Vesu Na Mataivalu Ni Arama (Capturing the Aram Army)

Thought: Also Do Good To Those You Intend To Harm You.

 ....................

Serving For Yom Chamishi, Kislev 8. 5773

MAI NA NEVI’IMI RISHONIMI (FROM THE NEVI’IM RESHONIM)

O ira na luvedra-tagane na parofita era qai kaya vei Yilai'sha, Raica mada, na vanua qo keimami vakaitikotiko kina vata kei iko, ni sa rui lailai vei keda. 2 Laiva meda lako i na Yaradani, me da lai taya mai keya, na tamata yadua, e tauyadua na tolonikau, qai laiva me keimami mai tara e dua na vanua meda lai vakaitikotiko vata kece kina.  Kaya o koya, Lako! 3 Kerea yani e dua vei ira ni kaya, Kevaka oni yalovinaka kina, lako tiko vata kei ira na nomuni dauniveiqaravi. Sauma o koya, Au na lako tiko. 4 A mani lako vata kei ira o koya. Ni ra sa yaco i na Yaradani, era sa musu kau sara. 5 Ia e dua vei ira, ni ta kau tiko, a qai vakalutuma na yameni nona imatau i loma ni wai; a mani vakamamasu o koya ni kaya, Isalei au kerei kemuni, noqu turaga (master), qori a kerea mai na nomuni dauniveiqaravi. 6 Tarogi koya na parofita nei Yahuwe (YHWH), A lutu evei? E vakatakila sara vua o koya na vanua a lutu kina. Taya o koya e dua na tolonikau, qai coka sobu kina na vanua oya, qai coba donu e na qara ni yame ni matau.  7 Kaya sara o koya, Taura cake mai. E dodoka sobu yani na ligana qai tomika cake mai.

8 ¶ E na gauna oya na Tui Arama a valuti Yisira'yili tiko kina, a qai bosea vata kei ira na nona dauniveiqaravi, ni kaya, E na vanua ka kei ka, meda na lai vuni tu kina meda waraki ira toka kina.  9 Ia na parofita ni Kalou (MightyOne) a talatala vua na tui Yisira'yili me kaya, Qarauna mo kakua ni lako sivita na vanua qo; baleta o ira na Arameani era sa vuni tu kina. 10 Na tui Yisira'yili a qai tala eso me ra lai dikeva mai na vanua a tukuna na parofita ni Kalou (Mighty One) me qaqarauni tiko kina o koya, sega walega ni vakadua se vakarua. 11 Qo a qai nuiqawaqawa sara kina vakalevu na tui Arama; a qai kacivi ira vata na nona tamata, qai taroga vei ira, Oni na sega beka ni vakatakila vei au se o cei vei keda e to tiko kei na tui Yisira'yili? 12 E dua vei ira na nona dauniveiqaravi a qai sauma ni kaya, E sega ni dua vei keda, kemuni na neimami turaga na tui; ia o Yilai'sha ga, na parofita e tiko mai Yisira'yili, e dau tukuna vua na tui Yisira'yili na veika oni dau navuca e na loma ni nomuni loqi ni moce.

13 ¶ Kaya o koya, Lako mada, moni lai kila mai se tiko e vei o koya, me rawa niu talatala vua. Qori qai dua e tukuna mai kina, Raica o koya e tiko mai Dotana. 14 Qori a qai talai ira kina na dauvodo ose kei na qiqi ni ivalu, kei na dua na mataivalu levu i keya; era qai yaco yani e na bogi oti era qai tuvaivalu wavokita na korolevu. 15 Na dauniveiqaravi ni parofita ni Kalou (Mighty One) a sou vakamataka qai curu itautuba, qai raica o koya ni sa tuvaivalu wavokiti tu na korolevu e na ose kei na qiqi ni ivalu. E lesu mai na nona dauniveiqaravi qai kaya vua, Oilei, noqu turaga! Na cava beka me daru cakava? 16 Kaya o koya vua, Kakua ni taqaya; baleta o ira era tiko vata kei kedaru era le levu cake mai vei ira era tiko kei ira. 17 O Yilai'sha a qai masu vei Yahuwe (YHWH), ni kaya, I Yahuwe (YHWH) dolava mada na matana me rawa ni rai. O Yahuwe (YHWH) a qai dolava na matana na cauravou, qai raica o koya, ni sa robota tu na ulunivanua na ose kei na qiqi ni ivalu yameyame ni bukawaqa wavokiti Yilai'sha. 18 E na gauna era sa lako sobu yani kina vua, o Yilai'sha a qai masu vei Yahuwe (YHWH) ni kaya, Samuti ira na tamata oqo me vakabuwawataki na nodra rai.  A qai samuti ira o koya, qai buwawa na nodra rai me vaka na kerekere i Yilai'sha. 19 Kaya o Yilai'sha vei ira, E sega ni o koya qo na sala; e sega talega ni o koya oqo na korolevu;  ia muri i au mai, au na qai kauti kemuni vua na tamata oni vaqara tiko. Ia qai kauti ira o koya i Shomorono. 20 E na gauna era sa yaco yani kina i Shomorono, o Yilai'sha a qai kaya, I Yahuwe (YHWH), dolava na matadra ka laivi ira me ra rai. O Yahuwe (YHWH) a qai dolava na matadra, era qai rai; era qai kila ni ra sa tu e loma i Shomorono. 21 Taroga na tui Yisira'yili vei Yilai'sha e na gauna sa raici ira kina, I tamaqu, e vakaevei meu sa vakamatei ira?  22 Kaya o koya, O iko mo kakua ni vakamatei ira; o iko beka o na vakamatei ira era sa nomu kaivesu e na nomu seleiwau kei na nomu dakaititi? Vakarautaka na madrai kei na wai e matadra, me rawa ni ra kana ka gunu oti me ra qai lesu tale vua na nodra iliuliu (master). 23 A mani vakarautaka vei ira e dua na magiti levu; era qai kana ka gunu, era qai lesu tale vua na nodra iliuliu. O ira na daukabavanua ni Arama era sa qai sega tale kina vakadua ni takosova na iyalayala ni vanua o Yisira'yili.

