Veiliutaki Kei Na Daunilewa (Leaders and Judges).

Thought: In Judging Do Not Look At Peoples Faces, To Be Fair

......................... 

Serving For Shabbat, Nisan 8, 5772

MAI NA TORAA (FROM THE TORAH)

Au a kaya vei kemuni e na gauna oya, Au na sega ni colati kemuni tiko o au ga vakataki au. 10 O Yahuwe (YHWH) na nomuni Kalou (Mighty One) sa vakalevutaki kemuni; raica, e na siga edai, o kemuni oni sa tautauvata kei na kalokalo ni lomalagi na kemuni i wiliwili.11 (Me qai vakalevutaka tale vakaudolu na kemuni ilevu, mai na kemuni iwiliwili nikua o Yahuwe (YHWH), na nodra Kalou (Mighty One) na tamamuni, ka vakalougatataki (barakh) kemuni me vaka a yalataka vei kemuni). 12 E na rawa vakacava vei au meu colata duadua na nomuni veibeitaki, na nomuni icolacola bibi, kei na nomuni sasaga? 13 Lesia mai na kemuni maliwa na tamata vuku e tu vei ira na yalomatua ka kilai levu, e na loma ni nomuni veimataqali, au na qai lesi i ira me ra nomuni turaga.14 Oni qai sauma moni kaya mai vei au, Na veika oni vakamacalataka tiko, e vinaka vei keimami me keimami cakava. 15 Au sa mani tauri ira na turaga ni nomuni veimataqali, na turaga vuku ka kilai, au qai lesi i ira me ra turaga vei kemuni, me ra komada ni yaudolu, kavetani ni yadrau, ka iliuliu ni  yalimasagavulu, ni yatini kei na turaga lalai eso e na nomuni veitokatoka.  16 Au a vakaroti ira na nomuni daunilewa e na gauna oya, niu kaya, Ni rogoca na ile ni nodra veileti o ira na wekamuni, moni qai dau veivakatulewataki vakadodonu e na kedrau maliwa e dua na tamata kei na tacina, kei ira na vulagi era tu yasa tu vata kei koya. 17 Moni kakua ni veitovaki vei ira na tamata e na nomuni vakataulewa; ia moni rogoci ira era sega ni rogo, vakatautauvata kei ira era rogo levu, moni kakua ni taqaya baleta na mata ni tamata; baleta na lewa e tauca mai na Kalou (Mighty One); ia na ile e dre dre vei kemuni, moni kauta mai vei au, au na qai mai rogoca. 18 Au a vakaroti kemuni oti e na gauna oya, na veika kecega moni dau cakava,

Na iVakarua (D’varim) 1:9-18

NA IVAQA NI BULA (FOOD FOR THE SOUL)

Na tamata e na vakacaucautaki me veiraurau kei na nona vuku; ia o koya e lailai vua na yalomatua e na dau sevaki. 9 ¶ E vinaka cake na tamata dravudravua e dau qaravi koya vakataki koya, mai vei koya e dau dokadoka, ia e lailai tu na kena madrai.

Vosa Vakaibalebale (Mishlei) 12:8-9

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Sholomo. Solia vua na tui na nomuni lewa kemuni na Kalou (Mighty One) kei na nomuni yalododonu vua na luve ni tui tagane. 2 Me rawa vua me vakatulewa vei ira na nomuni tamata e na yalododonu kei ira na nomuni dravudravua e na vinaka. 3 Na vei ulunivanua era na kauta mai na sautu vei ira na nomuni tamata, kei na veidelana na nomuni yalododonu. 4 O koya e na vakataulewa vei ira era dravudravua e na kedra maliwa na tamata; ka vueti ira na luvedra o ira gadreva na veivuke. O koya e na tabaki ira sobu era dau veivakararawataki. 5 Era na rerevaki kemuni e na veigauna kece e tiko kina na siga kei na vula, e na veitabagauna taucoko. 6 O koya e na mimira mai me vaka na uca e na dela ni veico wereci; me vaka na uca mamada e vakasuasuataka na qele. 7 E na nona veisiga era na serau na yalododonu, ka na levu na sautu, ia me tudei tiko ga na vula. 8 E na vakataulewa mai na wasawasa i na wasawasa, ka vaka kina mai na na uciwai iyalayala kei vuravura. 9 O ira era vakaitikotiko e na yanuyanu era na cuva vua, o ira na kena meca era na dramica na kuvunisoso. 10 O ira na tui mai Tasisi ka vaka kina o ira mai na veiyanuyanu, era na kauta mai na iloloma. Na tui mai She’va kei Se’va rau na mai cabora na iloloma soliwale 11 Io, o ira kece na tui era na sokalou vua, na veimatanitu kecekece era na qaravi koya; 12 Baleta na vueti era gadreva na veivuke mai vei ira na vakaitamera; kei na dravudravua talega e sega ni dua me vukei koya. 13 E na taqomaki ira na dravudravua kei ira era gadreva na veivuke, ka vakabula na nodra bula (soul) o ira era gadreva na veivuke. 14 E na vueta na nodra bula (soul) mai na veivakacalai kei na ivalavala kaukaua; e na vakamareqeti na nodra dra e matana. 15 O koya e na bula, ia vei koya e na soli na koula mai She’va. Na masumasu talega e na cabori vua e veiveigauna, ka na vakavinavinakataki o koya e veiveisiga. 16 E na vakatubu iwiliwili me vaka na witi e dela i vuravura; na sorena e na tutubu e na dela ni veiulunivanua, me vaka mai Li’vanoni; o ira e na vei korolelevu era na tubu vinaka me vaka na co ni vanua. 17 Na yacana e na  tudei me tawamudu; na yacana e na tikotikoga me vaka na matanisiga; na tamata era na kalougata e na vukuna; na veimatanitu kecekece era na vakatokai koya ni kalougata.

18 ¶ Me vakavinavinakataki o Yahuwe (YHWH) na Kalou (Mighty One) na nodra Kalou (Mighty One) na kawa Isira’yili, o koya duadua e dau cakava na ka veivakurabuitaki. 19 Me vakavinavinakataki na yacana dokai ka me sega ni mudu; laiva me vakasinaiti o vuravura e na nona dokai. Omaine, Omaine.

