Vakatikori Vakatui O Sha’ula (Sha’ul Crowned)

Thought: Leaders Have To Prove Themselves, To Be Acceptable

................... 

Serving For Yom HaShishi, Av 1, 5772 (Rosh Chodesh)

MAI NA NEVI’IMI RISHONIMI (FROM THE NEVI’IM RESHONIM)

Oti qai lako cake mai o Nakasha na 'Amoni, qai mai keba toka vakaivalu voleka i Yavesha-Qili'ade; era qai kaya o ira kece na tagane ni Yavesha vei Nakasha, Vakaduria e dua na veidinadinati vata kei keimami, keimami na qai veiqaravi vei kemuni. 2  Ia o Nakasha na 'Amoni a qai kaya vei ira, E na rawa ga niu vakaduria e dua na veidinadinati kei kemuni, e na gauna oni sa leuta laivi kece kina na yaloka ni matamuni imatau, meu rawa ni cakava moni vakasisilataki e mata i Yisira'yili taucoko. 3 Era kaya tale na matua ni Yavesha, Solia vei keimami e vitu na siga ni vakacegu, me keimami talai ira mada na dau kauitukutuku i na veiyasa i Yisira'yili; ni keimami kila se dua se sega na neimami dauniveivueti; keimami na qai lako tale maivei kemuni. 4 Era mani lako mai o ira na dau kauitukutuku i Qiva'a nei Sha'ula, era qai lai vaksavuya na itukutuku oqo vei ira na tamata; o ira kece na tamata era qai tabalaka cake na domodra, me ra tagi.

5 ¶ Ia raica, o Sha'ula a vakamuri i ira tiko mai na bulumakau mai na veiwere; oti qai kaya o Sha'ula, Na cava a yaco vei ira na tamata, era tagi tiko kina? Era mani tukuna vua na nodra vosa na tagane mai Yavesha. 6 Na Yalo ni Kalou (Mighty One) a qai sobuti Sha'ula e na gauna e rogoca kina na vosa oqori, qai tuburi koya e dua na yalokatakata levu. 7 Oti qai taura o koya e dua na isaa na okisi (ni siviyara), qai cebecebeti rau vakalalai, qai vakauta oqori i na veiyasa i Yisira'yili taucoko, e ligadra na dau kauitukutuku, me ra lai kaya, O koya ga e sega ni muri i rau o Sha'ula kei She'mu'yili, na ka oqo e na caka vei ira na nona okisi. A qai bikai ira na tamata na nodra rerevaki Yahuwe (YHWH), era qai lako mai e na yalovata me vaka era le dua ga na tamata. 8 E na gauna e wiliki ira kina o koya, mai Bezeka, o ira na luve i Yisira'yili e a tolunadrau na udolu na kedra iwiliwili, ia o ira na tagane ni Ya'huda era le tolusagavulu na udolu. 9 Era mani kaya vei ira na dau ni kauitukutuku era a lako mai Yavesha, Oqo na ka moni na lai kaya vei ira na tagane ni Yavesha vata kei Qili'ade, Nimataka, e na gauna e todra kina na katakata ni siga, oni sa na vueti. O ira na dau kauitukutuku era a lesu mai era qai vakasavuya oqori vei ira na tagane ni Yavesha; era sa qai marau. 10 Qori era qai kaya kina na tagane ni Yavesha, Nimataka keimami na ucu yani vei kemuni, moni qai cakava vei keimami na cava ga oni nanuma ni rairai donu vei kemuni. 11 A qai yaco e na siga tarava, ni a wasei ira na tamata o Sha'ula i na tolu na kabani; era qai curuma na nodra keba e na gauna ni matayadra e na mataka lailai, era qai ravuti ira na 'Amoni me yacova sara yani na gauna e dau todra kina na katakata ni matanisiga; o ira era kena vo vo era qai dui dro, ka ni sega mada ga ni kune vata ni ra se tu yarurua. 12 Oti era qai kaya na tamata vei She'mu'yili, O cei beka a kaya, E na tui vakacava rawa vei keda o Sha'ula? Kauti ira mai na tamata oqori me keimami mai vakamatei ira. 13 Kaya o Sha'ula, E na sega ni vakamatei e dua na tamata e na siga oqo; baleta e na siga oqo, o Yahuwe (YHWH) sa cakacakataka kina na veivueti e  Yisira'yili. 14 Sa qai kaya o  She'mu'yili vei ira na tamata, Lako mai, laiva meda mai lako i Qiliqali, meda lai vakataudeitaka na matanitu e keya.  15 O ira kece na tamata era qai lako i   Qiliqali; e keya era qai cakava me tui o Sha'ula e na mata i Yahuwe (YHWH), mai Qiliqali; e keya talega era qai cabora kina na isoro ni tiko veisautaki e na mata i Yahuwe (YHWH); o Sha'ula kei ira kece na tagane ni  Yisira'yili era a qai mamarau sara vakalevu mai keya.

1 Samuela (Sh’mu’yl Alef) 11:1-15

NA IVAQA NI BULA (FOOD FOR THE SOUL)

Rogoca na ivakasala ka ciqoma na ivakavuvuli, me rawa ni oni vuku e na nomuni ivalavala. 21 ¶ E levu sara na ivukivuki e tiko e na vuniyalo ni tamata; ia na ivakasala nei Yahuwe (YHWH) e na tudei tu ga.

Vosa Vakaibalebale (Mishlei) 19:20-21

LOMANI YAHUWE NA NOMU KALOU (LOVE YHWH YOUR MIGHTY ONE)

NA Mikitami maivei Dawide. Maroroi au noqu Kalou (Mighty One) baleta vei kemuni, au sa vakotora no na noqu inuinui. 2 Au sa kaya oti vei Yahuwe (YHWH), O kemuni ga na noqu Kalou (Mighty One), na noqu vinaka e lako mai vei kemuni; 3 Au a kaya talega oqori vei ira na digitaki era tiko e vuravura kei ira era daumaka vakaoti, o ira au dau taleitaki ira. 4 Na nodra rarawa na ca e na vakalevutaki vakaveitarataravi meu kakua kina ni sovara na nodra imadrali dra; se cavuta na yacadra e na tebenigusuqu. 5 O Yahuwe (YHWH) na noqu ivotavota ka noqu bilo; o koya e na vakasuka mai na kequ iwasewase vakaitaukei. 6 Na kequ iwasewase ni qele e na lutu mai vei au mai na veivanua vivinaka, io au sa marautaka vakalevu na kequ iwasewase. 7 Au na vakamolimoli vei Yahuwe (YHWH), baleta ni sa soli ivakasala mai vei au; na yavu ni noqu vakasama e tuberi au talega e na veibogi.

8 ¶ Au sa vakadeitaki Yahuwe (YHWH) me toka ga e mataqu e veigauna kece; baleta ni toka o koya e na ligaqu i matau, au na sega ni yavalati. 9 Qori e mamarau kina na yaloqu, ia na noqu dokai, na reki; na lewequ talega e na vakacegu e na inuinui. 10 Baleta ni oni a sega ni biuta tu na noqu bula mai She'ola; oni sega talega ni vakadonuya na nomuni yalododonu tabu me sotava na vuca. 11 Oni na vakatakila vei au na sala ni bula, au na qai vakasinaiti vakaidina e na marau e tu e matamuni; kei na reki ni qaqa e toka e ligamuni matau.

Same (Tehellim) 16:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 201 o/o 1661	July 20, 2012
Reading	Hebrew Date
Yechezk’yl (Isikeli) 35-36	Av 1, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.