ilagalaga ni Lili (Lilies). Maivei Dawide. 2(1) Vueti au, kemuni na Kalou (Mighty One)! Baleta na wai sa vakaleqa tiko na noqu bula. 3(2) Au lutudromu tiko e na loma ni veidabibi titobu, e sega na tikina me tu kina na yavaqu;  kau sa toso tiko i na wai   titobu, na dobui sa lomoci au tiko. 4(3) Au sa wawale mai na tagitagi; na noqu tilotilo sa mamaca ka vuvutu, na mataqu sa malumalumu sobu baleta niu vaqara tiko na noqu Kalou (Mighty One). 5(4) O ira era cati au e dina ga ni  sega ni dua na vuna, era lewe levu cake mai na iwiliwili ni drauniuluqu. O ira era  vakacacani au tiko era kaukaua cake vakaoti, oya o ira na kequ meca, o ira era beitaki au tiko vakailasu. Era vinakata vei au meu vakasuka na veika au a sega ni taura vakalowa. 6(5) Kemuni na Kalou, oni kila na noqu ivakarau lialia; na noqu cala e sega ni vunitaki mai vei kemuni. 7(6) Laivi ira era biuta na nodra vakanuinui vei kemuni, i Yahuwe na Kalou ni lewevuqa (YHWH, Mighty One-Tzva'ot); me ra kakua ni vakamaduataki e na vukuqu; laivi ira era vaqarai kemuni tiko, kemuni na Kalou (Mighty One) i Yisira'yili, me ra kakua ni vakacacani e na vukuqu. 8(7) E na vukumuni, au vosota na vakalialiai, na madua e kovuta na mataqu. 9(8) Au sa mai vulagi tu vei ira na taciqu, kau sa kaitani vei ira na luve i tinaqu. 10(9) Baleta na gugumatua e na nomuni vale sa tilomi au cake tiko, sa qai tau kina vei au nodra veivakacacani o ira era vakacacani kemuni tiko.11(10) Au tagitagi e na vutugu, au qai lolo, qori talega au vakaucacataki talega kina. 12(11) Au vakaisulutaki au e na isulutaga, au sa qai tini [tale] meu dua na ka beci, 13(12) Au kaseti vei ira era dabe toka e na matamata ni koro, kau qaqani ni nodra seresere na daumateni.

14(13) ¶ Ia o au, i Yahuwe (YHWH), laiva na noqu masu e vakanamata yani vei kemuni, me tau yani e na kena gauna vakadonui; e na nomuni yalololoma vakaitamera i Yahuwe (YHWH), vosa mai vei au, e na dina ni nomuni veivakabulai.15(14) Vueti au, mai na veidabibi! Kakua ni vakabiuta meu dromu! Laiva meu vueti mai vei ira era cati au, ka vaka kina mai na wai titobu. 16(15) Kakua ni vakabiuta na wai mai na waluvu me lomoci au, kakua ni vakatara na wai titobu me tilomi au, kakua talega ni laiva na qara ni toevu me sogota na gusuna mai delaqu. 17(16) Tama mai vei au, i Yahuwe (YHWH); baleta na nomuni yalololoma e vinaka; e na nomuni yalololoma vakaitamera, vuki mai vei au.18(17) Kakua ni vunitaka na matamuni mai vua na nomuni dauniveiqaravi: baleta au sa leqa tiko, vosa mai vei au vakatotolo. 19(18) Toro voleka mai vei au,  voli i au lesu; sauma na kequ ivoli, vei ira na kequ meca.

Tehillim (Same) 69:1-19

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 187 in 5773 (Total 1916)	March 27, 2013
Reading	Hebrew Date
B’midbar (Mai Lekutu) 15-16	M #1: Nisan 16, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Kalou (The Mighty One)

Thought: Ensure That You Fully Distinguish The Mighty One Our Great Creator!

…………………

Serving For Yom Shlishi, Nisan 15, 5773 (Chag HaMatzoh - Day One)

MAI NA NEVI’IMI AKARONIMI FROM THE NEVI’IM ACHARONIM)

Sa lako mai oqo o Yahuwe (YHWH) na Sau (Sovereign), sa tadu tiko mai e na liga kaukaua, e na vakayagataka na  gauniligana me vakavulewa kina e na vukuna. Raica! Na nona icovi sa tiko vua, kei na nona veisausaumi sa toka e matana:11 O koya e vaka na ivakatawa ni sipi, e vagani ira tiko na nona qele ni manumanu, ka laveti ira na nona lami e na gauniligana, qai keveti ira e   lomaserena; ka tuberi ira e na yalomalumu na tinatina ni sipi.