Same (Tehellim) 72:1-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 090 o/o 1550	March 31, 2012
Reading	Hebrew Date
Shof’tim (Dauniveilewai) 3-5	Nisan 8, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Era Wase Talega O ira Na Yalewa (Women Have A Share)

Thought: As Far As Possible, Land Is Kept Within The Tribes

 ...................

Serving For Yom Hashishi, Nisan 7, 5772

MAI NA TORAA (FROM THE TORAH)

OTI, o ira na tama e na veimatavuvale  i Qili'ade, na luvetagane i Makahi, na luvetagane i Ma'nashe, na luvetagane i Yosefa, era qai toro voleka me ra vosa e na mata i Moshe, na mata i Yilai'eza na kohena, e na matadra na nodra ravouvou na isoqosoqo, o ira na turaga bale, kei na tamadra na luve i Yisira'yili; 2 Era kaya, O Yahuwe (YHWH) a vakarota vei ira na noda iliuliu me ra vakawirimadigitaka na vanua era na dui taukena vakaivotavota o ira na luve i  Yisira’yili; o ira na noda iliuliu era a qai vakaroti mai vei Yahuwe (YHWH) me ra solia na kena iwasewase o Zi'lofa'kada vei ira na luvena yalewa. 3 Kevaka eratou mani vakawati vei ira na luvedra tagane e dua tale na mataqali e na nodra yavusa na luve i Yisira'yili, e kena ibalebale oya ni sa na tokitaki na ivotavota kei tamadra me sa lai wili me kedra ivotavota na mataqali era vakawati kina; oya me sa kau laivi mai na keda ivotavota. 4 Ni yaco mai na nodra yabaki ni Yovili na luve i Yisira'yili, na kedra ivotavota sa na tokitaki vakadua me sa wili me kedra ivotavota na mataqali era a vakawati kina; oya sa na kau laivi na kedra ivotavota, mai na kedra ivotavota na neimami qase.

5 ¶ Vakamatatataka  vei ira na Yisira'yili o Moshe, me vaka a tukuna o Yahuwe (YHWH) ni kaya, E donu vinaka na ka era kaya na lewe ni mataqali i Yosefa, 6 Oqori na ka a vakarota o Yahuwe (YHWH) me baleti ratou na luveyalewa i Zi'lofa'kada, ni a kaya, Laivi ratou me ratou vakawati ga kei ira eratou nanuma ni vinaka; ia me ratou vakawati tikoga e loma ni mataqali i tamadratou, 7 Qori me kakua kina ni dua na nodra ivotavota  na luve i  Yisira'yili e tokitaki mai na dua na mataqali i na dua tale na mataqali; baleta o ira kece na luve i Yisira'yili yadua, me ra tatakube tiko ga e na kedra ivotavota na mataqali i tamadra.  8 Na luveyalewa yadua, era taura tiko vakaitaukei eso na ivotavota ni vanua ni nodra mataqali e na loma ni yavusa i Yisira'yili, me ra vakawati ga e na loma ni mataqali i tamadra, me rawa kina vei ira na luve i Yisira'yili, me ra dau taukena tiko ga na kedra ivotavota na nodra qase. 9 Qori e na sega kina ni veikauyaki na ivotavota mai na dua na mataqali i na dua tale na mataqali; ia o ira kece e na veimataqali i Yisira'yili me ra toka dei e na nodra dui ivotavota. 10 Me vaka sara ga a vakarota o Yahuwe (YHWH) vei Moshe, eratou a cakava vakakina o ratou na luveyalewa i Zi'lofa'kada. 11 Baleta o ratou o Makala, o Tiriza, o Hoqola, o Milika kei No'a, na luveyalewa i Zi'lofa'kada e ratou a vakamau ga vei ira na luvedra tagane na taci i tamadratou. 12 Eratou a vakawati e na nodra veimatavuvale na luvè i Ma'nashe na luve i Yosefa; na nodratou ivotavota e a toka dei ga e na loma ni mataqali nei tamadratou. 13 Oqo na ivakaro kei na lewa, a vakarota o Yahuwe (YHWH) vei ira na Yisira'yili e na liga i Moshe, e na veibucabuca mai Mo'ave, e na bati ni Yaradani, voleka i Yeriko.

Mai Lekutu (B’midbar) 36:1-13

NA IVAQA NI BULA (FOOD FOR THE SOUL)

Na nodra vakasama na yalododonu e dau donu; ia na nodra ivakasala na  vakasisila e veivakacalai. 6 ¶ Na nodra ivakasala na vakasisila e na waraka ga na vakadavei ni dra; ia na gusudra na yalododonu e na vueti ira.7 ¶ O ira na vakasisila era na vuaviritaki, era qai sega ni kune; ia na vale ni yalododonu e na tiko dei.

Vosa Vakaibalebale (Mishlei) 12:5-7

LOMANI YAHUWE NA NOMU KALOU (LOVE YHWH YOUR MIGHTY ONE)

Vei kemuni i Yahuwe (YHWH), au biuta tu na noqu inuinui; laiva meu kakua ni vakacalai. 2 Vakabulai au e na nomuni yalododonu ka vueti au; vakala mai vei au na daligamuni qai vakabulai au. 3 O kemuni moni mai noqu vatu ni sasabai, na tikina au rawa ni dau dro kina e veiveigauna; oni sa solia vei au na ivakaro me vakabulai au; baleta o kemuni oni noqu uluvatu ka noqu valecere vakabai. 4 Vakabulai au, kemuni na Kalou (Mighty One), mai ligadra na tamata tawadodonu dau veivakalolomataki. 5 Baleta o kemuni oni noqu inuinui, i Yahuwe (YHWH); o kemuni au se dau vakararavi tu vei kemuni mai na gauna au se gone sara kina, kemuni na Kalou (Mighty One) 6 Mai na kato ni gone au sa dau vakanuinui tu vei kemuni, o kemuni oni noqu inuinui mai na gauna au se tiko kina e na loma ni yago i tinaqu; au na vakamuduo tikoga e na vukumuni. 7 Au vaka na ka veivakidacalataki vei ira na lewevuqa; ia o kemuni oni noqu isasabai kaukaua. 8 Laiva na gusuqu me vakasinaiti e na vakavinavinaka kei na nomuni lagilagi e loma ni siga taucoko. 9 Kakua ni vakanadakui au e na gauna ni yabaki bibi; kakua ni vakanadakui au e na gauna e sega kina na noqu kaukaua. 10 Baleta o ira na kequ meca era sa vosavakacacataki au; kei ira era waraka tiko na noqu bula, era sa bosebose vata; 11 Me ra bosea tiko, Na Kalou (Mighty One) sa vakanadakui koya; cemuria ka vesuki koya; baleta ni sega ni dua me vakabulai koya.12 Kemuni na Kalou (Mighty One) ni kakua ni yawa mai vei au; kemuni na Kalou (Mighty One) cakava vakatotolo moni vukei au. 13 Laivi ira mera madua ka vakarogocalaki ira era didivaka na noqu bula (soul). Laiva me kovuti ira na madua o ira era vaqara tiko meu mavoa.

