Na Veivakacegui Nei Jiova (Yahweh’s Comfort)

Thoughts: It Is Yahweh That Comforts Us, Keep Your Focus With Him.

........................................................

Serving for the 6^th November, 2009

Au tukuna tiko vei kemudou na veika oqo, me rawa ni dou na qai lai nanuma lesu mai, ni ra sa yaco, Niu a tukuna vei kemudou. Na veika oqo Au a sega ni tukuna vei kemudou mai liu, baleta niu a se tiko vata voli kei kemudou. 05 Ia qo, Au sa na lako vei Koya e a talai Au mai, ia e sega ni dua vei kemudou e tarogi Au, Oni lako tiko i vei? 06 Ia, baleta Niu tukuna vei kemudou na veika oqo, na luluvu sa yaco mai ka sa vakasinaita na vuniyalomudou.

07 ¶ Ia Au tukuna vei kemudou na dina, ni vinaka vei kemudou meu lako tani mada, baleta kevaka Au sega ni lako tani mada, na Dauniveivukei e na sega ni lako mai vei kemudou; ia kevaka au lako, au na lai vakauti koya mai vei kemudou 08 Ia ni sa lako mai o Koya, e na qai mai vaka­matatataka e vuravura na veika me baleta na ivalavala ca, na yalododonu, kei na veilewai; 09 me baleta na ivalavala ca, baleta era sega ni vakabauti Au; 10 me baleta na yalododonu, baleta niu sa vakarau lako vei Tamaqu, ia dou na sega ni raici Au tale; 11 me baleta na veilewai baleta na tui ni vuravura oqo, sa lewai tiko. 12 Meu tokoruataka, e se vo levu tu na ka Au via tukuna vei kemudou, ia dou na sega ni se ciqoma rawa e na gauna oqo. 13 Ia ni sa yaco mai na Yalo ni dina, e na qai mai tuberi kemudou i na dina taucoko; baleta e na sega ni mai vosa e na nona lewa ga o koya vakataki koya, ia na ka ga e rogoca mai, e na mai tukuna; e na qai mai vakaraitaka vei kemudou na veika sa vakarau yaco e na veigauna e se tu mai muri. 14 E na mai vakalagilagitaki Au, baleta e na mai taura na veika e Noqu, qai vakaraitaka vei kemu­dou. 15 Na ka kece e nei Tamaqu, e Noqu. Qori Au kaya kina ni na taura na ka e Noqu qai vakaraitaka vei kemudou.

Joni 16:5-15

Me vakavinavinakataki na Kalou (Elohim) na Tama ni noda Turaga o Jisu (Master Yahshua) na Mesaia; na Tama ni loloma ka Kalou ni veimataqali tiko vinaka, 04 o koya e vakacegui keda tiko e na noda veileqaleqa, me rawa vei keda meda vakacegui ira era bikai e na veimataqali leqa, e na veivakacegui sara ga sa vakacegui keda tiko kina na Kalou (Elohim).

2 Korinica 1:3-4

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
310	November 6	Jeremiah 43-45	Hebrews 2

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).