12 ¶ O cei sa bau vakarautaka na wai e wasawasa e na qeteqete ni ligana, se  vakarautaka na lomalagi e na dua na ivakarau [ni balavu] se vakasamataka  na ilevu ni kuvunisoso e na tu e na dela i vuravura se vakarautaka na veiulunivanua e na dua na ivakarau [ni bibi] se na veidelana e na levolo? 13 O cei sa bau vakarautaka na Yalo i Yahuwe (YHWH? O cei a sa bau nona dau ni ivakasala, me dau vakatavulici koya? 14 E a tauri ivakasala beka mai vei cei o koya, me rawata kina na yalomatua?  O cei a vakavulici koya e na iwalewale ni lewa dodonu; se vakatavulica vua na veika e dodonu me kila qai dusimaka vua na sala ni lewa matau? 15 Na veimatanitu era vaka e dua na turu e loma ni dua na vokete, era wili ni ra vaka e dua na sore ni witi e na dua na ivakarau [ni bibi]. 16 O Li'vanoni e sega ni rauta me kena buka; na kena manumanu  e na sega ni rauta [na kedra iwiliwili] me ra mai isorokama.17 E matana na veimatanitu kecekece era sega ni dua na ka. O koya e wiliki ira ni ra sega wale ni dua na ka ; era wili kece vua ni ra sega ni dua na ka.

18 ¶ O cei sara mada oni na vakatautauvata kei na Kalou (Mighty One)? E na ivakatagedegede cava beka o na vakarautaki koya kina? 19 O koya beka e dua na matakau ceuceu a taya e dua na matai ni kau, qai boroya e na waikoula e dua na matai ni koula, oti me qai vakaliligi o koya e na dua na sinucodo siliva a buliwaicala? 20 E dua na tamata e rui dravudravua me rawata e dua na isoro, e na digitaka ga e dua na tiki ni kauvaro e vucavuca dredre, qai vaqara e dua na matai me mai taya vua e dua na matakau ceuceu e na sega ni dokoulu.

Yeshayahu (Aisea) 40:1-8

NA IVAQA NI BULA (FOOD FOR THE SOUL)

O ira era vakaleqai ira na nona matavuvale e taukena na cagi; ia na lialia e na yaco me bobula vua na vuku. 30 Na vuata mai na yalododonu e dua na vunikau ni bula; ia o koya e vuku e na rawata na bula. 31 Kevaka e saumi vei ira na yalododonu me veiraurau kei na ka era rawata e vuravura, sa na qai vakalevu cake sara vei ira era vakasisila kei ira era dau valavala ca.

Mishlei (Vosa Vakaibalebale) 11:29-31

LOMANI YAHUWE NA NOMU KALOU (LOVE YHWH YOUR MIGHTY ONE

Me vakacaucautaki o Yahuwe (YHWH)! E veisiga kece o koya e colata tiko na noda icolacola, o koya e noda Kalou (Mighty One) ka noda ivakabula. Selaa. 21(20) Na Kalou (Mighty One), vei keda o koya na Kalou (Mighty One) ni veivueti; o Yahuwe (YHWH) na Sau (Sovereign), e lewa na veika kece me baleta na  mate; 22(21) Na Kalou (Mighty One), o koya e na qaqia na uludra o ira era kena meca, kei na iqavokavoka vutivutia ni uludra o ira era gumatua ga e na [vakayaco] ivalavala ca.