14 ¶ Ia au na masu vakawasoma, kau na vakavinavinaka vakalevu cake tiko ga vakawasoma vei kemuni.15 Na gusuqu, e na vakaraitaka wavoki na nomuni yalododonu, kei nomuni veivakabulai e na loma ni siga taucoko, au sega ni kila na kena iwiliwili; 16 Au na lako yani e na kaukaua i Yahuwe (YHWH); au na talanoataka na nomuni yalododonu, io, na nomuni duadua ga. 17 Kemuni na Kalou (Mighty One) oni a dau vakatavulici au mai na gauna au se gone lailai kina; meu rawa ni na mai tusanaka na nomuni cakacaka  veivakurabuitaki. 18 Ia oqo niu sa yacova na yabaki bibi, kei na uluqu ni sa sikoa, kemuni na Kalou (Mighty One) kakua ni vakanadakui au; me yacova niu sa vakaraitaka na nomuni kaukaua kei na nomuni cecekia vei ira e na itabatamata era na tu maimuri. 19 Kei na nomuni yalododonu talega, kemuni na Kalou (Mighty One) sa yaco i na tikina cecere sara; oni sa cakava oti na veika lelevu; kemuni na Kalou (Mighty One), o cei e vakataki kemuni! 20 O kemuni oni sa vakatakila oti vei keimami na leqaleqa rarawa ka mosimosi, oni na vakabulai au tale, oni na qai vakaturi i au mai na butoni vuravura. 21 Oni sa vakalevutaka na noqu vakaitamera, oni qai lesu mai moni mai veivakacegui. 22 Au na vakamuduotaki kemuni  e na same, kau na seretaka na nomuni dina, kemuni na Kalou (Mighty One); vei kemuni au na lagasere vata kei na hapi, vei kemuni na Yalosavasava ledua e  Isira’yili. 23 Na tebenigusuqu e na mamarau vakalevu niu lagasere vei kemuni, niu seresere vei kemuni, ka vaka kina na noqu bula (soul) oni sa volia lesu. 24 Na yamequ talega, e na tukuna tikoga na nomuni yalododonu e na lomaloma ni veisiga taucoko; baleta era sa  veilecayaki, ka ra sa vakamaduataki o ira era vaqara tiko na noqu vakamavoataki.

Same (Tehellim) 71:1-24

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 089 o/o 1549	March 30, 2012
Reading	Hebrew Date
Shof’tim (Dauniveilewai) 1-2	Nisan 7, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veiliutaki O Joshua (Leadership Of Y’hoshua).

Thought: Filling Moshe’s Shoes Was A Huge Task, But Y’hoshua Did It Well

 ......................

Serving For Yom Chamishi, Nisan 6, 5772

MAI NA TORAA (FROM THE TORAH)

Kaya o Yahuwe (YHWH) vei Moshe, Cabe cake i na tokaitua ni nodra ulunivanua na ‘Avarimi, mo lai raica mai kina na vanua au sa solia oti vei ira na Yisira'yili: 13 Ni o sa raica oti, o iko talega o sa na soqoni yani vata kei ira na nomu tamata, me vaka a sa yaco oti vei Aharoni na tuakamu. 14 Baleta drau a talaidredre i na noqu ivakaro, mai na vanua liwa o Zini, e na gauna era a vakavu veileti kina na lewe ni isoqosoqo, ia drau a qai sega ni vakarokorokotaki au e matadra; oya a yaco mai na Waivure o Me'rivaa, mai Kadesha e na vanua liwa o Zini.

15 ¶ Vosa o Moshe vei Yahuwe (YHWH) ni kaya, 16 Laivi Yahuwe (YHWH) na Kalou Tawayalani (Ominipotent Mighty One) ni bula kecekece, me lesia e dua na tamata me liutaki ira na lewe ni isoqosoqo. 17 O koya me lako mai me mai liutaki ira, o koya  me na mai tauri ira vata me kauti ira vata tiko, ka me na nodra iliuliu; kakua ni laivi ira na isoqosoqo i Yahuwe(YHWH) me ra vaka na sipi e sega ni dua e vakatawani ira. 18 Kaya o Yahuwe (YHWH) vei Moshe, Tauri Yo'hoshua na luve i Nani, e dua vei ira na tamata e tiko vua na yalo, qai tabaki koya e na ligamu; 19 Vakaroti koya me duri e na mata i Yilai'eza na kohena, ka vaka kina e na matadra na lewe ni isoqosoqo taucoko; qai laivi ira me ra raici iko, e matadra, ni o sa lesi i koya tiko me nodra iliuliu. 20 O iko mo qai tikica ka solia vua eso na nomu dokai, me rawa kina ni ra na dau talairawarawa vua o ira na lewe ni isoqosoqo na luvei Yisira'yili. 21 O koya me na qai duri e na mata i  Yilai'eza na kohena, me dusimaka, vakaraitayaloyalotaka ka vakamacalataka e na vukuna na lewa ni Urimi (dina) e na mata i Yahuwe (YHWH); e na nona vosa era na lako yani se curu mai, ruarua o koya kei ira kece na luve i Yisira'yili; o ira na lewe ni isoqosoqo taucoko. 22 O Moshe a qai vakayacora na veika a vakarota vua o Yahuwe (YHWH); ni a tauri Yo'hoshua, qai vakaroti koya me duri e na mata i Yilai'eza na kohena, ka vaka kina e matadra na isoqosoqo taucoko; 23 E vakotora na ligana e uluna, qai solia vua na lewa, me vaka a vakaroti koya kina o Yahuwe (YHWH) e na liga i Moshe.