M’lakhim Bet (2 Tui) 6:1-23

NA IVAQA NI BULA (FOOD FOR THE SOUL)

O koya e vakalevutaka na nona iyau mai na tubu ni dinau kei na veisala tawadodonu tale eso, e na biuta tu mai, me na taukena o koya e dau lomani  ira na dravudravua. 9 O koya e sogota na daligana me kakua ni rogoca na lawa, na nona masu mada ga e na dua na ka vakasisila.10 ¶ O koya e vakavuna na yalododonu  me lako sese e na gaunisala dukadukali, e na lutu tale e loma ni qara o koya vakataki koya, ia na tamata dodonu e na taukena vakaivotavota na veika vivinaka.

Mishlei (Vosa Vakaibalebale) 28:8-10

LOMANI YAHUWE NA NOMU KALOU (LOVE YHWH YOUR MIGHTY ONE

GIMEL

Tama mai vua na nomuni dauniveiqaravi, meu rawa ni bula ka bula muria na nomuni vosa. 18 ¶ Dolava na yaloka ni mataqu, meu rawa ni raica na veika talei e na nomuni Toraa, vakamataraitaki au, meu kunea. 19 ¶ O au, au mai tiko vakavulagi vata kemuni; kakua ni vunitaka na nomuni ivakaro mai vei au. 20 ¶ Na noqu bula (soul) sa mamarau ka gadreva na nomuni lewa e veiveigauna kece sara. 21 ¶ Oni sa vunauci ira na veimatanitu, ka ra vatovato (cursed) o ira era dau lako sese mai na nomuni ivakaro. 22 ¶ Kauti au tani mai na veivakacacani kei na veivakamaduataki; baleta au sa bula muria tiko na nomuni itukutuku. 23 ¶ O ira na ravouvou era toka sobu era qai bukiveretaki au: ia au qai vakananuya na nomuni ilesilesi. 24 ¶ Au sa vakananuya talega na nomuni itukutuku, e na nomuni ivakasala vivinaka.

DALET

25 ¶ Na noqu bula sa kabi tu e na kuvu ni soso; vakabulabulataki au me vaka na nomuni vosa. 26 ¶ Au sa tusanaka oti na noqu ivalavala, oni sa rogoci au: Vakavulica vei au na nomuni lawa. 27 Cakava meu kilakasamataka na iwalewale ni nomuni ivakavuvuli, meu rawa ni vakasamataka na nomuni vei cakacaka talei. 28 ¶ Na noqu bula (soul) sa kunea na dredre e na vakasama;  vakaukauataki au me vaka na nomuni vosa. 29 Kauta tani mai vei au na nodra ivakarau tudei na vakasisila, vakavulica vei au na nomuni lawa  30 ¶ Au sa digitaka na itovo ni nomuni dina; na nomuni lewa era dau talei vei au. 31 Au sa kabita matua tiko na nomuni vosa: I Yahuwe (YHWH) kakua ni laivi au meu vakamaduataki. 32 Au sa bulamuria tiko na sala ni nomuni ivakaro, baleta oni cakava tiko meu mamarau kina vakalevu.

Tehellim (Same) 119:17-32

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 327 o/o 1787	November 22, 2012
Reading	Hebrew Date
Kohelet ( Dauvunau) 3-4	M #9: Kislev 8, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.