23(22) ¶ Kaya o Yahuwe (YHWH), Au na kauti ira lesu mai Bashana, au na kauti ira mai [na dauvakabebe] mai na botoni wasawasa; 24(23) Me rawa ni oni na savuya na yavamuni e na nodra dra, na yamedra talega na nomuni koli era na taura  na kedra iwasewase mai yavamuni. 25(24) Era raica na nomuni ilakolako, kemuni na Kalou (Mighty One), oya na nomuni ilakolako o kemuni oni noqu Kalou (Mighty One) ka noqu tui tabu. 26(25) O ira na domonisere era liu tiko mai, o ira  na daunivakatagi era toka sara mai muri, ia e loma era qai toka mai kina o ira na goneyalewa era qiria tiko mai na taborini. 27(26) Vakavinavinaka vua na Kalou (Mighty One) o kemuni kece e loma ni isoqosoqo, oya vei Yahuwe (YHWH), o kemuni oni tubu mai Yisira'yili. 28(27) E tiko o Biniyamini, na itini, mai uluna; o ira na ravouvou i Ya'huda era vakaosoto tiko mai, o ira na ravouvou ni Ze'vulunu kei na ravouvou ni Nafitalai. 29(28) Vakarota kemuni na Kalou (Mighty One) na nomuni lewa! Vakayagataka na nomuni kaukaua kemuni na Kalou (Mighty One), me vaka oni a cakava mada eliu e na vuku i keimami, 30(29) E na nomuni vale tabu mai Yerushalayimi, na vanua era na veisiko yani kina vei kemuni vata kei na nodra isolisoli vei kemuni o ira na Tui. 31(30) Vunauci ira na manumanu kila ni veigasau, na ibinibini bulumakau kila kei na loga luvedra, o ira na tamata era dau cakava me ra taleitaki e na uma siliva; laivi koya me ceburaki ira na tamata era taleitaka na veivala. 32(31) Laiva na mata mai Ijipita me lako mai;  laivi Iciopia me dodoka yani  na ligana vua na Kalou (Mighty One).

33(32) ¶ Lagasere vua na Kalou (Mighty One), o kemuni na veimatanitu kei vuravura! Lagasere ni vakamuduo vei Yahuwe (YHWH). Selaa. 34(33) Vei koya e vodo tiko e na lomalagi makawa mai liu. Vakatudaliga, ni rogo tiko na domona vakaitamera! 35(34) Vakadinadinataka ni kaukaua e nona na Kalou (Mighty One); na nona Sau e kovuti Yisira'yili kei  na nona lewa, ni tiko mai na vei lomalagi (skies). 36(35) Kemuni na Kalou (Mighty One); e wacava na nomuni dau veivakauqeti mai na nomuni tikina tabu, kemuni na Kalou (Mighty One) i Yisira'yili, oni dau solia na kaukaua kei na qaqa vei ira na  tamata. Me dau vakacaucautaki ga na Kalou (Mighty One).

Tehillim (Same) 68:19-36

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 186 in 5773 (Total 1915)	March 26, 2013
Reading	Hebrew Date
B’midbar (Mai Lekutu) 13-14	M #1: Nisan 15, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Keda Na Tamata! (We Human Beings!)

Thought: Human Beings Are Just Like Grass And Flower!

…………………

Serving For Yom Sheini, Nisan 14, 5773 (Pesach –Sunset to Night)

MAI NA NEVI’IMI AKARONIMI FROM THE NEVI’IM ACHARONIM)

Vakacegui [ira] ka vakacegui ira tiko ga na noqu tamata, e kaya na nomuni  Kalou (Mighty One). 2 Tukuna vei Yerushalayimi me yaloqaqa tiko; tukuna vua ni o koya e sa cakava oti na nona gauna ni veiqaravi, na nona caka cala sa saumi lesu oti, ni o koya sa ciqoma oti mai na liga i Yahuwe (YHWH) e vakaruataki na [itotogi] me baleta na nona ivalavala ca.

3 ¶ E dua na domo e kailavaka tiko mai; Caramaka e dua na sala e na loma ni vanua liwa me baleti Yahuwe (YHWH)! Cakava me logaloga vinaka e dua na gaunisala e na loma ni ‘Aravaa me baleta noda Kalou (Mighty One). 4 Laiva na veibucabuca kece me bulu yani, laiva na veiulunivanua kei na veidelana kece  me ra vakalolovirataki, na veivanua veiveveyaki me ra vakadodonutaki kei na vanua sukura me vakalogalogavinakataki: 5 Oti qai laiva na dokai i Yahuwe (YHWH) me vakatakilai; na tamata vakalewe kecekece era na qai raica vata kece; baleta na gusu i Yahuwe (YHWH) sa cavuta oti.  6 E dua na domo e kaya, Tusanaka! Au qai taroga,Na cava meu tusanaka? Na kawatamata taucoko era vaka ga na co, na nodra yalololoma e vaka ga na senikau ni veikau: 7 Na veico e na malai, na senikau e na mimira, ni dua na cagi mai vei Yahuwe (YHWH) e liwavi ira. E ka dina ga ni o ira na tamata era veico. 8 Na veico era na malai, na senikau era na mimira; ia na vosa ni noda Kalou (Mighty One) e na tu me tawamudu.