Mai Lekutu (B’midbar) 27:12-23

NA IVAQA NI BULA (FOOD FOR THE SOUL)

Na yalewa vakawati yalodina e isala vakatui (crown) vua na watina; ia e dua na yalewa vakawati dau valavala ca e na vakacacani watina me vaka na ulo kei na yavato.

Vosa Vakaibalebale (Mishlei) 12:4

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu. Maivei Dawide. Vakanananu lesu. 2(1) Cakava vakatotolo kemuni na Kalou (Mighty One) moni vueti au, cakava vakatotolo moni vakabulai au i Yahuwe (YHWH). 3(2) Laiva me ra madua ka veilecayaki o ira era vaqara tiko na noqu bula (soul); laivi ira me ra vukuci lesu vakanadaku ka biuti ira me ra veiseseyaki o ira era gadreva me ra vakamavoataki au. 4(3) Laiva me ra veilecayaki e na veitarataravi ni nodra vakamadualaki, o ira era kaya tiko vei au, Atu, atu. 5(4) Laivi ira era vaqarai kemuni me ra mamarau ka reki e na vukumuni; laivi ira era dau taleitaka na nomuni veivakabulai me ra kaya vakawasoma, Laiva na Kalou (Mighty One) me vakalevulevui. 6(5) Ia o au, au dravudravua ka gadreva na veivueti; cakava vakatotolo vei au kemuni na Kalou (Mighty One); o kemuni na noqu dauniveivukei, ka noqu ivakabula; i Yahuwe (YHWH) kakua ni vakaberabera.

Same (Tehellim) 70:1(0)-6(5)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 088 o/o 1548	March 29, 2012
Reading	Hebrew Date
Joshua (Y’hoshua) 23-24	Nisan 6, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakamatea E Rua O Pinikasa (Pinchas Killed Two)

Thought: Pinchas Acted Fast To Save Isra’yl From YHWH’s Wrath

................... 

Serving For Yom R’vi’i, Nisan 5, 5772

MAI NA TORAA (FROM THE TORAH)

ERA a tiko voli ga mai Sitimi o ira na Yisira'yili, era qai tekivu vakayacora na ivalavala vakasaqamua vata kei ira na luvedra yalewa na Mo'ave, o ira na tamata. 2 O ira na (goneyalewa) era dau sureti ira na tamata i na nodra soqo ni vakacabo isoro vei ira na nodra kalou (elohim); ia o ira na tamata era qai lai kana ka sokalou vei ira na nodra kalou (elohim) na goneyalewa. 3 O Yisira'yili sa tekivu me kabiti Ba'ala-Pe’oro; ia qori a qai caudre kina na nona levaci ira na Yisira'yili o Yahuwe (YHWH).  4 Kaya o Yahuwe (YHWH) vei Moshe, Kauti ira vata mai na nodra turaga bale na tamata, qai vakaroti ira me ra vakatulewataki ira (era sokaloutaki matakau tiko) e na ruku ni matanisiga (e matadra na le vuqa),  me na vuki tani kina na leva cecekia i Yahuwe (YHWH) mai vei ira na luve i Yisira'yili. 5 Kaya o Moshe vei ira na mataveilewai i Yisira'yili, O kemuni moni vakamatei ira kece na nomuni tamata era sa kabi tiko qo vei Ba'ala Pe'oro.

6 ¶ Ia raica, e dua vei ira na tagane mai vei ira na luve i Yisira'yili, e a lako mai vei ira na wekana, qai lai veiyacovi kei na dua na yalewa ni Midiyani, ni rai tu o Moshe vata kei ira na lewe ni isoqosoqo taucoko ni Yisira'yili, e na gauna era tagitagi tiko kina e na mata ni katuba levu ni valetabu. 7 E na gauna e raica kina qori o Pinikasa na luvetagane i Yilai'eza, na luvetagane i Aharoni na kohena, a qai tucake mai na kedra maliwa na lewe ni isoqosoqo, taura cake e dua na moto e ligana; 8 Qai muri i koya na tagane ni Yisira'yili i loma ni loqi, e na nona vale laca, qai lai coka basikati rau vata na tagane ni Yisira'yili kei na yalewa, e na ketena. Qori qai muduka vakadua kina na matelevu sa veitauvi tiko vei ira na luve i Yisira'yili. 9 O ira era a mate e na matelevu qo, era le ruasagavulukava na udolu. 10 Oti qai vosa o Yahuwe (YHWH) vei Moshe, ni kaya, 11 O Pinikasa, na luvetagane i Yilai'eza, na luvetagane i Aharoni na kohena, sa vagolea tani na noqu cudru mai vei ira na Yisira'yili, baleta na nona a toso totolo e na yalo e gumatua e na kedra maliwa, qori au sega kina ni tilomi ira e na noqu leva cecekia, e na kedra maliwa na luve i Yisira'yili. 12 Qori au kaya kina, Raica au na solia vua na noqu veiyalayalati ni tiko veisaututaki (shalom). 13 E na tiko vua vata kei ira na luvena era na muri i koya mai, na veiyalayalati ni dua na cakacaka vaka kohena  me  tawamudu; baleta ni a gumatua o koya e na vuku ni nona Kalou (Mighty One),  qai cabora e dua na isoro e na vukudra  na luve i Yisira'yili.  14 Na yacana na tamata ni Yisira'yili rau a vakamatei kei na yalewa ni Midiyani, o Zimiri, na luvetagane i Salu, na nodra iliuliu na mataqali Shimi'oni. 15 Ia na yaca ni yalewa ni Midiyani a vakamatei o Kosibi, na luveyalewa i  Zuri; e dua na turaga bale vei ira na tamata e na vale nei tamana mai  Midiyani.

Mai Lekutu (B’midbar) 25:1-15

NA IVAQA NI BULA (FOOD FOR THE SOUL)

Na tamata vinaka e na kuneloloma vei Yahuwe (YHWH); ia na vakasisila era na vakarusai. 3 ¶ E sega ni dua na tamata e na vakataudeitaki e na ivalavala ca: ia na wakadra na yalododonu e na bulabula.

