Thought: Against
YHWH, The King Of Ashur Was Setting Up His Downfall
………………………
Serving For
Shabbat, Nisan 5, 5773
MAI NA
NEVI’IMI AKARONIMI (FROM THE NEVI’IM ACHARONIM)
Ia
qai sauma na Ravi-Shakee, Na noqu turaga beka a talai au mai me mai vosa ga vua
na nomuni turaga vata kei kemudou? A sega beka ni talai au mai o koya meu mai
vosa sara ga vei ira era dabe toka e na dela ni lalaga, o ira, me vakataki
kemudou sara ga, era na kania na dedra ga o ira vakataki ira, ka gunuva na
nodra dui suasua? 13 Sa qai tucake o Ravi-Shakee, qai vosa vakadomoilevu e na
vosa vaka Yiviriyimi ni kaya, Ni rogoca mada na ka e kaya mai na tui levu, na
tui Ashuru. 14 Oqo na ka e kaya na tui, Kakua ni vakatarai Hizikiyahu me
vakacalai kemuni baleta o koya e na sega ni vueti kemuni rawa; 15 Kakua talega
ni vakatarai Hizikiyahu me cakava moni vakararavi vei Yahuwe (YHWH), e na nona
kaya, E na vakabulai keda vakaidina o Yahuwe (YHWH); na korolevu oqo e na sega
ni soli i ligana na tui Ashuru. 16 Ni kakua ni vakarogoci Hizikiyahu; baleta qo
na ka e kaya na tui, Mai cakava na veivakameautaki vata kei au ka soro vei au.
e na qai rawa kina vei kemuni yadua moni kana mai na nomuni dui veivaini kei na
vunilolo, ka gunu wai mai na nomuni dui tobu wai, 17 Me yacova niu sa lako mai
meu mai kauti kemuni laivi i na dua na vanua e tautauvata ga kei na nomuni
vanua, na vanua ni sila kei na waini, na
vanua ni madrai kei na veivaini. 18 Ni qaqarauni kemuni vinaka mai vei Hizikiyahu; o koya a vakaisini kemuni tikoga
ni kaya, O Yahuwe (YHWH) e na vueti keda. Sa bau dua mada na kalou (elohim) ni
dua na matanitu sa bau vueta na nona vanua mai na nona kaukaua na tui Ashuru?
19 Evei sara mada o ira na kalou (elohim) mai Hamata vata kei Arapadi? Evei
beka o ira na nodra kalou (elohim) na Si'favayimi? Era a vueti Shomorono rawa
beka mai na noqu kaukaua? 20 Evei beka na kalou (elohim) e na dua vei ira na
vanua oqo, e a vueta na nona vanua mai ligaqu; moni kaya rawa tiko kina ni o
Yahuwe (YHWH) e na rawa ni vueti Yerushalayimi mai na noqu kaukaua? 21 Era toka kece ga vakadua ka ra sega ni
sauma e na dua mada ga na vosa, baleta na tui a vakarota, Kakua ni sauma na
nona vosa. 22 Ni oti qori, o Yilaiyakimi na luvetagane i Hilikiyahu, o koya
edauniveiqaravi liu tiko e na vale levu, o Shevana na vunivola kei Yo'aka na
luvetagane i Asafa, na minisita ni veika me baleta na veivanua tani, ratou a
qai lako vei Hizikiyahu, ni sa kakabasubasu tu na nodratou isulu, me ratou lai
vakasavuya vua, na vosa kece i Ravi-Shakee.
NA IVAQA NI BULA (FOOD FOR THE SOUL)
Kevaka e sega na ivadi
vakavuku, e dua na matasotia e na vakadrukai; na qaqa e lako mai vata kei na
vuqa vakavuqa na vakananavu.
