Thought: Do Not Emulate Rehoboam: Seek Yahweh’s Views
Serving For Yom Khah Mee Shee, 21st Sivan 5770
A qai yaco ni sa vakaduria oti na matanitu o Rehoboama ka sa vakaukauataki koya vakataki koya, ni a qai vakanadakuya na lawa i Jiova (Yahweh) o koya, kei Isireli taucoko vata kei koya. 02 A qai yaco talega e na ikalima ni yabaki nei Tui Rehoboama, o Shishaki na tui Ijipita, a qai lako mai me mai valuti Jerusalemi, baleta ni ra sa talaidredre tiko vei Jiova (Yahweh), 03 ka lako mai vata kei na tinikarua na drau na qiqinivalu, kei na onosagavulu na udolu na dauvodo ose; ka sega ni wili rawa o ira na tamata era a lako mai vata mai kei koya mai Ijipita; o ira na Lubimi, na Sukiimi kei ira na Iciopeani. 04 E a kabai ira mai na veikoro vakabai e Yahuda, qai lako sara i Jerusalemi. 05 A qai lako mai o Shemaia na parofita vei Rehoboama kei ira na turaga bale ni Yahuda era sa soqo tiko mai Jerusalemi baleti Shishake, qai kaya vei ira, Qo na veika e kaya o Jiova (Yahweh), Oni sa vakanadakui au, qori au na vakanadakui kemuni tale ga kina, i na liga i Shishaki 06 Qori era sa qai vakamalumalumutaki ira kina vakataki ira, o koya na tui kei ira na veituraga bale; era qai kaya, O Jiova (Yahweh) ga e yalododonu. 07 Ni raica o Jiova (Yahweh) ni ra sa vakamalumalumutaki ira vakataki ira, a qai rogo tale na vosa i Jiova (Yahweh) vei Shemaia ni kaya, Baleta era sa vakamalumalumutaki ira vakataki ira, au na sega ni vakarusai ira; ia au na vakatara vei eso na veivueti, ia na noqu cudru sa na sega ni sovaraki vei Jerusalemi, e na liga i Shishaki. 08 Ia veitalia qori, era na tini me ra nona dauniveiqaravi; me rawa ni ra kila na ivalavala ni veiqaravi vei au, kei na ivalavala ni veiqaravi vei ira na matanitu ni veivanua. 09 A qai lako mai o Shishaki na tui Ijipita me mai kabai Jerusalemi, qai tokitaka na iyau ni vale i Jiova (Yahweh) kei na iyau ni nona vale na tui; e a kauta na veika kece; a kauta tani talega na isasabai koula e a cakava o Solomoni.
Au sa vakadeitaki Jiova (Yahweh) me na dau toka ga e mataqu e veigauna kece; baleta ni toka o koya e na ligaqu i matau, au na sega ni yavalati rawa kina. 09 Qori e mamarau kina na yaloqu; ka reki na noqu lagilagi; na lewequ talega e na vakacegu e na inuinui.
May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.
