Thought: Yahweh Saves Us When We Turn To Him In Our Human Misery.
Serving For
E na vuku ni ka oqo, o Jiova (Yahweh) a qai kauti ira mai na iliuliu ni mataivalu nei tui Asiria, era a vesuki Manasa bula mai, era qai vauci koya e na sinucodo, ka usani koya i Beibiloni. 12 Ia e na dela ni nona vutugu, a qai masu e mata i Jiova (Yahweh) na nona Kalou (Elohim), qai vakarokoroko vakalevu sara vei Jiova (Yahweh) na nodra Kalou (ElohIm) na nona qase. 13 Ni sa masu e na mata i Jiova (Yahweh) a qai rogoca na domona ka rogoca na nona masu o Koya, qai kauti koya lesu mai i Jerusalemi i loma ni nona matanitu. Qori sa qai kila kina o Manasa, ni o Jiova (Yahweh) e Kalou (Elohim). 14 Ni oti oqo, sa qai tara e dua na lalagabai e na taudaku ni koro i Tevita, e na yasana vaka i na vuaira ni waidrodro o Qihoni mai na matamata ni ika, me sa viribaiti Jerusalemi taucoko e na bai oqo, a qai tara cake talega me cecere sara vakaoti; oti qai lesi i ira na iliuliu ni mataivalu me ra vakatikori e na veikoro vakabai kece e Jiutia 15 Oti sa qai kauti ira tani na kalou tani kei na matakau mai na vale i Jiova (Yahweh) vata kei na icabocabo ni soro kece a tara o koya, e na ulunivanua ni vale i Jiova (Yahweh) vata kei Jerusalemi, ka kolotaki ira laivi mai na veikorolevu.
| Read The Bible in a Year (Wilika Na iVola Tabu E Na Dua na Yabaki). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 197. | July 16 | Psalms 19-21 | Acts 19:21-41 |
