Thoughts: Freedom Is The Right To Do What We Ought To Do.
Serving For The 2nd December, 2009
15 Kevaka o keda eda kawa mai vaka Jiu, ka sega ni dau valavala ca me vakataki ira na kai Veimatanitu tani,16 eda kila ni tamata e na sega ni vakadonui e na cakacakataki ni lawa, ia e na vakabauta ga e tiko vei Jisu (Yahshua) na Mesaia; oya ni da sa vakabauti Jisu (Yahshua) na Mesaia, eda na qai vakadonui e na vuku ni noda vakabauta na Mesaia, sega e na kena cakacakataki na lawa; baleta na cakacakataki ni lawa, e na sega ni vakadonui kina e dua na tamata. 17 Ia kevaka, e na gauna eda vaqara tiko kina me da vakadonui mai Vua na Mesaia, eda qai kune o keda vakataki keda ni da tamata ivalavala ca, e kena ibalebale beka oya ni itini ni ivalavala ca na Mesaia? E sega vakadua! 18 Baleta, kevaka au tara cake tale na veika au sa basuraka oti, qori au vakaraitaka tiko kina ni o au, au dau basu lawa. 19 E na yavu ni lawa, au sa vakamatei oti kina e na vuku ni lawa, meu rawa ni bula e na vuku ni Kalou (Yahweh). 20 Au sa rube oti vata kei na Mesaia; me tekivu qo sa sega ni o au, au bula tiko, ia na Mesaia ga e sa bula tiko e lomaqu; na bula au bula tu kina qo vakayago, au bulataka tiko e na noqu vakabauta na luve ni Kalou (Elohim), o Koya e a lomani au, qai soli i koya e na vukuqu. 21 Au sega ni vakatawayagataka tiko na loloma ni Kalou (Elohim); baleta ke a rawa na yalododonu mai na cakacakataki ni lawa, ia na Nona mate na Mesaia sa na tawayaga.
Baleta na lawa ni bula vakayalo e tiko vei Jisu (Yahshua) na Mesaia, sa vakavuna mo sereki mai na lawa ni ivalavala ca kei na mate.
| Read The Bible in a Year (Wilika Na iVola Tabu E Na Dua na Yabaki). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 337 | December 2 | Ezekiel 47-48 | 1 John 1 |