Vosa Vakaibalebale (Mishlei) 12:2-3

LOMANI YAHUWE NA NOMU KALOU (LOVE YHWH YOUR MIGHTY ONE)

Oni kila na noqu vakalolomataki tiko kei na noqu madua, kei na noqu a vakabulai e na vukudra na kequ meca kei na noqu vakarogocataki; ni sa tete e na kedra maliwa na kequ meca kece. 21(20) O kemuni, moni vakabula na utoqu kavoro ka vadretitaka, Au vaqara eso me ra lomani au, au qai sega ni kunea e dua. 22(21) Era solia vei au na kaudraudrau wiwi me kequ kakana; ia niu viagunu era qai solia vei au na viniqa meu gunuva.

23(22) ¶ Laiva na nodra teveli me yaco me  itatacaqe e matadra, oya e dua na ka e dodonu me kedra icovi, laiva me dua na tudai. 24(23) Laiva me vakabutobutotaki na matadra me ra kakua ni rai; ia cakava na dakudra me sa dau kalove tu ga. 25(24) Sovaraka vei ira na nomuni leva cecekia, ka laiva na nomuni cudru waqawaqa me tarai ira tu. 26(25) Laiva na nodra itikotiko me lala didi; ka laiva me kakua ni dua me tiko e nodra valelaca. 27(26) O koya oni sa mokuta, era sa beitaki koya; ka ra sa kuria na nona rarawa o koya e mavoa. 28(27) Vakaikuritaka na itotogi ni ivalavala ca i na kedra itotogi, me ra qai kakua ni curu i na nomuni yalododonu. 29(28) Laivi ira me ra boko laivi mai na nomuni ivola ni bula, me ra kakua ni volai vata tu kei ira na yalododonu. 30(29) Ia o au, au dravudravua ka sinai e na vutugu; laiva na nomuni veivueti me vukei au, kemuni na Kalou (Mighty One):

31(30) ¶ Au na vakavinavinakataka na yaca i Yahuwe (YHWH) e na lagalagasere, au na vakalevulevui koya e na vakamolimoli. 32(31) Qo e na vakamarautaki Yahuwe (YHWH) ka na vinaka vaka levu cake mai na okisi, bulumakau-adru e vaka ileu ka vakayava ququ. 33(32) O ira na yalomalumu era na raica oqo, era na qai marau; na utomu e na bula o iko o vaqarai Yahuwe (YHWH). 34(33) Baleta o Yahuwe (YHWH) e rogoci ira na dravudravua ka sega ni beci ira na nona kaivesu. 35(34) Laivi lomalagi kei vuravura me vakacaucautaki koya, na wasawasa kei na veika kece e veitosoyaki tu e loma. 36(35) Baleta o Yahuwe (YHWH) e na vueti Saiyoni ka na tara cake na veikoro lelevu mai Ya'huda;  37(36) O ira na nona dauniveqaravi era bula tiko e loma, ka taukena talega vakaivotavota; o ira era lomana na yacana era na mai vakaitikotiko kina.

Same (Tehellim) 69:20(19)-37(36)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 087 o/o 1547	March 27, 2012
Reading	Hebrew Date
Joshua (Y’hoshua) 21-22	Nisan 4, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sasaga nei Balaka kei Bi’lami (Balak And Bil’am Attempts)

Thought: Nothing Can Be Achieved, If YHWH Does Not Do It!

................. 

Serving For Shlishi, Nisan 4, 5772

MAI NA TORAA (FROM THE TORAH)

KAYA o Bi'lami vei Balaka, Tara vei au eke e vitu na icabocabo ni soro, qai vakarautaka vei au e vitu na okisi kei na vitu na sipitagane. 2 A cakava o Balaka me vaka e vakarota vua o Bi'lami; Rau qai cabora, o Balaka kei Bi'lami, e na icabocabo ni soro yadua, e dua na bulumakau tagane kei na dua na sipitagane. 3 Kaya o Bi'lami vei Balaka, Duri tu eke e na yasa ni nomu isorokama, meu lako mada o au; de dua e na mai tavaki au o Yahuwe (YHWH); na ka ga e vakatakila vei au o koya, au na mai tukuna vei iko. Oti sa qai biubiu vakanomodi mai keya o koya. 4 Na Kalou (Mighty One) a qai mai tavaki Bi'lami, qai kaya vua o koya (Bi'lami), Au sa vakarautaka oti tu e vitu na icabocabo ni soro, kau sa cabora tu e na icabocabo ni soro yadua e dua na bulumakau tagane kei na dua na sipitagane. 5 O Yahuwe (YHWH) a qai biuta e dua na vosa e na gusu i Bi'lami, oti qai kaya vua, Lesu vei Balaka, ia na vosa qo mo na kaya. 6 Lesu o koya vei Balaka; ia raica, ni o koya e se duri tu ga e na yasa ni nona isorokama; o koya vata kei ira kece na ravouvou ni Mo'ave.  7 Sa qai tusanaka na nona itukutuku o Bi'lami ni kaya, O Balaka na nodra tui na Mo'ave, a lai kauti au mai Arama, mai na veiulunivanua mai na vuaicake, ni kaya, Mai, mai vatonaki Ya'akove mada e na vukuqu. 8 Ia e rawa vakacava vei au meu vatonaki koya e sega ni vatovatotaka  na Kalou (Mighty One)? E rawa vakacava meu vakarusai koya e na sega ni vakarusa o Yahuwe (YHWH)?  9 Mai na dela ni ulunivanua oqo, au raici ira (na kawa tamata oqo), kau irovi ira mai na vanua cere oqo; qo e dua na kawa tamata era toka ga vakataki ira e na vakacegu, era sega ni wiliki ira vata kei na vo ni veimatanitu. 10 O cei e rawa ni wilika na kedra iwiliwili na luve i Ya'akove kei na kedra iwiliwili e dua na ikava kei Yisira'yili? Laiva meu mate me vaka na nodra mate na yalododonu, ka laiva na kequ itinitini me vaka na nodra (itinitini). 11 Kaya o Balaka vei Bi'lami, Na cava o sa cakava qo vei au? Au a kacivi iko mo mai vatonaki ira na kequ meca, ia raica o iko o sa vosa vakalougatataki ira tale. 12 Sauma o Bi'lami vua ni kaya, Raica, na ka ga e biuta i gusuqu o Yahuwe (YHWH), na ka oqori au na kaya.

