Thought: We Can Believe That Yahweh Is There For Us, If We Love Him
Serving For The 19th September, 2009
12 A qai tukuna vei Moadekai, na nona vosa o Esiteri.13 Oti qai kaya o Moadekai me tukuna vei Esiteri, Kakua ni nanuma ni o na dro bula baleta ni o tiko e na vale ni tui, mo sega kina ni wili vata kei ira kece na vo ni Jiu. 14 Kevaka mo galu tiko e na gauna qo, na veivuke kei na veivueti vei ira na Jiu e na tubu mai na dua tale na vanua; ia o ira na lewe ni matavuvale nei tamamu era sa na vakarusai; ia o cei e kila, de o a kacivi mo lako mai i loma ni matanitu e na vukuni ka oqo? 15 Oti sa qai kaya o Esiteri me kauta lesu vei Moadekai na nona isau ni taro, 16 Lako, lai vakasoqoni ira vata na Jiu taucoko era tiko e Shushani na vale ni tui, me ra lolo e na vukuqu, oya me ra kakua ni kana se gunu me tolu na siga, bogi kei na siga; o yau kei ira na noqu goneyalewa keimami na lolo talega vaka kina; oti au na qai lako vua na tui, e dua na ka e sega ni tara vakalawa; ia keu na vakarusai, ia au sa na rusa. 17 A qai lako yani o Moadekai, qai lai vakayacora na ka kece sara a vakarota vua o Esiteri.
07 ¶ “Kerekere e na soli vei iko; vaqaqara o na kunea; tukituki e na dola vei iko. 08 “Baleta o koya e kerekere, e na ciqoma, o koya e vaqaqara e na kunea, ia vei koya e tukituki, e na vukuna, na katuba sa na dola. 09 “Se o cei beka na tamata e tiko qo e na kemuni maliwa, ke kere madrai vua o luvena; e vakaevei e na solia beka vua na vatu? 10 “Ke kere kena ika o koya, e vakaevei o na solia beka vua e dua na gata? 11 “Ia kevaka, o iko o dau cakacala, o kila na iwalewale ni soli ka vivinaka vei ira na luvemuni, e vakacava beka na ilevu ni veika vivinaka e na solia mai o Tamada e tiko mai lomalagi, vei ira era kerekere yani Vua?
| Read The Bible in a Year (Wilika Na iVola Tabu E Na Dua na Yabaki). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 262 | September 19 | Ecclesiates 7-9 | 2 Corinthians 11:1-15 |