LOMANI YAHUWE NA NOMU KALOU (LOVE YHWH YOUR MIGHTY ONE
E
NA vukuna na
iliuliu. E na ilagalaga ni Kakua ni Vakarusa; Maivei Dawide; Na nona vakabauta
vuni (mikhtam) e na gauna a talai ira mai kina na tamata o Sha’ula me ra mai
yadrava na nona vale, me ra qai vakamatei koya. 2(1) Kemuni na noqu Kalou
(Mighty One), vueti au mai vei ira na kequ meca! Laveti au cake, me ra kakua ni
tarai au rawa o ira era saqatai au tiko. 3(2) Vueti au maivei ira era dau caka
ca, vakabulai au mai vei ira na tagane dauvakadavedra. 4(3) Baleta raica, era
waraka tiko na noqu bula, me ra vakamatei au. Era sa soqo vata sara ga me
laurai levu na nodra saqati au; sega baleta niu a basulawa se baleta niu a
valavala ca i Yahuwe (YHWH). 5(4) Ni sega [mada ga] ni dua na noqu cala, o ira
era se veiciciyaki ga me ra vakavakarau. Yadra cake moni vukei au, moni raica!
6(5) O kemuni, i Yahuwe na Kalou Cecere ni lewevuqa (YHWH Ylohei-Tzva'ot) na
Kalou (Mighty One) i Yisira'yili, yavavala mai moni totogitaki ira na
veimatanitu; kakua ni vakavotakae dua vei ira na dauveiliumuritaki lawaki ca
oqori. Selaa. 7(6) Era lesu mai e na yakavi, era qai veivakasosataki e na
domodra me vaka na koli, ni ra veitosoyaki wavolita na loma ni korolevu. 8(7)
Raica, na cava so e talivi tiko mai gusudra; na seleiwau e toka e tebenigusudra
[ni ra kaya vei ira vakataki ira,] E sega ga ni dua e vakarorogo tiko.
9(8)
¶ Ia o kemuni, i Yahuwe (YHWH) oni dredrevaki ira; oni vakalialiai ira na
veimatanitu. 10(9) Noqu Kaukaua, au na vakararai tiko [meu raici kemuni] baleta
o kemuni na Kalou (Mighty One) oni noqu valecere ni isasabai. 11(10) O kemuni
na Kalou (Mighty One) oni solia vei au na yalololoma, oni na lako mai vei au; o
kemuni na Kalou (Mighty One) oni na vakatara vei au meu raici ira na kequ meca,
e na qaqa. 12(11) Kakua ni vakamatei ira, de ra qai guilecava o ira na noqu
tamata; ia e na nomuni kaukaua ga, cemuri ira
me ra lako sese tu mada; ia qai
vakamalumalumutaki ira sobu; i Yahuwe (YHWH) na noqu isasabai. 13(12)
Baleta na ivalavala e cakava na gusudra, mai na vosa ni tebenigusudra. Laiva
ira me ra coko e na nodra qaciqacia e na vuku ni veirukaki kei na lasulasu era
dau cavuta. 14(13) Vakaoti i ira e na nomuni leva waromisa, vakaoti i ira,
cakava me ra oti vakadua, qai laivi ira me ra kila ni o Yahuwe (YHWH) e dau
Vakavulewa vei Ya’akove. Selaa 15(14) Era na suka mai e na yakavi bogi, era qai
veivakasosataki tiko mai me vaka na koli, ni ra veitosoyaki tiko e loma ni
korolevu. 16(15) Era na veitosoyaki e veiyasana, me ra vaqaqara kakana, era
veiyasayaki e na bogi, kevaka e sega ni
tawa vinaka na ketedra. 17(16) Ia
o au, au na seretaka na nomuni kaukaua; e na mataka lailai, au na seretaka e na domolevu na nomuni loloma.
Baleta o kemuni oni noqu isasabai, oni noqu ivunivuni niu sotava na
leqaleqa.18(17) Kemuni na noqu Kaukaua, au na lagata na noqu vakamuduo vei
kemuni, baleta na Kalou (Mighty One) e noqu
itataqomaki, na Kalou (Mighty One) e dau solia vei au na loloma.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 175 in 5773 (Total 1904)
|
March 16, 2013
|
|
Reading
|
Hebrew Date
|
|
M #1: Nisan 5, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