Mai Lekutu (B’midbar) 23:1-12

NA IVAQA NI BULA (FOOD FOR THE SOUL)

O koya e taleitaka na lewa matau e taleitaka na kilaka; ia o koya e cata na veivakadodonutaki e druma.

Vosa Vakaibalebale (Mishlei) 12:1

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu, E na ilagalaga ni Lili (Lilies). Maivei Dawide.  2(1) Vueti au, kemuni na Kalou; baleta na wai sa toso mai me mai lomoci au. 3(2) Au lutudromu e na veidabibi titobu, e sega na kena yavu, au sa tu e na wai titobu, na dobui sa lomoci au tiko. 4(3) Au sa oca e na tagitagi: sa mamaca ka vuvutu mai na noqu i tilotilo: na mataqu sa malumalumu niu vaqara tiko na noqu Kalou (Mighty One). 5(4) O ira era cati au ni sega ni dua na vuna, era lewe levu cake mai na ilevu ni drauniuluqu. O ira era via vakacacani au, oya o ira era mai kequ meca era kaukaua ka vakavakaitamera; qai vinakati vei au meu vakasuka na veika, au a sega ni taura vakalowa. 6(5) Kemuni na Kalou, oni kila na noqu ivakarau lialia; na noqu ivalavala ca e sega ni vunitaki mai vei au. 7(6) Kakua ni laivi ira era vakararavi vei kemuni me ra madua wale e na vukuqu,  i Yahuwe na Kalou ni lewevuqa (YHWH Mighty One Tzva’ot); kakua ni laiva ira era vaqarai kemuni tiko me ra vakaucacataki me baleti au, kemuni na Kalou (Mighty One) i Isira’yili. 8(7) Baleta e na vukumuni, au colata tiko kina na vosa ni veivakacacataki; na madua sa kovuta tu na mataqu. 9(8) Au vulagi vei ira, vei ira na taciqu, ka kaitani vei ira na luve i tinaqu. 10(9) Na gugumatua e na nomuni vale sa vakayaloqaqataki au; na nodra veivakacacani o ira era vakacacani kemuni sa tau vei au. 11(10) Niu vakayalomalumalutaki au, ka vakararawataka na yaloqu e na lolo, qori au qai vakaucacataki kina. 12(11) Au cakava na isulutaga me noqu isulu tudei, au qai tini meu dua na ivosavosa vakaibalebale vei ira. 13(12) O ira era dabe toka e na matamata era talanoataki au; au sa qaqani ni nodra seresere na daumateni.

14(13) ¶ Ia o au, na noqu masumasu e vakanamata yani vei kemuni, i Yahuwe (YHWH) e na kena gauna vakadonui; o kemuni i Yahuwe (YHWH), e na vakaitamera ni nomuni loloma, vosa mai vei au, e na vakaitamera ni nomuni veivakabulai: 15(14) Vueti au, mai na veidabibi, laiva meu kakua ni dromu, laiva meu vueti mai vei ira era cati au, ka vaka kina mai na wai titobu. 16(15) Kakua ni biuta na wai mai na waluvu me lomoci au, kakua ni vakatara na wai titobu me tilomi au, kakua talega ni laiva na qara ni toevu me sogota na gusuna vei au. 17(16) Vosa mai vei au, i Yahuwe (YHWH); baleta na nomuni yalololoma e vinaka; vuki mai vei au e na vakaitamera ni nomuni yalololoma:  18(17) Kakua ni vunitaka na matamuni mai vua na nomuni dauniveiqaravi: baleta au sa leqa tiko, vosa mai vei au vakatotolo. 19(18) Toro voleka mai i na vuniyaloqu ka vakabulai au; vueti au mai vei ira na kequ meca.

Same (Tehellim) 69:1(0)-19(18)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 086 o/o 1546	March 27, 2012
Reading	Hebrew Date
Joshua (Y’hoshua) 19-20	Nisan 4, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Balaka kei Bi‘lami (Balak and Bil‘am)

Thought: For Protection, We Cannot Do Anything That YHWH Does Not Allow

 .....................

Serving For Sheini, Nisan 3, 5772

MAI NA TORAA (FROM THE TORAH)

Era qai toso tale na luve i Yisira'yili, era qai lai keba e na vanua bucabuca mai Mo'ave, oya e na tai kadua ni Yaradani donui Yeriko. 2 O Balaka na luve i Zipora, a dikeva matua tu na veika era a cakava mai na luve I Yisira'yili vei ira na Emori.  3 E a curumi ira na Mo'avi e dua na domobula vakaitamera e na vukudra na tamata, baleta ni ra lewe vuqa; era qai nuiqawaqawataka o ira na Mo'avi, baleta ni ra sa yaco yani na luve i Yisira'yili. 4 Era kaya o ira mai Mo'avi vei ira na matua ni Midiyani, O ira na kawa tamata qo era na dramica vakadua na veika era tu wavolivoliti ira, me vakataki ira na okisi era dau dramica vakadua na co ni veibuca. O Balaka, na luve i Zipora, e a tui Mo'ave tiko e na gauna oya. 5 A mani tala o koya eso na nona mata vakavanua vei Bi'lami na luve i Be'oro o koya e dau vakadewataka na tadra, ka vakaitikotiko voleka e na uciwai ni nodra vanua na luve i Amoni, me lai kacivi mai, ni kaya, Raica, era sa lako mai e dua na kawatamata mai Ijipita; raica, qo era sa robota mai na dela ni vanua, ka ra sa mai vakacokotaki tiko voleka sara vei au. 6 Lako mada mai, mo mai vatonaki ira  na kawatamata qo e na vukuqu; baleta o ira qo era sa rui kaukaua vakalevu cake sara vei au; de dua au na qai rawaa eso vei ira, meu vakarusai ira mai na dela ni vanua; baleta au kila ni o ira o vakaloutagataki ira era dau kalougata kei ira o vatonaki ira era dau tini vatovatotaki. 7 O ira na qase ni Mo'avi kei na qase ni Midiyani, o ira qo era sa buta vinaka tu e na cakaisausau, era qai lako vei Bi'lami, era qai lai vakasavuya vua na vosa e kaya mai o Balaka.  8 Kaya vei ira o koya, Dou moce mada eke e na bogi nikua; ni sa vosa oti vei au o Yahuwe (YHWH) au na qai rawa ni tukuna vei kemuni na isau ni nomuni kerekere. Era mani vakaicili tiko vei Bi'lami o ira na ravouvou ni Mo'ave. 9 Vosa na Kalou (Mighty One) vei Bi'lami ni kaya, O cei so na tamata era tiko qo vata kei iko?  10 Kaya o Bi'lami, vua na Kalou (Mighty One), o Balaka na luve i Zipora, na tui Mo'ave, e talatala mai vei au, ni kaya, 11 Raica, eso na tamata era lako mai Ijipita, era sa robota mai na dela ni vanua; lako mada mai, mo mai vatonaki ira e na vukuqu; deu na qai rawa kina ni valuti ira ka vakarusai ira. 12 Kaya na Kalou (Mighty One) vei Bi'lami, O iko mo kakua ni lako vata kei ira; o iko mo kakua ni vatonaki ira na tamata qo; baleta o ira era sa vakalougatataki oti tu. 13 Tu o Bi'lami e na mataka kadua qai kaya vei ira na ravouvou nei Balaka, Ni lesu i na nomuni vanua, baleta o Yahuwe (YHWH) e sega ni vakadonuya meu lako vata kei kemuni. 14 Era mani cavutu tale o ira na ravouvou ni Mo'ave, me ra lesu vei Balaka, era qai kaya vua, O Bi'lami e sega ni via lako mai vata kei keimami.