Yeshayahu (Aisea) 40:1-8

NA IVAQA NI BULA (FOOD FOR THE SOUL)

O koya e vakanuinui e na nona iyau e na lutu, ia na yalododonu e na bulabula vakaoti me vaka na draunikau buroro.

Mishlei (Vosa Vakaibalebale) 11:28

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu, E dua na same i Dawide, e dua na sere. 2(1) Laivi Yahuwe (YHWH) me matacake, laivi ira na kena meca me ra ceburaki [laivi]; laivi ira talega era sevaki koya me ra veidroyaki mai matana. 3(2) Cemuri ira laivi me vaka ni irivi laivi na kubou; me vaka na kadrala ni na waicala ni toka volekata na  bukawaqa [katakata], laivi ira talega na dau caka ca me ra vakarusai mai na mata ni Kalou (Mighty One). 4(3) Ia laivi ira ga na yalododonu me ra mamarau; ka reki e na mata ni Kalou (Mighty One) io, laiva me ra malaude ka mamarau. 5(4) Laga sere vua na Kalou (Mighty One) seretaka na vakamuduo e na vuku ni yacana: vakacerecerei koya e vodo  tiko e na o, e na yacana o Ya; ka  tavarekireki e matana. 6(5) Na Kalou (Mighty One), e na nona itikotiko tabu, a dua na tama vei ira na luveniyali ka nodra itataqomaki na yada. 7(6) Na Kalou (Mighty One) e vakatikori ira e na nodra vale o ira era tu taudua, ka tuberi ira na kaivesu mai, i na vutuniyau. Ia o ira era dau vakabebe era na tikoga e na veivanua mamaca ka tawayaga.

8(7) ¶ Kemuni na Kalou (Mighty One) e na gauna oni liutaki ira mai kina na nomuni tamata, e na gauna oni tayabe mai kina mai na loma ni vanua liwa, Selaa. 9(8) Na vuravura a uneune, ka tau  na uca mai lomalagi, e na mata ni Kalou (Mighty One). O Saineai mada ga a yavalati e na mata ni Kalou (Mighty One), na Kalou (Mighty One) i Yisira'yili. 10(9) Oni a vakatauca mai vakalevu na uca mamada, kemuni na Kalou (Mighty One); ia ni ra ceguoca o ira na nomuni ivotavota, oni vakaukauataki ira tale. 11(10) Na nomuni qelenimanumanu era vakaitikotiko e loma; e na nomuni yalo vinaka, kemuni na Kalou (Mighty One) oni solika kina vei ira na dravudravua. 12(11) O Yahuwe (YHWH) e tauca na lewa; o ira na yalewa, e na itukutuku talei, era mataivalu vakaitamera. 13(12) O ira na tui kei na nodra mataivalu era sa veidroyaki, ia o ira na yalewa mai vale era sa qai wasea na itoki ni ivalu. 14(13) Kevaka mada ga moni davo e na kedra maliwa na bai ni manumanu; era tu na taba ni ruve e kovuta tu vakadua na siliva kei na lawena na koula drokadroka. 15(14) E na gauna e ceburaki ira kina na tui e koya na kaukaua (Shaddai), na uca cevata vulavula e na tau mai Zalamoni.

16(15) ¶ O iko na ulunivanua vakaitamera, na Ulunivanua o Bashani! O iko na ulunivanua sukusukura, na Ulunivanua o Bashani!  17(16) O iko na ulunivanua sukusukuru, na cava oni raica kina moni diva na ulunivanua e vinakataka me nona itikotiko, me na tiko kina, na Kalou (Mighty One). Vakaidina, o Yahuwe (YHWH) e na mai tiko kina me tawamudu. 18(17) Na qiqi ni vala i  Yahuwe (YHWH) e sega ni wili rawa, e vakavicataki na udolu; o Yahuwe (YHWH) e tiko e na kedra maliwa,  me vaka mai Saineai, e na [nona] tikina tabu.19(18) Ni o sa cabe oti sara i cake, o qai kauti ira vakavesu na bobula; o ciqoma na iloloma soliwale mai vei ira na kawa tamata, io mai vei ira mada ga na vakabebe, me rawa kina vei Ya, na Kalou (Mighty One) me vakaitikotiko lai e keya.

Tehillim (Same) 68:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 185 in 5773 (Total 1914)	March 25, 2013
Reading	Hebrew Date
B’midbar (Mai Lekutu) 11-12	M #1: Nisan 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.