Tarova na Leqa o Aviqayili (Avigayil Saved The Situation).

Thought: Thoughtfulness, Tactfulness and Understanding Evade Problems

Serving For Yom Chamishi, Av 21, 5772

MAI NA NEVI’IMI RISHONIMI (FROM THE NEVI’IM RESHONIM)

O Dawide a sa kaya oti, A dina sara ga ni a sega na betena na noda a yadrava tiko na ka kece e taukena na tamata qo, e na loma ni vanua liwa, a sega kina ni bau dua na ka e taukena o koya me yali; qo sa qai sauma lesu mai vei keda na (noda) vinaka e na ca. 22 O Yahuwe (YHWH) me na cakava ka vakaikuritaka vei ira kece na kena meca  na nona dauniveiqaravi o Dawide, kevaka au vakabula tale tiko,  e dua mada ga na tamata matua, mai na veika kece e taukena o koya, e na gauna e na qai kida kina na mataka nimataka. 23 E na gauna e raici Dawide kina o Avaqayili, a qai vakatotolo me sobu mai na nona asa, qai lutu sobu e matana me tara na qele, e na mata i Dawide,  24 Qai lutu i yavana, oti qai kaya, au masuti kemuni noqu turaga, laiva na leqa oqo me beitaki vei au, noqu turaga; laiva mada na nomuni marama vada me vosa e matamuni me baleta na tagane oqo o  Navala. 25 Baleta o koya e sa toka donu sara ga vua na yacana; na yacana o Navala, ia na nona ilawaki sa veiraurau vinaka sara ga kei koya; ia o au, na nomuni marama vada,  au a sega ni sota kei iratou na cauravou oni talai ratou mai, kemuni na noqu turaga.

26 O koya oqo, noqu turaga, me vaka ni bula tiko o Yahuwe (YHWH), me vaka talega ni oni bula tiko o kemuni, noqu turaga, ni da raica ni sa (na) tarovi kemuni o Yahuwe (YHWH) moni mai vakadave dra, noqu turaga, laivi ira na kemuni meca kei ira kece era vaqara me ra kauta mai vei kemuni na leqa, me ra na tautauvata kei Navala. 27 Ia na iloloma kece qo, e kauta tiko mai oqo na nomuni marama vada vei kemuni, laivi qo me soli vei ira na cauravou era muri i kemuni tiko, noqu turaga. 28 Ni vosota na noqu basika mai vakailowa, o au na nomuni marama vada; baleta o Yahuwe (YHWH) e na vakataudeitaka vakaidina na nomuni vale noqu turaga; baleta o kemuni oni valataka tiko na ivalu i Yahuwe (YHWH), ka sega ni bau kune vei kemuni na dukadukali e na nomuni veisiga kece kece sara. 29 Ia e dua na tamata sa nakita tiko me vaqara (pursue) me taura na nomuni bula; ia na bula ni noqu turaga e vauci vata tu kei na ivau ni bula e kune vei Yahuwe (YHWH) na nomuni Kalou (Mighty One); ia na nodra bula o ira na kemuni meca, o Yahuwe e na kolotaki ira laivi e na dua na irabo. 30 E na qai yaco, e na gauna sa vakayacora kina vua na noqu turaga, o Yahuwe (YHWH), na veika vivinaka sa kaya oti me baleti kemuni, moni sa lesi moni daunivakavulewa vei ira na Yavusa Yisira'yili; 31 Baleta na veika e na yaco eke e na qai sega ni lai vakaleqaleqa vei kemuni, se lai vakavuna na ivalavala ca e vuniyalomuni na noqu turaga, baleta ni oni na sega ni vakadave dra ni sega ni vuna, oni na sega talega ni taura e ligamuni moni veisausaumitaka na ca; ia e muri, e na gauna sa vakayacora kina me vinaka vei kemuni, o Yahuwe (YHWH), moni na qai bau nanuma mai na nomuni marama vada. 32 Kaya o Dawide vei Avaqayili, Me vakavinavinakataki o Yahuwe (YHWH) na Kalou (Mighty One) i Yisira'yili, o koya e a talai iko mo mai tavaki au, e na siga oqo; 33 Me vakavinavinakataki talega na nomuni ivakasala (momona), ka mo vakalougatataki mada ga o iko, ni o mai taqomaki au e na siga edai, e na noqu lako yani meu lai cala e na vakadavedra, mo qai vagalalataki au kina mai na noqu via sauma lesu, o vakataki au,  na ca a caka vei au. 34 Baleta na ka sa yaco dina qo; me vaka ni bula tiko o Yahuwe (YHWH) na Kalou (Mighty One) i Yisira'yili, o koya sa tarova qo na noqu lai vakamavoataki kemudou, baleta na nomu vuki totolo, mo mai tavaki au; baleta ke sega, ke a sega tale ni vo vei Navala e dua na tamata bula, (ni qai cadra na siga) e na mataka nimataka. 35 O Dawide a qai ciqoma mai ligana na ka kece a kauta voli mai o koya, qai kaya tale vua, Lesu e na vakacegu i na nomu vale; raica au sa rogoca na domo ni nomu vosa, kau sa vakadonuya (na nomu kerekere.

1 Samuela (Sh’mu’yl Alef) 25:21-35

NA IVAQA NI BULA (FOOD FOR THE SOUL)

Me vaka na veidrodroyaki ni wai (e na soniwai);  e vakakina na vuniyalona na tui e na liga i Yahuwe (YHWH); e na veivukiyakitaki koya, o koya, me veiraurau kei na nona gagadre. 2 ¶ Na nona ivalavala kece e dua tamata e dodonu tu e matana o koya vakataki koya; ia o Yahuwe (YHWH) e na tuvana vakavinaka na vuniyalo.

Vosa Vakaibalebale (Mishlei) 21:1-2

LOMANI YAHUWE NA NOMU KALOU (LOVE YHWH YOUR MIGHTY ONE)

E vukuna na iliuliu. E dua na Same i Davide. 2(1) Vei kemuni i Yahuwe (YHWH) au biuta na noqu inuinui; laiva meu kakua ni madua; vueti au e na nomuni yalododonu. 3(2) Vakala mai na daligamuni vei au; tama mai vei au vakusakusa: o kemuni moni Kalou (Mighty One) vei au, na dauveivukei ka vale ni tataqomaki, vakabulai au. 4(3) Baleta o kemuni oni noqu kaukaua ka noqu isasabai; e na vuku ni yacamuni, vakacegui i au ka tuberi au. 5(4) Dreti au tani mai na ilawalawa era viria vakavuni meu tacori kina, baleta o kemuni  oni noqu dau ni veitaqomaki. 6(5) I na ligamuni au solia na yaloqu; oni sa voli i au lesu, i Yahuwe (YHWH) na Kalou (Mighty One) ni dina; 7(6) Au dau cati ira era dau vakayacora na sokalou lasulasu; ia au vakanuinui ga vei kemuni i Yahuwe (YHWH). 8(7) Au na reki ga ka mamarau e na nomuni yalololoma; baleta oni sa raica na noqu yalomalumu; oni kila na noqu bula (soul) e na gauna ni noqu rarawa; 9(8) Oni sega ni bau soli i au laivi i ligadra na kequ meca; ia oni vakadeitaka ga na yavaqu e na tikina maravu;

Same (Tehellim) 31:1(0)-9(8)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 221 o/o 1681	August 9, 2012
Reading	Hebrew Date
Nachum (Neumi) 1-3	Av 21, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.