Mai Lekutu (B’midbar) 22:1-14

NA IVAQA NI BULA (FOOD FOR THE SOUL)

O koya e tara na nona vale e na lawaki ca, e na biuta tu mai vei ira na nona kawa na rarawa; ia o koya e sega ni vakarautaka na nona matavuvale e na tiko sautu, e vota na cagi vei ira na luvena; ia na lialia e na veiqaravi vei ira na vuku. 30 Na vuata e rawata na yalododonu e dua na vunikau ni bula; ia na nodra bula (soul) na vakasisila e na cemuri laivi. 31 Ke dredre na nodra bula na yalododonu, e na qai vakacava na kena dredre vakalevu cake na nodra o ira era vakasisila kei ira dau valavala ca.

Vosa Vakaibalebale (Mishlei) 11:29-31

LOMANI YAHUWE NA NOMU KALOU (LOVE YHWH YOUR MIGHTY ONE)

Me vakacaucautaki o Yahuwe (YHWH) baleta sa digitaki keda meda nona iwasewase; oya o koya e noda Kalou (Mighty One) ka ivakabula: (Sela) 21(20) O koya e noda Kalou (Yl Mighty One), e Kalou (Mighty One) ni veivakabulai, o Yahuwe (YHWH) na Sau (Sovereign), o koya e tu vua na lewa ni bula kei na mate; 22(21) Ia na Kalou (Mighty One), e na gutuva na uludra o ira era kena meca, kei na iqavokavoka vutivutia ni uludra o ira era gumatua ga e na ivalavala ca.

23(22) ¶ Kaya o Yahuwe (YHWH), Au na vueti ira na noqu tamata mai na veibaba, au na kauti ira mai na noqu tamata, mai na butoni wasawasa. 24(23) Me rawa ni toni na yavamuni e na nodra dra na meca, na yamedra na nomuni koli e na vakakina. 25(24) Era sa raica na nomuni ilakolako, kemuni na Kalou (Mighty One), oya na nomuni ilakolako o Kemuni oni noqu Kalou (Mighty One) ka noqu tui tabu. 26(25) Na ravouvou era lako e liu, o ira na daulagasere era muria tarava; e na kedra maliwa o ira na goneyalewa era qiria tiko na tibareli. 27(26) Vakavinavinaka vua na Kalou (Mighty One) e na loma ni isoqosoqo, oya vei Yahuwe (YHWH), o kemuni oni tubu mai vei Isira’yili. 28(27) E tiko o Biniyamini kei ira na nodra dau ni vakavulewa, o ira na ravouvou i Ya’huda kei ira na nodra kovana,  na ravouvou i Ze’vulunu kei na ravouvou i Nafitalai. 29(28) Vakarota kemuni na Kalou (Mighty One) na nomuni lewa; vakaukauataka na ka oni a cakava e na vuku i keimami. 30(29) Mai na nomuni vale tabu mai Yerushalayimi, o ira na tui era na kauta yani na isolisoli vei kemuni. 31(30) Vunauci ira na manumanu ni veidabibi, na ibinibini bulumakau kila, na nodra matakau na veimatanitu, era sa vakalou tiko e na siliva; cemuri ira na tamata era taleitaka na veivaluvaluti. 32(31) O ira na mata era na lako mai Ijipita; O Iciopia e na dodoka vakasauri na ligana vua na Kalou (Mighty One).

33(32) ¶ Lagasere vei Yahuwe (YHWH), o kemuni na veimatanitu kei vuravura; laga sere ni vakamuduo vei Yahuwe (YHWH). (Sela) 34(33) Vei koya e vodo tu e na dela ni lomalagi, mai na vuaicake e vakarogoya mai kina na domona, Raica, sa tabalaka na domona, io, e dua na domo vakaitamera. 35(34) Vakacaucautaka na kaukaua mai vua na Kalou (Mighty One); na nona sau e kovuti Isirayili kei na nona lewa ni tiko mai lomalagi. 36(35) Kemuni na Kalou (Mighty One); oni dau dokai mai na nomuni itikotiko tabu; na Kalou (Mighty One) i Isira’yili, o koya e solia na kaukaua kei na qaqa vei ira na nona tamata. Me vakacaucautaki tu ga na Kalou (Mighty One).

Same (Tehellim) 68:20(19)-36(35)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 085 o/o 1545	March 26, 2012
Reading	Hebrew Date
Joshua (Y’hoshua) 16-18	Nisan 3, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Mate Mai Hori O Aharoni (Aharon Died at Hor).

Thought: Aharon Missed the Promised Land Because of Disrespect

 ................

Serving For Rishon, Nisan 2, 5772

MAI NA TORAA (FROM THE TORAH)

Ia e kaya ga o Idomi, O kemuni moni kakua ni takoso. A qai siro mai o Idomi me mai saqati ira, vata kei na dua na ilala tamata levu me mai vakaraitaka na nona raravisa. 21 Qori a vakaraitaka kina o Idomi na nona sega ni solia vei ira na luve i   Yisira'yili me ra takosova na loma ni nona vanua; sa mani gole tani mai vua o Yisira'yili, 22 Era mani toso na luve i  Yisira'yili, oya o ira na lewe ni isoqosoqo taucoko, mai Kadesha vakadodonu i na ulunivanua o Hori. 23 Vosa o Yahuwe (YHWH) vei Moshe kei Aharoni e na ulunivanua o Hori, e na iyalayala ni vanua kei Idomi, ni kaya, 24 O Aharoni, sa na toki yani vei ira na nona tamata, baleta o koya e na sega ni curu i na vanua au sa solia oqo vei ira na luve i Yisira'yili, baleta drau a talaidredre i na noqu vosa mai na waivure mai Me'rivaa, e na nomudrau a sega ni vakalagilagitaki au vei ira, e na mata ni wai. 25 Kauti Aharoni kei Yilai'eza na luvena, mo kauti rau cake mai i na ulunivanua o Hori; 26 Luvata laivi mai vei Aharoni na nona isulu, qai daramaka vei Yilai'eza na luvena tagane; sa na qai toki yani vei ira na nona tamata o Aharoni, o koya a qai mate mai keya. 27 O Moshe a qai vakayacora na ka a vakarota vua o Yahuwe (YHWH): ni ratou a cabeta na ulunivanua o Hori, ni ra rai tu o ira na lewe ni isoqosoqo taucoko. 28 E luvata na isulu mai vei Aharoni o Moshe, qai vakasulumi i Yilai'eza kina na luvena tagane; o Aharoni a qai mate e keya, e na dela ni ulunivanua o  Hori; rau sa qai siro sobu mai na ulunivanua o Moshe kei Yilai'eza. 29 Ni ra raica o ira na lewe ni isoqosoqo taucoko ni sa mate o Aharoni, era qai lolositaki Aharoni tiko me tolusagavulu na siga, o ira kece na lewe ni yavusa Yisira'yili.

Mai Lekutu (B’midbar) 20:20-29

NA IVAQA NI BULA (FOOD FOR THE SOUL)

O koya e vakararavi i na nona iyau e na bale: ia na yalododonu e na bulabula vakaoti me vaka na draunikau drokadroka.

Vosa Vakaibalebale (Mishlei) 11:28

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu, E dua na Same i Dawide, e dua na sere. 2(1) Laivi Yahuwe (YHWH) me matacake, laivi ira na kena meca me ra ceburaki, laivi ira talega era sevaki koya me ra veidroyaki mai matana. 3(2) Me vaka ni cagina laivi na kubou, laivi ira tale ga me ra yali vakadua; me vaka ni waicala na kadrala e na bukawaqa, o ira talega na dau caka ca me ra vakarusai mai na mata ni Kalou (Mighty One). 4(3) Ia laivi ira ga na yalododonu me ra mamarau; laivi ira me ra yaloqaqa e na mata ni Kalou (Mighty One) io, laiva me ra mamarau e na nona reki. 5(4) Laga sere vua na Kalou (Mighty One) seretaka na vakamuduo e na vuku ni yacana: ka mo tavarekireki e matana. 6(5) E dua na tamadra na luveniyali, e daunilewa vei ira na yada, o koya na Kalou (Mighty One), e na nona itikotiko tabu. 7(6) Na Kalou (Mighty One) e vakatikori ira na lalai yadudua me ra tiko e na veimatavuvale, e ka ni marau vua me  sereki ira era vesu tu e na sinucodo; ia o ira na dau talatalai dredre era vakaitikotiko e na veivanua dausiga.

8(7) ¶ Kemuni na Kalou (Mighty One) ni oni lako yani vata kei ira na nomuni tamata; ni oni tayabe e na maliwa ni veivanua dravuisiga, 9(8) Na vuravura e yavavala, na lomalagi talega e tu vakalolovira, e na mata ni Kalou (Mighty One), O Saineai mada ga e toso e na mata ni Kalou (Mighty One), na Kalou (Mighty One) i Isira’yili. 10(9) O kemuni, kemuni ni Kalou, oni a vakatauca mai na uca e vakaitamera, moni vakataudeitaka kina na nomuni ivotavota, ni walakakai tu. 11(10) Na nomuni ibulibuli bula era dau vakaitikotiko e loma, kemuni na Kalou (Mighty One) oni vakarautaka mai na nomuni vinaka vei ira na dravudravua. 12(11) O Yahuwe (YHWH) e na solia mai na itukutuku talei e na kaukaua vakaitamera.13(12) Oti o ira na tui na mataivalu era na qai vakadrukai; o ira na matavuvale ni Kalou (Mighty One) era na qai wasea na itoki ni valu. 14(13) E dina ga ni oni moce e na kedra maliwa na kauvakavotona, ia oni taqomaki me vaka na taba ni ruve e kovuta tu na siliva, kei na lawena e na koula dromodromoa. 15(14) O Yahuwe (YHWH) ni lesia e dua na tui mai Saiyoni, e a qai vulavula me vaka na uca cevata,

16(15) ¶ E delai Salimoni, na nona ulunivanua na Kalou (Mighty One) kei na dela ni veiulunivanua mai Bashana kei na kena veitokaitua 17(16) Na cava oni vinakata kemuni na veiulunivanua mai Bashana? Oqo na veitokaitua e gadreva na Kalou (Mighty One) me mai vakaitikotiko kina; io o Yahuwe (YHWH) e na mai tiko kina me tawamudu. 18(17) O Yahuwe (YHWH) e dau vodo vata kei ira na mala’aka dauveiqaravi; o Yahuwe (YHWH) e na tiko e na kedra maliwa me vaka mai Saineai, e na nona tikina tabu.

Same (Tehellim) 68:1(0)-18(17)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 084 o/o 1544	March 25, 2012
Reading	Hebrew Date
Joshua (Y’hoshua) 14-15	Nisan 2, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.